ᒨᓯᓯ ᐱᖓᔪᖏᑦ 26:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓮᒻᒪᕐᑎᑦᓱᒪᕙᑦᓯ, ᑭᖑᕚᒃᓴᓕᐅᕐᓂᐊᕐᐳᓯᓗ ᐅᓄᕐᑐᓂᒃ, ᐅᓄᕐᓯᕙᓪᓕᐊᓂᐊᕐᐳᓯᓗ, ᐊᖏᕈᑎᒋᓯᒪᔭᒃᑲᓗ ᐃᓕᑦᓯᓐᓄᑦ ᑲᔪᓯᑎᓐᓂᐊᕐᐸᒃᑲ.

ᒨᓯᓯ ᐱᖓᔪᖏᑦ 26:9 Iomraidhean Croise

ᒨᓯᓯ ᓯᕗᓪᓖᑦ 1:28

ᒎᑎᐅᓪᓗ ᑖᒃᑯᐊᒃ ᓮᒻᒪᕐᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᕐᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᕐᓗᒍᓗ; ᐊᖓᔪᖅᑲᐅᕕᒋᓕᕐᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.”

ᒨᓯᓯ ᓯᕗᓪᓖᑦ 17:20

ᐃᓯᒥᐅᓪ ᐱᓪᓗᒍ, ᑐᓴᕐᓯᒪᕙᒋᑦ; ᑕᑯᒋᑦ, ᓮᒻᒪᕐᑎᑦᓱᒪᕙᕋ ᕿᑐᕐᖓᖃᕐᑎᓪᓗᒍᓗ ᐅᓄᕐᑐᓂᒃ ᑭᖑᕚᒃᓴᖃᕐᑎᓪᓗᒍᓗ ᐅᓄᕐᑐᕐᔪᐊᓂᒃ; ᐊᑖᑕᒋᔭᐅᔪᒫᕐᐳᕐᓗ ᐊᖓᔪᖅᑳᕐᔪᐊᑦ ᐃᕐᓂᖏᓐᓄᑦ 12ᓄᑦ ᑭᖑᕚᖏᓪᓗ ᐃᓅᖃᑎᒌᒡᔪᐊᓐᖑᕐᑎᑦᓱᒫᕆᕙᒃᑲ.

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 26:4

ᑭᖑᕚᑎᑦ ᐅᓄᕐᑐᕐᔪᐊᓐᖑᕐᑎᑦᓱᒫᕐᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᕐᐸᒃᑲ ᑭᖑᕚᕐᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ;

ᒨᓯᓯ ᓯᕗᓪᓖᑦ 28:14

ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᒨᓯᓯ ᓯᕗᓪᓖᑦ 28:3

ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᕐᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᑎᓪᓗ, ᐅᓄᕐᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ.

ᒨᓯᓯ ᓯᕗᓪᓖᑦ 48:4

ᐅᖃᐅᑎᓪᓗᖓᓗ, ‘ᑕᑯᒋᑦ, ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐃᓄᒋᐊᒃᓯᕙᓪᓕᐊᑎᓪᓗᑎᓪᓗ, ᐃᓄᒐᓴᒃᔪᐊᓐᖑᕐᑎᑦᓱᒫᕐᐸᒃᑲ, ᓄᓇᓗ ᑕᒪᓐᓇ ᐃᓕᖕᓄᑦ ᓄᓇᑖᕆᔭᐅᑎᓐᓂᐊᕐᐸᕋ ᑭᖑᓂᕐᓂᓗ ᑭᖑᕚᕐᓄᑦ ᓄᓇᒋᔭᐅᔪᒫᕐᐳᖅ ᐃᓱᖃᖏᑦᑐᒧᑦ.’

ᒨᓯᓯ ᓯᕗᓪᓖᑦ 6:18

ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖓ ᐃᓚᒋᓗᑎᑦ; ᐅᒥᐊᕐᔪᐊᕐᒧᓪᓗ ᐃᑭᔪᒫᕐᐳᑎᑦ ᐃᕐᓂᑎᓪᓗ, ᓄᓕᐊᓪᓗ, ᐃᕐᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ.

ᐊᑕᓃᑦ ᓯᕗᓪᓖᑦ 3:8

ᐱᔩᓪᓗ ᐃᓄᖁᑎᕕᑦ ᐊᑯᕐᖓᓐᓃᑉᐳᖅ ᓂᕈᐊᕆᓚᐅᕐᑕᕕᑦ, ᐃᓄᒋᐊᒃᑐᕐᔪᐊᑦ, ᐊᒡᓛᑦ ᐅᓄᓗᐊᕐᓂᖏᓐᓄᑦ ᓈᓴᕐᑕᐅᔪᓐᓇᖏᑦᑐᑦ.

ᐊᑕᓃᑦ ᐂᑉᐸᖏᑦ 13:23

ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.

ᓂᕼᐃᒤᐊᐅᑉ ᐊᒡᓚᖏᑦ 2:20

ᑕᕝᕙ ᑭᐅᓚᐅᕐᐸᒃᑲ, “ᒎᑎᐅᑉ ᕿᓚᖕᒦᑦᑑᑉ ᐱᕙᓪᓕᐊᑎᓐᓂᐊᕐᐹᑎᒍᑦ, ᐅᕙᒍᑦ ᑖᑦᓱᒧᖓ ᐱᔨᐅᔪᒍᑦ ᒪᑭᓪᓗᑕ ᓴᓇᒋᐊᕐᓂᐊᓕᕐᐳᒍᑦ; ᐃᓕᑦᓯᓕ ᐱᖃᖃᑕᐅᓂᐊᓐᖏᓚᓯ ᐃᓚᒋᔭᐅᓂᐊᓐᖏᓚᓯᓘᓐᓃᑦ ᐃᖅᑲᐅᒪᔭᐅᑦᔪᑎᒃᓴᖃᕐᓂᐊᓐᖏᓚᓯᓘᓐᓃᑦ ᔨᕉᓴᓕᒥ.”

ᓂᕼᐃᒤᐊᐅᑉ ᐊᒡᓚᖏᑦ 9:23

ᕿᑐᕐᖓᕐᑖᕐᑎᓚᐅᕐᐸᑎᓪᓗ ᐅᓄᕐᑐᐊᓗᖕᓂᒃ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ, ᓄᓇᑖᕐᑎᓚᐅᕐᐸᑎᓪᓗ ᐊᖏᕐᕋᒃᓴᖏᓐᓂᒃ ᓯᕗᓪᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᐃᓐᖏᕈᑎᑦ 107:38

ᓮᒻᒪᕐᑎᓚᐅᕆᕔᑦ ᐃᓄᒋᐊᒃᑐᕐᔪᐊᓐᖑᕐᑎᓪᓗᒋᑦ; ᐆᒪᔪᖁᑎᖏᓪᓗ ᐃᒻᒧᒃᓯᐅᒊᑦ ᖃᑦᓰᓐᓇᕈᕐᐸᓪᓕᐊᓚᐅᓐᖏᓚᑦ.

ᐃᓐᖏᕈᑎᑦ 89:3

ᐃᕝᕕᓪᓕ ᐅᖃᕐᐳᑎᑦ, “ᓂᕈᐊᕐᓯᒪᔭᕋ ᐊᖏᖃᑎᒋᓯᒪᕙᕋ, ᐱᔨᒐ ᑍᕕᑎ ᐊᖏᒻᒪᕆᖃᑎᒋᓚᐅᕐᐸᕋ:

ᒨᓯᓯ ᐂᑉᐸᖏᑦ 1:7

ᑭᓯᐊᓂᓕ ᑭᖑᕚᖏᑦ ᐃᓴᕆᐊᓕᒥᐅᑦ ᕿᑐᕐᖓᕐᑖᖃᑦᑕᕐᓂᕐᒧᑦ ᐅᓄᕐᓯᓚᐅᕐᐳᑦ ᓲᖑᓂᖃᕐᓗᑎᒡᓗ ᐄᑦᔨᑉᑎᓗ ᐃᓄᒋᐊᒃᓯᓚᐅᕐᐳᖅ ᑖᒃᑯᓄᖓ.

ᒨᓯᓯ ᐂᑉᐸᖏᑦ 2:25

ᐃᓴᕆᐊᓕᒥᐅᓪᓗ ᐃᓖᔭᕆᔭᐅᓂᖏᑦ ᒎᑎᐅᑉ ᑕᑯᒐᒥᖏᑦ ᐃᓱᒪᒋᒻᒪᕆᓕᕐᐰᑦ.

ᒨᓯᓯ ᐂᑉᐸᖏᑦ 6:4

ᑖᒃᑯᓄᖓᓗ ᐊᖏᕈᑎᖃᓚᐅᕐᐳᖓ, ᓄᓇᒥᒃ ᑬᓇᓂᒥᒃ ᑐᓂᓯᕕᒋᔪᒪᓪᓗᒋᑦ, ᑕᒪᑐᒥᖓ ᓄᓇᒥᒃ ᓂᐅᕐᕈᐊᖑᓪᓗᑎᒃ ᓇᔪᓚᐅᕐᑕᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 23:4

ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 16:62

ᐊᖏᖃᑎᒌᒍᑎᒋᓯᒪᔭᕋ ᐊᑐᓕᕐᑎᑦᓱᒫᕐᐸᕋ ᐃᓕᑦᓯᓐᓄᑦ, ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 36:9

ᑕᑯᒋᑦ, ᑕᑉᐱᕐᓗᓯ, ᓵᕝᕕᒋᓂᐊᕐᐸᑦᓯ, ᐃᑎᕐᓴᓕᐅᕐᑕᐅᓗᓯ ᑲᓐᖓᕐᓱᐃᕕᐅᔪᒫᕐᐳᓯ;

ᒨᓯᓯ ᐱᖓᔪᖏᑦ 26:15

ᐱᖁᔭᓐᓂᒡᓗ ᒪᓕᒍᒪᖏᒃᑯᑦᓯ, ᐃᓕᑦᓯᓐᓄᓪᓗ ᐊᖏᕈᑎᒋᓯᒪᔭᓐᓂᒃ ᓯᖁᒥᑦᓯᒍᑦᓯ,

ᓘᑲᓯᐅᑉ ᐊᒡᓚᖏᑦ 1:72

ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ, ᐊᖏᕐᓯᒪᓂᓂᓗ ᐃᑦᔪᕐᓁᑦᑐᖅ ᐃᖅᑲᐅᒪᓪᓗᒍ.

ᒨᓯᓯ ᑕᓪᓕᒪᖏᑦ 28:11

ᐊᑕᓂᐅᓪᓗ ᕿᑐᕐᖓᕐᑖᕐᑎᑦᓱᒫᕐᐹᓯ ᐅᓄᕐᑐᓂᒃ, ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓂᐊᖂᔭᒃᓴᓂᒡᓗ ᑍᒪᓐᖓᑦ ᐱᕈᕐᑎᑦᓯᕙᓪᓕᐊᖏᓐᓇᕐᓂᐊᕐᐳᓯ ᑕᒫᓂ ᓄᓇᒥ ᓯᕗᓕᕕᓂᑦᓯᓐᓄᑦ ᑐᓂᔪᒪᓪᓗᒍ ᐊᖏᕈᑎᒋᓚᐅᕐᑕᖓᓂ ᓄᓇᖃᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 28:4

“ᓮᒻᒪᕐᑎᓐᓂᐊᕐᐹᓯᓗ ᐅᓄᕐᑐᓂᒃ ᕿᑐᕐᖓᖃᕐᑎᓪᓗᓂᓯ, ᓂᐊᖂᔭᒃᓴᓂᒡᓗ ᐱᕈᕐᓰᕕᖁᑎᓯ ᐱᕈᕐᕕᐅᕙᓪᓕᐊᖏᓐᓇᕐᓂᐊᕐᐳᑦ, ᐅᓄᕐᑐᓂᒡᓗ ᐃᒻᒧᒃᓯᐅᒐᖁᑎᖃᓕᕐᓗᓯ ᓰᐱᖁᑎᖃᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 7:13

ᑕᕝᕙ ᓇᒡᓕᒋᓂᐊᕐᐹᑎᑦ ᓮᒻᒪᕐᑎᓪᓗᓂᑎᓪᓗ, ᐃᓄᒋᐊᒃᓯᕙᓪᓕᐊᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᓂᑎᓪᓗ ᐅᓄᕐᑐᓂᒃ; ᐱᕈᕐᓰᕕᖁᑎᑎᓪᓗ ᓮᒻᒪᕐᑎᓐᓂᐊᕆᕔᑦ, ᐱᕈᕐᕕᐅᑦᓯᐊᖁᓪᓗᒋᑦ ᓂᕿᒃᓴᓂᒃ, ᕔᓂᒃᓴᓂᒡᓗ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ; ᓮᒻᒪᕐᑎᓐᓂᐊᕐᐹᓯᓗ ᑐᓂᓯᕕᒋᓗᓂᓯ ᐆᒪᔪᖁᑎᒃᓴᑦᓯᓐᓂᒃ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓰᐱᓂᒡᓗ. ᑕᒪᒃᑯᓂᖓ ᑕᕝᕙ ᑐᓂᓯᕕᒋᒐᔭᕐᐹᓯ ᓮᒻᒪᕐᑎᓪᓗᓂᓯ ᑕᒫᓂ ᓄᓇᒥ ᑕᒪᓐᓇ ᓯᕗᓕᕕᓂᑦᓯᓐᓄᑦ ᐊᖏᕈᑎᒋᓯᒪᖕᒪᒍ ᑕᒪᒃᑯᓂᖓ ᑐᓂᓯᕕᒋᔪᒪᓪᓗᓯ.

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.