ᒨᓯᓯ ᐱᖓᔪᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑐᓂᕐᕈᓯᕐᑎᐅᑉ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ ᓂᕿᒃᓴᐅᖁᓪᓗᒋᑦ, ᑖᒃᑯᐊ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᒃᓴᐅᖕᒪᑕ, ᑎᐱᖓᓗ ᒪᒪᕐᓗᓂ ᑐᓐᓄᓕᒫᖏᒃ ᐊᑕᓂᐅᑉ ᐱᒋᕔᑦ.

ᒨᓯᓯ ᐱᖓᔪᖏᑦ 3:16 Iomraidhean Croise

ᒨᓯᓯ ᓯᕗᓪᓖᑦ 4:4

ᐂᐱᓕᓕ ᓰᐱᖁᑎᒥ ᕿᑐᕐᖓᕐᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᕐᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ.

ᑯᕉᓂᑲ ᐂᑉᐸᖏᑦ 29:35

ᐃᑯᐊᓪᓚᒋᐊᓖᑦ ᑐᓂᕐᕈᑏᑦ ᐅᓄᕐᓂᖏᓐᓄᑦ ᑐᓐᓄᖏᓐᓂᒃ ᓮᒪᖃᑎᒌᖕᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᓕᓚᐅᕐᐳᑦ, ᐃᒥᒐᒃᓮᓪᓗ ᑐᓂᕐᕈᑏᑦ ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ. ᑍᒤᓕᐅᕐᓗᑎᒃ ᐊᑕᓂᐅᑉ ᐃᒡᓗᖓᓄᑦ ᐱᔨᑦᓯᐅᑕᐅᔭᕆᐊᓖᑦ ᐅᑎᕐᑎᑕᐅᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 7:7

ᓲᓗᒨᓂᐅᓪᓗ ᐊᕙᓗᓕᐅᕐᓯᒪᔫᑉ ᕿᑎᐊ ᐃᑦᔪᕐᓁᑎᑉᐹ ᐊᑕᓂᐅᑉ ᐃᒡᓗᖓᑕ ᓯᕗᕌᓃᑦᑐᖅ, ᑕᕝᕙᓂᓗ ᑐᓂᕐᕈᓯᕐᐳᖅ ᐃᑯᐊᓚᑎᑕᒃᓴᓂᒃ ᑐᓐᓄᖏᓪᓗ ᓮᒪᖃᑎᒌᖕᓂᕐᒧᑦ ᑐᓂᕐᕈᑎᒋᕔᑦ, ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭ ᓲᓗᒨᓂᐅᑉ ᓴᓇᓚᐅᕐᑕᖓ ᐱᕕᑭᓗᐊᕐᒪᑦ ᑐᓂᕐᕈᑎᒃᓴᓄᑦ ᐃᑯᐊᓪᓚᒋᐊᓕᖕᓄᑦ, ᓂᐊᖂᔭᒃᓴᓄᑦ ᑐᓐᓄᕐᓄᓪᓗ ᑐᓂᕐᕈᑎᓴᓄᑦ.

ᒨᓯᓯ ᐂᑉᐸᖏᑦ 29:13

ᐃᕐᕋᕕᖏᑕ ᐃᓗᓕᒫᖏᑦ ᐲᔭᕐᑕᒃᓴᕆᕙᑎᑦ, ᑭᒃᓴᐅᑎᖓᓗ ᑎᖒᑉ ᖄᖓᓃᑦᑐᖅ, ᑕᕐᑐᖏᒃᑕᓗ ᐃᒡᓗᒃᑐᑦ ᑕᕐᑐᕈᑎᖏᑦ, ᑕᒪᕐᒥᒃ ᐃᑯᐊᓪᓚᒐᒃᓴᕆᕙᑎᑦ ᑐᓂᕐᕈᓯᕐᕕᖕᒥ ᑐᓂᕐᕈᑎᒋᓗᒋᑦ.

ᒨᓯᓯ ᐂᑉᐸᖏᑦ 29:22

“ᓰᐱᐅᑉ ᐊᖑᓴᓪᓗᖓᑕ ᑐᓐᓄᖏᑦ ᐲᕐᑕᒃᓴᕆᕙᑎᑦ, ᐸᒥᐊᓪᓗᐊᑕᓗ ᑐᓐᓄᖏᒃ, ᐃᕐᕋᕕᖏᑕᓗ ᐃᓗᖏᑦ, ᑎᖑᖓᑕᓗ ᐱᐅᓂᖓ, ᑕᕐᑐᖏᒡᓗ ᐃᒡᓗᒃᑐᑦ ᑕᕐᑐᕈᑎᖏᑦ ᐱᖃᓯᐅᑎᓗᒋᑦ, ᒥᒥᖓᓗ ᑕᓕᕐᐱᐊ. (ᑎᓕᔭᐅᓂᕐᒧᑦ ᑖᓐᓇ ᓰᐱ ᑐᓂᕐᕈᑎᒋᔭᐅᖕᒪᑦ).

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 17:6

ᑐᓂᕐᕈᓯᕐᑎᑦᓯᔨᐅᑉ ᐆᒪᔫᑉ ᐊᐅᖓ ᓯᕐᐸᕐᓴᕈᑎᒋᔭᕆᐊᖃᕐᐹ ᑐᓂᕐᕈᓯᕐᕕᖕᒧᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᑐᒧᑦ, ᐃᑯᐊᓪᓚᒡᓗᒋᓪᓗ ᑐᓐᓄᖏᑦ ᑎᐱᖓ ᒪᒪᕐᒪᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 4:26

ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 8:25

ᒨᓯᓯᐅᑉ ᑐᓐᓄᐃᑦ ᐲᔭᕐᐰᑦ, ᐸᒥᐊᓪᓗᖓᑕᓗ ᑐᓐᓄᖏᑦ, ᐃᒡᓗᒃᑐᑦ ᑕᕐᑐᕈᑎᖏᒡᓗ ᒥᒥᖓᑕᓗ ᑕᓕᕐᐱᐊ.

ᒨᓯᓯ ᐱᖓᔪᖏᑦ 9:24

ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᑐᓂᕐᕈᑏᓪᓗ ᐃᑯᐊᓚᒐᒃᓮᑦ ᓄᖑᑉᐰᑦ ᑐᓐᓄᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ. ᐃᓄᐃᓪᓗ ᑕᒪᑐᒥᖓ ᑕᑯᒐᒥᒃ, ᕾᒐᓛᕐᐳᑦ ᐹᒻᒪᒡᓗᑎᒡᓗ ᑮᓇᑎᒃ ᓄᓇᒧᑦ ᐊᒃᑐᕐᓗᒍ.

ᒫᑎᐅᓯᐅᑉ ᐊᒡᓚᖏᑦ 22:37

ᔩᓱᓯᐅᑉ ᑭᐅᕚ, “ᐊᑕᓂᖅ ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒪᑦᓯᓐᓄᓪᓗ ᑕᒤᓐᓄᑦ.