ᒨᓯᓯ ᐱᖓᔪᖏᑦ 26:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᒨᓯᓯ ᐱᖓᔪᖏᑦ 26:6 Iomraidhean Croise

ᐊᑕᓃᑦ ᐂᑉᐸᖏᑦ 2:24

ᓵᕝᕕᒋᓪᓗᓂᒋᑦ, ᐊᑦᑕᕆᓇᒋᑦ ᓱᐊᒃᐰᑦ ᐊᑕᓂᐅᑉ ᐊᑎᖓᓂ ᖃᓄᐃᓕᔭᐅᖁᓪᓗᓂᒋᑦ. ᑕᕝᕙ ᐊᒃᓵᖕᓂᒃ ᒪᕐᕉᖕᓂᒃ ᓇᐹᕐᑐᓂᑦ ᓴᖅᑭᑦᑐᖃᕐᓗᓂ ᑖᒃᑯᐊ ᐃᓅᓱᒃᑐᑦ 42ᖑᔪᑦ ᑕᒪᕐᒥᒃ ᐅᒋᐊᕐᑕᐅᕗᑦ.

ᑯᕉᓂᑲ ᓯᕗᓪᓖᑦ 22:9

ᑕᑯᒋᑦ, ᐃᕐᓂᕐᑖᕈᒫᕐᐳᑎᑦ, ᑖᓐᓇ ᐃᓅᔪᒫᕐᐳᖅ ᐅᓇᑕᖏᓪᓗᓂ. ᐊᑭᕋᓕᒫᖏᓐᓂᑦ ᐅᓇᑕᕐᑕᐅᑎᑦᓱᒫᓐᖏᓚᕋ; ᐊᑎᖃᕈᒫᕐᐳᖅ ᓲᓗᒨᓂᒥᒃ, ᐃᓴᕆᐊᓕᒥᐅᑦ ᐅᓇᑕᕐᑕᐅᑎᑦᓱᒫᓐᖏᓚᒃᑲ ᒥᕐᖑᐃᕐᓯᕐᓇᕐᑐᒦᓪᓗᑎᒡᓗ ᑖᑦᓱᒪ ᐅᓪᓗᖏᓐᓂ.

ᑯᕉᓂᑲ ᐂᑉᐸᖏᑦ 20:30

ᑕᕝᕙ ᔨᕼᐆᓴᐸᐅᑉ ᐊᖓᔪᖅᑲᐅᕕᖓ ᐅᓇᑕᕐᑕᐅᓇᓱᐊᕈᓐᓁᓚᐅᕐᐳᖅ, ᒎᑎᖓᑕ ᐅᓇᑕᕐᑕᐅᖏᓐᓂᕐᒥᒃ ᑐᓂᓚᐅᕐᒪᒍ.

ᔫᐱᐅᑉ ᐊᒡᓚᖏᑦ 11:19

ᓯᓂᒐᓱᐊᓕᕋᔭᕐᐳᑎᑦ, ᓱᓇᒥᒡᓘᓐᓃᑦ ᓯᕘᕋᖏᓪᓗᑎᑦ; ᐅᓄᕐᑐᓄᓪᓗ ᐅᐱᒋᔭᐅᑦᓯᐊᕐᓗᑎᑦ.

ᔫᐱᐅᑉ ᐊᒡᓚᖏᑦ 5:23

ᐱᕈᕐᓰᕕᖕᒥ ᐃᑎᕐᓴᓕᐅᕆᓕᕈᕕᑦ ᐊᖏᖃᑎᒌᒃᓯᒪᓂᒃᑯᑦ ᐅᔭᕋᖃᕈᒫᓐᖏᓚᖅ, ᓂᕐᔪᑎᓄᓪᓗ ᓄᔪᐊᕐᑐᓄᑦ ᐱᕈᕐᓰᕕᖕᒥ ᑲᒪᒋᔭᐅᔪᒫᓐᖏᓚᑎᑦ.

ᐃᓐᖏᕈᑎᑦ 144:14

ᐃᒻᒧᒃᓯᐅᒐᖁᑎᕗᓪᓗ ᐅᓄᕐᑐᓂᒃ ᕿᑐᕐᖓᕐᑖᖁᓪᓗᒋᑦ, ᑕᒪᐅᓁᓐᓇᖅ ᐃᓄᕐᑐᓂᒃ ᕿᑐᕐᖓᕐᑖᖁᓇᒋᑦ ᐅᕝᕙᓗ ᑐᖁᔨᐊᖃᖁᓇᒋᑦ; ᐊᒃᓱᕈᕐᓇᕐᑐᓂᒡᓗ ᓂᓪᓕᐊᔪᖃᖁᓇᒍ ᐊᖅᑯᑎᑦᑎᓐᓂ.

ᐃᓐᖏᕈᑎᑦ 147:14

ᓄᓇᖁᑎᕕᓪᓗ ᑭᒡᓕᖓᓄᑦ ᑎᑭᑦᑐᒥᒃ ᖃᓄᐃᓐᓇᖏᑦᑐᒦᑎᑉᐹᑎᑦ, ᓂᕿᒃᓴᖃᕐᑎᑉᐹᑎᓪᓗ ᓂᐊᖂᔭᒃᓴᑦᓯᐊᕙᐅᓂᕐᐹᖑᔪᓂᒃ.

ᐃᓐᖏᕈᑎᑦ 29:11

ᐊᑕᓂᐅᑉ ᐃᓄᖁᑎᓂ ᑐᓂᓯᕕᒋᓂᐊᕐᐰᑦ ᓴᓐᖏᓂᕐᒥᒃ; ᐊᑕᓂᐅᓪᓗ ᐃᓄᖁᑎᓂ ᓮᒻᒪᕐᑎᓐᓂᐊᕐᐰᑦ ᓮᓕᓇᕐᑐᒥᒃ.

ᐃᓐᖏᕈᑎᑦ 3:5

ᐃᓐᓇᖓᓪᓗᖓ ᓯᓂᒃᐸᒃᐳᖓ, ᑐᐸᒃᐸᒡᓗᖓᓗ, ᐊᑕᓂᐅᑉ ᑲᒪᒋᑦᓯᐊᕐᒪᖓ.

ᐃᓐᖏᕈᑎᑦ 4:8

ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.

ᐃᓐᖏᕈᑎᑦ 85:8

ᓈᓚᒍᒪᕗᖓ ᖃᓄᖅ ᒎᑎ ᐊᑕᓂᖅ ᐅᖃᕐᓂᐊᕐᒪᖔᑦ, ᓮᒻᒪᓇᕐᑐᓂᒃ ᐃᓄᖁᑎᒥᓄᑦ ᐅᖃᕐᓂᐊᕐᒪᑦ ᐃᑦᔪᕐᓁᑦᑐᖁᑎᒥᓄᑦ, ᐅᑎᕐᓂᐊᖏᑉᐸᑕ ᓯᓔᓐᓇᕐᑐᒥᒃ ᐃᓅᓂᕐᒧᑦ.

ᒨᓯᓯ ᐂᑉᐸᖏᑦ 23:29

ᐃᓕᑦᓯᓐᓂᓪᓕ ᐊᐅᓪᓚᕐᑎᓐᓂᐊᓐᖏᓚᒃᑲ ᐊᕐᕌᒍᒥ ᐊᑕᐅᓯᕐᒥ, ᓄᓇ ᑕᒪᓐᓇ ᓇᔪᕐᑕᖓ ᐃᓄᖃᕈᓐᓃᕈᓂ ᐆᒪᔪᖃᓗᐊᓕᖁᓇᒍ ᓄᔪᐊᕐᑐᓂᒃ ᐃᓕᑦᓯᓐᓄᑦ ᐊᒡᕕᐊᕋᔭᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:24

ᐃᖏᒃᑯᕕᑦ ᑲᑉᐱᐊᓱᖕᓂᐊᓐᖏᓚᑎᑦ ᓇᓪᓚᕈᕕᓪᓗ, ᓯᓂᑦᓯᐊᕐᐸᒃᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:22

ᐱᓱᓕᕈᕕᑦ ᑕᓯᐅᕐᑎᒋᓂᐊᕋᕕᒋᑦ; ᓯᓂᓕᕈᕕᓪᓗ ᑲᒪᒋᔨᒋᓂᐊᕋᕕᒋᑦ, ᑐᐸᒃᑯᕕᓪᓗ ᐃᓕᖕᓄᑦ ᐅᖃᓪᓚᖃᑦᑕᕐᓂᐊᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 35:9

ᐊᖅᑯᒻᒥ ᑕᒫᓂ ᓛᔭᑕᖃᕈᒫᓐᖏᓚᖅ, ᐆᒪᔪᓂᒡᓗ ᐃᕐᓯᓇᕐᑐᓂᑦ ᑎᑭᑕᐅᔪᒫᓐᖏᓚᖅ; ᑍᒤᑦᑐᑦ ᑕᒫᓂ ᐱᑕᖃᕈᒫᖏᒻᒪᑕ, ᐱᐅᓕᔭᐅᓯᒪᔪᓪᓕ ᑕᒪᐅᓇ ᐃᖏᕐᕋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 31:26

ᐃᓄᐃᓪᓗ ᐅᖃᕈᒫᕐᐳᑦ, ᑕᖃᓪᓗᖓ ᓯᓂᓕᓚᐅᕐᐳᖓ ᑐᐸᒃᐳᖓᓕ ᑕᖃᓯᒪᔪᓐᓃᕐᓗᖓ.

ᐃᓯᑭᐊᓕᐅᑉ ᐊᒡᓚᖏᑦ 14:15

“ᐆᒪᔪᓂᒃ ᐃᕐᓯᓇᕐᑐᓂᒃ ᐊᖅᑯᓵᕐᑎᑦᓯᒍᒪ ᑖᒃᑯᐊ ᓱᕋᒃᑎᕆᒃᐸᑕ ᓄᓇᒥᒃ, ᓄᓇᖓᑦ ᐃᓄᖃᕈᓐᓃᕋᔭᕐᐳᖅ, ᐆᒪᔪᓂᒃ ᐃᕐᓯᓇᕐᑐᖃᕐᓂᖓᓄᑦ ᐃᓄᐃᑦ ᐊᖅᑯᓵᖃᑦᑕᕈᓐᓃᕋᔭᕐᐳᑦ;

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 34:27

ᓇᐹᕐᑐᑦ ᐱᕈᕐᓰᕕᖕᒦᑦᑐᑦ ᐱᕈᕐᑐᖃᕈᒫᕐᐳᑦ, ᓄᓇᓗ ᐱᕈᕐᕕᐅᒋᐊᓪᓚᒍᒫᕐᐳᖅ, ᐃᓱᒫᓗᖏᑦᓯᐊᕐᓗᑎᒃ ᓄᓇᒥᖕᓃᑦᓱᒫᕐᐳᑦ; ᑖᒃᑯᐊᓗ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓄᖁᑎᒪ ᓇᖕᒪᐅᑕᖏᑕ ᐊᕐᓵᕐᑑᔭᖏᑦ ᓱᕋᒃᑯᒃᑭᑦ, ᐱᐅᓕᓗᒋᓪᓗ ᑖᒃᑯᓂᖓ ᓯᐊᓛᖃᕐᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 5:17

ᑳᖕᓇᕐᑐᕐᔪᐊᒧᑦ ᐆᒪᔪᓄᓪᓗ ᐃᕐᓯᓇᕐᑐᓄᑦ ᑎᑭᑕᐅᑎᑦᓱᒫᕐᐸᑦᓯ, ᑕᒪᒃᑯᓄᖓᑦ ᕿᑐᕐᖎᔭᕐᑕᐅᔪᒫᕐᐳᓯ; ᐋᓐᓂᐊᓇᕐᑐᓄᑦ ᑐᖁᕋᕐᑕᐅᓂᕐᓄᓪᓗ ᐊᖅᑯᓵᕐᑕᐅᔪᒫᕐᐳᓯ; ᐅᓇᑕᕐᓂᒃᑯᓪᓗ ᑐᖁᕋᕐᑕᐅᔪᒫᕐᐳᓯ. ᐅᕙᖓ, ᐊᑕᓂᖅ, ᑍᒫᒃ ᐅᖃᕐᐳᖓ.”

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 2:20

ᓄᓕᐊᕐᑖᕆᔪᒫᕐᐸᒋᑦ ᓱᑯᓯᔪᐃᑦᑑᓂᕐᒥ; ᖃᐅᔨᔪᒫᕐᐳᑎᓪᓗ ᐊᑕᓂᕐᒥᒃ.

ᒨᓯᓯ ᐱᖓᔪᖏᑦ 25:18

“ᐊᑕᓂᐅᑉ ᐱᖁᔭᖏᑦ ᐊᑐᕐᑕᐅᖁᔭᖏᓪᓗ ᓈᓚᑦᓯᐊᕐᓯᒋᑦ, ᖃᓄᐃᓐᓇᕐᑐᒦᖏᑦᓯᐊᕐᓗᓯ ᐃᓅᖁᓪᓗᓯ ᓄᓇᒥ.

ᒨᓯᓯ ᐱᖓᔪᖏᑦ 25:19

ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.

ᒨᓯᓯ ᐱᖓᔪᖏᑦ 26:22

ᓂᕐᔪᑎᓂᑦ ᐃᕐᓯᓇᕐᑐᓂᑦ ᑎᑭᑕᐅᑎᖃᑦᑕᕐᓂᐊᕐᐸᑦᓯ, ᕿᑐᕐᖓᑦᓯᓐᓂᒡᓗ ᑐᖁᑦᓯᑲᑦᑕᕐᓂᐊᕐᐳᑦ, ᓂᕐᔪᑎᖁᑎᑦᓯᓐᓂᒡᓗ ᑐᖁᕅᓂᐊᕐᐳᑦ, ᐅᓄᕈᓐᓃᕐᓂᐊᕐᐳᓯᓗ ᐊᖅᑯᑏᑦ ᓄᓇᑦᓯᓐᓃᑦᑐᑦ ᐃᓄᖃᕈᓐᓁᕐᓗᑎᒃ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᒨᓯᓯ ᐱᖓᔪᖏᑦ 26:7

ᐊᑭᕋᑦᓯᓐᓂᒃ ᓵᓚᖃᕐᑎᖃᑕᕐᓂᐊᕐᐸᑦᓯ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᕼᐊᒊᑉ ᐊᒡᓚᖏᑦ 2:9

‘ᑐᒃᓯᐊᕐᕕᒡᔪᐊᖅ ᑭᖑᓪᓕᖅ ᐱᓐᓇᕐᓇᕐᓂᕐᓴᐅᔪᒫᕐᐳᖅ ᓯᕗᓪᓕᐅᓚᐅᕐᑐᒥᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ‘ᑖᓐᓇᓗ ᐃᒡᓗ ᐊᔪᕐᓴᕈᓐᓁᕐᑎᑦᓯᑦᔪᑎᒋᔪᕐᐸᕋ ᓮᒻᒪᓇᕐᑎᑦᓯᓗᓂᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’”

ᓴᑲᕅᐊᐅᑉ ᐊᒡᓚᖏᑦ 9:10

ᐅᓇᑕᐅᑏᑦ ᐊᒃᓴᓗᐊᓖᑦ ᐱᑕᖃᕈᓐᓁᕐᑎᑦᓱᒪᕙᒃᑲ ᐃᕗᕅᒥᑦ, ᕿᒻᒥᕐᔪᐊᓪᓗ ᔨᕉᓴᓕᒥᑦ, ᐱᑎᒃᓰᑦ ᐅᓇᑕᐅᑏᑦ ᓇᑲᑎᕈᒫᕐᐳᑦ: ᓮᓕᓂᕐᒥᒡᓗ ᐅᖃᐅᓯᖃᕈᒫᕐᐳᖅ ᐃᓅᖃᑎᒌᒡᔪᐊᓄᑦ; ᐊᖓᔪᖅᑲᐅᕕᖓ ᑭᒡᓕᖃᕈᒫᕐᐳᖅ ᐃᒪᐅᑉ ᓯᓈᓂᑦ ᐃᒡᓗᐊ ᐃᒤᑉ ᓯᓈ ᑎᑭᓪᓗᒍ, ᑰᖕᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 12:6

ᐅᓐᓄᖕᒥ ᑕᑉᕙᓂ ᐃᕉᑕᓯᐅᑉ ᖃᐅᒃᐸᑦ ᐊᓂᑎᑦᓱᒪᓕᕐᑎᓪᓗᓂᐅᒃ, ᐲᑦᑐᕉᓯ ᐅᓇᑕᕐᑐᒃᓵᒃ ᒪᕐᕉᒃ ᐊᑯᓐᓂᖓᓂ ᓯᓂᓚᐅᕐᐳᖅ, ᐊᕐᓵᕐᑑᔭᓄᑦ ᐊᑦᑐᖏᕐᓯᒪᓪᓗᓂ ᑖᒃᑯᖕᓅᖓ, ᖃᐅᔨᓴᕐᑏᒃ ᑎᒍᔭᐅᓯᒪᕕᐅᑉ ᐃᑎᕐᕕᖓᑕ ᐊᕙᑎᖏᖕᓃᓪᓗᑎᒃ;

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.