ᒨᓯᓯ ᐱᖓᔪᖏᑦ 5:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᑑᕖᖕᓂᒡᓕ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᓯᕆᐊᒃᓴᖅ ᐊᔪᕐᐸᑦ ᐊᑕᓂᕐᒧᑦ ᑕᕝᕙ ᕾᑦᓯᔭᕆᐊᖃᕐᐳᖅ ᓂᐊᖂᔭᒃᓴᒥᒃ 2ᐸᐅᓐᒥᒃ ᐅᖁᒤᓐᓂᓕᖕᒥᒃ ᓯᖃᓕᑦᓯᐊᕐᓯᒪᔪᒥᒃ ᐊᔪᕐᓂᓂ ᐱᓪᓗᒍ. ᓂᐊᖂᔭᖅ ᐅᕐᓯᕆᐊᖃᓐᖏᓚᖅ ᑎᐱᑦᓯᐊᕆᒃᑐᒥᒡᓘᓐᓃᑦ ᐃᓐᓴᓐᓯᒥᒃ ᐃᓚᔭᕆᐊᖃᓐᖏᓚᖅ, ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 5:11 Iomraidhean Croise

ᒨᓯᓯ ᐂᑉᐸᖏᑦ 16:18

ᐆᒃᑐᕋᕐᑕᐅᖕᒪᑕᓕ ᑖᒃᑯᐊ ᑲᑎᑦᓯᓂᕐᓴᐅᔫᒐᓗᐊᑦ ᐱᓂᕐᓴᐅᓐᖏᓚᑦ ᑖᒃᑯᐊᓗ ᑲᑎᑦᓯᖏᓐᓂᕐᓴᐅᔫᒐᓗᐊᑦ ᐱᖏᓐᓂᕐᓴᐅᖏᒃᑭᓪᓗᑎᒃ, ᐊᑐᓂᑦ ᓈᒻᒪᒋᔭᒥᖕᓂᒃ ᑲᑎᑦᓯᓚᐅᕐᒪᑕ.

ᒨᓯᓯ ᐂᑉᐸᖏᑦ 16:36

(ᖃᓪᓗᑎᐅᑉ ᓇᑉᐸᖓ ᐸᓂᕐᓯᕐᓯᒪᔪᓄᑦ ᐊᑐᕐᑕᐅᕙᓚᐅᕐᑐᖅ ᐊᑦᔨᖃᐸᓗᒍᓐᓇᕐᑐᖅ ᖃᓪᓗᑎᓂᒃ ᑕᓪᓕᒪᓂᒃ.)

ᒨᓯᓯ ᐱᖓᔪᖏᑦ 1:14

“‘ᑐᓂᕐᕈᑎᒃᓴᕐᓕ ᐊᑕᓂᕐᒧᑦ ᐃᑯᐊᓚᑎᑕᒃᓴᖅ ᑎᖕᒥᐊᖑᒃᐸᑦ, ᑐᓂᕐᕈᓯᕐᑐᒃᓴᐅᕗᖅ ᑑᕕᒥᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑐᒥᒃ ᐱᑦᔨᐊᓐᒥᒃ ᐱᐊᕋᕕᓂᕐᒥᒃ.

ᒨᓯᓯ ᐱᖓᔪᖏᑦ 12:8

“ᐊᕐᓇᕐᓕ ᑐᓂᕐᕈᑎᒃᓴᖃᖏᑉᐸᑦ ᓰᐱᐅᑉ ᓄᕐᕋᖓᓂᒃ, ᒪᕐᕉᖕᓂᒃ ᑑᕖᖕᓂᒃ ᐊᖅᑭᒡᒋᐅᔮᕐᑑᖕᓂᒃ, ᐱᑦᔭᓐᓂᒡᓘᓐᓃᑦ ᐱᐊᕋᕕᓃᖕᓂᒃ ᒪᕐᕉᖕᓂᒃ ᐋᑦᓯᔪᒃᓴᐅᕗᖅ, ᐱᖃᑖ ᐃᑯᐊᓪᓚᒡᓗᒍ ᑐᓂᕐᕈᑎᒃᓴᒥᒃ, ᐂᑉᐸᖓᓗ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ. ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᓴᓗᒻᒪᕐᓂᐊᕐᐳᕐᓗ.”

ᒨᓯᓯ ᐱᖓᔪᖏᑦ 14:21

“ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ,

ᒨᓯᓯ ᐱᖓᔪᖏᑦ 27:8

“ᓇᓪᓕᐊᑦ ᐊᖏᕈᑎᖃᕋᓱᐊᕐᑐᖅ ᐊᔪᕐᓴᓗᐊᕐᐸᑦ, ᐃᓅᓪᓗ ᐊᑭᒋᔭᕆᐊᖃᕐᑕᖓᓂᒃ ᐊᑭᓖᔪᓐᓇᕋᓂ, ᐃᓄᒃ ᐊᑭᓕᕈᒪᔭᓂ ᑐᓂᕐᕈᓯᕐᑎᑦᓯᔨᒧᑦ ᐱᑎᑕᒃᓴᕆᕚ, ᑐᓂᕐᕈᓯᕐᑎᑦᓯᔨ ᐊᑭᖓᓂᒃ ᐋᖅᑭᒃᓯᒐᔭᕐᒪᑦ ᑖᑦᓱᒪ ᐊᑭᓕᕈᓐᓇᕐᑕᖓᓂᒃ.

ᒨᓯᓯ ᐱᖓᔪᖏᑦ 5:12

ᑐᓂᕐᕈᓯᕐᑎᑦᓯᔨᒧᓪᓕ ᑐᓂᔭᒃᓴᕆᕚ, ᑖᓐᓇᓗ ᑕᕝᕙᓐᖓᑦ ᑎᒍᓯᓗᓂ ᑐᓂᕐᕈᑕᐅᓂᖓᓂᒃ ᓇᓗᓁᒃᑯᑦᓯᕋᒃᓴᕆᕚ ᐃᖅᑲᐅᒪᑦᔪᑎᒃᓴᒥᒃ, ᑎᒍᔭᓂ ᐃᑯᐊᓚᑦᓯᕕᖕᒧᑦ ᐃᒋᓪᓗᒍ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ ᐃᑯᐊᓚᔪᑦ ᖄᖏᓐᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 5:9

ᐊᐅᖓᑕᓗ ᐃᓚᖓ ᓯᕐᐸᕐᓴᕈᑎᒋᔭᓴᕆᕚ ᑐᓂᕐᕈᓯᕐᕕᐅᑉ ᓴᓂᕋᖓᓄᑦ; ᐊᐅᖓᑕᓗ ᐊᒥᐊᒃᑯᐊ ᑯᕕᑎᑕᐅᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. ᑐᓂᕐᕈᑕᐅᖕᒪᑦ ᐊᔪᕐᓂᖅ ᐱᓪᓗᒍ.

ᒨᓯᓯ ᐱᖓᔪᖏᑦ 6:20

“ᐃᒤᑦᑐᒥᒃ ᐂᕉᓂ ᐃᕐᓂᖏᓪᓗ ᑐᓂᕐᕈᓯᕆᐊᖃᕐᐳᑦ ᐅᓪᓗᒥ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᕕᖕᒥᖕᓂ: ᐅᖁᒤᓐᓂᐅᑉ ᓇᑉᐹᓂᒃ ᐅᖁᒤᑎᒋᔪᒥᒃ ᓂᐊᖂᔭᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᑉ ᑐᓂᕐᕈᑕᐅᓂᖓᓂᒃ, ᑖᑦᓱᒪ ᓇᑉᐹ ᐅᓪᓛᒃᑯᑦ ᑐᓂᕐᕈᑎᒋᓗᒍ ᓇᑉᐹᓗ ᐅᓐᓄᒃᐸᑦ ᑐᓂᕐᕈᑎᒋᓗᒍ.

ᒨᓯᓯ ᓯᑕᒪᖏᑦ 5:15

ᑕᕝᕙ ᓄᓕᐊᓂ ᑐᓂᕐᕈᓯᕐᑎᑦᓯᔨᒧᑦ ᐂᑎᑕᒃᓴᕆᕚ. ᓇᖕᒥᓂᕐᓗ ᑐᓂᕐᕈᓯᕐᓗᓂ ᓂᐊᖂᔭᒃᓴᒥᒃ ᐹᕐᓕᒥᒃ 2ᓖᑕᑐᑦ ᐅᖁᒤᑎᒋᔪᒥᒃ; ᐅᕐᓱᒥᒃ ᐃᓚᖏᓪᓗᒍ, ᑎᐱᑦᓯᐊᕆᒃᑐᒥᒡᓗ ᕗᕌᑭᓐᓴᓐᓯᒥᒃ ᐃᓚᖏᓪᓗᒍ, ᑐᓂᕐᕈᑕᐅᖕᒪᑦ ᓯᖕᓇᓂᖅ ᐱᑦᔪᑎᒋᓪᓗᒍ, ᑐᓂᕐᕈᑕᐅᖕᒪᑦ ᐃᖅᑲᐅᒪᓂᖅ ᐱᑦᔪᑎᒋᓪᓗᒍ, ᐱᐅᖏᑦᑐᓕᓂᕐᒥᒃ ᐃᖅᑲᐅᒪᑦᔪᑕᐅᖕᒪᑦ.

ᒨᓯᓯ ᓯᑕᒪᖏᑦ 7:13

ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐰᑦ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ;

ᓘᑲᓯᐅᑉ ᐊᒡᓚᖏᑦ 2:24

ᔫᓯᐱᒃᑯᒃ ᑐᓂᓯᔭᕆᐊᖃᓚᐅᕐᐴᒃ ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᑎᖕᒥᐊᖕᓂᒃ ᒪᕐᕉᖕᓂᒃ, ᑑᕕᖕᓂᒡᓘᓐᓃᑦ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ, ᐊᑭᒡᒋᐅᔮᕐᑑᖕᓂᒡᓗ ᒪᕐᕉᖕᓂᒃ ᖃᑯᕐᑕᐅᖏᑦᑑᖕᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᐄᑉᕈᐃᓄᑦ 9:22

ᐃᓛᒃ, ᐱᖁᔭᖅ ᒪᓕᒡᓗᒍ ᑕᒪᑦᓯᐊᑲᓵᖏᑦ ᐊᐅᖕᒧᑦ ᓴᓗᒻᒪᕐᑕᐅᕗᑦ, ᐊᐅᒡᓗ ᑯᕕᔭᐅᓐᖏᑉᐸᑦ ᐊᔪᕐᓃᑦ ᐃᓱᒪᒋᔭᐅᔪᓐᓃᕈᓐᓇᓐᖏᓚᑦ.