32 ᓕᕔᓪᓕ ᑭᖑᕚᖏᑦ ᑍᒪᓐᖓᓕᒫᖅ ᐃᒡᓗᒥᖕᓂᒃ ᓂᐅᕕᕐᓂᑯᑦ ᐅᑎᕐᑎᑦᓯᔪᓐᓇᕐᐳᑦ ᓕᕔᑉ ᑭᖑᕚᖏᑕ ᓄᓇᖏᓐᓂ, ᐃᒡᓗᕕᓂᕐᒥᖕᓂᒃ.
ᐂᕉᓂᐅᓪᓗ ᐃᕐᓂᖏᑦ ᑐᓂᕐᕈᓯᕐᑎᑦᓯᔩᑦ, ᐱᕈᕐᓰᕕᖁᑎᖃᓚᐅᕐᐳᑦ ᐃᒡᓗᒐᓴᖁᑎᒥᖕᓂ, ᐃᒡᓗᒐᓴᓕᒫᓂ ᐊᖑᑏᑦ ᑎᓕᔭᐅᓯᒪᓚᐅᕐᐳᑦ ᐊᑎᖏᑦ ᒪᓕᒡᓗᒋᑦ ᐂᑦᑐᕐᑐᐃᔨᐅᖁᓪᓗᒋᑦ ᐊᖑᑎᓕᒫᓄᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᐃᓚᒌᖕᓂᖏᑕ ᑎᑎᕋᕐᑕᐅᓯᒪᓂᖏᑦ ᒪᓕᒡᓗᒋᑦ.
ᑖᒃᑯᐊ ᓂᐅᕐᕈᑎᖃᕐᑐᒃᓴᐅᓐᖏᓚᑦ ᑕᐅᕐᓯᐅᑦᔨᔪᒃᓴᐅᓐᖏᓚᓪᓘᓐᓃᑦ ᓄᓇᖁᑎᒥᖕᓂᒃ; ᑕᒪᓐᓇ ᐃᒃᐱᒋᔭᐅᑦᓯᐊᕐᑐᒃᓴᐅᕗᖅ ᓄᓇᐅᑉ ᐱᐅᓂᕐᐹᕆᖕᒪᒍ, ᐊᑕᓂᕐᒧᑦ ᐃᑦᔪᕐᓁᑦᑑᒪᑦ.
ᐃᒡᓗᐃᓪᓕ ᓄᓇᓕᖕᓂ ᐊᕙᓗᖃᕐᑐᒦᖏᑦᑐᑦ ᐱᕈᕐᓰᕕᒃᑎᑐᑦ ᐱᔭᐅᔭᕆᐊᖃᕐᐳᑦ; ᓇᖕᒥᓂᖃᕐᑐᑐᖃᖅ ᑍᒪᓐᖓᑦ ᓴᑐᕐᓯᔪᓐᓇᕐᑐᖅ, ᐅᑎᕐᑎᑕᐅᔭᕆᐊᖃᕐᓗᑎᒡᓗ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.
ᓕᕔᑉ ᑭᖑᕚᖓᓂᑦ ᐱᔪᖅ ᐃᒡᓗᒥᓂᒃ ᓂᐅᕈᑎᖃᕐᐸᑦ, ᓂᐅᕕᕐᓂᑰᓪᓗ ᐅᑎᕐᑎᖏᑉᐸᒍ, ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ ᓴᑐᕆᐊᖃᕐᐹ, ᓕᕔᑉ ᑭᖑᕚᖏᑕ ᐃᒡᓗᑎᒃ ᑍᒪᓐᖓᓕᒫᖅ ᓇᖕᒥᓂᕆᖕᒪᒋᑦ ᐃᓴᕆᐊᓕᒥᐅᑦ ᐃᒡᓗᒐᓴᖏᓐᓂ.