ᒨᓯᓯ ᐱᖓᔪᖏᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᐃᓴᕆᐊᓕᒥᐅᓪᓕ ᓄᓇᖅᑲᑎᒌᓕᒫᑦ ᐱᔮᕆᖏᓪᓗᑎᒃ ᐊᔪᕐᑐᓕᒃᐸᑕ ᐊᑕᓂᐅᓪᓗ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑕ, ᓄᓇᓖᑦ ᖃᐅᔨᖏᒃᑲᓗᐊᕐᑎᓪᓗᒋᑦ, ᑕᕝᕙ ᑕᒪᕐᒥᒃ ᐸᓯᔭᒃᓴᐅᓕᕐᐳᑦ.

ᒨᓯᓯ ᐱᖓᔪᖏᑦ 4:13 Iomraidhean Croise

ᐄᓱᕋᐅᑉ ᐊᒡᓚᖏᑦ 10:19

ᑖᒃᑯᐊ ᐊᖏᓚᐅᕐᐳᑦ ᓄᓕᐊᒥᖕᓂᒃ ᐊᕕᑦᓯᔪᒪᓪᓗᑎᒃ; ᐸᓯᔭᒃᓴᐅᓂᕐᒥᖕᓄᑦ ᑐᓂᕐᕈᓯᓚᐅᕐᐳᑦ ᓰᐱᐅᑉ ᐊᖑᓴᓪᓗᖓᓂᒃ ᐊᔪᕐᑐᓕᓂᑎᒃ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᐃᓐᖏᕈᑎᑦ 19:13

ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 45:22

ᓇᓪᓕᐅᓐᓂᕐᓯᐅᕐᓂᐅᑉ ᐅᓪᓗᖓᓂ ᐊᖓᔪᖅᑳᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑐᐃᓐᓇᕈᐃᔪᒃᓴᐅᕗᖅ ᐃᒻᒥᓄᑦ ᐃᓄᓕᒫᓪᓗ ᐊᔪᕐᓂᖏᑦ ᐱᑦᔪᑎᒋᓗᓂᒋᑦ.

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᒨᓯᓯ ᐱᖓᔪᖏᑦ 16:5

ᓄᓇᓕᖕᓂᑦ ᐃᓴᕆᐊᓕᒥᐅᓂᑦ ᐱᑎᑕᐅᔭᕆᐊᖃᕐᐳᖅ ᒎᑦᓰᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓵᖕᓂᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᑐᓂᕐᕈᑎᒃᓴᒥᒃ ᐃᑯᐊᓚᒐᒃᓴᒥᒃ.

ᒨᓯᓯ ᐱᖓᔪᖏᑦ 4:21

ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 5:17

“ᐃᓄᐃᓪᓕ ᓇᓪᓕᐊᑦ ᐊᔪᕐᑐᓕᒃᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ, ᐃᓄᒃ ᓇᖕᒥᓂᖅ ᖃᐅᔨᖏᒃᑲᓗᐊᕐᓗᓂ ᑕᕝᕙ ᐸᓯᔭᒃᓴᐅᕗᖅ ᓱᒋᐊᒐᒃᓴᐅᓪᓗᓂᓗ, ᐱᓕᕆᔭᕆᐊᖃᕐᓗᓂᓗ ᐱᖁᔭᖅ ᒪᓕᒡᓗᒍ.

ᒨᓯᓯ ᐱᖓᔪᖏᑦ 6:4

ᓇᓪᓕᐊᓐᓂᒃ ᐊᔪᕐᑐᓕᒃᐸᑦ ᑕᕝᕙ ᐸᓯᔭᒃᓴᐅᓕᕐᐳᖅ, ᐅᑎᕐᑎᑦᓯᔭᕆᐊᖃᕐᐳᖅ ᑎᒡᓕᓚᐅᕐᑕᒥᓂᒃ, ᓵᓚᖃᕐᓂᕐᒥᓄᓪᓗ ᐊᕐᓵᕐᓯᑦᔪᑎᒋᓚᐅᕐᑕᒥᓂᒃ, ᑲᒪᒋᔭᕆᓚᐅᕐᑕᒥᓂᒡᓘᓐᓃᑦ, ᓇᓂᓚᐅᕐᑕᒥᓂᒡᓘᓐᓃᑦ ᐱᒋᔭᐅᔪᒥᒃ.

ᒨᓯᓯ ᓯᑕᒪᖏᑦ 15:22

“ᐱᔮᕆᖏᓪᓗᓯ ᐱᐅᖏᑦᑐᓕᒍᑦᓯ, ᐱᖁᔧᓪᓗ ᒪᓕᖏᓪᓗᒋᑦ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᑦ ᒨᓯᓯᒧᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:27

ᑍᒤᒻᒪᑦ ᓇᓪᓕᐊᑦ ᐊᑕᓂᐅᑉ ᓂᐊᖂᔭᖁᑎᖓᓂᑦ ᓂᕆᔪᖅ ᐃᒥᐅᑎᖓᓂᓪᓗ ᐃᒥᕐᑐᖅ ᐊᑕᓂᒥᒃ ᓂᕐᑐᕐᓇᕐᑎᑦᓯᖏᓪᓗᓂ ᑖᓐᓇ ᐸᓯᔭᒃᓴᐅᓕᕐᐳᖅ ᐊᑕᓂᐅᑉ ᑎᒥᖓᓄᑦ ᐊᐅᖓᓄᓪᓗ ᐊᔪᕐᑐᓕᖕᒪᑦ.

ᑎᒧᑎᒧᑦ ᓯᕗᓪᓖᑦ 1:13

ᓯᕗᕐᖓᒍᑦ ᐅᖃᕐᓂᕐᓘᑎᖃᕐᐸᓚᐅᕐᑎᓪᓗᖓ ᑖᑦᓱᒥᖓ, ᐊᑭᕋᕐᑐᕐᑎᐅᓪᓗᖓ, ᐃᓴᒍᓱᖃᕐᓇᖓᓗ. ᒎᑎᐅᓪᓕ ᓂᑲᒋᓚᐅᕐᐹᖓ ᑍᑦᓱᒪᓂ ᐅᒃᐱᕐᓂᖃᓚᐅᖏᓐᓇᒪ ᖃᓄᐃᓕᐅᕐᓂᒃᑲᓗ ᖃᐅᔨᒪᓚᐅᕐᓇᒋᑦ.

ᔮᓱᐊᑉ ᐊᒡᓚᖏᑦ 7:11

ᐃᓴᕆᐊᓕᒥᐅᑦ ᐊᔪᕐᑐᓕᓯᒪᖕᒪᑕ! ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓚᐅᕐᑕᑦᑎᓐᓂᒃ ᑎᓕᓯᑦᔪᑎᒋᓚᐅᕐᑕᓐᓂᒃ ᑖᒃᑯᓄᖓ; ᑎᒍᓯᓯᒪᖕᒪᑕ ᐱᖁᔭᐅᓚᐅᖏᑦᑐᓂᒃ ᑎᒡᓕᒡᓯᒪᓪᓗᑎᒃ, ᓴᒡᓗᓯᒪᓪᓗᑎᒡᓗ, ᑎᒍᔭᒥᖕᓂᒃ ᐱᖁᑎᒥᖕᓄᑦ ᐃᓚᓕᐅᑦᔨᓯᒪᖕᒪᑕ.