ᒨᓯᓯ ᐱᖓᔪᖏᑦ 25:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓄᓇᒥ ᑕᕝᕙᓂ ᑲᒪᒋᔭᐅᓇᑎᒃ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕐᑕᒃᓴᕆᓐᖏᓚᓯ, ᐸᐅᕐᖎᓪᓘᓐᓃᑦ ᕔᓂᒃᓮᑦ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᓄᓇ ᐊᕐᕌᒍᒥᒃ ᐊᑕᐅᓯᕐᒥᒃ ᕿᖃᕆᐊᖃᕐᒪᑦ.

ᒨᓯᓯ ᐱᖓᔪᖏᑦ 25:5 Iomraidhean Croise

ᐊᑕᓃᑦ ᐂᑉᐸᖏᑦ 19:29

“ᐃᒫᒃ ᓇᓗᓁᒃᑯᑕᒃᓴᐅᕗᖅ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ, ᐊᕐᕌᒎᔪᒫᕐᑐᒥᓗ ᐱᕈᕐᓰᕕᖕᒥᐅᖏᑦᑐᖅ ᑕᒫᓂᑐᐃᓐᓇᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕿᒃᓴᖃᕐᓂᐊᕐᐳᓯ, ᑭᓯᐊᓂ ᑕᒪᒃᑯᐊ ᑭᖑᓂᖓᓂ ᓇᖕᒥᓂᖅ ᑲᓐᖓᕐᓱᕐᑕᕕᓂᑦᓯᓐᓂᒃ ᑲᑎᕐᓱᐃᔪᓐᓇᕐᓯᔪᒫᕐᐳᓯ, ᐸᐅᕐᖓᓄᓪᓗ ᐱᕈᕐᓰᕕᓕᐊᕕᓂᑦᓯᓐᓄᑦ ᐸᐅᕐᖓᕐᑐᒐᒃᓴᖃᓕᕈᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 37:30

ᑕᕝᕙ ᕼᐃᓯᑬᐊ ᐅᖃᐅᑎᕚ, “ᐅᑯᐊ ᑕᕝᕙ ᓇᓗᓁᒃᑯᑕᐅᓂᐊᕐᑐᑦ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ ᓂᕿᖃᕐᓂᐊᕐᐳᓯ ᐃᒻᒥᓂᒃ ᐱᕈᕐᑐᕕᓂᕐᓂᒃ, ᐊᕐᕌᒎᓪᓗ ᐂᑉᐸᖓᓂ ᓂᐊᖂᔭᒃᓴᓂᒃ ᐃᒻᒥᖕᓂᒃ ᐱᕈᕐᑐᕕᓂᕐᓂᒃ; ᐊᕐᕌᒍᐃᓪᓗ ᐱᖓᔪᐊᓐᓂ ᑲᓐᖓᕐᓱᐃᓛᕐᐳᓯ ᑲᑎᕐᓱᐃᓗᓯᓗ, ᐱᕈᕐᓰᕕᖕᓂᒃ ᕔᓂᒃᓴᓂᒃ ᐋᖅᑭᒃᓱᐃᓗᓯ ᐱᕈᕐᑐᖏᓐᓂᒡᓗ ᓂᕿᖃᕐᓗᓯ.

ᒨᓯᓯ ᐱᖓᔪᖏᑦ 25:11

ᐊᕐᕌᒍᑦ 50ᖓᓂ ᖁᕕᐊᓱᒡᕕᒃᓯᐅᕆᐊᖃᕐᐳᓯ; ᐱᕈᕐᓯᐊᒃᓴᓂᒃ ᐃᓕᐅᖅᑬᔭᕆᐊᖃᓐᖏᓚᓯ ᓄᓇᖁᑎᑦᓯᓐᓄᑦ ᓂᐊᖂᔭᒃᓮᓪᓗ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᐸᐅᕐᖓᓪᓗ ᕔᓂᒃᓮᑦ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᖏᓐᓂᕙᓯ.

ᒨᓯᓯ ᐱᖓᔪᖏᑦ 25:4

ᐊᕐᕌᒍᓪᓕ 7ᖓᓂ ᓄᓇᖁᑎᑦᓯᓐᓄᑦ ᓴᐸᑎᐅᕗᖅ ᑕᕾᕐᓯᕐᕕᒃ ᐊᑕᓂᐅᑉ ᓴᐸᑎᖓ. ᐊᕐᕌᒍᒥ ᑕᕝᕙᓂ ᓄᓇᖁᑎᑦᓯᓐᓂ ᐱᕈᕐᓰᔪᒃᓴᐅᓐᖏᓚᓯ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ ᐸᐅᕐᖓᓕᒃᓮᑦ ᐱᕈᕐᓰᕕᒋᔭᕆᐊᖃᓐᖏᓚᓯ.

ᒨᓯᓯ ᐱᖓᔪᖏᑦ 25:6

ᓄᓇᐅᑉ ᑖᑦᓱᒪ ᐱᕈᕐᑎᑕᖏᑦ ᐊᕐᕌᒍ ᓴᐸᑎ ᓇᓪᓕᐅᑎᓯᒪᑎᓪᓗᒍ, ᑕᒪᑐᒥᖓ ᓄᓇᖁᑎᖃᕐᑐᑎᑦ ᓇᖕᒥᓂᖅ ᓂᕿᒃᓴᕆᕙᑎᑦ, ᓇᖕᒥᓂᕐᐱᓪᓗ, ᓯᐊᓛᕕᓪᓗ ᐊᖑᑎᑦ ᐊᕐᓁᓪᓘᓐᓃᑦ, ᐃᖅᑲᓁᔭᕐᑎᕕᓪᓘᓐᓃᑦ, ᑐᔪᕐᒥᐊᕕᓪᓘᓐᓃ ᐃᓕᑦᓯᓐᓃᑦᑑᑉ.