ᒨᓯᓯ ᐱᖓᔪᖏᑦ 26:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:17 Iomraidhean Croise

ᒨᓯᓯ ᓯᕗᓪᓖᑦ 4:12

ᐱᕈᕐᓯᐊᒃᓴᓂᒃ ᐱᕈᕐᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᕐᑎᑦᓯᔪᓐᓇᕐᓂᓕᒫᖓ ᐃᓚᑰᖃᑦᑕᕐᓂᐊᓕᕐᐳᖅ; ᕿᒫᖏᓐᓇᐅᔭᕐᓗᑎᑦ ᐃᓂᓪᓚᔪᐃᑦᑑᓂᐊᓕᕐᐳᑎᑦ ᓄᓇᕐᔪᐊᒥ.”

ᐊᑕᓃᑦ ᓯᕗᓪᓖᑦ 8:33

“ᐃᓄᖁᑎᑎᑦ ᐃᓴᕆᐊᓕᒥᐅᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐱᐅᖏᑦᑐᓕᓯᒪᓂᕐᒥᖕᓄᑦ, ᐃᓕᖕᓄᑦ ᐅᑎᑐᐊᕐᐸᑕ, ᐃᓕᖕᓂᒡᓗ ᐊᑎᕐᓂᒡᓗ ᒪᓕᒍᒪᓕᕐᐸᑕ, ᑐᒃᓯᐊᕐᐸᑕᓗ ᕿᓄᓗᑎᒃ ᐃᓕᖕᓄᑦ ᐅᕙᓂ ᐃᒡᓗᒥ;

ᐊᑕᓃᑦ ᐂᑉᐸᖏᑦ 13:3

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓂᓐᖓᐅᒪᕝᕕᒋᓕᓚᐅᕐᐰᑦ, ᐊᑯᓂᓗ ᕼᐊᔧᐅᓪᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᕐᓂᖓᓄᓪᓗ ᐱᓐ-ᕼᐊᑖᑦᒧᑦ ᓵᓚᒋᔭᐅᓯᒪᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐃᓐᖏᕈᑎᑦ 44:10

ᐅᓇᑕᕐᓂᕐᒥ ᕿᒫᑎᑕᐅᑎᑉᐸᑦᑎᒍᑦ ᐊᑭᕋᑦᑎᓐᓂᑦ, ᐆᒥᒋᔨᕗᓪᓗ ᐱᖁᑎᑦᑎᓐᓂᒃ ᐱᑖᕐᑐᕐᐳᑦ.

ᐃᓐᖏᕈᑎᑦ 53:5

ᑲᑉᐱᐊᓱᒃᑐᐊᓘᕗᑦ ᑲᑉᐱᐊᓇᕐᑐᖃᓐᖏᑎᓪᓗᒍ, ᐃᓕᑦᓯᓐᓂᒃ ᓱᕐᔪᒃᑐᑦ ᓴᐅᓂᖏᑦ ᒎᑎᐅᑉ ᓯᐊᒻᒪᕐᑎᓐᓂᐊᕐᒪᒋᑦ; ᑲᓐᖑᓇᕐᑐᒦᑎᑕᐅᓂᐊᕐᐳᑦ, ᒎᑎᐅᑉ ᖁᔭᓈᕐᓯᒪᖕᒪᒋᑦ.

ᐃᓐᖏᕈᑎᑦ 53:6

ᐃᓴᕆᐊᓕᒧᑦᑐᖅ ᐃᑲᔪᕐᑎᒃᓴᒥᒃ ᑎᑭᑦᑐᖃᓚᐅᕐᓕ ᓮᐅᓂᒥᑦ! ᒎᑎᐅᑉ ᐃᓄᖁᑎᓂ ᐅᑎᕐᑎᓕᕐᐸᒋᑦ ᐊᐅᓪᓚᕐᑎᑕᐅᓯᒪᕕᖕᒥᑦ, ᔧᑯ ᖁᕕᐊᓱᒍᒫᕐᐳᖅ ᐃᓴᕆᐊᓕᓗ ᐊᓕᐊᓁᒍᓱᒡᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1

ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ, ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 30:17

1000 ᕿᒫᔪᒫᕐᐳᑦ ᐊᑭᕋᑦᓯ ᐅᓇᑕᕐᑎᖁᑎᖓᓂᒃ ᐊᑕᐅᓯᕐᒥᒃ ᑕᑯᒍᑎᒃ, ᑕᓪᓕᒪᓂᒃ ᑕᑯᓕᕈᑦᓯ ᐊᑕᖏᕐᓗᓯ ᕿᒫᔪᒪᕐᐳᓯ, ᐊᒥᐊᒃᑯᑕᖃᖏᓪᓗᓯ, ᓮᒻᒪᑎᐅᑉ ᓇᑉᐸᖅᑯᑎᖓᑐᑦ ᖃᖅᑲᐅᑉ ᖄᖓᓃᑦᑐᑐᑦ ᖃᖅᑲᐅᓪᓗ ᑳᖓᓂ ᖃᓕᕇᓕᕈᒫᕐᐳᓯ ᓇᓗᓁᒃᑯᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 19:7

ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 44:11

“ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐊᑭᕋᕐᑐᕐᓂᐊᕐᐸᑦᓯ ᔫᑕᒥᐅᓕᒫᓪᓗ ᐊᓯᕈᕈᒫᕐᐸᒃᑲ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:5

ᐊᑭᕋᕐᑐᕐᑎᒋᓚᐅᕐᑕᖏᑦ ᐊᐅᓚᑦᓯᔨᐅᓕᕋᒥᒃ ᓯᕘᕋᒋᔭᖃᕈᓐᓁᕐᐳᑦ ᐊᑕᓂᐅᑉ ᕿᒃᓵᖕᓇᕐᑐᕐᔪᐊᕐᒧᑦ ᑎᑭᑎᓚᐅᕐᐰᑦ ᐊᔪᕐᑐᓕᓯᒪᓂᖏᑦ ᐱᑦᔪᑎᒋᓪᓗᒋᑦ ᕿᑐᕐᖓᖏᑦ ᐊᐅᓪᓚᕈᑦᔭᐅᕗᑦ ᑎᒍᔭᐅᓪᓗᑎᒃ ᐊᑭᕋᖏᓐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:4

ᐱᑎᒃᓯᒥᓄᑦ ᑐᕌᕐᑎᑉᐹᑎᒍᑦ ᐱᒋᐊᕈᒪᓪᓗᑕ ᐊᑭᕋᕐᑎᑐᑦ, ᓄᖑᑕᐅᑎᑉᐰᑦ ᖁᕕᐊᒋᓪᓗᒋᑦ ᐃᓅᖃᑎᓐᓈᕆᔭᕗᑦ, ᓂᓐᖓᕕᒃᔪᐊᕐᓂᕐᒥᓄᑦ ᐃᑯᐊᓪᓔᔭᕐᑐᕐᑐᑎᑐᑦ ᓮᐅᓂᐅᑉ ᐸᓂᖏᑕ ᑐᐱᖏᑦ ᓄᖑᑕᐅᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᒨᓯᓯ ᐱᖓᔪᖏᑦ 17:10

“ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᑖᒃᑯᓇᓂ ᓄᓇᖃᖃᑕᐅᔪᖅ ᐊᐅᖕᒥᒃ ᓂᕆᒃᐸᑦ ᑮᓇᕋ ᑖᑦᓱᒪᓐᖓᑦ ᐊᓚᕐᓂᐊᕐᐸᕋ ᐊᐅᖕᒥᒃ ᓂᕆᔪᖅ ᐃᓅᖃᑎᖏᓐᓂᑦ ᐃᓚᒋᔭᐅᓂᕋᕈᓐᓁᕐᓂᐊᕐᐸᕋ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᔮᓱᐊᑉ ᐊᒡᓚᖏᑦ 7:4

ᑍᒤᒻᒪᑦ 3,000ᓮᑦ ᖃᓂᒋᔮᓃᑦᑐᑦ ᐃᓴᕆᐊᓕᒥᐅᑦ ᐅᓇᑕᕆᐊᓚᐅᕐᐳᑦ; ᑭᓯᐊᓂᓕ ᓵᓚᐅᓕᕋᒥᒃ ᐂᒥᐅᓄᑦ ᕿᒫᒃᓯᓚᐅᕐᐳᑦ,

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:14

ᐃᓴᕆᐊᓕᒥᐅᑦ ᐃᓄᖏᑦ ᐃᒡᓚᓂᒧᑦ ᓯᐊᓛᖑᓕᓚᐅᕐᐳᑦ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓄᑦ ᐊᕐᕌᒍᓂᒃ 18ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:2

ᒥᑎᐊᓂᒥᐅᑦ ᓵᓚᖃᓚᐅᕐᒪᑕ ᐃᓴᕆᐊᓕᒥᐅᓂᒃ; ᒥᑎᐊᓂᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥᐅᑦ ᐃᔨᕐᕕᖃᓕᓚᐅᕐᐳᑦ ᖃᖅᑲᓂ ᐃᓗᓕᐅᕆᓪᓗᑎᒃ, ᕾᕈᓱᖕᓂᓗ, ᕿᒫᕕᓕᐊᕆᓯᒪᔭᒥᖕᓂᓗ.

ᓴᒧᐃᓕ ᓯᕗᓪᓖᑦ 12:15

ᑭᓯᐊᓂᓕ ᐊᑕᓂᐅᑉ ᓂᐱᖓᓂᒃ ᓈᓚᖕᓂᐊᖏᒃᑯᑦᓯ, ᐊᑕᓂᐅᓪᓗ ᐱᖁᔭᖏᓐᓂᒃ ᐊᑭᕋᕐᑐᓕᕈᑦᓯ, ᑕᕝᕙ ᐊᑕᓂᐅᑉ ᐊᒡᒐᖏᑦ ᐃᓕᑦᓯᓐᓂᒃ ᐊᖓᔪᖅᑳᕐᔪᐊᑦᓯᓐᓂᒡᓗ ᐊᑭᕋᕐᑐᓕᕈᒫᕐᐳᖅ.

ᓴᒧᐃᓕ ᓯᕗᓪᓖᑦ 31:1

ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐃᓴᕆᐊᓕᒥᐅᓂᒃ ᖃᖅᑲᒥ ᒋᐅᓪᐳᐊᒥ, ᐃᓴᕆᐊᓕᒥᐅᑦ ᑐᖁᑕᐅᓚᐅᕐᐳᑦ ᐅᓄᕐᑐᐊᓗᐃᑦ, ᐊᖓᔪᖅᑳᕐᔪᐊᕐᓕ ᓴᐅᓕ, ᐃᕐᓂᖏᓪᓗ ᐊᓯᖏᓪᓗ ᕿᒫᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 4:10

ᑕᕝᕙ ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐊᒃᓱᕈᕐᓗᑎᒃ, ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ, ᑖᒃᑯᐊᓗ ᕿᒫᕗᑦ, ᐅᓪᓚᒡᓗᑎᒃ ᐊᖏᕐᕋᒥᖕᓄᑦ; ᑐᖁᕋᕐᑕᐅᓂᕐᔪᐊᕐᑕᖃᓚᐅᕐᐳᕐᓗ: ᐃᓴᕆᐊᓕᒥᐅᑦ 30,000 ᐅᓇᑕᕐᑏᑦ ᑕᕝᕙᓂ ᑐᖁᑕᐅᓚᐅᕐᐳᑦ.