ᒨᓯᓯ ᐱᖓᔪᖏᑦ 5:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐋᑦᓯᔪᒃᓴᐅᕗᕐᓗ ᑐᓂᕐᕈᓯᕐᑎᑦᓯᔨᒧᑦ ᑐᓂᕐᕈᑎᒃᓴᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᓰᐲᑦ ᐊᖑᓴᓪᓗᖓᓂᒃ ᐊᑭᖃᓪᓗᐊᕐᓗᓂᓗ ᐊᑭᒋᔭᕆᐊᖃᕐᑕᖓᓂᒃ. ᑍᒤᓕᐅᕐᐸᑦ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕈᑎᓂᐊᕐᐹ ᑕᒻᒪᕐᓯᒪᓂᖓ ᖃᐅᔨᖏᒃᑲᓗᐊᕐᓗᓂ ᐱᓂᐊᓚᐅᕐᑕᖓ ᐱᓪᓗᒍ ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ.

ᒨᓯᓯ ᐱᖓᔪᖏᑦ 5:18 Iomraidhean Croise

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 1:4

ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ.

ᒨᓯᓯ ᐱᖓᔪᖏᑦ 14:12

ᑐᓂᕐᕈᓯᕐᑎᑦᓯᔨᐅᑉ ᓰᐱᐅ ᓄᕐᕋᖓ ᐊᖑᑎᐅᑉ ᐱᖃᑖ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᐱᑦᔪᑎᒋᓪᓗᒍ, ᐅᕐᓱᖅ ᐊᑕᐅᓯᕐᒥᒃ ᓇᑉᐸᕐᒥᒡᓗ ᐅᖁᒤᓐᓂᓕᒃ ᐱᖃᓯᐅᑎᓗᒍ; ᑖᒃᑯᐊ ᐊᐅᓪᓚᕐᑎᓪᓗᒋᑦ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 4:20

ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ.

ᒨᓯᓯ ᐱᖓᔪᖏᑦ 5:17

“ᐃᓄᐃᓪᓕ ᓇᓪᓕᐊᑦ ᐊᔪᕐᑐᓕᒃᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ, ᐃᓄᒃ ᓇᖕᒥᓂᖅ ᖃᐅᔨᖏᒃᑲᓗᐊᕐᓗᓂ ᑕᕝᕙ ᐸᓯᔭᒃᓴᐅᕗᖅ ᓱᒋᐊᒐᒃᓴᐅᓪᓗᓂᓗ, ᐱᓕᕆᔭᕆᐊᖃᕐᓗᓂᓗ ᐱᖁᔭᖅ ᒪᓕᒡᓗᒍ.

ᒨᓯᓯ ᐱᖓᔪᖏᑦ 5:19

ᑐᓂᕐᕈᓯᕐᓂᖅ ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᐃᓄᒃ ᑍᒫᒃ ᐱᔪᖅ ᐸᓯᔭᒃᓴᐅᖕᒪᑦ ᓈᒻᒪᖏᑦᑐᓕᓂᕆᓚᐅᕐᑕᒥᓄᑦ ᐊᑕᓂᕐᒧᑦ.”

ᒨᓯᓯ ᓯᑕᒪᖏᑦ 15:24

ᑕᕝᕙ ᐃᒤᒃᑲᔭᕐᐳᖅ, ᒪᓕᒃᑕᐅᖏᑉᐸᑕ ᐱᔮᕆᖏᑦᑐᒧᑦ, ᐃᓅᖃᑎᒌᒡᔪᐊᑦ ᖃᐅᔨᑎᓐᓇᒋᑦ, ᐃᓅᖃᑎᒌᒡᔪᐊᑦ ᑐᓂᕐᕈᓯᕋᔭᕐᐳᑦ ᐃᒻᒧᒃᓯᐅᒐᕐᒥᒃ ᐊᖑᓴᓪᓗᕐᒥᒃ ᐃᑯᐊᓚᑎᑕᒃᓴᒥᒃ, ᐊᑕᓂᕐᒧᑦ ᑎᐱᑦᓯᐊᕆᒃᑐᒥᒃ, ᓂᐊᖂᔭᒃᓴᒥᒃ ᐃᓚᖃᕐᓗᒍ, ᐃᒥᒃᓴᒥᒡᓗ ᑐᓂᕐᕈᑎᒃᓴᒥᒃ, ᑐᓂᕐᕈᑎᒃᓴᐅᑉ ᒪᓕᒐᖓ ᒪᓕᒡᓗᒍ, ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ.