ᒨᓯᓯ ᐱᖓᔪᖏᑦ 5:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᒃ ᑖᓐᓇ ᐊᑭᓖᒋᐊᖃᕐᐳᖅ ᐱᔭᕆᐊᖃᓚᐅᕐᑕᒥᓂᒃ ᐱᓐᖏᓮᓐᓇᕐᓂᑯᒥᓂᒃ ᐃᑦᔪᕐᓁᑎᑕᐅᔪᑦ ᓇᓛᓄᑦ, ᓱᓕᓗ ᐊᑭᓖᒃᑲᓐᓂᕐᓗᓂ 20ᐳᓴᒥᒃ ᐊᑭᓕᕆᐊᖃᕐᑕᒥ ᐅᖓᑖᓄᑦ ᑐᓂᕐᕈᓯᕐᑎᒧᑦ ᑐᓂᓗᒋᑦ. ᑖᑦᓱᒪ ᑐᓂᕐᕈᓯᕈᑎᓂᐊᕐᐹ ᓰᐱᐅᑉ ᐊᖑᓴᓪᓗᖓᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ.

ᒨᓯᓯ ᐱᖓᔪᖏᑦ 5:16 Iomraidhean Croise

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᒨᓯᓯ ᐂᑉᐸᖏᑦ 22:1

“ᐃᓄᒃ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᓰᐱᒥᒡᓘᓐᓃᑦ ᑎᒡᓕᒃᐸᑦ, ᑎᒡᓕᒑᓂᓗ ᑐᖁᑉᐸᒍ ᐅᕝᕙᓗ ᓂᐅᕐᕈᑎᒋᒃᐸᒍ, ᑕᕝᕙ ᐊᑭᓖᔭᕆᐊᖃᕋᔭᕐᐳᖅ ᐊᖑᓴᓪᓗᕐᓂᒃ ᑕᓪᓕᒪᓂᒃ ᐊᖑᓴᓪᓗᕐᒧᑦ ᐊᑕᐅᓯᕐᒧᑦ, ᓰᐱᓂᒡᓗ ᓯᑕᒪᓂᒃ ᓰᐱᒧᑦ ᐊᑕᐅᓯᕐᒧᑦ. ᑎᒡᓕᒑᕕᓂᕐᒥᓂᒃ ᐊᑭᓖᔭᕆᐊᖃᕐᐳᖅ; ᐊᑭᓕᐅᑎᒃᓴᖃᖏᑉᐸᓪᓕ, ᑕᕝᕙ ᓂᐅᕐᕈᑎᒋᔭᐅᒐᔭᕐᐳᖅ ᓯᐊᓛᕐᑕᕆᔭᐅᓗᓂ ᑎᒡᓕᖕᓂᕕᓂᕐᒥᓄᑦ.

ᒨᓯᓯ ᐱᖓᔪᖏᑦ 22:14

“ᓇᓪᓕᐊᑦᓕ ᓂᕆᔪᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ ᐱᔮᕆᖏᓪᓗᓂ, ᐅᑎᕐᑎᑦᓯᔪᒃᓴᐅᕗᖅ ᑐᓂᕐᕈᓯᕐᑎᑦᓯᔨᒧᑦ ᐊᑭᓪᓗᐊᖓᓂᒃ ᐃᓚᓗᒍᓗ 20ᐳᓴᖓᓂᒃ.

ᒨᓯᓯ ᐱᖓᔪᖏᑦ 27:13

ᓂᕐᔪᑎᐅᑉ ᐃᓄᐊ ᐅᑎᕐᑎᑦᓯᔪᒪᒃᐸᑦ ᑖᑦᓱᒥᖓ, ᐊᑭᓖᔭᕆᐊᖃᕐᐳᖅ ᐊᑭᖓᑕ 20ᐳᓴᖓᓂᒃ.

ᒨᓯᓯ ᐱᖓᔪᖏᑦ 27:15

ᓇᓪᓕᐊᓪᓕ ᐃᒡᓗᒥᓂᒃ ᑐᓂᕐᕈᑎᖃᓚᐅᕐᓗᓂ, ᐅᑎᕐᑎᑦᓯᔪᒪᒃᐸᑦ 20ᐳᓴᖓᓂᒃ ᐊᑭᓕᒃᑲᓐᓂᕐᓗᓂᐅᒃ ᐅᑎᕐᑎᑦᓱᓐᓇᕐᐹ ᓇᖕᒥᓂᕆᓕᕐᒥᓗᓂᐅᒃ.

ᒨᓯᓯ ᐱᖓᔪᖏᑦ 27:27

ᓂᕐᔪᑎ ᓴᓗᒤᑦᑑᒃᐸᑦ ᐃᓄᐊᑕ ᐅᑎᕐᑎᑦᓱᓐᓇᕐᐹ ᐊᑭᒋᖁᔭᐅᓯᒪᔪᒥᒃ ᐊᑭᖃᕐᓗᓂ ᐃᓚᓗᒍᓗ 20ᐳᓴᓐᒥᒃ, ᐃᓄᐊᑕ ᐅᑎᕐᑎᑦᓱᒪᖏᑉᐸᒍ, ᓂᐅᕕᐊᖑᔪᓐᓇᕐᐳᖅ ᐊᑭᒋᖁᔭᐅᓯᒪᔪᒥᒃ ᐊᑭᖃᕐᓗᓂ.

ᒨᓯᓯ ᐱᖓᔪᖏᑦ 27:31

ᐃᓄᒃ ᑕᓪᓕᒪᐅᔪᐃᕈᑎᒥᓂᒃ ᐅᑎᕐᑎᑦᓯᔪᒪᒃᐸᑦ ᐊᑭᒋᖁᔭᐅᓯᒪᔪᖅ ᒪᓕᒡᓗᒍ ᐊᑭᖃᕆᐊᖃᕐᐳᑦ ᐃᓚᒃᑲᓐᓂᕐᓗᒍᓗ 20ᐳᓴᓐᖓᓂᒃ.

ᒨᓯᓯ ᐱᖓᔪᖏᑦ 4:20

ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ.

ᒨᓯᓯ ᐱᖓᔪᖏᑦ 4:26

ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 5:10

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᑎᖕᒥᐊᑉ ᐂᑉᐸᖓ ᐃᑯᐊᓚᑦᓯᕕᖕᒥ ᑐᓂᕐᕈᑎᒋᔭᒃᓴᕆᕚ ᐱᖁᔭᐅᓯᒪᔪᖅ ᒪᓕᒡᓗᒍ, ᐃᓄᒃ ᑖᓐᓇ ᑐᓂᕐᕈᓯᕈᑎᒋᕚ ᐊᔪᕐᓂᖏᑦ ᐱᑦᔪᑎᒋᓪᓗᒋᑦ, ᐊᔪᕐᓂᖏᓐᓂᒡᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 5:13

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᑎᑉᐹ ᐊᔪᕐᓃᑦ ᓇᓪᓕᐊᑐᐃᓐᓁᑦ ᐱᓪᓗᒋᑦ ᐊᔪᕐᑐᓕᓂᕆᔭᖏᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. ᐊᒥᐊᒃᑯᖏᓪᓕ ᑐᓂᕐᕈᓯᕐᑎᑦᓯᔨᐅᑉ ᐱᒋᕚ, ᓂᐊᖂᔭᖅ ᑐᓂᕐᕈᑕᐅᑎᓪᓗᒍ.”

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 7:2

ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᑐᓂᕐᕈᑦ ᑐᖁᑕᐅᔪᒃᓴᐅᕗᖅ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᖁᑕᐅᕕᖓᓂ, ᐊᐅᖓᓗ ᓯᕐᐸᕐᓴᕈᑕᐅᓗᓂ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᓯᑕᒪᖏᑦ 5:7

ᑕᕝᕙ ᖃᕿᐊᓕᕆᐊᖃᕐᐳᖅ ᐊᔪᕐᑐᓕᓂᕆᓚᐅᕐᑕᒥᓂᒃ; ᓱᓇᒥᒡᓗᒋᑦ ᐅᑎᕐᑎᑦᓯᔭᕆᐊᖃᓕᕐᐳᖅ ᐊᔪᕐᑐᓕᓂᕆᓚᐅᕐᑕᒥᓂᒃ, ᑕᓪᓕᒪᐅᓕᓂᖓᑕ ᐊᕕᒃᑐᕐᓂᖓᓂᒃ ᐊᑕᐅᓯᕐᒥᒃ ᐃᓚᒃᑲᓐᓂᕐᓗᒍ ᐱᐅᖏᑦᑐᓕᕝᕕᒋᓚᐅᕐᑕᓂ ᑐᓂᓯᕕᒋᓗᒍ.

ᒨᓯᓯ ᓯᑕᒪᖏᑦ 5:8

ᐃᓄᒡᓕ ᐃᓚᖃᖏᑉᐸᑦ ᐅᑎᕐᑎᑦᓯᕕᐅᔪᒃᓴᒥᒃ ᐊᔪᕐᑐᓕᓂᖅ ᐱᓪᓗᒍ, ᐊᔪᕐᑐᓕᓂᕐᒧᑦ ᐅᑎᕐᑎᑦᓯᒍᑎ ᑐᓂᔭᐅᔭᕆᐊᖃᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᒧᑦ ᑐᓂᓗᒍ, ᐃᓚᓗᒍᓗ ᓰᐱᒥᒃ ᐊᖑᓴᓪᓗᕐᒥᒃ ᐃᓱᒪᒋᔭᐅᔪᓐᓁᕈᑎᒃᓴᒥᒃ, ᑖᑦᓱᒧᖓ ᑕᕝᕙ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᓘᑲᓯᐅᑉ ᐊᒡᓚᖏᑦ 19:8

ᓴᑭᐊᓯ ᓂᑯᕕᓪᓗᓂ ᐊᑕᓂᕐᒧᑦ ᐅᖃᕐᐳᖅ, “ᑕᑯᒋᑦ ᐊᑕᓃᖅ, ᐱᖁᑎᒪ ᐊᕝᕙᖏᑦ ᑐᓂᓂᐊᕐᐸᒃᑲ ᐊᒃᖢᔪᓄᑦ; ᓴᒡᓗᕿᑦᓯᓯᒪᓐᓂᕈᒪᓗ ᓇᓪᓕᐊᓐᓂᑐᐃᓐᓇᖅ ᐅᑎᕐᑎᑦᓯᕕᒋᓂᐊᕐᐸᕋ ᓯᑕᒤᕐᓱᓪᓗᐊᕐᑐᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᓴᒧᐃᓕ ᓯᕗᓪᓖᑦ 6:3

ᑖᒃᑯᐊ ᑭᐅᕗᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐊᐅᓪᓚᕐᑎᓐᓂᐊᕈᑦᓯᐅᒃ, ᐃᓚᖃᖏᓪᓗᒍ ᐊᐅᓪᓚᕐᑎᑕᒃᓴᕆᓐᖏᓚᓯ, ᐊᐅᓪᓚᕐᑎᑦᓯᖃᓯᐅᑦᔨᔪᒃᓴᐅᕗᓯᓕ ᐂᑦᑑᑎᓂᒃ ᐸᓯᔭᒃᓴᐅᓂᑦᓯ ᐊᑭᓕᐅᑎᒃᓴᖓᓂᒃ. ᑕᕝᕙ ᑍᒤᓕᐅᕈᑦᓯ ᐋᖅᑭᒃᑕᐅᓂᐊᕐᐳᓯ, ᖃᐅᔨᓂᐊᕐᐳᓯᓗ ᓱᖕᒪᑦ ᑖᑦᓱᒧᖓ ᓱᒋᐊᕐᑕᐅᓐᓂᕐᒪᒑᑦᓯ.”