ᒨᓯᓯ ᐱᖓᔪᖏᑦ 27:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᑕᖏᑦ ᖃᖅᑲᒥ ᓮᓁᒥ ᐃᓴᕆᐊᓕᓄᑦ ᐃᓕᖓᖁᓪᓗᒋᑦ.

ᒨᓯᓯ ᐱᖓᔪᖏᑦ 27:34 Iomraidhean Croise

ᒨᓯᓯ ᐱᖓᔪᖏᑦ 26:46

ᑕᒪᒃᑯᐊ ᑕᒪᑦᔭ ᒪᓕᒊᑦ ᐱᖁᔧᓪᓗ, ᐊᑕᓂᐅᑉ ᑐᓂᓚᐅᕐᑕᖏᑦ ᒨᓯᓯᒧᑦ ᖃᖅᑲᒥ ᓮᓁᒥ ᐃᓄᖁᑎᒥᓄᑦ ᐃᓴᕆᐊᓕᓄᑦ.

ᒨᓯᓯ ᐱᖓᔪᖏᑦ 7:38

ᑖᒃᑯᐊ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᐰᑦ ᖃᖅᑲᒥ ᓮᓁᒥ, ᐅᓪᓗᒥ ᑕᕝᕙᓂ ᐃᓴᕆᐊᓕᒥᐅᑦ ᑐᓂᕐᕈᓯᖃᑦᑕᖁᒐᒥᒋᑦ ᐊᑕᓂᕐᒧᑦ, ᓄᓇᒥ ᓯᐅᕅᓐᓇᕐᒥ ᓮᓁᒥ.

ᒨᓯᓯ ᓯᑕᒪᖏᑦ 1:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ ᓮᓁᒥ ᐃᓄᖃᖏᑦᑐᒥ, ᑐᐱᕐᔪᐊᕐᒦᑎᓪᓗᒍ ᑲᑎᒪᕕᖕᒥ, ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ, ᐊᕐᕌᒍᑉ ᐂᑉᐸᕆᓕᕐᑕᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑎᓪᓗᒋᑦ, ᐃᒫᒃ ᐅᖃᕐᓗᓂ:

ᒨᓯᓯ ᓯᑕᒪᖏᑦ 28:6

ᑕᒪᓐᓇ ᑐᓂᕐᕈᓯᕐᓂᖅ ᑍᒪᓐᖓᑦ ᐊᑐᕐᑕᐅᓂᐊᕐᐳᖅ ᐱᒋᐊᕐᑎᑕᐅᓚᐅᕐᑐᖅ ᖃᖅᑲᒥ ᓮᓁᒥ ᑎᐱᑦᓯᐊᕆᒃᑑᓗᓂ ᑐᓂᕐᕈᑕᐅᔪᖅ ᐃᑯᐊᓚᑎᓪᓗᒍ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 3:1

ᐅᑯᐊ ᑕᕝᕙ ᑎᑎᕋᕐᑕᐅᓯᒪᔪᑦ ᐂᕉᓂᐅᑉ ᒨᓯᓯᐅᓪᓗ ᐃᓚᖏᑦ ᐊᑕᓂᖅ ᒨᓯᓯᒧᑦ ᐅᖃᕐᑎᓪᓗᒍ ᖃᖅᑲᒥ ᓮᓁᒥ.

ᒨᓯᓯ ᓯᑕᒪᖏᑦ 36:13

ᑖᒃᑯᐊ ᑕᕝᕙ ᐱᖁᔧᑦ ᐃᖅᑲᕐᑐᐃᑦᔪᑎᓪᓗ ᐊᑕᓂᐅᑉ ᒪᓕᒃᑕᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒨᓯᓯ ᐊᖅᑯᑎᒋᓪᓗᒍ ᒧᐊᐱᐅᑉ ᓇᑎᕐᓇᖓᓂ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᒨᓯᓯ ᑕᓪᓕᒪᖏᑦ 1:3

ᑕᖅᑮᑦ 11ᒋᓕᕐᑕᖏᑕ ᐅᓪᓗᖏᑕ ᓯᕗᓪᓕᕐᐹᖓᓂ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᑕ ᐊᕐᕌᒍᖏᑕ 40ᒋᓕᕐᑕᖓᓂ, ᒨᓯᓯᐅᑉ ᐃᓴᕆᐊᓕᒥᐅᑦ ᐅᖃᐅᑎᓚᐅᕐᐰᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᓕᒫᖏᓐᓂᒃ ᑖᒃᑯᓄᖓ.

ᒨᓯᓯ ᑕᓪᓕᒪᖏᑦ 29:1

ᒪᑯᐊ ᑕᕝᕙ ᐊᖏᖃᑎᒌᒍᑏᑦ ᐅᖃᐅᓯᕐᑕᖏᑦ ᒨᓯᓯᒧᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒧᐊᐱᒥᐅᑦ ᓄᓇᖓᓃᑎᓪᓗᒋᑦ; ᑕᒪᒃᑯᐊᓕᒫᑦ ᐃᓚᓕᐅᑎᔭᐅᓚᐅᕐᐳᑦ ᖃᖅᑲᒥ ᕼᐆᕆᑉᒥ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖏᓐᓄᑦ.

ᒨᓯᓯ ᑕᓪᓕᒪᖏᑦ 4:45

ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.