43 ᐱᔨᐅᓕᕌᖓᑕ ᐃᓖᔭᕐᓱᕆᐊᖃᓐᖏᓚᓯᐅᒃ, ᒎᑎᓯᓕ ᓯᕘᕋᒋᔭᕆᐊᖃᕐᐸᓯ.
ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:
ᒫᓐᓇᓗ ᐃᒤᓐᓇᓱᐊᕐᐳᓯ ᔫᑕᒥᐅᑦ ᔨᕉᓴᓕᒥᐅᓪᓗ ᐃᓄᖏᑦ ᓯᐊᓛᕐᑕᕆᔪᒪᓪᓗᒋᑦ, ᐊᖑᑏᑦ ᐊᕐᓁᓪᓗ, ᑕᕝᕙ ᐊᔪᕐᑐᓕᓐᖏᓚᓰ ᓇᖕᒥᓂᑦᓯᓐᓄᑦ ᐊᑕᓂᐅᑉ ᒎᑎᑦᓯ ᓵᖓᓂ?
ᓇᓪᓕᐊᓐᓄᑦ ᐱᔨᓐᓄᑦ ᓈᒻᒪᒃᓴᖏᑦᑐᓄᑦ ᐅᖃᐅᑦᔭᐅᓗᖓ, ᓈᓚᓚᐅᕐᓂᖏᒃᑯᒪ ᑲᒪᒋᔪᒪᓚᐅᕐᓂᖏᒃᑯᒃᑭᓪᓗ.
ᖃᓄᐃᓕᖓᓕᕋᔭᕐᐳᖓᓕ ᒎᑎᒧᑦ ᓵᓐᖓᔭᐅᓕᕈᒪ? ᐊᐱᕐᓱᓕᕐᐹᖓᓗ ᖃᓄᕐᓕ ᑭᐅᒐᔭᕐᐸᕌ?
ᑖᒃᑯᐊᒡᓕ ᐃᕐᓂᓱᒃᓰᔩᒃ ᒎᑎᒥᒃ ᓯᕘᕋᒐᒥᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒃ ᓈᓚᓚᐅᓐᖏᓛᒃ. ᕿᑐᕐᖓᕐᑖᖑᔪᑦ ᐊᖑᑕᐅᒐᓗᐊᕌᖓᑕ ᐆᒪᑎᑦᓯᖃᑦᑕᓚᐅᕐᐴᒃ.
ᐃᓴᕆᐊᓕᒥᐅᓪᓗ ᐅᓄᕐᓯᕙᓪᓕᐊᑐᐃᓐᓇᓚᐅᕐᐳᑦ ᐃᕐᓂᓱᒃᓰᔩᑦ ᒎᑎᒥᒃ ᓯᕘᕋᒋᔭᖃᓚᐅᕐᒪᑕ.
ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.
ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.
ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᕐᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᓂᖏᓐᓂᒃ ᑖᒃᑯᓂᖓ.
ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ, ᐰᕉᑉ ᓴᓇᑎᑦᓯᔨᖁᑎᖏᑕ ᐱᓇᓱᐊᕐᑕᐅᖁᔭᖏᓐᓂᒃ ᐱᔭᕇᖁᔭᖏᓐᓂᒡᓗ ᑎᓕᔭᐅᓯᒪᔪᑦ, ᐋᓐᓂᕐᓯᕐᑕᐅᕗᑦ, ᐅᖃᐅᑦᔭᐅᓪᓗᑎᒡᓗ, “ᓱᖕᒪᑦ ᐅᓪᓗᒥ ᓯᕗᓂᖓᓂᑐᑦ ᐱᓇᓱᐊᕐᓂᕆᕙᓚᐅᕐᑕᑦᓯᑐᑦ ᐅᔭᕋᓕᐊᕆᔭᕆᐊᖃᕐᑕᑦᓯᓐᓂᒃ ᐱᔭᕇᕐᓯᓯᒪᓐᖏᓚᓰ?”
ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.
ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.
ᓴᓐᖐᑦᑐᑦ ᓄᑭᒃᑖᑎᓐᖏᓚᓯ, ᖃᓂᒪᔪᓪᓗ ᐋᖅᑭᖕᓇᒋᑦ, ᑭᓕᕐᓯᒪᔪᑦ ᒪᑦᑐᓯᕐᐸᓐᖏᓚᓯ, ᐊᕝᕗᑎᔪᑦ ᐅᑎᕐᑎᑉᐸᓐᖏᓚᓯ, ᐊᓯᐅᔪᑦ ᕿᓂᕐᐸᖕᓇᒋᑦ; ᐃᓱᒪᓯᐅᕐᓇᒋᓪᓗ ᐊᐅᓚᑉᐸᒃᐸᓯ ᐃᓴᒋᖏᑦᓯᐊᕐᓗᒋᑦ.
ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”
ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ; ᓯᐊᓚᒻᒪᕆᐅᓂᕐᒧᑦ ᓂᐅᕕᐊᖑᔭᕆᐊᖃᖏᒻᒪᑕ.
ᓂᐅᕕᐊᖑᓯᒪᔪᑦ ᐊᑭᓕᕐᓱᖏᓪᓗᒋᑦ ᓯᐊᓛᓯ ᐊᕐᓁᑦ ᐊᖑᑎᓪᓗ ᐱᓯᒪᔭᕆᐊᖃᕐᐳᑦ ᐃᓴᕆᐊᓕᒥᐅᑦ ᐊᓯᖏᓐᓂᑦ. ᑕᒪᒃᑯᓇᓐᖓᑦ ᐃᓅᖃᑎᒌᒡᔪᐊᓂᑦ ᐊᑭᓕᕐᓱᖏᓪᓗᒋᑦ ᓂᐅᕕᐊᕆᓯᒪᓪᓗᒋᑦ ᓯᐊᓛᕐᑕᖃᑦᑕᕆᐊᖃᕐᐳᓯ.
ᑍᒤᑦᑐᑦ ᓯᐊᓛᓯ ᕿᑐᕐᖓᑦᓯᓐᓂᑦ ᑭᖑᕐᖑᑎᔭᐅᔪᓐᓇᕐᐳᑦ, ᐃᓅᓯᓕᒫᖏᓐᓄᓪᓗ ᓯᐊᓛᖑᐃᓐᓇᕈᓐᓇᕐᐳᑦ. ᑭᓯᐊᓂᓕ ᐃᓴᕆᐊᓕᒥᐅᖑᖃᑎᓯ ᓱᒃᑯᔨᐊᕆᔭᕆᐊᖃᓐᖏᓚᓯ.
ᐃᒻᒥᓂᒃ ᓂᐅᕐᕈᑎᒋᓯᒪᒃᐸᑦ ᐊᕐᕌᒍᒥ ᐊᑕᐅᓯᕐᒥᒃ ᐃᓱᓕᑦᑕᕐᕕᖃᕐᓗᓂ; ᖃᐅᔨᒪᑦᓯᐊᕋᓱᐊᕐᑐᒃᓴᐅᕗᓯ ᓂᐅᕕᕐᓯᒪᔪᑉ ᐃᓖᔭᕆᖏᒃᑲᓗᐊᕐᒪᖔᒍ.
“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”
ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.
ᒎᑎᒥᒃ ᓯᕘᕋᖏᑦᓯᐊᕐᒪᑕ, ᑍᒤᒻᒪᑦ ᐅᓇᑕᕆᐊᕐᑐᓚᐅᕐᐹᓯ ᑭᖑᓂᖔᑦᓯᓐᓂᑦ ᑕᖃᓯᒪᑎᓪᓗᓯ ᓄᑮᕈᑎᓯᒪᑎᓪᓗᓯᓗ, ᐃᓚᒋᔭᓯᓗ ᑭᖑᓪᓕᐅᔪᑦ ᐊᒃᓱᕈᕋᓱᒃᑲᓗᐊᕐᑎᓪᓗᒋᑦ ᑐᖁᓚᐅᕐᐰᑦ; ᒎᑎᒥᒃ ᓯᕘᕋᖏᓐᓇᒥᒃ,
ᐊᖓᔪᖅᑳᖑᔪᓯ ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᓈᒻᒪᒃᑐᒥᒃ ᐱᐅᔪᒥᒡᓗ ᐱᓂᐊᕐᕕᒋᓯᒋᒃ, ᖃᐅᔨᒪᓗᓯ ᐊᖓᔪᖅᑳᖃᕋᑦᓯᑦᑕᐅᖅ ᕿᓚᖕᒥ.
