ᒨᓯᓯ ᐱᖓᔪᖏᑦ 25:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓄᓇᐅᑉ ᑖᑦᓱᒪ ᐱᕈᕐᑎᑕᖏᑦ ᐊᕐᕌᒍ ᓴᐸᑎ ᓇᓪᓕᐅᑎᓯᒪᑎᓪᓗᒍ, ᑕᒪᑐᒥᖓ ᓄᓇᖁᑎᖃᕐᑐᑎᑦ ᓇᖕᒥᓂᖅ ᓂᕿᒃᓴᕆᕙᑎᑦ, ᓇᖕᒥᓂᕐᐱᓪᓗ, ᓯᐊᓛᕕᓪᓗ ᐊᖑᑎᑦ ᐊᕐᓁᓪᓘᓐᓃᑦ, ᐃᖅᑲᓁᔭᕐᑎᕕᓪᓘᓐᓃᑦ, ᑐᔪᕐᒥᐊᕕᓪᓘᓐᓃ ᐃᓕᑦᓯᓐᓃᑦᑑᑉ.

ᒨᓯᓯ ᐱᖓᔪᖏᑦ 25:6 Iomraidhean Croise

ᐊᑕᓃᑦ ᐂᑉᐸᖏᑦ 19:29

“ᐃᒫᒃ ᓇᓗᓁᒃᑯᑕᒃᓴᐅᕗᖅ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ, ᐊᕐᕌᒎᔪᒫᕐᑐᒥᓗ ᐱᕈᕐᓰᕕᖕᒥᐅᖏᑦᑐᖅ ᑕᒫᓂᑐᐃᓐᓇᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕿᒃᓴᖃᕐᓂᐊᕐᐳᓯ, ᑭᓯᐊᓂ ᑕᒪᒃᑯᐊ ᑭᖑᓂᖓᓂ ᓇᖕᒥᓂᖅ ᑲᓐᖓᕐᓱᕐᑕᕕᓂᑦᓯᓐᓂᒃ ᑲᑎᕐᓱᐃᔪᓐᓇᕐᓯᔪᒫᕐᐳᓯ, ᐸᐅᕐᖓᓄᓪᓗ ᐱᕈᕐᓰᕕᓕᐊᕕᓂᑦᓯᓐᓄᑦ ᐸᐅᕐᖓᕐᑐᒐᒃᓴᖃᓕᕈᒫᕐᐳᓯ.

ᒨᓯᓯ ᐂᑉᐸᖏᑦ 23:11

ᐊᕐᕌᒍᓪᓕ 7ᖓᓐᓂ ᓄᓇ ᐱᕈᕐᓰᕕᒃ ᑕᕾᕐᓯᕐᑎᑕᒃᓴᕆᕙᓯ ᑕᕝᕙᓂᓗ ᐱᕈᕐᑐᑦ ᑲᑎᕐᓱᖏᓪᓗᒋᑦ, ᐃᓄᐃᓪᓕ ᐊᔪᕐᓴᑐᑦ ᑕᕝᕙᓐᖓᑦ ᐱᕈᕐᑐᓂᒃ ᓂᕆᔪᓐᓇᕐᐳᑦ, ᑖᒃᑯᐊᓗ ᐊᒥᐊᒃᑯᒋᔭᖏᓐᓂᒃ ᐆᒪᔪᑦ ᓄᔪᐊᕐᑐᑦ ᓂᕆᔪᓐᓇᕆᕗᑦ. ᕔᓂᓕᒃᓴᖁᑎᓯᑦᑕᐅᖅ ᓇᐹᕐᑐᓪᓗ ᐅᕐᓱᒃᓴᓖᑦ ᑍᒪᑦᓮᓐᓇᖅ ᐱᓇᓱᐊᕐᕕᒋᔭᒃᓴᕆᕙᓯ.

ᒨᓯᓯ ᐱᖓᔪᖏᑦ 25:20

“ᐊᐱᕆᔪᖃᕋᔭᕐᐸᓪᓕ, ‘ᓱᓇᒥᒡᓕ ᓂᕿᒃᓴᖃᕐᓂᐊᕋᑦᑕ ᐊᕐᕌᒎᑉ 7ᖓᓂ? ᐱᕈᕐᓰᕖᑦ ᐱᕈᕐᓰᕕᐅᖏᑉᐸᑕ, ᓂᕿᒃᓴᓂᒡᓗ ᑲᑎᕐᓱᐃᖏᒃᑯᑦᑕ?’

ᒨᓯᓯ ᐱᖓᔪᖏᑦ 25:21

ᓮᒻᒪᕐᑎᓐᓂᐊᕐᐸᑦᓯ ᐊᕐᕌᒍᑦ ᐱᖓᓲᔪᕐᑐᖓᓂ, ᓄᓇ ᐱᕈᕐᑎᑉᐸᒃᑕᒥᓂᑦ ᐊᖏᖅᑭᔭᒻᒪᕆᐊᓗᐊᓂᒃ ᐱᕈᕐᑎᑦᓯᓂᐊᕐᐳᖅ ᐊᕐᕌᒍᓄᑦ ᐱᖓᓱᓄᑦ ᓈᒻᒪᒃᑐᓂᒃ.

ᒨᓯᓯ ᐱᖓᔪᖏᑦ 25:5

ᓄᓇᒥ ᑕᕝᕙᓂ ᑲᒪᒋᔭᐅᓇᑎᒃ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕐᑕᒃᓴᕆᓐᖏᓚᓯ, ᐸᐅᕐᖎᓪᓘᓐᓃᑦ ᕔᓂᒃᓮᑦ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᓄᓇ ᐊᕐᕌᒍᒥᒃ ᐊᑕᐅᓯᕐᒥᒃ ᕿᖃᕆᐊᖃᕐᒪᑦ.

ᒨᓯᓯ ᐱᖓᔪᖏᑦ 25:7

ᐆᒪᔪᖁᑎᕕᓪᓘᓐᓃᑦ ᓂᕿᒋᔭᕆᐊᖃᕐᐰᑦ, ᓂᕐᔪᑎᓂᓪᓗ ᓄᔪᐊᕐᑐᓂᑦ ᓄᓇᖁᑎᑦᓯᓐᓃᑦᑐᓂᑦ ᓂᕿᒋᔭᐅᓗᑎᒃ. ᓄᓇᒥ ᑕᕝᕙᓂ ᐱᕈᕐᑐᓕᒫᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:44

ᐅᒃᐱᕐᑐᓕᒫᑦ ᑲᑎᒪᑦᓯᐊᓚᐅᕐᐳᑦ ᐱᖁᑎᒥᖕᓂᒡᓗ ᑲᑐᑦᔨᑦᓯᐊᕐᓗᑎᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.