ᒨᓯᓯ ᐱᖓᔪᖏᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᒪᓐᓇ ᑕᕝᕙ ᐱᖁᔭᖅ ᑭᖑᕚᕇᓄᑦ ᑭᖑᓪᓕᒃᓴᑦᑎᓐᓄᓪᓗ ᑐᕌᕐᑐᖅ, ᓇᓂ ᓄᓇᖃᕋᓗᐊᕈᕕᑦ ᓂᕆᔪᒃᓴᐅᓐᖏᓪᓚᑎᑦ ᑐᓐᓄᕐᒥᒃ ᐊᐅᖕᒥᒡᓘᓐᓃᑦ.’”

ᒨᓯᓯ ᐱᖓᔪᖏᑦ 3:17 Iomraidhean Croise

ᒨᓯᓯ ᓯᕗᓪᓖᑦ 9:4

ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᕐᑐᒥᒃ, ᑕᕝᕙ ᐊᐅᖓᓂᒃ.

ᑯᕉᓂᑲ ᐂᑉᐸᖏᑦ 29:35

ᐃᑯᐊᓪᓚᒋᐊᓖᑦ ᑐᓂᕐᕈᑏᑦ ᐅᓄᕐᓂᖏᓐᓄᑦ ᑐᓐᓄᖏᓐᓂᒃ ᓮᒪᖃᑎᒌᖕᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᓕᓚᐅᕐᐳᑦ, ᐃᒥᒐᒃᓮᓪᓗ ᑐᓂᕐᕈᑏᑦ ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ. ᑍᒤᓕᐅᕐᓗᑎᒃ ᐊᑕᓂᐅᑉ ᐃᒡᓗᖓᓄᑦ ᐱᔨᑦᓯᐅᑕᐅᔭᕆᐊᓖᑦ ᐅᑎᕐᑎᑕᐅᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 28:43

ᑕᒪᒃᑯᐊᓗ ᐂᕉᓂᐅᑉ ᐃᕐᓂᖏᑕᓗ ᑍᒪᓐᖓᑦ ᐊᑐᕐᑕᒃᓴᕆᕔᑦ ᑐᐱᖁᑎᓐᓄᑦ ᓇᔪᒐᓐᓄᑦ ᐃᑎᕐᓂᐊᑐᐊᕈᑎᒃ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᓂᐊᑐᐊᕈᑎᒃ ᑐᓂᕐᕈᓯᕐᑎᑦᓯᓂᕐᒥᒃ ᑕᕝᕙᓂ ᐃᑦᔪᕐᓁᕐᑐᕕᖕᒥ; ᑐᖁᑕᐅᔪᒃᓴᐅᖁᓇᒋᑦ ᑲᓐᖑᓇᕐᓂᕐᒥᖕᓂᒃ ᓴᖅᑭᑎᑦᓯᓂᕐᒥᖕᓄᑦ. ᑕᒪᓐᓇᓗ ᓱᖁᓯᔪᐃᑦᑑᓗᓂ ᒪᓕᒐᕆᔭᐅᓂᐊᕐᐳᖅ ᐂᕉᓂᒧᑦ ᑭᖑᕚᓕᒫᖏᓐᓄᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 33:25

ᑍᒤᒻᒪᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓂᕿᒥᒃ ᓂᕆᖃᑦᑕᕐᐳᓯ ᐊᐅᓕᖕᓂᒃ, ᒎᑎᓐᖑᐊᓄᓪᓗ ᑐᒃᓯᐊᕐᕕᖃᕐᐸᒡᓗᓯ, ᐃᓄᐊᕐᐸᒡᓗᓯᓗ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 10:15

ᒥᒥᖅ ᑐᓂᕐᕈᑕᐅᓯᒪᔪᖅ ᓴᑭᐊᒡᓗ ᐊᐅᓪᓚᕐᑎᑕᐅᓗᓂ ᑐᓂᕐᕈᑕᐅᓯᒪᔪᖅ ᐃᓚᖃᕐᓗᓂ ᑐᓐᓄᕐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᓂᒃ, ᐊᐅᓪᓚᕐᑎᑕᐅᓗᑎᒃ ᑐᓂᕐᕈᑎᒃᓮᑦ ᐊᑕᓂᕐᒧᑦ. ᑖᒃᑯᐊ ᑕᕝᕙ ᐃᕝᕕᑦ ᐱᑖᕆᔭᕆᐊᖃᕐᑕᑎᑦ ᕿᑐᕐᖓᕐᓄᓪᓗ, ᐊᑕᓂᖅ ᑍᒫᒃ ᐱᖁᔨᓚᐅᕐᒪᑦ.”

ᒨᓯᓯ ᐱᖓᔪᖏᑦ 10:9

“ᐃᕝᕕᑦ ᐃᕐᓂᑎᓪᓗ ᕔᓂᒥᒃ ᐃᒥᕆᐊᖃᓐᖏᓚᓯ, ᐊᓯᐊᓂᒡᓘᓐᓃᑦ ᐃᒥᐊᓗᓕᐊᕆᓯᒪᔪᒥᒃ ᐃᒥᕆᐊᖃᓐᖏᓚᓯ ᑐᐱᐅᑉ ᑲᑎᒪᕕᐅᑉ ᐃᓗᐊᓃᑎᓪᓗᓯ, ᑍᒤᓕᐅᕈᑦᓯ ᑐᖁᔪᒫᕐᐳᓯ, ᑕᒪᓐᓇ ᒪᓕᒐᐅᓂᐊᕐᐳᖅ ᑭᖑᕚᒃᓴᑦᓯᓐᓄᑦ.

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 16:34

ᑕᒪᓐᓇ ᐱᖁᔭᖅ ᐊᑐᕐᓂᐊᕐᐳᖅ ᐃᓕᑦᓯᓐᓄᑦ ᑍᒪᓐᖓᓕᒫᖅ: ᐃᓱᒪᒋᔭᐅᔪᓐᓁᕐᕕᐅᓂᖅ ᐊᑐᕐᑕᐅᖃᑦᑕᕐᓂᐊᕐᒪᑦ ᐊᕐᕌᒍ ᐊᑕᐅᓯᐊᕐᓗᒍ ᐃᓴᕆᐊᓕᒥᐅᑦ ᐊᔪᕐᑐᓕᓂᖏᑦ ᐱᓪᓗᒋᑦ. ᒨᓯᓯ ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ, ᑍᒤᓕᐅᓚᐅᕐᐳᖅ.

ᒨᓯᓯ ᐱᖓᔪᖏᑦ 17:7

ᑐᓂᕐᕈᓯᖃᑦᑕᕆᐊᖃᕈᓐᓃᕐᒪᑕ ᒎᑎᓐᖑᐊᓄᑦ ᒎᑦᓯᓐᖑᐊᓕᐊᕆᓯᒪᔪᓄᑦ ᓴᑍᕆᓄᑦ ᐃᒃᓕᒎᕐᓂᒃᑯᑦ ᐊᓯᓐᓂᐊᕐᕕᒋᕙᒃᑕᒥᖕᓄᑦ. ᑕᒪᓐᓇ ᐱᖁᔭᖅ ᑍᒤᓕᖕᒊᓐᓇᕐᓂᐊᕐᐳᖅ ᑍᒪᓐᖓᓕᒫᖅ ᑭᖑᕚᒃᓴᖏᓐᓄᓪᓗ.

ᒨᓯᓯ ᐱᖓᔪᖏᑦ 19:26

“ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 23:14

ᓂᐊᖂᔭᒥᒃ ᖃᓄᐃᑦᑐᑐᐃᓐᓇᕐᒥᒃ ᓂᕆᔭᕆᐊᖃᓐᖏᓚᓯ, ᐃᒐᐅᑉ ᐃᓗᐊᒍᑦ ᐆᓯᒪᔪᒥᒡᓘᓐᓃᑦ, ᓄᑖᒥᒡᓘᓐᓃᑦ ᐱᕈᕇᕐᑐᒥᒃ, ᐅᓪᓗᒥ ᑭᓯᐊᓂ ᑕᕝᕙᓂ ᒎᑎᒧᑦ ᑐᓂᕐᕈᓯᕐᕕᒋᔭᑦᓯᓐᓂ ᓂᕆᔪᓐᓇᕐᓯᖃᑦᑕᕐᓂᐊᕐᐳᓯ. ᑖᓐᓇ ᒪᓕᒐᖅ ᐊᑐᕐᑕᐅᖏᓐᓇᖃᑦᑕᕆᐊᓕᒃ ᑍᒪᓐᖓᓕᒫᖅ ᑭᖑᕚᑦᓯᓐᓄᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.’”

ᒨᓯᓯ ᐱᖓᔪᖏᑦ 23:21

ᐅᓪᓗᒥ ᑕᕝᕙᓂ ᑍᒤᓕᐅᕐᕕᒋᔭᑦᓯᓐᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ ᖃᐅᑕᒫᕐᓯᐅᑎᓂᒃ ᐱᓇᓱᐊᒐᕐᓂᑦ ᓄᖅᑲᖓᓗᓯ. ᑕᒪᓐᓇ ᒪᓕᒐᖅ ᐃᓕᖓᓂᐊᕐᒪᑦ ᑍᒪᓐᖓᓕᒫᒧᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.

ᒨᓯᓯ ᐱᖓᔪᖏᑦ 24:3

ᑖᓗᑕᕐᔪᐊᑉ ᐊᖏᕈᑎᑕᓕᐅᑉ ᓯᓚᑖᓂᑦᑐᑉ ᓵᖓᓂ, ᑐᐱᐅᑉ ᐃᑦᔪᕐᓁᑦᑐᕕᐅᑉ ᐃᓗᐊᓃᑦᑐᖅ, ᑖᒃᑯᐊ ᓇᓂᕈᐊᕐᕖᑦ ᑕᒫᓂᑦᑐᑦ ᐂᕉᓂᐅᑉ ᑲᒪᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ, ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑍᒪᓐᖓᓕᒫᖅ. ᑕᒪᓐᓇ ᒪᓕᒐᖅ ᑲᔪᓰᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.

ᒨᓯᓯ ᐱᖓᔪᖏᑦ 24:9

ᐂᕉᓂᓗ ᑭᖑᕚᖏᓪᓗ ᑭᓯᐊᓂ ᐃᑦᔪᕐᓁᑦᑐᕕᖕᒥ ᓂᕆᔪᓐᓇᕐᑐᑑᕗᑦ, ᑕᕝᕙᓂ ᑐᓂᕐᕈᑕᐅᔪᑦ ᐃᑦᔪᕐᓁᓐᓂᕐᐹᖑᖕᒪᑦ ᑖᒃᑯᐊᓗ ᓂᖀᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᑦ ᑐᓂᕐᕈᓯᕐᑎᑦᓯᔨᓄᑦ ᐃᑦᔪᕐᓁᓐᓂᕐᐹᖑᒪᑕ ᐊᑕᓂᕐᒧᑦ ᑐᓂᕐᕈᑕᐅᓯᒪᔪᓂᑦ.”

ᒨᓯᓯ ᐱᖓᔪᖏᑦ 3:16

ᑐᓂᕐᕈᓯᕐᑎᐅᑉ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ ᓂᕿᒃᓴᐅᖁᓪᓗᒋᑦ, ᑖᒃᑯᐊ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᒃᓴᐅᖕᒪᑕ, ᑎᐱᖓᓗ ᒪᒪᕐᓗᓂ ᑐᓐᓄᓕᒫᖏᒃ ᐊᑕᓂᐅᑉ ᐱᒋᕔᑦ.

ᒨᓯᓯ ᐱᖓᔪᖏᑦ 4:1

ᐊᑕᓂᐅᑉ ᒨᓯᓯ ᐅᖃᐅᑎᕚ,

ᒨᓯᓯ ᐱᖓᔪᖏᑦ 6:15

ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 6:18

ᐊᖑᑎᑦ ᐂᕉᓂᐅᑉ ᑭᖑᕚᖏᑦ ᓂᕆᔪᒃᓴᐅᕗᑦ. ᑕᒪᒃᑯᐊ ᐊᒥᐊᒃᑯᔭᐅᑦᔪᓯᐊᕆᖕᒪᒋᑦ ᑐᓂᕐᕈᑎᓂᑦ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ, ᑭᖑᕚᖏᑕ ᐊᑐᕐᓂᐊᕐᑕᖓ ᑭᖑᓪᓕᒃᓴᒥᖕᓄᑦ. ᓇᓪᓕᐊᑦ ᑖᒃᑯᓂᖓ ᐊᒃᑐᐃᔪᖅ ᐃᑦᔪᕐᓁᓕᓂᐊᕐᐳᖅ.”

ᒨᓯᓯ ᐱᖓᔪᖏᑦ 6:22

ᑖᒃᑯᐊᓗ ᐃᕐᓂᖓᑦ ᑭᖑᕝᕕᐅᑎᓂᐊᓕᕈᓂ ᒥᖑᐊᕐᑕᐅᕕᖏᓐᓂ ᐅᕐᓱᒧᑦ, ᑍᒥᑦᑐᒥᒃ ᓴᓇᔭᕆᐊᖃᕐᐳᖅ. ᑖᓐᓇ ᐊᑕᓂᐅᑉ ᐱᔭᒃᓴᕆᖕᒪᒍ ᑕᒪᒃᑭᕐᓗᒍ ᐃᑯᐊᓚᑎᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 7:23

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ; ᓂᕆᔭᕆᐊᖃᓐᖏᓚᓯ ᐃᒻᒧᒃᓯᐅᒊᑦ, ᓰᐲᓪᓘᓐᓃᑦ ᒎᑦᓰᓪᓘᓐᓃᑦ ᑐᓐᓄᖏᓐᓂᒃ.

ᒨᓯᓯ ᐱᖓᔪᖏᑦ 7:34

ᐃᓴᕆᐊᓕᒥᐅᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᖏᓐᓂᑦ, ᐆᒪᔫᑉ ᑐᓂᕐᕈᑎᐅᑉ ᓴᑭᐊᖏᒃ ᐊᐅᓪᓚᕐᑎᑕᒃᓴᐅᔫᑉ ᐊᑕᓂᐅᑉ ᓵᖓᓂ, ᐆᒪᔫᓪᓗ ᒥᒥᖓ ᑕᓕᕐᐱᒃ ᑐᓂᕐᕈᑕᐅᔪᖅ ᑖᒃᑯᐊ ᑐᓂᕙᒃᑲ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ ᐃᕐᓂᖏᓐᓄᓪᓗ ᑍᒤᑦᑐᓂᒃ ᐱᑎᑕᐅᖁᓪᓗᒋᑦ ᐃᓴᕆᐊᓕᒥᐅᓂᑦ.”

ᒨᓯᓯ ᐱᖓᔪᖏᑦ 7:36

ᐅᓪᓗᒥ ᑍᑦᓱᒪᓂ ᐅᕐᓱᒥᒃ ᓇᓗᓁᒃᑯᓯᕐᑕᐅᖕᒪᑕ ᓂᕈᐊᕐᑕᐅᓂᖏᓐᓂᒃ, ᐊᑕᓂᖅ ᐱᖁᔨᓚᐅᕐᐳᖅ ᐃᓴᕆᐊᓕᒥᐅᓂᒃ ᑍᒤᑦᑐᓂᒃ ᐂᑦᑐᕐᑕᐅᖃᑦᑕᖁᓪᓗᒋᑦ ᑭᖑᕚᒃᓴᖏᑦ ᑐᓂᕐᕈᓯᕐᑎᑦᓯᔩᑦ ᑍᒫᒃ ᑐᓂᔭᐅᖃᑦᑕᑯᓪᓗᒋᑦ.

ᒨᓯᓯ ᓯᑕᒪᖏᑦ 19:21

ᑕᒪᓐᓇ ᑍᒪᓐᖓᑦ ᒪᓕᒐᐅᓂᐊᕐᐳᖅ ᑖᒃᑯᓄᖓ. ᓇᓪᓕᐊᓪᓗ ᐃᒥᕐᒥᒃ ᓴᓗᒻᒪᕐᓮᑦᔪᑎᒥᒃ ᓯᕐᐸᕐᓮᔪᖅ ᐊᓐᓄᕌᓂ ᐅᐊᓴᕆᐊᖃᕐᐰᑦ; ᓇᓪᓕᐊᓪᓗ ᐃᒥᕐᒥᒃ ᓴᓗᒻᒪᕐᓮᑦᔪᑎᒥᒃ ᐊᒃᑐᕐᓯᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:29

ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᑦ ᓂᕆᖁᓇᓯ, ᐆᒪᔫᓪᓗ ᕿᒥᑕᕕᓂᐅᑉ ᐊᐅᖓᓂᒃ ᓂᕿᖓᓂᒡᓗ ᓂᕆᖁᓇᓯ; ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓇᓯ. ᑕᒪᒃᑯᓂᖓ ᐊᑐᕐᑍᓕᒍᑦᓯ ᐊᑲᐅᔪᒥᒃ ᐱᓂᐊᕐᐳᓯ. ᑕᕝᕙᐅᕗᓯ.”

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᒨᓯᓯ ᑕᓪᓕᒪᖏᑦ 12:16

ᐊᐅᖏᑦ ᓂᕆᔭᕆᐊᖃᕋᔭᓐᖏᑕᑐᐊᕆᕙᓯ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.

ᒨᓯᓯ ᑕᓪᓕᒪᖏᑦ 12:23

ᓂᕿᒥᒃ ᐊᐅᖃᕐᑐᒥᒃ ᓱᓕ ᓂᕆᔪᒃᓴᐅᓐᖏᓚᓯ, ᐃᓅᓯᖓ ᐊᐅᖓᓃᒻᒪᑦ, ᑍᒤᒻᒪᑦ ᐃᓅᔪᒥᒃ ᓂᕿᖓᓃᑦᑐᒥᒃ ᓂᕆᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 12:24

ᐊᐅᖕᒥᒃ ᓂᕆᔭᒃᓴᓕᐅᕐᑐᒃᓴᐅᓐᖏᓚᑎᑦ; ᐃᒥᕐᑎᑐᓪᓕ ᑯᕕᔭᒃᓴᕆᕙᑦ ᒪᓂᖅᑲᒧᑦ.

ᒨᓯᓯ ᑕᓪᓕᒪᖏᑦ 15:23

ᐊᐅᖏᓪᓕ ᓂᕆᔭᐅᔪᒃᓴᐅᓐᖏᓚᑦ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.”

ᒨᓯᓯ ᑕᓪᓕᒪᖏᑦ 32:14

ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 4:4

ᒎᑎᐅᑉ ᐱᓐᖑᕐᑎᓯᒪᔭᓐᖏᑦ ᑕᒪᕐᒥᒃ ᐱᐅᖕᒪᑕ, ᓇᕐᕈᒋᔭᒃᓴᐅᓐᖏᓚᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ ᑎᒍᔭᐅᒃᐸᑕ;