ᒨᓯᓯ ᐱᖓᔪᖏᑦ 26:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᒨᓯᓯ ᐱᖓᔪᖏᑦ 26:16 Iomraidhean Croise

ᐊᑕᓃᑦ ᓯᕗᓪᓖᑦ 8:37

“ᑳᖕᓇᕐᑐᕐᔪᐊᕐᑕᖃᕐᐸᑦ ᓄᓇᒥ, ᑕᒫᓂ ᖃᓂᒪᓐᓇᕐᑐᖃᕐᐸᓪᓘᓐᓃᑦ, ᐱᕈᕐᑐᓪᓘᓐᓃᑦ ᑐᖁᓕᓐᓇᕐᑐᖃᓕᕐᐸᑕ ᓱᒃᑯᓪᓗᑎᒃ, ᐱᒡᓕᕐᑕᐅᔮᕐᑐᓄᓪᓘᓐᓃᑦ ᖁᐱᕐᕈᓄᓪᓘᓐᓃᑦ ᓄᖑᑕᐅᒃᐸᑕ, ᐊᑭᕋᖏᓐᓄᓪᓘᓐᓃᑦ ᐅᓇᑕᕆᐊᕐᑕᐅᒃᐸᑕ ᓄᓇᖁᑎᖏᓐᓂ ᓇᓪᓕᐊᓐᓂᑐᐃᓐᓇᖅ; ᖃᓂᒪᓐᓇᖃᕐᐸᑦ ᐋᓐᓂᐊᓇᕐᑐᖃᕐᐸᓪᓘᓐᓃᑦ;

ᔫᐱᐅᑉ ᐊᒡᓚᖏᑦ 18:11

ᖁᐊᕐᓵᕐᓇᕐᑐᒧᑦ ᑲᑉᐱᐊᓱᒃᑎᑕᐅᓂᐊᕐᐳᖅ ᐊᕙᑎᓕᒫᖓᓂᑦ; ᑭᖕᒥᖓᓄᑦ ᐊᒃᑐᐊᔪᒥᒃ ᒪᓕᒃᑕᐅᖏᓐᓇᕐᓂᐊᕐᐳᖅ.

ᔫᐱᐅᑉ ᐊᒡᓚᖏᑦ 20:25

ᖃᕐᔪᖅ ᑎᒥᖓᓂᒃ ᐳᑐᒥᓵᕐᓯᓪᓗᓂ ᐊᓂᒎᑎᕗᖅ, ᓇᖅᑯᖓ ᕿᓪᓕᕐᑐᖅ ᓱᖓᕐᒥᒃ ᑯᑐᒃᐳᖅ; ᑲᑉᐱᐊᓱᖕᓂᕐᒧᑦ ᑕᕝᕙ ᑎᑭᑕᐅᕗᖅ.

ᔫᐱᐅᑉ ᐊᒡᓚᖏᑦ 31:8

ᑕᕝᕙ ᑲᓐᖓᕐᓲᑎᒋᓚᐅᕐᑕᒃᑲ ᐊᓯᓐᓄᑦ ᓂᕆᔭᐅᔪᒃᓴᐅᕗᑦ; ᓂᕿᒃᓮᓪᓗ ᐱᕈᕐᑎᑕᒃᑲ ᐊᓯᓐᓄᑦ ᓄᐊᑕᐅᔪᒃᓴᐅᓪᓗᑎᒃ.

ᐃᓐᖏᕈᑎᑦ 109:6

ᐱᐅᖏᑦᑐᖅ ᐊᖓᔪᖅᑳᓐᖑᕐᑎᒍᒃ ᑖᑦᓱᒧᖓ; ᑕᓕᕐᐱᐊᓄᓪᓗ ᓵᑖᓇᓯ ᓂᑯᕕᑎᓪᓗᒍ.

ᐃᓐᖏᕈᑎᑦ 73:19

ᑕᕝᕔᓐᓇᖅ ᐊᑯᓂᐅᖏᑦᑐᖅ ᐊᓯᕈᕐᑕᐅᕗᑦ, ᐊᑕᖏᕐᓱᑎᒃ ᓄᖑᑕᐅᕗᑦ ᑲᑉᐱᐊᓇᕐᑐᒧᑦ.

ᐃᓐᖏᕈᑎᑦ 78:33

ᑍᒤᒻᒪᑦ ᐅᓪᓗᖏᑦ ᓄᖑᑎᓚᐅᕐᐰᑦ ᐳᔪᕐᑎᑐᑦ, ᐊᕐᕌᒍᖃᕐᑎᓚᐅᕐᐰᓪᓗ ᑲᑉᐱᐊᓇᕐᑐᓂᒃ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:33

ᐱᐅᖏᑦᑐᑦ ᐃᒡᓗᖏᑦ ᐊᑕᓂᐅᑉ ᓯᕗᓂᕐᓗᒃᑎᑉᐰᑦ, ᐃᓱᐊᕐᑑᓪᓕ ᐃᒡᓗᖏᑦ ᓮᒻᒪᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᐂᓮᐊᓯᐅᑉ ᐊᒡᓚᖏᑦ 7:2

ᑍᕕᑎᐅᓪᓕ ᑭᖑᕚᖏᑦ ᑐᓴᕐᑎᑕᐅᒐᒥ, ᓯᕆᐊᒥᐅᑦ ᐅᓇᑕᕐᑐᒃᓴᖏᑦ ᐃᓴᕆᐊᓕᒥᐅᑦ ᓄᓇᖓᓐᓃᓕᕐᓂᖏᓐᓂᒃ ᑕᐱᖃᓕᕐᓂᖏᓐᓂᒡᓗ ᐃᕗᕅᒥᐅᑦ ᑭᖑᕚᖏᓐᓂᒃ, ᐆᒻᒪᑎᖓ ᐃᓄᖁᑎᓕᒫᖏᑕᓗ ᐆᒻᒪᑎᖏᑦ ᓴᔪᓕᕐᐳᑦ, ᓇᐹᕐᑐᑎᑐᑦ ᐊᓄᕆᒧᑦ ᐊᐅᓚᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 12:13

ᐃᓄᖁᑎᒃᑲ ᓂᐊᖂᔭᒃᓴᓂᒃ ᑲᓐᖓᕐᓱᐃᓚᐅᕐᐳᑦ ᐅᕐᐱᖕᓂᒡᓕ ᑲᑭᓐᓇᕐᑐᓕᖕᓂᒃ ᑲᑎᕐᓱᐃᕗᑦ, ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᐸᒃᐳᑦ, ᐱᓇᓱᐊᕐᓂᖓᓪᓕ ᐱᕙᓪᓕᕐᓇᕐᑐᖃᓐᖏᓚᖅ. ᐱᕈᕐᑎᑕᕕᓂᕐᒥᓂᒃ ᑲᓐᖑᓲᑎᖃᕈᒫᕐᐳᑦ ᐊᑕᓂᐅᑉ ᓂᓐᖓᐅᓯᕐᒥᓄᑦ ᐱᓂᐊᕐᕕᒋᔪᒫᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 15:3

ᓯᑕᒪᓂᒃ ᐊᑦᔨᒌᖏᑦᑐᓂᒃ ᐊᓯᕈᐃᔪᒃᓴᓂᒃ ᑎᑭᑎᑦᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᓴᕕᒡᔪᐊᒥᒃ ᑐᖁᑦᓯᑦᔪᑎᒃᓴᒥᒃ, ᕿᒻᒥᓂᒡᓗ ᑎᒥᖏᑦ ᐅᓂᐊᕐᑕᐅᓗᑎᒃ ᓂᕆᔪᒃᓴᓂᒃ, ᑎᖕᒥᐊᓂᒡᓗ ᑎᒥᕕᓂᕐᓂᒃ ᓂᕆᔪᒃᓴᓂᒃ, ᐆᒪᔪᓂᒡᓗ ᓄᔪᐊᕐᑕᓂᒃ ᑎᒥᕕᓂᕐᓂᒃ ᓂᕆᔪᒃᓴᓂᒃ ᓄᖑᑕᐅᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 15:8

ᐅᐃᒡᒐᕐᓂᖁᑎᖏᑦ ᐅᓄᕐᓂᕐᓴᐅᓂᐊᕐᐳᑦ ᓯᐅᕋᕐᓂᑦ ᓯᒡᔭᒦᑦᑐᓂᑦ; ᐅᓪᓘᑉ ᕿᑎᖓᓂ ᐊᓯᕈᐃᔭᕐᑐᕐᑐᒥᒃ ᑎᑭᑎᑦᓯᓂᐊᕐᐳᖓ ᐃᓅᓱᒃᑐᐃᑦ ᐊᓈᓇᖏᓐᓄᑦ ᕿᒃᓵᖕᓇᕐᑎᑦᓯᓂᐊᕐᐳᖓ; ᓂᕆᐅᓇᖏᑦᑐᒃᑯᑦ ᐋᓐᓂᕐᓇᕐᑐᒃᑯᑦ ᑲᑉᐱᐊᓇᕐᑐᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 20:4

ᐃᒫᒃ ᐊᑕᓂᖅ ᐅᖃᕐᐳᖅ; ᑕᑯᒋᑦ, ᑲᑉᐱᐊᓇᕐᑐᒥᒃ ᓇᖕᒥᓂᕐᓄᑦ ᑎᑭᑎᑦᓯᕕᒋᓂᐊᕐᐳᑎᑦ ᐃᓚᓐᓇᕆᔭᕐᓄᓪᓗ. ᓇᖕᒥᓂᖅ ᑕᑯᓐᓇᕈᒫᕋᕕᒋᑦ ᐅᓇᑕᕐᑐᓂ ᑐᖁᕋᕐᑕᐅᓕᕐᑎᓪᓗᒋᑦ ᐊᑭᕋᑦᓯᓐᓄᑦ, ᔫᑕᒥᐅᓕᒫᑦ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᑎᑦᓱᒫᕐᐸᒃᑲ; ᑖᑦᓱᒪᓗ ᐊᐅᓪᓚᕈᑎᔪᒫᕐᐰᑦ ᐹᐱᓘᓂᒧᑦ, ᑐᖁᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᐃᓯᑭᐊᓕᐅᑉ ᐊᒡᓚᖏᑦ 24:23

ᓂᐊᖁᓯᓐᓂ ᓂᒥᕆᕙᒃᑕᑦᓯᓐᓂᒃ ᐊᑐᕆᐊᖃᕈᒫᕐᐳᓯ ᐃᑎᒐᒍᑎᓯᓗ ᐊᑐᕐᓗᒋᑦ; ᕿᐊᔪᒫᓐᖏᓚᓯ ᖁᕝᕕᐅᕈᑎᖃᖏᓪᓗᓯᓘᓐᓃᑦ, ᐊᔪᕐᑐᓕᓂᑦᓯᓐᓂᒃ ᐅᒡᒍᐊᕈᑎᖃᓕᕈᒫᕐᐳᓯ ᐃᓕᑦᓯᓐᓄᑦ ᐊᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 33:10

“ᐃᕝᕕᓪᓕ, ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᐅᖃᑎᒃᑭᑦ, ᐃᒫᒃ ᐅᖃᕐᓯᒪᒐᑦᓯ: ‘ᐅᖁᒤᒃᓴᕐᐳᒍᑦ ᑕᒻᒪᕈᑎᒋᓯᒪᔭᑦᑎᓐᓂ ᐊᔪᕐᑐᓕᓂᑦᑎᓐᓂᒡᓗ, ᑕᒪᒃᑯᓄᖓᓗ ᐊᔪᓕᕐᑎᑕᐅᓕᕐᓗᑕ; ᖃᓄᕐᓕ ᐃᓅᓂᐊᓕᕐᐱᑖ?’

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᒤᑲᐅᑉ ᐊᒡᓚᖏᑦ 6:15

ᑲᓐᖓᕐᓱᐃᒐᓗᐊᕈᑦᓯ, ᑲᑎᕐᓱᐃᓛᓐᖏᓚᓯ; ᓇᐹᕐᑐᐃᓪᓗ ᐅᕐᓱᒃᓴᖏᓐᓂᒃ ᑐᓪᓕᕋᓗᐊᕈᑦᓯ, ᐃᓕᑦᓯᓐᓄᑦ ᐊᑐᕈᓐᓇᓛᓐᖏᓚᑦ; ᐸᐅᕐᖓᓂᒃ ᕔᓂᒃᓴᓂᒃ ᓴᓇᖓᓗᐊᕈᑦᓯ, ᐃᒥᕐᕕᒋᔪᒫᓐᖏᓚᓯ.

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’

ᓴᑲᕅᐊᐅᑉ ᐊᒡᓚᖏᑦ 14:12

ᑕᕝᕙ ᔨᕉᓴᓕᒥᒃ ᐊᑭᕋᕐᑐᕋᓱᒃᑐᑦ ᓄᓇᐅᑉ ᐊᓯᖏᓐᓂᑦ ᐱᓯᒪᔪᑦ ᐊᑕᓂᐅᑉ ᐃᒫᒃ ᐋᓐᓂᐊᓇᕐᑐᖃᕐᑎᑦᓱᒫᕐᐰᑦ; ᐅᕕᓂᖏᑦ ᓄᖑᔪᒫᕐᐳᑦ ᓂᑯᕕᖓᑎᓪᓗᒋᑦ ᓱᓕ, ᐃᔨᖏᓪᓗ ᓄᖑᔪᒫᕐᐳᑦ ᐃᔨᓕᕐᕕᖏᓐᓂᑦ, ᐅᖃᖏᓪᓗ ᓄᖑᓪᓗᑎᒃ ᖃᓂᖏᓐᓂᑦ.

ᒪᓚᑬᑉ ᐊᒡᓚᖏᑦ 2:3

ᑕᑯᒋᑦ, ᑭᖑᕚᒃᓴᓯ ᐃᓂᕐᑎᕈᒫᕐᐸᒃᑲ, ᑮᓇᓯᓗ ᐊᓇᕐᒥᒃ ᒥᖑᐊᕐᓗᒋᑦ, ᑐᓂᕐᕈᑎᓯ ᐊᓇᖏᓐᓂᒃ, ᐊᓂᑎᓪᓗᓯᓗ ᓇᔪᒐᓐᓂᑦ.

ᒨᓯᓯ ᑕᓪᓕᒪᖏᑦ 28:51

ᐃᒻᒧᒃᓯᐅᒐᖁᑎᓯᓗ ᓄᕐᕋᖏᑦ ᓂᐊᖂᔭᒃᓴᖁᑎᓯᓗ ᓂᕿᒋᔪᒫᕐᐰᑦ, ᓄᖑᓚᐅᖏᓐᓂᑦᓯᓐᓂ; ᐊᒥᐊᒃᑯᔭᐅᔪᒫᓐᖏᓚᓯᓘᓐᓃᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᐹᕐᑐᐃᑦ ᐱᕈᕐᑐᖏᑕ ᐅᕐᓱᖏᓐᓂᒃ, ᐃᒻᒧᒃᓯᐅᒐᕐᓂᒃ, ᓰᐱᓂᒡᓗ; ᐱᕐᓕᕐᓗᓯ ᑐᖁᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᐄᑉᕈᐃᓄᑦ 10:31

ᑲᑉᐱᐊᓇᕐᑐᐊᓘᕗᖅ ᒎᑎᐅᑉ ᑐᖁᓱᐃᑦᑑᑉ ᐊᒡᒐᖏᓐᓄᑦ ᐅᕐᕈᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 6:11

ᐊᑕᓂᐅᓪᓕ ᐂᖏᓕᖓ ᕾᓚᐅᕐᐳᖅ ᐃᖏᓪᓗᓂᓗ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓄᓇᒥ ᐅᐸᕋᒥ, ᔪᐊᓯᐅᑉ ᓄᓇᖁᑎᖓᓄᑦ, ᐊᐰᔭᕆᑎᐅᑉ ᑭᖑᕚᖓᓄᑦ. ᐃᕐᓂᖓ ᒋᑎᐅᓂ ᐹᓚᐅᒑᒃᓮᑦ ᓄᕗᖏᓂᒃ ᐲᔧᓚᐅᕐᐳᖅ ᐊᓇᐅᓕᕐᓗᒋᑦ ᕔᓂᒃᓴᓂᒃ ᐃᑦᑏᔧᕕᐅᑉ ᐃᓗᐊᓂ ᒥᑎᐊᓂᒥᐅᓂᑦ ᐃᔨᕐᓯᒪᓪᓗᓂ.

ᓴᒧᐃᓕ ᓯᕗᓪᓖᑦ 2:33

ᐃᓄᖁᑎᕕᓪᓕ ᐃᓚᖏᑦ ᑐᖁᓐᖏᑕᒃᑲ ᑐᓂᕐᕈᓯᕐᕕᖁᑎᓐᓂ ᐃᔨᕕᑦ ᑕᑯᔪᒫᕐᐰᑦ ᐆᒻᒪᑎᕕᓪᓗ ᕿᒃᓴᐅᑎᒋᔪᒫᕐᐰᑦ; ᐃᓚᓕᒫᕕᓪᓗ ᑭᖑᕚᖏᑦ ᐃᓐᓇᕈᕐᑐᖃᖏᓪᓗᑎᒃ ᑐᖁᔪᒫᕐᐳᑦ.