ᒨᓯᓯ ᐱᖓᔪᖏᑦ 26:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓇᖕᒥᓂᖅ ᒪᑭᑕᔪᓐᓇᕋᓱᒋᓂᖅ ᐃᓱᒪᑦᓯᓐᓃᑦᑐᖅ ᓯᖁᒥᓐᓂᐊᕐᐸᕋ; ᓯᓚᓗᖃᑦᑕᕈᓐᓁᕐᓂᐊᕐᐳᖅ ᓄᓇᑦᓯᓐᓄᑦ ᓄᓇᓯᓗ ᓴᕕᕋᔭᒃᑐᑦ ᓯᑎᒃᑎᓐᓂᐊᕐᐳᖅ.

ᒨᓯᓯ ᐱᖓᔪᖏᑦ 26:19 Iomraidhean Croise

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 8:35

“ᕿᓚᒃ ᒪᑐᓯᒪᓕᕌᖓᑦ ᓯᓚᓗᖃᑦᑕᕈᓐᓃᕐᐸᓪᓗ ᐊᔪᕐᑐᓕᓯᒪᓂᖏᓐᓄᑦ ᐃᓕᖕᓄᑦ, ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ, ᐊᑏᓪᓗ ᐅᐱᒋᓗᒍ, ᐊᔪᕐᑐᓕᓂᕐᒥᖕᓂᒡᓗ ᕿᒤᓗᑎᒃ, ᐃᓕᖕᓄᑦ ᐅᖁᒤᒃᓴᕐᑎᑕᐅᓯᒪᑎᓪᓗᒋᑦ,

ᐂᓮᐊᓯᐅᑉ ᐊᒡᓚᖏᑦ 2:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᓪᓗᒃᓴᖃᕐᒪᑦ ᐊᑭᕋᕐᑐᕐᓗᓂ ᐱᐅᔪᕆᔪᓂᒃ ᑕᒤᓐᓂᒃ ᐱᔪᓐᓇᕋᓱᒋᔪᓂᒡᓗ, ᐊᑭᕋᕐᑐᕐᓗᓂᓗ ᐅᐱᓐᓇᕐᓂᕋᕐᑕᐅᔪᓂᒃ ᖁᕝᕙᓯᒐᓱᐊᕐᑐᓂᒡᓗ, ᑕᒤᓐᓂᒃ;

ᐂᓮᐊᓯᐅᑉ ᐊᒡᓚᖏᑦ 25:11

ᑕᓕᕐᒥᖕᓂᒃ ᐃᓵᖓᑎᑦᓯᔪᒫᕐᐳᑦ ᐳᐃᑦᔪᕋᓱᐊᕐᑐᑎᑐᑦ, ᐊᑕᓂᐅᓪᓕ ᓱᖁᑎᒋᔪᒫᓐᖏᓔᑦ ᐃᓵᖓᒐᓗᐊᕐᓗᑎᒃ ᑭᕕᑐᐃᓐᓇᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 26:5

ᐱᐅᔪᕆᔪᑦ ᐊᒃᐸᓯᒃᑐᒥ ᐃᓂᑖᕐᑎᑉᐰᑦ, ᐃᒡᓗᒐᓴᒡᔪᐊᑦ ᖁᕝᕙᓯᒃᑐᒦᑦᑐᑦ ᐊᒃᐸᓯᒃᑐᒥ ᐃᓂᖃᓕᕐᑎᑉᐰᑦ, ᒪᓂᕋᐅᑉ ᐊᒃᐸᓯᖕᓂᖓᑐᑦ, ᓴᓂᕐᑎᑐᑦ ᑍᒤᓕᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 28:1

ᑲᑉᐱᐊᓐᓇᒦᒃ ᐃᕗᕅᑎᒥᐅᑦ ᐋᖓᔮᕐᑐᑦ, ᐊᖓᔪᖅᑳᕐᔪᐊᕐᓯᐅᑦ ᓂᐊᖂᑎᖓ ᐅᐱᓐᓇᓚᐅᕐᑐᖅ ᑕᑯᒥᓇᕐᓂᖓ ᓄᖑᓕᕐᐳᖅ ᓄᓇᕋᕐᑎᑐᑦ ᑐᖁᓕᓕᕐᑐᑐᑦ, ᐊᖓᔪᖅᑳᕆᔭᖏᑕ ᐃᒥᕐᓯᒪᓗᐊᖃᑦᑕᕐᓂᖏᓐᓄᑦ, ᐱᔪᓐᓇᕋᓱᒋᓂᕐᒧᑦ ᓂᐊᖁᖏᑦ ᑎᐱᑎᑦᓯᐊᕐᓯᒪᒐᓗᐊᕐᐳᑦ ᓇᓚᑐᐃᓐᓇᓕᕐᐳᓪᓕ ᐋᖓᔮᓗᐊᕐᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 13:9

ᐅᖃᕐᓗᓂ: “ᐃᒫᒃ ᐊᑕᓂᖅ ᐅᖃᕐᐳᖅ: ᑍᒫᒃᑕᐅᖅ ᔫᑕᒥᐅᑦ ᔨᕉᓴᓕᒥᐅᓪᓗ ᐱᐅᔪᕆᓂᖏᑦ ᐱᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 3:3

ᑍᒤᒻᒪᑦ ᓄᓇ ᖃᐅᓯᓕᕐᑎᑕᐅᔪᓐᓇᕈᓐᓃᕐᐳᖅ ᐅᐱᕐᖔᒃᑯᓪᓗ ᓯᓚᓗᒍᓐᓇᕈᓐᓃᕐᓗᓂ, ᐊᖑᓐᓂᐊᕐᑎᑎᑐᑦ ᑕᐅᑦᑐᖃᓕᕋᓗᐊᕋᕕᑦ ᑲᓐᖑᓲᑎᒋᔪᒪᓐᖏᓔᓪᓘᓐᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 30:6

“ᐊᑕᓂᖅ ᐃᒫᒃ ᐅᖃᕐᐳᖅ: ᐄᑦᔨᑉᑎᒥᐅᑦ ᐃᑲᔪᕐᑎᒋᔭᓕᒫᖏᑦ ᑐᖁᕋᕐᑕᐅᔪᒫᕐᐳᑦ, ᐅᓇᑕᕐᑎᖁᑎᖏᑕᓗ ᐱᔪᓐᓇᕐᑐᕐᔪᐊᖁᑎᖏᑦ ᓄᖑᑕᐅᔪᒫᕐᐳᑦ; ᒥᒡᑐᓕᒥᑦ ᓮᓂᒧᑦ ᑎᑭᓪᓗᒍ ᐃᓄᖏᑦ ᑐᖁᕋᕐᑕᐅᔪᒫᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:28

ᓄᓇᖓ ᓱᓁᕈᑎᑎᑦᓱᒫᕐᐸᕋ ᓄᓇᖃᕐᕕᕕᓂᑐᐃᓐᓇᐅᓕᕐᓗᓂᓗ; ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓂᖓᑦ ᐃᓱᓕᑎᑦᓱᒫᕐᐸᕋ; ᐃᓴᕆᐊᓕᐅᓪᓗ ᖃᖅᑲᖏᑦ ᓱᓇᖃᓐᖏᓗᐊᓕᕐᓂᖏᓐᓄᑦ ᐊᖅᑯᓵᕐᑕᐅᔪᓐᓁᓪᓕᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 7:24

ᐃᓅᖃᑎᒌᒡᔪᐊᓂᑦ ᐱᐅᖏᓐᓂᕐᐹᓂᒃ ᑎᑭᑎᑦᓯᔪᒫᕐᐳᖓ ᐃᒡᓗᖏᑦ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᐱᐅᔪᕆᓂᕐᒧᑦ ᐊᔪᖏᑦᔪᑎᖏᑦ ᓄᖅᑲᕐᑎᑦᓱᒫᕐᐸᒃᑲ, ᐃᑦᔪᕐᓁᑦᑐᖁᑎᖏᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᔨᐸᓁᐊᐅᑉ ᐊᒡᓚᖏᑦ 3:11

ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᓘᑲᓯᐅᑉ ᐊᒡᓚᖏᑦ 4:25

ᓱᓕᔪᒥᒃ ᐅᖃᐅᑎᕙᑦᓯ, ᐊᒥᓱᓂᒃ ᐅᐃᒡᒐᕐᓂᕐᑕᖃᓚᐅᕐᐳᖅ ᐃᓴᕆᐊᓕᒥᐅᓂ ᐃᓔᑦᔭ ᐃᓅᑎᓪᓗᒍ, ᑍᑦᓱᒪᓂ ᓯᓚᓗᓚᐅᖏᒻᒪᑦ ᐊᕐᕌᒍᓂᒃ ᐱᖓᓱᓂᒃ, ᑕᖅᑭᓂᒡᓗ ᐱᖓᓲᔪᕐᑐᓂᒃ, ᑳᖕᓇᕐᑐᕐᔪᐊᖃᓕᓚᐅᕐᐳᖅ ᓄᓇᓕᒫᒥ;

ᒨᓯᓯ ᑕᓪᓕᒪᖏᑦ 11:17

ᑐᒃᓯᐊᕐᕕᖃᖃᑦᑕᓕᑐᐊᕈᑦᓯ, ᐊᑕᓂᐅᑉ ᓂᓐᖓᒃᕕᒋᒐᔭᕐᒪᓯ, ᓄᓇᒧᓪᓗ ᓯᓚᓗᖃᑦᑕᕐᓂᖅ ᓄᖅᑲᕐᑎᒃᑲᔭᕐᐹ, ᓄᓇᖁᑎᓯᓗ ᐸᓂᓗᐊᓕᕋᔭᕐᐳᖅ ᓂᐊᖂᔭᒃᓴᓂᒃ ᐱᕈᕐᕕᐅᔭᕆᐊᒃᓴᖅ. ᑕᕝᕙᓂᓗ ᓄᓇᒥ ᑐᖁᑲᐅᕐᑐᕋᔭᕐᐳᓯ, ᑕᒪᓐᓇ ᓄᓇᑦᓯᐊᕚᓘᒐᓗᐊᕐᑎᓪᓗᒍ ᐊᑕᓂᐅᑉ ᑐᓂᓯᒪᔭᖓ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 28:23

ᓯᓚᓗᓚᐅᕐᓯᒪᓂᐊᓐᖏᓚᖅ ᓄᓇᒧᑦ, ᓄᓇᓯᓗ ᐸᓂᕐᓂᕐᒧᑦ ᓴᕕᕋᔭᒃᑎᑐᑦ ᓯᑎᔫᑎᒋᓕᕈᒫᕐᐳᖅ.

ᓴᒧᐃᓕ ᓯᕗᓪᓖᑦ 4:11

ᒎᑎᐅᓪᓗ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᑎᒍᔭᐅᓚᐅᕐᐳᖅ; ᐃᓔᓪᓗ ᐃᕐᓂᖏᒃ, ᕼᐅᐱᓂᓗ ᐱᓂᕼᐋᔅᓗ ᑕᕝᕙᓂ ᑐᖁᑕᐅᓚᐅᕐᐴᒃ.

ᓴᒧᐃᓕ ᓯᕗᓪᓖᑦ 4:3

ᐅᓇᑕᕐᑏᓪᓗ ᐅᑎᕐᒪᑕ ᑕᖕᒫᕐᕕᒋᓯᒪᔭᒥᖕᓄᑦ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᕐᐳᑦ, “ᓱᖕᒪᑦ ᐊᑕᓂᐅᑉ ᐅᓪᓗᒥ ᐱᓕᔅᑍᓂᒥᐅᑦ ᓵᓚᖃᕐᑎᑉᐰᑦ ᐅᕙᑦᑎᓐᓂᒃ? ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐂᓚᐅᕐᓚᕗᑦ ᓮᓗᐊᒥᑦ, ᐃᓚᒋᓂᐊᕐᒪᑎᒍᑦ ᐱᐅᓕᓗᑕᓗ ᐊᑭᕋᑦᑕ ᐱᔪᓐᓇᕐᓂᖏᓐᓂᑦ.”