ᒨᓯᓯ ᐱᖓᔪᖏᑦ 26:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᐊᓯᒥᓄᓪᓗ ᓈᓪᓗᑎᒃ ᐹᓪᓚᖃᑦᑕᓕᕐᓗᑎᒃ, ᕿᒫᑎᑕᐅᔪᑎᑐᑦ, ᒪᓕᒃᑕᐅᖏᒃᑲᓗᐊᕐᓗᑎᒃ, ᐊᑭᕋᑦᓯᓐᓂᒡᓗ ᐊᑭᒪᔪᓐᓁᓪᓕᒐᔭᕐᐳᓯ.

ᒨᓯᓯ ᐱᖓᔪᖏᑦ 26:37 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 37:10

ᑲᐅᓪᑎᐊᒥᐅᑦ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ ᓵᓚᒋᒐᓗᐊᕈᑦᓯᐅᒃ ᐃᑭᓕᕐᓱᕐᑕᕕᓂᓯᓗ ᓯᓂᒃᑕᕐᕕᖏᓐᓂ ᐊᒥᐊᒃᑯᑐᐊᖑᓕᕋᓗᐊᕐᐸᑕ, ᓱᓕ ᔨᕉᓴᓕᒥᒃ ᐃᑯᐊᓪᓔᔪᓐᓇᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 46:16

ᒪᑭᑕᔪᓐᓇᕐᓂᐊᓐᖏᓚᑦ ᐅᕐᕈᔭᕌᖓᒥᒃ ᖃᓕᕇᓕᕐᐸᓪᓕᐊᓂᐊᕐᐳᑦ, ᐅᖃᕐᓗᑎᒡᓗ, ‘ᒪᑭᓪᓗᑕ ᐅᑎᓚᐅᕐᑕ ᐃᓅᖃᑎᑦᑎᓐᓄᑦ, ᓄᓇᒧᓪᓗ ᐃᓅᕕᒋᓚᐅᕐᑕᑦᑎᓐᓄᑦ, ᕿᒫᓗᑕ ᓴᕕᒡᔪᐊᒥᑦ.’

ᔨᕆᒤᐊᐅᑉ ᐊᒡᓚᖏᑦ 6:21

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᐃᓄᖁᑎᓐᓄᑦ ᐊᐳᕈᑎᒃᓴᖃᕐᑎᑦᓯᓂᐊᕐᐳᖓ ᐹᓪᓚᖁᓪᓗᒋᑦ, ᕿᑐᕐᖓᕇᓕᒫᑦ ᐊᐳᕈᑎᒃᓴᖃᕐᓂᐊᕐᐳᑦ, ᓯᓚᖅᑲᑎᒌᑦ ᐃᓚᓐᓈᕇᓪᓗ ᐊᓯᕈᕐᑕᐅᓂᐊᕐᐳᑦ.’”

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᓇᕼᐅᒥᐅᑉ ᐊᒡᓚᖏᑦ 3:3

ᕿᒻᒥᕐᔪᐊᒥ ᐃᑭᒪᔪᑦ ᐅᓇᑕᕆᐊᕐᕙᓗᖏᑦ, ᓴᕕᒡᔪᐊᑦ ᕿᓪᓛᒋᕐᑕᕐᓂᖏᑦ, ᖃᓗᒋᐊᕐᔪᐊᓪᓗ ᕿᓛᒡᒋᕐᑕᕐᓂᖏᑦ, ᑎᒥᕕᓃᑦ ᖃᓕᕇᒃᑐᑦ ᐳᕐᑐᓯᕗᑦ, ᑎᒦᑦ ᑐᖁᖓᔪᑦ ᓇᓂᑐᐃᓐᓈᓕᕐᐳᑦ ᑎᒥᕕᓃᑦ ᐊᒡᓛᑦ ᐹᓪᓚᒡᕕᐅᕙᓕᕐᓗᑎᒃ!

ᒨᓯᓯ ᓯᑕᒪᖏᑦ 14:42

ᒪᔪᕋᖏᓪᓗᓯ ᐊᑭᕋᑦᓯᓐᓄᑦ ᓵᓚᐅᖁᓇᓯ, ᑍᒫᒃ ᐊᑕᓂᐅᑉ ᐃᓚᒋᖏᒻᒪᓯ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 7:22

ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.

ᓴᒧᐃᓕ ᓯᕗᓪᓖᑦ 4:2

ᑕᕝᕙ ᐱᓕᔅᑍᓂᒥᐅᑦ ᑲᑎᑉᐳᑦ ᐅᓇᑕᕆᐊᕐᓗᑎᒃ ᐃᓴᕆᐊᓕᒥᐅᓂᒃ, ᐅᓇᑕᕕᒃᔪᐊᓕᕋᒥᒡᓗ ᓵᓚᖃᕐᐳᑦ ᐃᓴᕆᐊᓕᒥᐅᓂᒃ, ᑐᖁᑦᓯᓚᐅᕐᐳᓪᓗ ᐊᖑᑎᓂᒃ 4,000ᓂᒃ ᐅᓇᑕᕐᕕᒋᔭᒥᖕᓂ.