ᒨᓯᓯ ᐱᖓᔪᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᐱᖓᔪᖏᑦ 4:3 Iomraidhean Croise

ᑯᕉᓂᑲ ᐂᑉᐸᖏᑦ 29:21

ᐃᒻᒧᒃᓯᐅᒊᓪᓗ ᐸᖕᓂᖏᓐᓂᒃ 7ᓂᒃ ᓇᒃᓴᕐᐳᑦ, ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ, ᓄᕐᕋᕐᓂᒡᓗ 7ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᔪᕐᑐᓕᓂᕐᒧᑦ ᑐᓂᕐᕈᑎᒃᓴᓂᒃ ᐊᖓᔪᖅᑳᒃᑯᕕᖓᓄᑦ ᐃᑦᔪᕐᓁᑦᑐᒃᑯᕕᖕᒧᓪᓗ ᔫᑕᒥᐅᑦ ᐱᓪᓗᒋᑦ. ᑐᓂᕐᕈᓯᕐᑎᑦᓯᔩᓪᓗ ᑎᓕᕔᑦ ᐂᕉᓂᐅᑉ ᐃᕐᓂᖏᑦ ᑐᓂᕐᕈᓯᖁᓪᓗᒋᑦ ᑐᓂᕐᕈᓯᕐᕕᖕᒥ ᐊᑕᓂᕐᒧᑦ.

ᐄᓱᕋᐅᑉ ᐊᒡᓚᖏᑦ 8:35

ᐊᐅᓪᓚᕈᑦᔭᐅᓯᒪᕕᖕᒥᖕᓂᑦ ᐅᑎᕐᑐᕕᓂᓕᒫᑦ ᑐᓂᕐᕈᓯᓚᐅᕐᐳᑦ ᐃᑭᑕᐅᓂᐊᕐᑐᓂᒃ ᑐᓂᕐᕈᑎᒃᓴᐅᓪᓗᑎᒃ ᐃᓴᕆᐊᓕᒥᐅᑦ ᒎᑎᖓᓄᑦ: ᑐᓂᕐᕈᓯᓚᐅᕐᐳᑦ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 12ᓂᒃ ᐃᓴᕆᐊᓕᒥᐅᓕᒫᓄᑦ, 96ᓂᒃ ᓰᐱᐅᑉ ᐊᖑᓴᓪᓗᖏᓐᓂᒃ, 77ᓂᒃ ᓰᐲᑦ ᓄᕐᕋᐅᔭᖏᓐᓂᒃ, 12ᓂᒡᓗ ᒎᑦᓯᓂᒃ ᐊᖑᑎᓂᒃ ᐊᔪᕐᑐᓕᓂᕐᒧᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᒧᑦ. ᐆᒪᔪᐃᑦ ᐃᑯᐊᓪᓚᒃᑕᐅᓚᐅᕐᐳᑦ ᑐᓂᕐᕈᑕᐅᔪᓕᒫᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:14

ᐃᒻᒧᒃᓯᐅᒐᐅᓪᓕ ᓂᕿᖓ ᐃᑯᐊᓪᓚᒐᒃᓴᕆᕙᑦ, ᐊᒥᖓ ᐱᖃᓯᐅᑎᓗᒍ, ᐃᕐᕋᕕᖏᓪᓗ ᐱᖃᓯᐅᑎᓗᒋᑦ ᓄᓇᓖᑦ ᓯᓚᑖᓂ. ᑕᒪᒃᑯᐊ ᑐᓂᕐᕈᑎᒃᓴᐅᖕᒪᑕ ᑐᓂᕐᕈᓯᕐᑎᑦᓯᔩᑦ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐂᑉᐸᖏᑦ 29:21

ᐊᐅᓪᓕ ᐃᓚᖓ ᑐᓂᕐᕈᓯᕐᕕᖕᒦᑦᑐᖅ ᐱᔭᒃᓴᕆᕙᑦ; ᓇᐹᕐᑑᓪᓗ ᐅᕐᓱᖓᓂᒃ ᒥᖑᐊᕐᓯᒍᑎᒃᓴᒥᒃ ᐃᓚᓗᒍ, ᓯᕐᐸᕐᓴᐅᑎᒋᔭᒃᓴᕆᕙᑦ ᐂᕉᓂᒧᑦ ᐊᓐᓄᕌᖏᓐᓄᓪᓗ ᐃᕐᓂᖏᓐᓄᓪᓗ ᐃᕐᓂᖏᑕᓗ ᐊᓐᓄᕌᖏᓐᓄᑦ. ᑕᕝᕙ ᑖᒃᑯᐊᓕᒫᑦ ᐊᓐᓄᕌᖏᓪᓗ ᐱᖃᓯᐅᑎᓗᒋᑦ ᐃᑦᔪᕐᓁᕐᑎᑕᐅᓂᐊᕐᐳᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:7

ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᒨᓯᓯ ᐂᑉᐸᖏᑦ 30:10

ᐊᕐᕌᒍᑕᒫᓪᓗ ᐂᕉᓂ ᑐᓂᕐᕈᓯᕐᑐᒃᓴᐅᕗᖅ ᑐᓂᕐᕈᓯᕐᕕᐅᑉ ᓴᓗᒻᒪᕐᓴᕐᑕᐅᑦᔪᑎᒃᓴᖓᓂᒃ ᑐᒃᓯᐊᕐᓂᒃᑯᑦ ᑐᓂᕐᕈᓯᕐᕕᐅᑉ ᓇᒃᔪᓐᖑᐊᖏᑦ ᐊᐅᒥᑎᕐᓗᒋᑦ ᐆᒪᔫᑉ ᐊᔪᕐᓃᑦ ᐱᑦᔪᑎᒋᓪᓗᒋᑦ ᑐᓂᕐᕈᑕᐅᔫᑉ ᐊᐅᖓᓄᑦ ᐊᕐᕌᒍᒥ ᐊᑕᐅᓯᐊᖃᑦᑕᕐᓗᓂ ᐊᕐᕌᒍᑕᒫᑦ ᑕᒪᓐᓇ ᑲᔪᓯᑎᑕᐅᔪᒃᓴᐅᕗᖅ ᑍᒪᓐᖓᑦ ᑭᖑᕚᕆᔪᒫᕐᑕᓯ ᑎᑭᓪᓗᒋᑦ, ᑖᓐᓇ ᑐᓂᕐᕈᓯᕐᕕᒃ ᐃᑦᔪᕐᓁᒻᒪᕆᒃᑐᒃᓴᐅᖕᒪᑦ ᐊᑕᓂᕐᒧᑦ ᑐᓂᔭᐅᓯᒪᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 40:39

ᑕᕝᕙᓂᓗ ᐃᒡᓗᕈᓯᕐᒥ ᓵᑕᖃᕐᐳᖅ ᓯᑕᒪᓂᒃ ᐊᑐᓂᑦ ᒪᕐᕉᓪᓗᑎᒃ ᐊᑭᓕᕇᒃᑐᓂᒃ, ᑖᒃᑯᓇᓂ ᓵᓂ ᑐᖁᑕᐅᖃᑦᑕᕆᐊᖃᕐᐳᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᓂᒃᓴᖏᓐᓄᑦ ᑐᓂᕐᕈᑎᒃᓮᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓮᑦ.

ᐃᓯᑭᐊᓕᐅᑉ ᐊᒡᓚᖏᑦ 43:19

ᑐᓂᕐᕈᓯᕐᑎᑦᓯᔩᑦ ᓕᕔᑦ ᐃᓚᒌᖕᓂᖓᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᑦ ᑖᒃᑯᐊᑐᐊᖅ ᓇᔪᕐᑕᓐᓂ ᐱᔨᑦᓯᕐᑐᒃᓴᐅᕗᑦ ᐅᕙᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ, ᐊᖑᓴᓪᓗᕐᒥᒃ ᐊᔪᕐᓂᕐᒧᑦ ᑐᓂᕐᕈᓯᐅᑕᐅᓂᐊᕐᑐᒥᒃ ᐱᑎᑕᒃᓴᕆᕙᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 44:27

ᐅᓪᓗᖅ ᐃᑦᔪᕐᓁᑦᑐᕕᖕᒧᑦ ᐃᑎᕐᕕᒃᓴᖓ ᓇᓪᓕᐅᑎᒃᐸᑦ, ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᑦ, ᐱᔨᑦᓯᕐᓂᐊᕐᓗᓂ ᐃᑦᔪᕐᓁᑦᑐᓂᒃ, ᐊᔪᕐᓂᕐᒥᓄᑦ ᓴᓗᒻᒪᕐᑕᐅᑦᔪᑎᒥᒃ ᑐᓂᕐᕈᓯᕐᑐᒃᓴᐅᕗᖅ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 1:10

“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 16:11

ᐂᕉᓂᐅᓪᓗ ᐃᒻᒧᒃᓯᐅᒐᐅᑉ ᐸᖕᓂᖓ ᕾᑎᑕᒃᓴᕆᕚ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᐃᒡᓗᒥᐅᖃᑎᓂᓗ ᐱᓪᓗᒋᑦ, ᑐᖁᑕᒃᓴᕆᕚ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 16:3

ᐃᒫᒃ ᑕᕝᕙ ᐂᕉᓂ ᐃᑎᖃᑦᑕᕆᐊᖃᕐᐳᖅ ᐃᑦᔪᕐᓁᑦᑐᕕᖕᒧᑦ; ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᒃᓴᕐᓗᓂ, ᓰᐱᐅᓪᓗ ᐊᖑᓴᓪᓗᖓᓂᒃ ᐃᑯᐊᓚᓗᓂ ᑐᓂᕐᕈᑎᒃᓴᒥᒃ.”

ᒨᓯᓯ ᐱᖓᔪᖏᑦ 16:5

ᓄᓇᓕᖕᓂᑦ ᐃᓴᕆᐊᓕᒥᐅᓂᑦ ᐱᑎᑕᐅᔭᕆᐊᖃᕐᐳᖅ ᒎᑦᓰᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓵᖕᓂᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᑐᓂᕐᕈᑎᒃᓴᒥᒃ ᐃᑯᐊᓚᒐᒃᓴᒥᒃ.

ᒨᓯᓯ ᐱᖓᔪᖏᑦ 16:6

ᑐᓂᕐᕈᓯᕆᐊᖃᕐᐳᕐᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐃᒡᓗᒥᐅᖃᑎᓂᓗ ᐱᓪᓗᒋᑦ.

ᒨᓯᓯ ᐱᖓᔪᖏᑦ 4:14

ᖃᐅᔨᓕᕈᑎᒡᓗ ᐊᔪᕐᑐᓕᓯᒪᓂᕐᒥᖕᓂᒃ, ᓄᓇᓖᑦ ᐊᖓᔪᖅᑳᖏᑦ ᕾᑦᓯᔪᒃᓴᐅᕗᑦ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ; ᑖᓐᓇ ᐊᔪᕐᑐᓕᓂᕐᒧᑦ ᑐᓂᕐᕈᑎᒃᓴᐅᖁᓪᓗᒍ, ᕾᑦᔪᑎᓗᒍᓗ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᓴᓂᐊᓄᑦ.

ᒨᓯᓯ ᐱᖓᔪᖏᑦ 4:23

ᓇᓗᔪᓐᓁᕐᑎᑕᐅᒃᐸᓪᓗ ᐊᔪᕐᑐᓕᓂᕆᔭᖓᓂᒃ, ᑐᓂᕐᕈᑎᒃᓴᖃᕆᐊᖃᕐᐳᖅ ᒎᑦᓯᒥᒃ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 4:28

ᐊᔪᕐᑐᓕᓂᖓᓂᒃ ᓇᓗᔪᓐᓃᕐᑎᑕᐅᒃᐸᑦ, ᑖᓐᓇ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᒃᓴᐅᕗᖅ ᐊᔪᕐᑐᓕᓂᓂ ᐱᓪᓗᒍ, ᒎᑦᓯᒥᒃ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 4:5

ᑐᓂᕐᕈᓯᕐᑎᑦᓯᔨᐅᓪᓗ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔫᑉ ᑖᑦᓱᒪ ᐊᖑᓴᓪᓘᑉ ᐊᐅᖓᑕ ᐃᓚᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕈᑎᔭᒃᓴᕆᕚ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 6:18

ᐊᖑᑎᑦ ᐂᕉᓂᐅᑉ ᑭᖑᕚᖏᑦ ᓂᕆᔪᒃᓴᐅᕗᑦ. ᑕᒪᒃᑯᐊ ᐊᒥᐊᒃᑯᔭᐅᑦᔪᓯᐊᕆᖕᒪᒋᑦ ᑐᓂᕐᕈᑎᓂᑦ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ, ᑭᖑᕚᖏᑕ ᐊᑐᕐᓂᐊᕐᑕᖓ ᑭᖑᓪᓕᒃᓴᒥᖕᓄᑦ. ᓇᓪᓕᐊᑦ ᑖᒃᑯᓂᖓ ᐊᒃᑐᐃᔪᖅ ᐃᑦᔪᕐᓁᓕᓂᐊᕐᐳᖅ.”

ᒨᓯᓯ ᐱᖓᔪᖏᑦ 8:12

ᐂᕉᓂᓗ ᓂᐊᖁᐊᒍᑦ ᑯᕕᓯᕕᒋᕚ ᓇᐹᕐᑑᑉ ᐅᕐᓱᖓᓂᒃ ᑎᓕᔭᐅᓂᖓ ᐊᑕᓂᕐᒧᑦ ᓇᓗᓁᕐᓗᒍ.

ᒨᓯᓯ ᐱᖓᔪᖏᑦ 9:2

ᐂᕉᓂᓗ ᐅᖃᐅᑎᕚ, “ᑐᓂᕐᕈᑎᒃᓴᖃᕆᑦ ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᐊᖑᒻᒥᒃ ᐊᔪᕐᓂᑎᑦ ᐱᓪᓗᒋᑦ, ᑐᓂᕐᕈᑎᒃᓴᖃᒃᑲᓐᓂᕆᓪᓗ ᓰᐱᐅᑉ ᐊᖑᓴᓪᓗᖓᓂᒃ ᐃᑯᐊᓚᓗᒍ ᑐᓂᕐᕈᑎᒃᓴᒥᒃ, ᑕᒪᖏᒡᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᑖᒃᑯᐊᒃ ᐊᑕᓂᐅᑉ ᓵᖓᓄᑦ ᐱᑎᒃᑭᒃ.

ᒨᓯᓯ ᐱᖓᔪᖏᑦ 9:3

ᐃᓴᕆᐊᓕᒥᐅᓪᓗ ᐅᖃᐅᑎᒃᑭᑦ ᑐᓂᕐᕈᑎᒃᓴᖃᕆᑦᓯ ᒎᑦᓯᒥᒃ ᐊᖑᓴᓪᓗᕐᒥᒃ ᐊᔪᕐᓂᓯ ᐱᓪᓗᒋᑦ, ᐃᒻᒧᒃᓯᐅᒐᐅᓪᓗ ᓄᕐᕋᖓᓂᒃ, ᓰᐱᐅᓪᓗ ᓄᕐᕋᖓᓂᒃ ᑖᒃᑯᐊᒡᓗ ᐊᕐᕌᒍᖃᕐᑐᒃᓴᐅᕘᒃ ᐊᑕᐅᓯᕐᒥᒃ ᐊᑐᓂᑦ ᖃᓄᐃᓐᓂᖃᖏᑦᓯᐊᕐᓗᑎᒡᓗ, ᑖᒃᑯᐊᒃ ᐃᑯᐊᓚᓗᑎᒃ ᑐᓂᕐᕈᑎᒃᓴᐅᖁᓪᓗᒋᒃ,

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᒨᓯᓯ ᓯᑕᒪᖏᑦ 8:8

ᑐᓂᕐᕈᓯᕆᐊᖃᕐᐳᑦ ᐃᒻᒧᒃᓯᐅᒐᕐᒥᒃ ᐊᖑᓴᓪᓗᕐᒥᒃ ᐃᓐᓇᐅᖏᑦᑐᒥᒃ ᐱᔭᕆᐊᖃᕐᐳᑦ ᓂᐊᖂᔭᒃᓴᒥᒡᓗ ᓯᖃᓪᓕᑦᓯᐊᕐᓯᒪᔪᒥᒃ ᐅᕐᓱᒥᒃ ᐃᓚᖃᕐᓗᒍ, ᐱᒃᑲᓐᓂᕆᐊᖃᕆᕗᑎᑦ ᐸᖕᓂᕐᒥᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᑦᔪᑎᒋᓗᒍ ᑐᓂᕐᕈᑎᒃᓴᒥᒃ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᐄᑉᕈᐃᓄᑦ 5:3

ᑍᒤᒻᒪᑦ ᑐᓂᕐᕈᓯᕆᐊᖃᕐᐳᑦ ᑐᖁᑕᒃᓴᒥᒃ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᔭᑐᐊᕆᓇᒋᑦ, ᓇᖕᒥᓂᕐᓕᑦᑕᐅᖅ ᐊᔪᕐᓂᑎᒃ ᐱᑦᔪᑎᒋᓗᒋᑦ.

ᐄᑉᕈᐃᓄᑦ 9:12

᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.