ᒨᓯᓯ ᐱᖓᔪᖏᑦ 4:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᒨᓯᓯ ᐱᖓᔪᖏᑦ 4:7 Iomraidhean Croise

ᐃᓐᖏᕈᑎᑦ 118:27

ᐊᑕᓂᖅ ᒎᑎᐅᕗᖅ, ᑖᑦᓱᒪ ᖃᐅᒪᔪᒥᒃ ᑕᑯᑎᑉᐹᑎᒍᑦ: ᓇᓪᓕᐅᓐᓂᕐᓯᐅᕆᐊᕐᑐᕐᑐᑦ ᓇᐹᕐᑑᑉ ᐊᕙᓚᖓᔪᖏᓐᓂᒃ ᑎᒍᓯᓗᓯ ᐃᓚᒋᓕᕐᓯᐅᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 29:12

ᐸᖕᓂᐅᓪᓗ ᐊᐅᖓᑕ ᐃᓚᖓᓂᒃ ᐱᓗᑎᑦ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒃᑎᕐᑕᒃᓴᕆᕙᑎᑦ ᐊᒡᒐᖕᓄᑦ, ᐊᐅᓪᓕ ᐊᒥᐊᒃᑯᖓ ᑯᕕᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᑐᓐᖓᕕᖓᑕ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 1:5

ᑕᕝᕙᓂᓗ ᑐᖁᑕᒃᓴᕆᕚ ᐊᖑᓴᓪᓗᖅ ᐊᑕᓂᐅᑉ ᑕᒃᑯᐊᓂ, ᐂᕉᓂᒃᑯᓐᓂᓪᓗ ᑐᓂᕐᕈᓯᕐᑎᑦᓯᔨᐅᔪᓂᑦ ᐆᒪᔫᑉ ᐊᐅᖓ ᐊᒡᔭᕐᑕᐅᔪᒃᓴᐅᕗᖅ ᓯᕐᐸᕐᓴᐅᑎᒋᓗᒍᓗ ᑐᓂᕐᕈᓯᕐᕕᐅᑉ ᐃᑎᕐᑕᕐᕕᖓᑕ ᐊᕙᓗᖏᓐᓄᑦ ᑐᐱᕐᒥ ᑲᑎᒪᕕᖕᒦᑦᑐᒧᑦ.

ᒨᓯᓯ ᐱᖓᔪᖏᑦ 16:18

ᑭᖑᕐᖓᓂ ᑕᕝᕙᓐᖓᑦ ᐊᓂᓂᐊᕐᐳᖅ ᑐᓂᕐᕈᓯᕐᕕᖕᒧᑦ ᐱᓗᓂ ᐊᑕᓂᐅᑉ ᓵᖓᓂ ᑖᓐᓇ ᐃᑦᔪᕐᓁᓕᕐᑎᓪᓗᓂᐅᒃ, ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᓂᒃ ᐱᔭᕆᐊᖃᕐᐳᖅ ᒎᑦᓯᐅᓪᓗ ᐊᐅᖓᓂᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᖕᒥᒃ ᒥᖑᐊᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 4:18

ᑐᓂᕐᕈᓯᕐᑎᑦᓯᔨᐅᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᑉ ᐃᓚᖓᓂᒃ ᒥᖑᐊᒐᒃᓴᕆᕔᑦ ᐊᑕᓂᐅᑉ ᓇᔪᒐᖓᓃᑦᑐᑦ ᑐᐱᕐᒥ ᑲᑎᒪᕕᖕᒥ. ᐊᐅᓪᓗ ᑖᑦᓱᒪ ᐊᒥᐊᒃᑯᖓ ᑯᕕᔭᒃᓴᕆᕚ ᐃᑯᐊᓚᑦᓯᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓃᑦᑐᒧᑦ.

ᒨᓯᓯ ᐱᖓᔪᖏᑦ 4:25

ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:30

ᑕᕝᕙ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᐃᑯᐊᓚᔪᓂᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ, ᐊᐅᓪᓗ ᐊᒥᐊᒃᑯᐊ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:34

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᑐᓂᕐᕈᓯᕐᕕᐅᑉ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ ᐊᐅᓪᓗ ᐊᒥᐊᒃᑯᖓ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 5:9

ᐊᐅᖓᑕᓗ ᐃᓚᖓ ᓯᕐᐸᕐᓴᕈᑎᒋᔭᓴᕆᕚ ᑐᓂᕐᕈᓯᕐᕕᐅᑉ ᓴᓂᕋᖓᓄᑦ; ᐊᐅᖓᑕᓗ ᐊᒥᐊᒃᑯᐊ ᑯᕕᑎᑕᐅᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. ᑐᓂᕐᕈᑕᐅᖕᒪᑦ ᐊᔪᕐᓂᖅ ᐱᓪᓗᒍ.

ᒨᓯᓯ ᐱᖓᔪᖏᑦ 6:30

ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”

ᒨᓯᓯ ᐱᖓᔪᖏᑦ 8:15

ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᒨᓯᓯ ᐱᖓᔪᖏᑦ 9:9

ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᑐᓂᕚᑦ, ᑎᑭᓂᓗ ᒥᓱᒃᐹ ᑐᓂᕐᕈᓯᕐᕕᐅᓪᓗ ᑎᕆᖅᑯᖏᑦ ᓇᒡᔪᖕᓂᒃ ᑍᔭᐅᔪᑦ ᒥᖑᐊᕐᐰᑦ; ᐊᐅᓪᓗ ᐊᒥᐊᒃᑯᖓ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᐃᐱᓯᒥᐅᓄᑦ 2:13

ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᕐᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ.

ᐄᑉᕈᐃᓄᑦ 9:15

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

ᐄᑉᕈᐃᓄᑦ 9:21

ᑍᒫᑦᓮᓐᓇᕐᑕᐅᖅ ᐊᐅᖕᒧᑦ ᓯᕐᐸᕐᓴᓚᐅᕐᐰᑦ ᑐᐱᖅ ᑐᒃᓯᐊᕐᑎᓪᓗᒋᓪᓗ ᐱᖁᑏᑦ ᐊᑐᕐᑕᐅᕙᒃᑐᓕᒫᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:9

ᓄᕐᕋᐅᔭᐅᓪᓗ ᓇᕿᑦᔪᑏᑦ ᑕᓪᓕᒪᖓᑦ ᒪᒃᐱᕐᒪᒍ, ᑕᑯᕗᖓ ᑐᓂᕐᕈᓯᕐᕕᐅᑉ ᐊᑖᓂ ᑐᖁᑕᐅᔪᕕᓃᑦ ᑕᕐᓂᖏᓐᓂᒃ ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᖕᓂᕐᒧᑦ ᓇᓗᓁᕐᓯᓂᕐᒥᒡᓗ ᑲᔪᓯᑦᓯᐊᕐᓂᕐᒧᑦ ᑐᖁᑕᐅᔪᕕᓂᕐᓂᒃ;