ᒨᓯᓯ ᐱᖓᔪᖏᑦ 4:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:26 Iomraidhean Croise

ᑯᕉᓂᑲ ᐂᑉᐸᖏᑦ 29:24

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑖᒃᑯᓂᖓ ᑐᖁᑦᓯᕗᑦ ᐊᐅᖏᓪᓗ ᑐᓂᕐᕈᓯᕐᕕᖕᒧᐊᕈᑎᕔᑦ ᐊᔪᕐᓂᕐᒧᑦ ᑐᓂᕐᕈᑎᐅᖁᓪᓗᒋᑦ, ᐃᓴᕆᐊᓕᒥᐅᓕᒫᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ. ᐊᖓᔪᖅᑳᕐᔪᐊᖅ ᑎᓕᓯᓚᐅᕐᒪᑦ ᐃᑯᐊᓪᓔᓂᕐᒧᑦ ᑐᓂᕐᕈᑏᑦ ᐊᔪᕐᓂᕐᒧᓪᓗ ᑐᓂᕐᕈᑏᑦ ᐃᓴᕆᐊᓕᒥᐅᓕᒫᓄᑦ ᑐᕌᖓᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 43:22

ᐅᓪᓘᓪᓗ ᐂᑉᐸᖓᓂ ᐊᖑᓴᓪᓗᕐᒥᒃ ᒎᑦᓯᒥᒃ ᖃᓄᐃᓐᓂᖃᖏᑦᑐᒥᒃ ᐊᔪᕐᑐᓕᓂᕐᓄᑦ ᑐᓂᕐᕈᓯᕐᑐᒃᓴᐅᕗᑎᑦ; ᑕᕝᕙ ᑐᓂᕐᕈᓯᕐᕕᒃ ᐊᐅᖓᓄᑦ ᐃᑦᔪᕐᓁᑎᑕᐅᓂᐊᕐᐳᖅ, ᐊᖑᓴᓪᓗᕐᒧᑦ ᓴᓗᒻᒪᕐᑕᐅᓚᐅᕐᓂᖓᑐᑦ.

ᒨᓯᓯ ᐱᖓᔪᖏᑦ 1:4

ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ.

ᒨᓯᓯ ᐱᖓᔪᖏᑦ 12:8

“ᐊᕐᓇᕐᓕ ᑐᓂᕐᕈᑎᒃᓴᖃᖏᑉᐸᑦ ᓰᐱᐅᑉ ᓄᕐᕋᖓᓂᒃ, ᒪᕐᕉᖕᓂᒃ ᑑᕖᖕᓂᒃ ᐊᖅᑭᒡᒋᐅᔮᕐᑑᖕᓂᒃ, ᐱᑦᔭᓐᓂᒡᓘᓐᓃᑦ ᐱᐊᕋᕕᓃᖕᓂᒃ ᒪᕐᕉᖕᓂᒃ ᐋᑦᓯᔪᒃᓴᐅᕗᖅ, ᐱᖃᑖ ᐃᑯᐊᓪᓚᒡᓗᒍ ᑐᓂᕐᕈᑎᒃᓴᒥᒃ, ᐂᑉᐸᖓᓗ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ. ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᓴᓗᒻᒪᕐᓂᐊᕐᐳᕐᓗ.”

ᒨᓯᓯ ᐱᖓᔪᖏᑦ 14:18

ᐃᑎᒪᒥᓃᑦᑐᖅ ᐅᕐᓱᖅ ᐊᒥᐊᒃᑯᐊ ᐃᓕᔭᒃᓴᕆᕚ ᓴᓗᒻᒪᕐᓴᕐᑕᐅᔫᑉ ᓂᐊᖁᐊᑕ ᖄᖓᓄᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᕐᒥᑦ.

ᒨᓯᓯ ᐱᖓᔪᖏᑦ 15:15

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᑐᓂᕐᕈᑎᒋᓂᐊᕐᐰᑦ, ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᑐᓂᕐᕈᑕᐅᓗᓂ ᐃᑯᐊᓪᓚᒃᑕᐅᓗᓂ, ᑍᒫᒃ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓄᒃ ᑖᓐᓇ ᐊᓂᐊᑦᓯᕙᒃᑐᖅ ᐅᓱᖕᒥᒍᑦ.

ᒨᓯᓯ ᐱᖓᔪᖏᑦ 17:11

ᐆᒪᔪᑦ ᓂᕐᔪᑎᐅᑉ ᐊᐅᓂ ᐆᒪᑦᔪᑎᒋᖕᒪᒍ, ᐃᓕᑦᓯᓐᓄᑦ ᑐᓂᒐᒃᑯ ᐃᓱᒪᒋᔪᓐᓁᕐᕕᒋᔪᒪᓪᓗᓯ ᑐᓂᕐᕈᓯᕐᕕᖕᒥ, ᐊᐅᒃ ᐃᓱᒪᒋᔪᓐᓁᕐᕕᖃᕐᑎᑦᓯᖕᒪᑦ ᐃᓅᓯᕐᒥᒃ.

ᒨᓯᓯ ᐱᖓᔪᖏᑦ 19:22

ᓰᐱᐅᑉ ᐊᖑᓴᓪᓗᖓᓄᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒥᒃ ᑐᓂᕐᕈᓯᕐᑎᑦᓯᔨ ᐃᓱᒪᒋᔭᐅᔪᓐᓁᕐᕕᐅᑎᑦᓯᔭᕆᐊᖃᕐᐳᖅ ᐃᓄᖕᒥᒃ ᑖᑦᓱᒥᖓ ᐊᑕᓂᐅᑉ ᓵᖓᓂ ᐊᔪᕐᑐᓕᕆᓚᐅᕐᑕᖏᓐᓂᑦ, ᐊᔪᕐᓂᖏᑦ ᑕᕝᕙ ᐃᓱᒪᒋᔪᓐᓁᕐᑕᐅᓂᐊᕐᐳᑦ.

ᒨᓯᓯ ᐱᖓᔪᖏᑦ 3:5

ᐂᕉᓂᐅᓪᓗ ᐃᕐᓂᖏᑕ ᐃᑯᐊᓚᑎᑕᒃᓴᕆᕚᑦ ᑐᓂᕐᕈᓯᕐᕕᖕᒥ ᑐᓂᕐᕈᑏᑦ ᐃᑯᐊᓚᑎᑕᐅᔪᑦ ᖄᖏᓐᓂ ᕿᔪᐃᑦ ᖄᖏᓐᓃᑦᑐᓂ, ᑐᓂᕐᕈᑏᑦ ᑍᒤᑦᑐᑦ ᑐᓂᕐᕈᑎᐅᖕᒪᑕ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕙ.

ᒨᓯᓯ ᐱᖓᔪᖏᑦ 4:19

ᑐᓂᕐᕈᓯᕐᑎᐅᓪᓗ ᐊᖑᓴᓪᓘᑉ ᑐᓐᓄᓕᒫᖏᑦ ᐲᔭᒐᒃᓴᕆᕔᑦ, ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 4:20

ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:35

ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 5:10

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᑎᖕᒥᐊᑉ ᐂᑉᐸᖓ ᐃᑯᐊᓚᑦᓯᕕᖕᒥ ᑐᓂᕐᕈᑎᒋᔭᒃᓴᕆᕚ ᐱᖁᔭᐅᓯᒪᔪᖅ ᒪᓕᒡᓗᒍ, ᐃᓄᒃ ᑖᓐᓇ ᑐᓂᕐᕈᓯᕈᑎᒋᕚ ᐊᔪᕐᓂᖏᑦ ᐱᑦᔪᑎᒋᓪᓗᒋᑦ, ᐊᔪᕐᓂᖏᓐᓂᒡᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 5:13

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᑎᑉᐹ ᐊᔪᕐᓃᑦ ᓇᓪᓕᐊᑐᐃᓐᓁᑦ ᐱᓪᓗᒋᑦ ᐊᔪᕐᑐᓕᓂᕆᔭᖏᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. ᐊᒥᐊᒃᑯᖏᓪᓕ ᑐᓂᕐᕈᓯᕐᑎᑦᓯᔨᐅᑉ ᐱᒋᕚ, ᓂᐊᖂᔭᖅ ᑐᓂᕐᕈᑕᐅᑎᓪᓗᒍ.”

ᒨᓯᓯ ᐱᖓᔪᖏᑦ 5:16

ᐃᓄᒃ ᑖᓐᓇ ᐊᑭᓖᒋᐊᖃᕐᐳᖅ ᐱᔭᕆᐊᖃᓚᐅᕐᑕᒥᓂᒃ ᐱᓐᖏᓮᓐᓇᕐᓂᑯᒥᓂᒃ ᐃᑦᔪᕐᓁᑎᑕᐅᔪᑦ ᓇᓛᓄᑦ, ᓱᓕᓗ ᐊᑭᓖᒃᑲᓐᓂᕐᓗᓂ 20ᐳᓴᒥᒃ ᐊᑭᓕᕆᐊᖃᕐᑕᒥ ᐅᖓᑖᓄᑦ ᑐᓂᕐᕈᓯᕐᑎᒧᑦ ᑐᓂᓗᒋᑦ. ᑖᑦᓱᒪ ᑐᓂᕐᕈᓯᕈᑎᓂᐊᕐᐹ ᓰᐱᐅᑉ ᐊᖑᓴᓪᓗᖓᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ.

ᒨᓯᓯ ᐱᖓᔪᖏᑦ 5:18

ᐋᑦᓯᔪᒃᓴᐅᕗᕐᓗ ᑐᓂᕐᕈᓯᕐᑎᑦᓯᔨᒧᑦ ᑐᓂᕐᕈᑎᒃᓴᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᓰᐲᑦ ᐊᖑᓴᓪᓗᖓᓂᒃ ᐊᑭᖃᓪᓗᐊᕐᓗᓂᓗ ᐊᑭᒋᔭᕆᐊᖃᕐᑕᖓᓂᒃ. ᑍᒤᓕᐅᕐᐸᑦ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕈᑎᓂᐊᕐᐹ ᑕᒻᒪᕐᓯᒪᓂᖓ ᖃᐅᔨᖏᒃᑲᓗᐊᕐᓗᓂ ᐱᓂᐊᓚᐅᕐᑕᖓ ᐱᓪᓗᒍ ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ.

ᒨᓯᓯ ᐱᖓᔪᖏᑦ 6:7

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ ᐸᓯᔭᒃᓴᐅᑦᔪᑎᓕᒫᒥᓂᒃ.”

ᒨᓯᓯ ᓯᑕᒪᖏᑦ 15:25

ᑍᒫᒃ ᑐᓂᕐᕈᓯᕐᑎᑦᓯᔨ ᐃᓅᖃᑎᒌᒡᔪᐊᓂᒃ ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᒐᔭᕐᐳᖅ, ᑖᒃᑯᐊ ᐃᓱᒪᒋᔪᓐᓁᕐᕕᐅᒐᔭᕐᐳᑦ ᐲᔮᕆᓂᐅᖏᒻᒪᑦ; ᑐᓂᕐᕈᑎᒃᓴᒥᒃ ᓇᒃᓴᕐᓗᑎᒃ, ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ, ᐊᔪᕐᑐᓕᓂᖅ ᐱᑦᔪᑎᒋᓗᒍ ᐊᑕᓂᐅᑉ ᓵᖓᓂ, ᐱᔮᕆᓇᑎᒃ ᐊᔪᕐᑐᓕᓂᖏᓐᓄᑦ.

ᒨᓯᓯ ᓯᑕᒪᖏᑦ 15:28

ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᒃᒐᔭᕐᐹ ᐃᓄᒃ ᐱᔮᕆᓇᓂ ᐊᔪᕐᑐᓕᓚᐅᕐᑐᖅ, ᐱᔮᕆᓇᓂ ᐊᔪᕐᑐᓕᓚᐅᕐᐸᑦ ᐊᑕᓂᐅᑉ ᓵᖓᓂ, ᐃᓱᒪᒋᔪᓐᓁᕐᕕᐅᖁᓪᓗᒍ; ᑕᕝᕙ ᐃᓱᒪᒋᔪᓐᓁᕐᕕᐅᓂᐊᕐᐳᖅ.