ᒨᓯᓯ ᐱᖓᔪᖏᑦ 26:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᒨᓯᓯ ᐱᖓᔪᖏᑦ 26:25 Iomraidhean Croise

ᓴᒧᐃᓕ ᐂᑉᐸᖏᑦ 24:15

ᑍᒤᒻᒪᑦ ᐊᑕᓂᖅ ᖃᓂᒪᓇᕐᑐᒥᒃ ᑎᑭᑎᑦᓯᓚᐅᕐᐳᖅ ᐃᓴᕆᐊᓕᒥᐅᓄᑦ, ᑕᕝᕙᓐᖓᑦ ᐅᓪᓛᒥᑦ ᐱᒋᐊᕐᓗᓂ ᓄᖅᑲᕐᕕᒋᖁᓚᐅᕐᑕᒥᓄᑦ ᑎᑭᓪᓗᒍ; ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ 70,000ᐃᑦ ᐃᓴᕆᐊᓕᒥᐅᑦ ᑐᖁᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 8:33

“ᐃᓄᖁᑎᑎᑦ ᐃᓴᕆᐊᓕᒥᐅᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐱᐅᖏᑦᑐᓕᓯᒪᓂᕐᒥᖕᓄᑦ, ᐃᓕᖕᓄᑦ ᐅᑎᑐᐊᕐᐸᑕ, ᐃᓕᖕᓂᒡᓗ ᐊᑎᕐᓂᒡᓗ ᒪᓕᒍᒪᓕᕐᐸᑕ, ᑐᒃᓯᐊᕐᐸᑕᓗ ᕿᓄᓗᑎᒃ ᐃᓕᖕᓄᑦ ᐅᕙᓂ ᐃᒡᓗᒥ;

ᐊᑕᓃᑦ ᓯᕗᓪᓖᑦ 8:37

“ᑳᖕᓇᕐᑐᕐᔪᐊᕐᑕᖃᕐᐸᑦ ᓄᓇᒥ, ᑕᒫᓂ ᖃᓂᒪᓐᓇᕐᑐᖃᕐᐸᓪᓘᓐᓃᑦ, ᐱᕈᕐᑐᓪᓘᓐᓃᑦ ᑐᖁᓕᓐᓇᕐᑐᖃᓕᕐᐸᑕ ᓱᒃᑯᓪᓗᑎᒃ, ᐱᒡᓕᕐᑕᐅᔮᕐᑐᓄᓪᓘᓐᓃᑦ ᖁᐱᕐᕈᓄᓪᓘᓐᓃᑦ ᓄᖑᑕᐅᒃᐸᑕ, ᐊᑭᕋᖏᓐᓄᓪᓘᓐᓃᑦ ᐅᓇᑕᕆᐊᕐᑕᐅᒃᐸᑕ ᓄᓇᖁᑎᖏᓐᓂ ᓇᓪᓕᐊᓐᓂᑐᐃᓐᓇᖅ; ᖃᓂᒪᓐᓇᖃᕐᐸᑦ ᐋᓐᓂᐊᓇᕐᑐᖃᕐᐸᓪᓘᓐᓃᑦ;

ᐊᑕᓃᑦ ᐂᑉᐸᖏᑦ 17:3

ᓵᓪᒪᓃᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᓕᓚᐅᕐᐳᖅ ᑖᑦᓱᒧᖓ; ᐊᖓᔪᖅᑳᕐᔪᐊᖅ ᕼᐆᓯᐊ ᓵᓚᐅᒐᒥ, ᐊᑭᓕᕐᓱᐃᖃᑦᑕᕆᐊᖃᓕᓚᐅᕐᐳᖅ ᐊᕐᕌᒍᑕᒫᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓄᑦ.

ᑯᕉᓂᑲ ᐂᑉᐸᖏᑦ 24:24

ᓯᕆᐊᒥᐅᑦ ᐅᓇᑕᕐᑎᖏᑦ ᐅᓄᓚᐅᓐᖏᓚᑦ, ᐊᑕᓂᐅᓪᓕ ᐅᓇᑕᕐᑐᒃᓮᑦ ᐅᓄᕐᑐᕐᔪᐊᑦ ᑖᒃᑯᓄᖓ ᓵᓚᐅᑎᓚᐅᕐᐰᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᓯᕗᓕᖏᑕ ᒎᑎᖓᓂᒃ. ᑖᒃᑯᐊᓗ ᑍᒤᓕᐅᕐᑕᐅᓂᖏᑦ ᓱᒋᐊᕐᓯᓂᐅᓚᐅᕐᐳᑦ ᔪᐊᓯᒥᒃ.

ᐃᓐᖏᕈᑎᑦ 94:1

ᐊᑕᓃᖅ ᒎᑏ ᓱᒋᐊᕐᓯᓂᕐᒥᒃ ᐱᖃᕐᐳᑎᑦ, ᒎᑏ ᓱᒋᐊᕐᓯᓂᕐᒥᒃ ᐱᑕᖃᕋᕕᑦ, ᓴᖅᑭᓕᕆᑦ!

ᒨᓯᓯ ᐂᑉᐸᖏᑦ 5:3

ᑖᒃᑯᐊᒡᓕ ᑭᐅᕘᒃ, “ᐄᑉᕈᐃᑦ ᒎᑎᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᖅ; ᑍᒤᒻᒪᑦ ᐊᐅᓪᓚᕈᓐᓇᕐᑎᓚᐅᕐᑎᒍᑦ ᐅᓪᓗᓂᒃ ᐱᖓᓱᓂᒃ ᐃᖏᕐᕋᖁᓪᓗᑕ ᐃᓄᖃᖏᑦᑐᒧᑦ, ᑕᕝᕙᓂᓗ ᐊᑕᓂᕐᒧᑦ ᒎᑎᑦᑎᓐᓄᑦ ᑐᖁᑕᒃᓴᒥᒃ ᑐᓂᕐᕈᓯᕈᓐᓇᖁᓪᓗᑕ, ᑍᒤᓕᐅᕐᓂᐊᖏᒃᑯᑦᑕ ᖃᓂᒪᓇᕐᑐᒧᑦ ᑎᑭᑕᐅᑎᑐᐃᓐᓇᕆᐊᖃᕐᒪᑎᒍᑦ ᐅᕝᕙᓗ ᑐᖁᑕᐅᑎᓪᓗᑕ ᐅᓇᑕᕐᓂᒃᑯᑦ.”

ᐂᓮᐊᓯᐅᑉ ᐊᒡᓚᖏᑦ 1:20

ᓈᓚᖏᓪᓗᓯᓕ ᐊᑭᕋᕐᑐᕈᑦᓯ, ᑐᖁᑕᐅᔪᒫᕐᐳᓯ ᓴᕕᒡᔪᐊᒧᑦ; ᐊᑕᓂᖅ ᓇᖕᒥᓂᖅ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 65:12

ᓯᕗᓂᒃᓴᖃᕐᑎᑦᓱᒫᕐᐸᑦᓯ ᓴᕕᒡᔪᐊᕐᒧᑦ ᑐᖁᑕᐅᑎᓪᓗᓯ, ᑕᒪᑦᓯ ᑐᖁᕅᔨᓄᑦ ᐅᑯᔪᒫᕐᐳᓯ; ᕾᖁᔨᑎᓪᓗᖓ ᐃᓕᑦᓯᓐᓂᒃ ᑭᐅᓚᐅᖏᓐᓇᑦᓯ, ᐅᖃᕐᑎᓪᓗᖓ ᓈᓚᓚᐅᖏᓐᓇᑦᓯ, ᐱᐅᖏᑦᑐᓂᒃ ᐱᓇᓱᐊᑐᐃᓐᓇᓚᐅᕋᑦᓯ ᑕᑯᓐᓇᕐᑎᓪᓗᖓ, ᖁᕕᐊᒋᓐᖏᑕᓐᓂᒡᓗ ᓂᕈᐊᖔᕐᓗᓯ.”

ᔨᕆᒤᐊᐅᑉ ᐊᒡᓚᖏᑦ 19:7

ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 24:10

ᐅᓇᑕᒐᐅᑎᑦᓱᒫᕐᐸᒃᑲ, ᑳᖕᓇᕐᑐᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑉᐸᒡᓗᒋᓪᓗ, ᓄᖑᖏᓐᓂᓕᒫᖏᓐᓂ ᓄᓇᑖᕆᔭᐅᑎᓚᐅᕐᑕᓐᓂᒃ ᑖᒃᑯᓄᖓ ᓯᕗᓕᕕᓂᖏᓐᓄᓪᓗ.”

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:21

ᐃᓅᓱᒃᑐᑦ ᐃᓐᓇᑐᕾᓪᓗ ᓇᓂᑐᐃᓐᓇᖅ ᑐᖁᖓᐅᓕᕐᐳᑦ, ᐃᓅᓱᒃᑐᑦ ᐊᖑᑎᑦ ᐊᕐᓁᓪᓗ ᑐᖁᖓᐅᕐᐳᑦ ᐊᑭᕋᑦᑎᓐᓄᑦ ᑐᖁᑕᐅᓂᑯᐃᑦ, ᓂᑲᒍᓱᖏᓪᓗᑎᑦ ᑐᖁᕋᕐᑕᐅᑎᓐᓇᕕᒋᑦ ᓂᓐᖓᕕᒃᔪᐊᕐᓂᕐᐱᑦ ᓇᓪᓕᐅᓯᒪᓂᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 20:37

ᐃᓕᑦᓯᓐᓂᒃ ᓂᒍᕐᕕᖃᖏᑦᑐᒃᑯᑦ ᐱᓇᓱᐊᕐᑎᑦᓯᔪᒫᕐᐳᖓ ᐊᖏᕈᑎᒋᓯᒪᔭᓐᓂᒃ ᒪᓕᑦᓯᐊᓕᕐᑎᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 29:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᓇᑕᕐᑕᐅᑎᑦᓱᒫᕐᐸᑦᓯ ᓴᕕᒡᔪᐊᒧᑦ, ᑖᒃᑯᐊᓗ ᑐᖁᕅᔪᒫᕐᐳᑦ ᐃᓄᖕᓂᒃ ᐆᒪᔪᖁᑎᑦᓯᓐᓂᒡᓗ;

ᐃᓯᑭᐊᓕᐅᑉ ᐊᒡᓚᖏᑦ 33:2

“ᐃᓅᑉ ᐃᕐᓂᖓ, ᐃᓅᖃᑎᑎᑦ ᐅᖃᕐᕕᒋᒃᑭᑦ ᐅᖃᕐᓗᑎᑦ, ᐅᓇᑕᕐᓂᕐᒥᒃ ᑎᑭᑎᑦᓯᒍᒪ ᑕᒪᐅᖓ ᓄᓇᒧᑦ, ᐃᓄᐃᑦ ᑕᒫᓂ ᓄᓇᓖᑦ ᐃᓚᒥᖕᓂᒃ ᑎᓕᓯᒐᔭᕐᐳᑦ, ᖃᐅᔨᓴᕐᑎᒋᓂᐊᕐᑕᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 5:17

ᑳᖕᓇᕐᑐᕐᔪᐊᒧᑦ ᐆᒪᔪᓄᓪᓗ ᐃᕐᓯᓇᕐᑐᓄᑦ ᑎᑭᑕᐅᑎᑦᓱᒫᕐᐸᑦᓯ, ᑕᒪᒃᑯᓄᖓᑦ ᕿᑐᕐᖎᔭᕐᑕᐅᔪᒫᕐᐳᓯ; ᐋᓐᓂᐊᓇᕐᑐᓄᑦ ᑐᖁᕋᕐᑕᐅᓂᕐᓄᓪᓗ ᐊᖅᑯᓵᕐᑕᐅᔪᒫᕐᐳᓯ; ᐅᓇᑕᕐᓂᒃᑯᓪᓗ ᑐᖁᕋᕐᑕᐅᔪᒫᕐᐳᓯ. ᐅᕙᖓ, ᐊᑕᓂᖅ, ᑍᒫᒃ ᐅᖃᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 6:3

ᐅᖃᐅᑎᓗᒋᓪᓗ, ᐃᓴᕆᐊᓕᒥᐅᑦ ᖃᖅᑲᖏᑦ ᑐᓴᖁᓪᓗᒋᑦ ᐊᑕᓂᐅᑉ ᒎᑎᐅᑉ ᐅᖃᐅᓯᕆᔭᖏᓐᓂᒃ, ᐅᖃᐅᑦᔪᐃᒋᑦ ᖃᖅᑲᓂᒃ, ᐱᖑᕐᓂᒃ, ᑰᕈᕐᓂᒃ, ᓇᕐᓴᓂᒡᓗ: ᑕᑯᒋᑦ, ᐅᕙᖓ ᓇᖕᒥᓂᖅ, ᑎᓕᓯᔪᒫᕐᐳᖓ ᐅᓇᑕᕐᑎᓂᒃ, ᐊᓯᕈᐃᖁᓪᓗᒋᑦ ᒎᑎᓐᖑᐊᓂᒃ.

ᕼᐆᓯᐊᑉ ᐊᒡᓚᖏᑦ 11:6

ᐃᒡᓗᒐᓴᖏᑦ ᓴᕕᒡᔪᐊᒧᑦ ᐊᕕᒃᑐᕐᑕᐅᔪᒫᕐᐳᑦ, ᐃᑎᕐᑕᕐᕕᖏᑕᓗ ᓴᓐᓂᕈᐊᖏᑦ ᐊᓯᕈᕐᓗᒋᑦ ᓄᖑᑦᓱᒫᕐᐰᑦ, ᓂᕆᔭᐅᔪᒫᕐᐳᓪᓗ ᐱᐅᓇᓱᒋᔭᒥᒍᑦ ᐱᓇᓱᐊᕐᐸᒃᑕᒥᖕᓄᑦ.

ᒨᓯᓯ ᐱᖓᔪᖏᑦ 26:6

“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 3:5

ᓯᕗᓂᖓᓂ ᖃᓂᒪᓇᕐᑐᑦ ᐃᖏᕐᕋᕗᑦ, ᑭᖑᓂᑦᓯᐊᖓᓂᓗ ᑐᖁᓐᓇᕐᑐᑦ ᒪᓕᒡᓗᑎᒃ.

ᒨᓯᓯ ᓯᑕᒪᖏᑦ 14:12

ᖃᓄᐃᓐᓇᕐᑐᓄᑦ ᐋᓐᓂᐊᓄᑦ ᐱᔭᐅᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ, ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒋᑦ ᐅᓄᕐᓂᕐᓴᐅᓗᑎᑦ ᓴᓐᖏᓂᕐᓴᐅᓗᑎᓪᓗ ᑖᒃᑯᓇᓐᖓᑦ.”

ᒨᓯᓯ ᓯᑕᒪᖏᑦ 16:49

ᑐᖁᔪᓪᓕ ᐋᓐᓂᐊᓇᕐᑐᒧᑦ ᐅᓄᕐᓂᖃᓚᐅᕐᐳᑦ 14,700ᓂᒃ, ᑍᒃᑯᐊ ᑰᕋᒃᑯᑦ ᑐᖁᓚᐅᕐᑐᑦ ᐊᓯᖏᑦ.

ᒨᓯᓯ ᓯᑕᒪᖏᑦ 31:3

ᑍᒤᒻᒪᑦ ᒨᓯᓯᐅᑉ ᐃᓄᐃᑦ ᐅᖃᕐᕕᒋᕔᑦ, ᐅᖃᕐᓗᓂ, “ᐃᓚᓯ ᐃᓚᖏᑦ ᐅᓇᑕᐅᑎᓂᒃ ᐊᑎᓕᕐᓕᑦ, ᐊᑭᓂᐊᕆᐊᕐᑐᕐᓗᑎᒃ ᒥᑎᐊᓂᒥᐅᓂᒃ ᐊᑕᓂᖅ ᐊᑭᓂᐊᕈᑎᔭᕐᑐᕐᓗᒍ ᒥᑎᐊᓂᒥᐅᓄᑦ.

ᓘᑲᓯᐅᑉ ᐊᒡᓚᖏᑦ 21:11

ᓄᓇ ᐊᖏᔪᒥᒃ ᓴᔪᒃᐱᓗᖃᑦᑕᕈᒫᕐᐳᖅ ᓇᐅᒃᑯᑐᐃᓐᓇᖅ, ᑳᖕᓇᕐᑐᐊᓘᖃᑦᑕᕐᓗᓂ ᓇᓂᑐᐃᓐᓇᖅ ᐋᓐᓂᐊᓇᕐᑐᖃᕐᐸᒡᓗᓂᓗ; ᑲᑉᐱᐊᓇᕐᑐᓂᒃ ᖃᐅᔨᔭᕆᐅᕐᓇᕐᑐᓂᒃ ᓴᖅᑭᑦᑐᖃᕈᒫᕐᐳᖅ ᕿᓚᖕᒥᑦ.

ᒨᓯᓯ ᑕᓪᓕᒪᖏᑦ 28:21

ᖃᓂᒪᓇᕐᑐᓄᑦ ᐊᑦᔨᒌᖏᑦᑐᓄᑦ ᑎᑭᑕᐅᖃᑦᑕᕈᒫᕐᐳᓯ ᐊᑕᖏᕐᓗᓯ ᓄᖑᓚᐅᖏᓐᓂᓕᒫᑦᓯᓐᓂ ᑕᒫᓂ ᓄᓇᑖᕆᔪᒫᓕᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 15:11

ᑕᕝᕙ ᔫᑕᐅᑉ ᐃᓄᖏᑦ 3,000ᓴᐃᑦ ᐃᑖᒻᒧᑦ ᕾᕐᑐᒧᑦ ᐂᕗᑦ, ᓵᒻᓲᓂᓗ ᐅᖃᐅᑎᓪᓗᒍ, “ᖃᐅᔨᒪᓐᖏᓚᑏᑦ ᐱᓕᔅᑍᓂᒥᐅᓄᑦ ᐊᐅᓚᑕᐅᒐᑦᑖ? ᖃᓄᐃᓕᐅᓚᐅᕐᓃᑦ ᐅᕙᑦᑎᓐᓄᑦ ᑎᑭᒻᒪᑦ?” ᐅᖃᐅᑎᕔᑦ, “ᐅᕙᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᐱᓂᐊᕐᕕᒋᓚᐅᕐᐸᒃᑲ.”