ᒨᓯᓯ ᐱᖓᔪᖏᑦ 27:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ “ᐃᓄᒃ ᐱᖁᑎᒥᓂᒃ ᑐᓂᕐᕈᑎᖃᕐᐸ ᐊᑕᓂᕐᒧᑦ, ᐃᓄᖕᒥᒡᓘᓐᓃᑦ ᓂᕐᔪᑎᒥᒡᓘᓐᓃᑦ, ᓄᓇᒥᒡᓘᓐᓃᑦ, ᑕᒪᒃᑯᐊ ᓂᐅᕕᐊᖑᔪᓐᓇᓐᖏᓚᑦ ᐅᑎᕐᑎᑕᐅᔪᓐᓇᕋᑎᒡᓗ, ᑍᒤᑦᑐᑦ ᐃᑦᔪᕐᓁᑦᑑᓕᖃᑦᑕᕐᒪᑕ ᐊᑕᓂᐅᑉ ᐱᒋᓕᕐᒪᒋᑦ.

ᒨᓯᓯ ᐱᖓᔪᖏᑦ 27:28 Iomraidhean Croise

ᑯᕉᓂᑲ ᐂᑉᐸᖏᑦ 31:14

ᑯᕆᓗ ᐃᒻᓇᐅᑉ ᐃᕐᓂᖓ ᓕᕔᑎ, ᐃᑎᕐᑕᕐᕕᖕᒥᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᑲᒪᔨᐅᔪᖅ, ᑖᓐᓇ ᑲᒪᔨᐅᕗᖅ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᑎᐅᔪᓂᒃ ᒎᑎᒧᑦ, ᑐᓂᓯᔨᐅᖁᓪᓗᒍ ᑐᓂᕐᕈᑎᓂᒃ ᐃᑦᔪᕐᓁᓐᓂᕐᐹᓂᒃ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 44:29

ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᑐᒃᓴᐅᕗᑦ ᓂᐊᖂᔭᒃᓴᓂᒃ, ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᕕᓂᕐᓂᒃ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓂᕐᓂᒃ; ᐱᑖᖃᑦᑕᕐᑐᒃᓴᐅᕗᓪᓗ ᐃᓴᕆᐊᓕᒥᐅᓄᑦ ᐅᕙᓐᓄᑦ ᑐᓂᕐᕈᑕᐅᓯᒪᔪᓕᒫᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 48:14

ᑖᒃᑯᐊ ᓂᐅᕐᕈᑎᖃᕐᑐᒃᓴᐅᓐᖏᓚᑦ ᑕᐅᕐᓯᐅᑦᔨᔪᒃᓴᐅᓐᖏᓚᓪᓘᓐᓃᑦ ᓄᓇᖁᑎᒥᖕᓂᒃ; ᑕᒪᓐᓇ ᐃᒃᐱᒋᔭᐅᑦᓯᐊᕐᑐᒃᓴᐅᕗᖅ ᓄᓇᐅᑉ ᐱᐅᓂᕐᐹᕆᖕᒪᒍ, ᐊᑕᓂᕐᒧᑦ ᐃᑦᔪᕐᓁᑦᑑᒪᑦ.

ᒨᓯᓯ ᐱᖓᔪᖏᑦ 21:22

ᑍᒤᑦᑐᑦ ᓂᕆᔪᓐᓇᕐᐳᑦ ᑐᓂᕐᕈᑎᕕᓂᕐᓂᒃ ᒎᑎᒧᑦ, ᐃᑦᔪᕐᓁᑦᑐᓂᒃ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ, ᐊᒻᒪᓗ ᐃᑦᔪᕐᓁᓐᓂᕐᓴᓂᒃ ᓂᕿᒃᓴᓂᒃ;

ᒨᓯᓯ ᐱᖓᔪᖏᑦ 27:21

ᓄᓇ ᑍᒫᒃ ᑐᓂᕐᕈᑎᕕᓂᖅ ᓴᑐᕐᑕᐅᓯᒪᖏᑦᑐᖅ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ, ᓄᓇ ᑖᓐᓇ ᐃᑦᔪᕐᓁᑦᑑᓕᕐᐳᖅ, ᐊᑕᓂᕐᒧᓪᓗ ᑐᕌᓕᕐᓗᓂ; ᑐᓂᕐᕈᓯᕐᑎᑦᓯᔨᓂᑦ ᐱᒋᔭᐅᔭᕆᐊᖃᓕᕐᐳᖅ.

ᒨᓯᓯ ᐱᖓᔪᖏᑦ 27:27

ᓂᕐᔪᑎ ᓴᓗᒤᑦᑑᒃᐸᑦ ᐃᓄᐊᑕ ᐅᑎᕐᑎᑦᓱᓐᓇᕐᐹ ᐊᑭᒋᖁᔭᐅᓯᒪᔪᒥᒃ ᐊᑭᖃᕐᓗᓂ ᐃᓚᓗᒍᓗ 20ᐳᓴᓐᒥᒃ, ᐃᓄᐊᑕ ᐅᑎᕐᑎᑦᓱᒪᖏᑉᐸᒍ, ᓂᐅᕕᐊᖑᔪᓐᓇᕐᐳᖅ ᐊᑭᒋᖁᔭᐅᓯᒪᔪᒥᒃ ᐊᑭᖃᕐᓗᓂ.

ᒨᓯᓯ ᐱᖓᔪᖏᑦ 27:29

ᐃᓄᒃ ᐊᑕᓂᕐᒧᑦ ᓱᓕᑦᓯᐊᕐᓗᓂ ᑐᓂᕐᕈᑎᒋᔭᐅᔪᖅ ᐅᑎᕐᑎᑕᐅᔪᓐᓇᓐᖏᓚᖅ, ᑖᓐᓇ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 18:14

“ᓱᓇᑐᐃᓐᓁᑦ ᐃᓴᕆᐊᓕᒥᐅᓂᑦ ᐃᑦᔪᕐᓁᑎᑕᐅᔪᑦ ᐱᒋᔭᕆᐊᖃᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:22

ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ! ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᒐᓔᑎᐊᒥᐅᓄᑦ 3:13

᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”

ᒨᓯᓯ ᑕᓪᓕᒪᖏᑦ 25:19

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᓄᓇᑖᕐᑎᓯᒪᓕᕐᐸᓯ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ ᐊᑭᕋᓕᒫᑦᓯᓐᓂᓪᓗ ᖃᓂᒋᔭᑦᓯᓐᓃᑦᑐᓂᑦ ᐅᐸᒃᑕᐅᓂᐅᓴᔪᓐᓁᕈᑦᓯ, ᐊᒪᓕᖕᒥᐅᑦ ᐊᑕᖏᑦᓯᐊᕐᓗᒋᑦ ᑐᑯᕋᕐᑕᒃᓴᕆᕙᓯ, ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓁᖁᓪᓗᒋᑦ, ᑕᒪᑐᒥᖓ ᐳᐃᒍᕐᑍᓕᒋᑦᓯ!”

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔮᓱᐊᑉ ᐊᒡᓚᖏᑦ 6:26

ᑍᑦᓱᒪᓂᐅᑎᓪᓗᒍ ᔮᓱᐊ ᐃᓂᕐᑎᕐᓯᕆᕗᖅ, “ᓇᓪᓕᐊᑦ ᓴᓇᓇᓱᒃᑐᖅ ᐃᒡᓗᒐᓴᖕᓂᒃ ᔨᕆᑯᒥᒃ ᐊᑕᓂᐅᑉ ᓂᓐᖓᐅᓯᖓᓃᓐᓂᐊᕐᐳᖅ. ᓇᓪᓕᐊᓪᓗ ᑐᓐᖓᕕᖓᓂᒃ ᐋᖅᑭᒃᓯᓇᓱᒃᑐᖅ ᐊᖓᔪᒃᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ, ᐃᑎᕐᑕᕐᕕᖓᓂᒡᓗ ᐋᖅᑭᒃᓯᓇᓱᒃᑐᖅ ᓄᑲᕐᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ.”

ᔮᓱᐊᑉ ᐊᒡᓚᖏᑦ 7:1

ᐃᓴᕆᐊᓕᒥᐅᑉ ᑎᒍᓯᔪᖃᓚᐅᕐᐳᑦ ᐱᔭᐅᖁᔭᐅᖏᑦᑐᓂᒃ; ᐊᖑᑦ ᐂᑲᓐᒥᒃ ᐊᑎᓕᒃ ᑳᕐᒥᐅᑉ ᐃᕐᓂᖓ, ᑳᕐᒥ ᐃᕐᓂᕆᔭᐅᕗᖅ ᔭᑉᑍᒧᑦ, ᔭᑉᑍ ᐃᕐᓂᕆᔭᐅᕗᖅ ᔨᕋᒧᑦ, ᔫᑕᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᐂᑲᓐ ᐊᑕᓂᕐᒧᑦ ᑐᓂᔭᐅᓯᒪᔪᓂᒃ ᑎᒍᓯᓚᐅᕐᒪᑦ; ᐊᑕᓂᖅ ᓂᓐᖓᐅᑦᔨᓚᐅᕐᐳᖅ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 7:25

ᑕᕝᕙ ᔮᓱᐊᑉ ᐅᖃᐅᑎᕚ, “ᖃᓄᐃᒻᒪᑦ ᐱᐅᖏᑦᑐᒥᒃ ᐅᕙᑦᑎᓐᓄᑦ ᐱᑎᑦᓯᓚᐅᕐᐲᑦ? ᐊᑕᓂᐅᑉ ᒫᓐᓇ ᐱᐅᖏᑦᑐᒥᒃ ᐱᑎᓐᓂᐊᓕᕐᐹᑎᑦ.” ᐃᓴᕆᐊᓕᒥᐅᓕᒫᓪᓗ ᐅᔭᕋᖕᓄᑦ ᒥᓪᓗᕐᐹ ᑐᖁᓪᓗᒍ; ᐃᑭᓪᓗᒋᓪᓗ ᐃᓚᖏᑦ ᐱᖁᑎᖏᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 21:11

ᐃᒫᒃ ᐱᓂᐊᕐᐳᓯ, ᐊᖑᑎᓕᒫᑦ ᐊᕐᓇᓕᒫᓪᓗ ᐊᖑᑎᓂᒃ ᐃᓐᓇᖓᖃᑎᖃᕐᓯᒪᔪᑦ ᓄᖑᓪᓗᒋᑦ ᑐᖁᕋᕐᓂᐊᕐᐸᓯ.”

ᐃᓗᐊᕐᓮᔩᑦ ᐊᒡᓚᖏᑦ 21:18

ᑭᓯᐊᓂ ᓄᓕᐊᕐᑖᕐᑎᑦᓱᓐᓇᖏᓐᓇᑦᑎᒍ ᐸᓂᑦᑎᓐᓂᒃ.” ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᖏᖃᑎᒌᒍᑎᓕᐅᓚᐅᕐᒪᑕ, “ᓇᕐᕈᓇᕐᓯᑎᑕᐅᓕ ᓇᓪᓕᐊᑦ ᐸᓂᒥᓂᑦ ᓄᓕᐊᕐᑖᕐᑎᑦᓯᔪᖅ ᐱᓐᔭᒥᓂᐅᑉ ᑭᖑᕚᖏᓐᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 21:5

ᐃᓄᒋᐊᒃᑐᕐᔪᐊᓪᓗ ᐊᐱᕆᕗᑦ, “ᓇᓪᓕᖐᑦ ᐃᓚᒌᑦ ᐃᓴᕆᐊᓕᒥᐅᑦ ᑭᖑᕚᖏᓐᓂ ᑲᑎᖃᑕᐅᔭᕐᑐᓛᓐᖏᓛᑦ ᐊᑕᓂᐅᑉ ᓵᖓᓂ ᒥᔅᐸᒥ?” ᐊᖏᕈᑎᖃᒻᒪᕆᓚᐅᕋᒥᒃ ᒥᔅᐸᒧᑦ, ᑲᑎᒋᐊᕐᑐᖏᑦᑐᑦ ᐱᓪᓗᒋᑦ, ᑐᖁᑕᒃᓴᐅᓂᖏᓐᓂᒃ. ᐅᖃᕐᓗᑎᒃ, “ᑲᑎᖃᑕᐅᖏᑦᑐᑦ ᑐᖁᑕᒃᓴᐅᕗᑦ.”

ᓴᒧᐃᓕ ᓯᕗᓪᓖᑦ 15:18

ᐊᑕᓂᐅᓪᓗ ᑎᓕᓚᐅᕐᐹᑎᑦ ᐱᔭᒃᓴᖃᖁᓪᓗᑎᑦ ᐅᖃᕐᓗᓂ, ‘ᐊᐅᓪᓚᕆᑦ, ᐊᔪᕐᑐᓕᔪᑦ ᐊᓯᕈᕆᐊᕐᑐᒃᑭᑦ ᓄᖑᑦᓯᐊᕐᓗᒋᑦ, ᐊᒪᓕᑬᒥᐅᑦ ᐅᓇᑕᕐᓂᐊᕐᐸᑎᑦ ᓄᖑᓚᐅᖅᑳᕐᑎᓐᓇᒋᑦ.’

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”