ᒨᓯᓯ ᐱᖓᔪᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐂᕉᓂᐅᓪᓗ ᐃᕐᓂᖏᑕ ᐃᑯᐊᓚᑎᑕᒃᓴᕆᕚᑦ ᑐᓂᕐᕈᓯᕐᕕᖕᒥ ᑐᓂᕐᕈᑏᑦ ᐃᑯᐊᓚᑎᑕᐅᔪᑦ ᖄᖏᓐᓂ ᕿᔪᐃᑦ ᖄᖏᓐᓃᑦᑐᓂ, ᑐᓂᕐᕈᑏᑦ ᑍᒤᑦᑐᑦ ᑐᓂᕐᕈᑎᐅᖕᒪᑕ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕙ.

ᒨᓯᓯ ᐱᖓᔪᖏᑦ 3:5 Iomraidhean Croise

ᐊᑕᓃᑦ ᓯᕗᓪᓖᑦ 8:64

ᑕᕝᕙᓂ ᐅᓪᓗᒥ ᑕᒪᓐᓇ ᑲᑎᒪᕕᐊᓘᑉ ᕿᑎᖓ ᐃᑦᔪᕐᓁᓕᑎᑉᐹᑦ, ᑐᒃᓯᐊᕐᕕᔪᐊᑉ ᓯᕗᕋᖓᓃᑦᑐᖅ, ᐱᔭᕇᕐᒪᓪᓗ ᑐᓂᕐᕈᓯᕐᐳᑦ ᐆᑕᒃᓴᓂᒃ ᓂᐊᖂᔭᒃᓴᓂᒃ ᐆᒪᔪᓂᒡᓗ ᖁᐃᒃᓯᑦᓯᐊᕆᓯᒪᔪᓂᒃ ᑐᓂᕐᕈᑕᐅᑎᓪᓗᒋᑦ ᑐᒃᓯᐊᕐᓂᕐᒧᑦ. ᑍᒤᓕᐅᕈᑎᒋᕚ ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭᖅ ᐱᑦᔪᑎᒋᓪᓗᒍ, ᒥᑭᓗᐊᕐᓂᖓᓄᑦ ᑐᓂᕐᕈᑎᒃᓴᐅᔪᓄᑦ.

ᑯᕉᓂᑲ ᐂᑉᐸᖏᑦ 35:14

ᑕᒪᑐᒪ ᑭᖑᕐᖓᒍᑦ ᐃᒻᒥᖕᓄᑦ ᐊᑐᐃᓐᓇᕈᐃᕗᑦ ᑐᓂᕐᕈᓯᕐᑎᑦᓯᔨᓄᓪᓗ, ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᑭᖑᕚᖏᑦ ᐱᔭᒃᓴᖃᕐᒪᑕ ᑐᓂᕐᕈᑎᒃᓴᓂᒃ ᐃᑯᐊᓪᓚᒐᒃᓴᓂᒃ ᑐᓐᓄᖏᓐᓂᒡᓗ ᐅᓐᓄᐊᖅ ᑎᑭᓪᓗᒍ; ᑍᒤᒻᒪᑦ ᓕᕔᑏᑦ ᐃᒻᒥᓄᑦ ᐊᑐᐃᓐᓇᕈᐃᓚᐅᕐᐳᑦ ᑐᓂᕐᕈᓯᕐᑎᑦᓯᔨᓄᓪᓗ ᐂᕉᓂᐅᑉ ᑭᖑᕚᖏᓐᓄᑦ.

ᒨᓯᓯ ᐂᑉᐸᖏᑦ 29:13

ᐃᕐᕋᕕᖏᑕ ᐃᓗᓕᒫᖏᑦ ᐲᔭᕐᑕᒃᓴᕆᕙᑎᑦ, ᑭᒃᓴᐅᑎᖓᓗ ᑎᖒᑉ ᖄᖓᓃᑦᑐᖅ, ᑕᕐᑐᖏᒃᑕᓗ ᐃᒡᓗᒃᑐᑦ ᑕᕐᑐᕈᑎᖏᑦ, ᑕᒪᕐᒥᒃ ᐃᑯᐊᓪᓚᒐᒃᓴᕆᕙᑎᑦ ᑐᓂᕐᕈᓯᕐᕕᖕᒥ ᑐᓂᕐᕈᑎᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 3:11

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᕆᕔᑦ ᓂᕿᒃᓴᐅᖁᓪᓗᒋᑦ, ᑐᓂᕐᕈᑕᐅᓪᓗᑎᒃ ᐃᑯᒪᒃᑯᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 3:4

ᑕᕐᑐᖏᒡᓗ ᐃᒡᓗᒃᑐᑦ ᑕᕐᑐᕈᑎᖏᒃ ᐊᑕᓗᑎᒃ ᑯᑦᑎᓂᖃᕐᓗᑎᒃ, ᑎᖑᖓᑕᓗ ᑭᒃᓴᐅᑎᖓ ᐲᖃᓯᐅᑎᔭᕆᐊᖃᕐᐹ ᑕᕐᑐᖏᒃ ᐲᓕᕈᓂᒋᒃ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:35

ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 6:12

ᐃᑯᒪ ᑐᓂᕐᕈᓯᕐᕕᖕᒦᑦᑐᖅ ᐃᑯᒤᓐᓇᕆᐊᖃᕐᐳᖅ; ᖃᒥᑦᓴᕆᐊᖃᓐᖏᓚᖅ. ᐅᓪᓛᑕᒫᑦ ᑐᓂᕐᕈᓯᕐᑎᑦᓯᔨ ᐃᓕᓯᔭᕆᐊᖃᕐᐳᖅ ᕿᔪᖕᓂᒃ ᐃᑯᐊᓚᒐᒃᓮᓪᓗ ᑐᓂᕐᕈᑏᑦ ᐋᖅᑭᒃᓱᒃᑲᓐᓂᕐᐸᒡᓗᒋᑦ, ᑐᓐᓄᕐᓂᒡᓗ ᐃᑯᐊᓪᓚᖅᑯᓯᕐᐸᒡᓗᒋᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᕕᓃᑦ ᖄᖏᓐᓃᑦᑐᑦ.

ᒨᓯᓯ ᐱᖓᔪᖏᑦ 7:28

ᐊᑕᓂᐅᑉ ᒨᓯᓯ ᐅᖃᐅᑎᕚ,

ᒨᓯᓯ ᐱᖓᔪᖏᑦ 9:17

ᓂᐊᖂᔭᕐᓗ ᑐᓂᕐᕈᑎᒃᓴᖅ ᑕᒪᐅᓐᖓᕆᕚ ᐊᒡᒐᖕᒥᓄᑦ ᑎᒍᓯᓪᓗᓂ ᑖᓐᓇ ᐃᑯᐊᓪᓚᒃᐹ ᑐᓂᕐᕈᓯᕐᕕᖕᒥ, ᐅᓪᓛᒥ ᑐᓂᕐᕈᑎᒋᔭᐅᔪᒧᑦ ᐃᓚᓕᐅᑎᓪᓗᒍ.

ᒨᓯᓯ ᓯᑕᒪᖏᑦ 15:8

ᑐᓂᕐᕈᓯᕐᓂᐊᕈᑦᓯᓕ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐆᑕᒃᓴᒥᒃ, ᐃᓚᔭᕆᐊᖃᕐᐳᖅ, ᐊᖏᕈᑎᒧᓪᓘᓐᓃᑦ ᑐᓂᕐᕈᑎᒋᓂᐊᕐᓗᒍ, ᓮᒻᒪᕐᑎᑕᐅᓂᕐᒧᓪᓗᓐᓃᑦ ᑐᓂᕐᕈᑎᒋᓗᒍ ᐊᑕᓂᕐᒧᑦ,

ᒨᓯᓯ ᓯᑕᒪᖏᑦ 18:17

ᐃᒻᒧᒃᓯᐅᒐᐅᑉ ᐃᕐᓂᐊᕆᖅᑳᕐᑕᖏᑦ, ᓰᐲᓪᓗ ᐃᕐᓂᐊᕆᖅᑳᕐᑕᖏᑦ ᒎᑦᓰᓪᓗ ᐃᕐᓂᐊᕆᖅᑳᕐᑕᖏᑦ ᐅᑎᕐᑎᑦᓴᕆᐊᖃᓐᖏᓚᓯ; ᐃᑦᔪᕐᓁᑦᑑᖕᒪᑕ. ᐊᐅᖏᑦ ᓯᕐᐸᕐᓴᕈᑎᔭᕆᐊᖃᕐᐸᓯ ᑐᓂᕐᕈᓯᕐᕕᖕᒧᑦ, ᑐᓐᓄᖏᓪᓗ ᐃᑯᐊᓪᓚᒃᑎᓪᓗᒋᑦ ᐃᑯᐊᓚᑎᑕᒃᓴᑎᑐᑦ ᑐᓂᕐᕈᑎᑎᑐᑦ ᐊᑕᓂᕐᒧᑦ ᑎᐱᑦᓯᐊᕆᒃᑑᖁᓪᓗᒋᑦ.

ᒨᓯᓯ ᓯᑕᒪᖏᑦ 28:12

ᐃᓚᖃᕐᓗᑎᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐆᒃᑑᑦ 3/10ᐃᕝᕙᒥᒃ, ᐅᕐᓱᒥᒃ ᐃᓚᖃᕐᓗᒍ ᐃᒻᒧᒃᓯᐅᒐᕐᒥᒃ ᑐᓂᕐᕈᓯᓕᕈᑦᓯ; ᓰᐱᒥᒃ ᐊᖑᓴᓪᓗᕐᒥᒃ ᑐᓂᕐᕈᓯᓕᕈᑦᓯ, 2/10ᐄᕝᕙᒥᒃ ᐊᖏᑎᒋᔪᒥᒃ ᓂᐊᖂᔭᒃᓴᒥᒃ ᐅᕐᓱᒥᒡᓗ ᐃᓚᖃᕐᓗᒍ;

ᒨᓯᓯ ᓯᑕᒪᖏᑦ 28:3

“ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.