ᒨᓯᓯ ᐱᖓᔪᖏᑦ 4:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:31 Iomraidhean Croise

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᐄᓱᕋᐅᑉ ᐊᒡᓚᖏᑦ 6:10

ᑕᒪᓐᓇ ᐱᓇᓱᐊᕐᑕᐅᔪᒃᓴᐅᕗᖅ ᑖᒃᑯᐊ ᑐᓂᕐᕈᓯᕈᓐᓇᖁᓪᓗᒋᑦ ᒎᑎᒧᑦ ᕿᓚᖕᒦᑦᑐᒧᑦ ᑎᐱᑦᓯᐊᕆᒃᑐᒥᒃ, ᑐᒃᓯᐅᑦᔨᖁᓪᓗᒋᓪᓗ ᐅᕙᓐᓂᒃ ᐃᕐᓂᒃᑲᓂᒡᓗ ᓮᒻᒪᕐᑎᑕᐅᖁᓪᓗᑕ.

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 42:21

ᐊᑕᓂᐅᑉ ᖁᕕᐊᓲᑎᒋᕚ ᓇᓛᒎᕐᓂᓂ ᐱᓪᓗᒍ; ᐱᖁᔧᑦ ᐊᖏᔪᕈᕐᑎᓐᓂᐊᕐᐰᑦ ᓂᕐᑐᕐᓇᕐᑐᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 14:18

ᐃᑎᒪᒥᓃᑦᑐᖅ ᐅᕐᓱᖅ ᐊᒥᐊᒃᑯᐊ ᐃᓕᔭᒃᓴᕆᕚ ᓴᓗᒻᒪᕐᓴᕐᑕᐅᔫᑉ ᓂᐊᖁᐊᑕ ᖄᖓᓄᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᕐᒥᑦ.

ᒨᓯᓯ ᐱᖓᔪᖏᑦ 15:15

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᑐᓂᕐᕈᑎᒋᓂᐊᕐᐰᑦ, ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᑐᓂᕐᕈᑕᐅᓗᓂ ᐃᑯᐊᓪᓚᒃᑕᐅᓗᓂ, ᑍᒫᒃ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓄᒃ ᑖᓐᓇ ᐊᓂᐊᑦᓯᕙᒃᑐᖅ ᐅᓱᖕᒥᒍᑦ.

ᒨᓯᓯ ᐱᖓᔪᖏᑦ 19:22

ᓰᐱᐅᑉ ᐊᖑᓴᓪᓗᖓᓄᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒥᒃ ᑐᓂᕐᕈᓯᕐᑎᑦᓯᔨ ᐃᓱᒪᒋᔭᐅᔪᓐᓁᕐᕕᐅᑎᑦᓯᔭᕆᐊᖃᕐᐳᖅ ᐃᓄᖕᒥᒃ ᑖᑦᓱᒥᖓ ᐊᑕᓂᐅᑉ ᓵᖓᓂ ᐊᔪᕐᑐᓕᕆᓚᐅᕐᑕᖏᓐᓂᑦ, ᐊᔪᕐᓂᖏᑦ ᑕᕝᕙ ᐃᓱᒪᒋᔪᓐᓁᕐᑕᐅᓂᐊᕐᐳᑦ.

ᒨᓯᓯ ᐱᖓᔪᖏᑦ 2:2

ᐂᕉᓂᐅᑉ ᐃᕐᓂᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᒃᓴᕆᕚ. ᑐᓂᕐᕈᓯᕐᑎᑦᓯᔨᐅᑉ ᓂᐊᖂᔭᒃᓴᒥᒃ ᐅᕐᓱᓕᕐᓯᒪᔪᒥᒃ ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓚᓕᖕᒥᒃ ᐊᒡᒐᒥᓄᑦ ᑎᒍᓯᔪᒃᓴᐅᕗᖅ ᐃᑯᒪᔪᒧᓪᓗ ᐃᓕᓗᒍ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᔭᐅᖕᒪᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 2:9

ᑐᓂᕐᕈᑕᐅᓂᖏᑕ ᓇᓗᓁᒃᑯᑕᖓᓂᒃ ᐃᖅᑲᐅᒪᑦᔪᑎᒃᓴᒥᒃ ᐲᕐᓯᔭᕆᐊᖃᕐᐳᖅ ᓂᐊᖂᔭᒥᒃ ᐃᑯᐊᓪᓚᒡᓗᒍᓗ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᓂᐅᓗᓂ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 4:19

ᑐᓂᕐᕈᓯᕐᑎᐅᓪᓗ ᐊᖑᓴᓪᓘᑉ ᑐᓐᓄᓕᒫᖏᑦ ᐲᔭᒐᒃᓴᕆᕔᑦ, ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 4:26

ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:35

ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 5:10

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᑎᖕᒥᐊᑉ ᐂᑉᐸᖓ ᐃᑯᐊᓚᑦᓯᕕᖕᒥ ᑐᓂᕐᕈᑎᒋᔭᒃᓴᕆᕚ ᐱᖁᔭᐅᓯᒪᔪᖅ ᒪᓕᒡᓗᒍ, ᐃᓄᒃ ᑖᓐᓇ ᑐᓂᕐᕈᓯᕈᑎᒋᕚ ᐊᔪᕐᓂᖏᑦ ᐱᑦᔪᑎᒋᓪᓗᒋᑦ, ᐊᔪᕐᓂᖏᓐᓂᒡᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 8:21

ᐃᕐᕋᕕᖏᓪᓗ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᐰᑦ, ᓰᐱᓗ ᑕᒪᒃᑭᕐᓗᒍ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᐹ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᒋᓪᓗᒍ, ᑎᐱᖓᓗ ᒪᒪᕆᔭᐅᕗᖅ ᐊᑕᓂᕐᒧᑦ ᑐᓂᕐᕈᑕᐅᖕᒪᑦ ᐃᑯᐊᓪᓔᓂᒃᑯᑦ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᓯᑕᒪᖏᑦ 15:25

ᑍᒫᒃ ᑐᓂᕐᕈᓯᕐᑎᑦᓯᔨ ᐃᓅᖃᑎᒌᒡᔪᐊᓂᒃ ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᒐᔭᕐᐳᖅ, ᑖᒃᑯᐊ ᐃᓱᒪᒋᔪᓐᓁᕐᕕᐅᒐᔭᕐᐳᑦ ᐲᔮᕆᓂᐅᖏᒻᒪᑦ; ᑐᓂᕐᕈᑎᒃᓴᒥᒃ ᓇᒃᓴᕐᓗᑎᒃ, ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ, ᐊᔪᕐᑐᓕᓂᖅ ᐱᑦᔪᑎᒋᓗᒍ ᐊᑕᓂᐅᑉ ᓵᖓᓂ, ᐱᔮᕆᓇᑎᒃ ᐊᔪᕐᑐᓕᓂᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 3:17

ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 10:12

᙭ᔅᑑᓯᓕ ᐊᑕᐅᓯᐊᕐᓗᓂ ᑐᓂᕐᕈᓯᐅᑎᓚᐅᕐᐳᖅ ᑐᖁᑕᐅᖁᓪᓗᒍ ᐊᔪᕐᓃᑦ ᐱᓪᓗᒋᑦ, ᒫᓐᓇᓕ ᐃᒃᓯᕙᓕᕐᐳᖅ ᒎᑎᐅᑉ ᑕᓕᕐᐱᐊᓂ,

ᐄᑉᕈᐃᓄᑦ 10:14

ᑐᓂᕐᕈᓯᕐᓂᕐᒧᑦ ᐊᑕᐅᓯᕐᒧᑦ ᐃᑦᔪᕐᓁᑎᑕᐅᓂᐊᕐᑐᑦ ᑕᐅᕗᖓᓕᒫᖅ ᓈᒻᒪᒃᓯᑎᓚᐅᕐᐰᑦ.

ᐄᑉᕈᐃᓄᑦ 9:12

᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.