ᒨᓯᓯ ᐱᖓᔪᖏᑦ 26:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᒨᓯᓯ ᐱᖓᔪᖏᑦ 26:5 Iomraidhean Croise

ᐃᓐᖏᕈᑎᑦ 144:13

ᓯᕐᓗᐊᕗᓪᓗ ᑕᑕᑦᓯᐊᖁᓪᓗᒋᑦ, ᓱᓇᓕᒫᑦᓯᐊᓂᒃ ᑭᓐᖒᒪᓇᕐᑐᓂᒃ ᐃᓗᓕᖃᕐᓗᑎᒃ; ᓰᐱᖁᑎᕗᓪᓗ ᕿᑐᕐᖓᕐᑖᖁᓪᓗᒋᑦ 1,000ᓂᒃ 10,000ᐃᕐᓱᕐᑐᓂᒡᓗ ᐱᕈᕐᓰᕕᖁᑎᕗᑦ ᐱᕈᕐᕕᐅᖁᓪᓗᒋᑦ.

ᐃᓐᖏᕈᑎᑦ 90:1

ᐊᑕᓃᖅ, ᐃᓂᒃᓴᕆᑦᓮᓐᓇᕐᐸᑦᑎᒋᑦ ᑭᖑᕚᕇᖑᔪᓕᒫᓂ.

ᒨᓯᓯ ᐂᑉᐸᖏᑦ 16:8

ᒨᓯᓯ ᐅᖃᓕᕆᕗᖅ, “ᐊᑕᓂᐅᑉ ᑭᓯᐊᓂ ᓂᕿᒥᒃ ᓂᕆᓂᐊᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᐅᓐᓄᒍᒻᒥᑕᒃᓴᑦᓯᓐᓂᒃ, ᐅᓪᓛᕈᒻᒥᑕᕆᓂᐊᕐᑕᑦᓯᓐᓂᒡᓗ ᓂᐊᖂᔭᒥᒃ ᐱᔪᒪᔭᓕᒫᑦᓯᓐᓂᒃ ᐱᑎᓐᓂᐊᕆᕚᓯ, ᓈᒻᒪᒃᓴᖏᓐᓂᓯ ᑐᓴᕐᒪᒍ, ᐅᕙᑦᑎᓐᓄᑦ ᓈᒻᒪᒃᓴᖏᑦᔪᑎᒋᔭᑦᓯᓐᓂᒃ ᐅᖃᕌᖓᑦᓯ ᐅᕙᑦᑎᓐᓄᑐᐃᓐᓇᖅ ᐅᖃᕐᕕᖃᕐᐸᖏᓐᓇᑦᓯ ᐊᑕᓂᕐᒧᓪᓕ ᓈᒻᒪᒃᓴᖏᓐᓂᕋᕐᐸᒃᐳᓯ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:33

ᓇᓪᓕᐊᓪᓕ ᐅᕙᓐᓂᒃ ᓈᓚᒃᑐᖅ ᐃᓅᓯᕐᒥᓂᒃ ᐃᓂᖃᕐᓂᐊᕐᐳᖅ ᓴᐳᑦᔭᐅᓯᒪᔪᒥ ᖃᓄᐃᓐᓇᖏᑦᑐᒦᓐᓂᐊᕐᐳᖅ ᑲᑉᐱᐊᓲᑎᒃᓴᖃᖏᓪᓗᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:10

ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.

ᐂᓮᐊᓯᐅᑉ ᐊᒡᓚᖏᑦ 1:19

ᐱᔪᒪᓂᖃᑦᓯᐊᕐᓗᓯ ᓈᓚᑦᓯᐊᕈᑦᓯ, ᓂᕿᒃᓴᖃᕈᒫᕐᐳᓯ ᐱᐅᔪᓂᒃ ᓄᓇᐅᑉ ᐱᕈᕐᑎᑕᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:23

ᐱᕈᕐᑐᒃᓴᓂᒃ ᑲᓐᖓᕐᓱᐃᔭᕌᖓᑦᓯ ᐊᑕᓂᖅ ᓯᓚᓗᒃᑎᑦᓯᕙᒍᒫᕐᐳᖅ ᐱᕈᕈᑎᒃᓴᖏᓐᓂᒃ, ᐱᕈᕐᑐᕕᓂᕐᓂᒃ ᑲᑎᕐᓱᒐᒃᓴᖃᑦᓯᐊᖁᓪᓗᓯ, ᐱᕈᕐᓯᒪᑦᓯᐊᕐᑐᓂᒃ ᐊᒥᒐᖏᑦᑐᓂᒡᓗ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐆᒪᔪᖁᑎᓯ ᓂᕆᓇᓱᐊᕈᒫᕐᐳᑦ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᒥᒐᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 2:20

ᓄᓕᐊᕐᑖᕆᔪᒫᕐᐸᒋᑦ ᓱᑯᓯᔪᐃᑦᑑᓂᕐᒥ; ᖃᐅᔨᔪᒫᕐᐳᑎᓪᓗ ᐊᑕᓂᕐᒥᒃ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᔪᐃᓕᐅᑉ ᐊᒡᓚᖏᑦ 2:22

ᓯᕘᕋᓂᐊᕋᓯ ᐆᒪᔪᐃᑦ ᓄᔪᐊᕐᑐᑦ ᐱᕈᕐᑐᐃᑦ ᓇᑎᕐᓇᒦᑦᑐᑦ ᑐᖑᔪᕐᓯᓕᕐᒪᑕ; ᓇᐹᕐᑐᓪᓗ ᐸᐅᕐᖓᕐᑖᓕᕐᒪᑕ, ᓇᐹᕐᑐᐃᑦ ᐱᒋᓕᒃᓮᑦ ᕔᓂᒃᓮᓪᓗ ᐸᐅᕐᖓᖏᑦ ᐱᕈᑦᓯᐊᓕᕐᒪᑕ.

ᔪᐃᓕᐅᑉ ᐊᒡᓚᖏᑦ 2:26

ᐊᒥᒐᖏᑦᑐᒥᒃ ᓂᕆᔪᒫᕐᐳᓯ ᐊᕿᐊᑦᑐᕐᓗᓯᓗ, ᓂᕐᑐᕈᒫᕐᐸᓯ ᐊᑕᓂᐅᑉ ᒎᑎᐅᑉ ᐊᑎᖓ. ᑲᒪᓇᕐᑐᓂᒃ ᐱᓂᐊᕐᓯᒪᓂᖓ ᐃᓕᑦᓯᓐᓄᑦ ᐱᓪᓗᒍ, ᐃᓄᖁᑎᒃᑲ ᑲᓐᖑᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑦ.

ᐂᒨᓯᐅᑉ ᐊᒡᓚᖏᑦ 9:13

ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᐱᕈᕐᓰᕕᖕᒥᒃ ᒪᒃᐱᕐᑎᕆᔪᖅ ᑲᑎᕐᓱᐃᔪᒥᒃ ᐊᖑᓯᔪᒫᕐᐳᖅ. ᐸᐅᕐᖓᓂᒡᓗ ᑐᓪᓕᕋᕐᓗᒋᑦ ᕔᓂᓕᐅᕐᑐᖅ ᐊᖑᒻᒪᑎᓕᕐᓗᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ. ᖃᖅᑬᓪᓗ ᑰᒐᕈᒫᕐᐳᑦ ᕔᓂᒥᒃ ᓰᕐᓇᕐᑐᒥᒃ, ᐱᖑᓕᒫᓪᓗ ᑰᖃᓯᐅᑎᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᐋᐴᓯᑕᓖᑦ ᐱᓂᐊᕐᓂᖏᑦ 14:17

ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.”

ᒨᓯᓯ ᑕᓪᓕᒪᖏᑦ 11:15

ᐱᕈᕐᓰᕕᖁᑎᑦᓯᓐᓂᓗ ᐃᕕᒐᕐᓂᒃ ᐱᕈᕐᑐᖃᑦᓯᐊᕐᓂᐊᕐᐳᖅ ᐃᒻᒧᒃᓯᐅᒐᖁᑎᓯ ᓂᕿᒃᓴᖃᑦᓯᐊᖁᓪᓗᒋᑦ, ᓂᕿᒃᓴᖃᑦᓯᐊᕐᓂᐊᕐᐳᓯᓗ ᓂᕆᔪᓐᓇᕐᑕᓕᒫᑦᓯᓐᓂᒃ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.