ᒨᓯᓯ ᐱᖓᔪᖏᑦ 25:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓴᕆᐊᓕᒥᐅᑦ ᐃᓚᖓᑦ ᐊᔪᕐᓴᓕᕐᐸᑦ ᓄᓇᖁᑎᒥᓂᒡᓗ ᓂᐅᕐᕈᑎᖃᕆᐊᖃᓕᕐᓗᓂ, ᐃᓚᒋᔭᖓᑕ ᓇᖕᒥᓂᖓᑕ ᓴᑐᕐᓯᑦᔪᑎᔭᕆᐊᖃᕐᐹ.

ᒨᓯᓯ ᐱᖓᔪᖏᑦ 25:25 Iomraidhean Croise

ᒨᓯᓯ ᐱᖓᔪᖏᑦ 25:24

“ᓄᓇ ᓂᐅᕐᕈᑎᒋᔭᐅᒃᐸᑦ, ᓄᓇᖁᑎᖃᖅᑳᓚᐅᕐᑐᒧᑦ ᓴᑐᕐᑕᐅᔭᕆᐊᖃᕈᒫᕐᓂᖓ ᖃᐅᔨᒪᑦᓯᐊᕆᐊᖃᕐᐸᓯ.

ᒨᓯᓯ ᐱᖓᔪᖏᑦ 25:26

ᐃᓄᒡᓕ ᐃᓚᖃᖏᑉᐸᑦ ᓄᓇᒥᒃ ᓴᑐᕐᑎᑦᓯᔪᒃᓴᒥᒃ, ᑭᖑᓂᖓᒍᑦ ᐊᔪᕐᓴᕈᓐᓁᕈᓂ ᓴᑐᕈᓐᓇᕆᕚ.

ᒨᓯᓯ ᐱᖓᔪᖏᑦ 25:47

“ᐃᓴᕆᐊᓕᒥᐅᖑᖏᑦᑐᖅ ᓂᐅᕐᕈᐊᕐᓘᓐᓃᑦ ᐊᔪᕐᓴᖏᑦᑑᓕᕐᐸᑦ, ᐃᓴᕆᐊᓕᒥᐅᒥᒡᓗ ᐊᔪᕐᓴᕐᑐᖃᓕᕐᓗᓂ, ᐊᔪᕐᓴᖏᑐᒧᓪᓗ ᑖᑦᓱᒧᖓ ᐃᓴᕆᐊᓕᒥᐅᖅ ᐃᒻᒥᓂᒃ ᓂᐅᕐᕈᑎᒋᒃᐸᑦ ᓄᓇᖃᑎᑦᓯᓐᓄᑦ, ᐃᓴᕆᐊᓕᒥᐅᖑᖏᑦᑑᕐᓗᓃᑦ ᐃᓚᖏᓐᓄᑦ ᓂᐅᕕᐊᖑᒃᐸᑦ.

ᒨᓯᓯ ᐱᖓᔪᖏᑦ 27:22

“ᐃᓄᒃ ᓄᓇᒥᒃ ᐱᕈᕐᓰᕕᖕᒥᒃ ᓂᐅᕕᐊᕆᕋᑖᕐᑕᒥᓂᒃ ᑐᓂᕐᕈᓯᕐᐸᑦ ᐊᑕᓂᕐᒧᑦ, ᐃᓚᒋᔭᖏᑕ ᓄᓇᖁᑎᖓᑕ ᐊᓯᐊᒍᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.

ᕉᑎᐅᑉ ᐅᓂᒃᑲᐅᓯᓂᖓ 2:20

ᑕᕝᕙ ᓁᐅᒥᐅᑉ ᐅᑯᐊᓂ ᐅᖃᐅᑎᕚ, “ᐊᑕᓂᖅ ᑐᒃᓯᐊᕐᕕᒋᕙᕋ ᐳᐊᓯ ᓮᒻᒪᕐᑎᑕᐅᖁᓪᓗᒍ, ᐊᑕᓂᖅ ᐊᖏᕈᑎᒋᓯᒪᔭᒥᓂᒃ ᐱᑦᓯᐊᕐᓂᕐᒥᓂᒡᓗ ᐳᐃᒍᓚᐅᕐᓯᒪᖏᒻᒪᑦ ᐃᓅᔪᓄᑦ ᑐᖁᖓᔪᓄᓪᓗ.” ᓁᐅᒥᓗ ᐅᖃᒃᑲᓐᓂᕐᐳᖅ, “ᑖᓐᓇ ᐳᐊᓯ ᐅᐃᒋᓚᐅᕐᑕᒪ ᑭᖑᕚᖑᖃᑎᖏᑕ ᐃᓚᒋᖕᒪᒍ, ᐅᕙᑦᑎᓐᓂᒃ ᐰᕆᒃᓯᒋᐊᖃᕐᑐᑦ ᐃᓚᖓᑦ.”

ᕉᑎᐅᑉ ᐅᓂᒃᑲᐅᓯᓂᖓ 3:12

ᐃᓛᒃ ᓱᓕᔪᑎᑦ ᐅᐃᒋᓚᐅᕐᑕᒃᑯᑦ ᐃᓚᒋᒐᕕᖓ, ᐃᓚᒌᓪᓗ ᐱᐅᓯᕆᔭᕆᐊᖃᕐᑕᖏᑎᒍᑦ ᑲᒪᑦᓯᐊᕆᐊᖃᕋᒪ ᐃᓕᖕᓂᒃ, ᑭᓯᐊᓂ ᐅᐃᒋᓚᐅᕐᑕᒃᑯᑦ ᐃᓚᒋᓂᕐᓴᕐᓂᒃ ᐅᕙᓐᓂᑦ ᑕᒫᓃᑦᑐᖃᕐᒥᖕᒪᑦ.

ᕉᑎᐅᑉ ᐅᓂᒃᑲᐅᓯᓂᖓ 3:2

ᖃᐅᔨᒪᓚᐅᕈᒃ ᑖᓐᓇ ᐳᐊᓯ, ᐱᓇᓱᐊᕐᑎᖏᓐᓂ ᐊᕐᓇᓂ ᐱᓇᓱᐊᖃᑕᐅᕕᒋᔧᑦ, ᐅᐃᒋᓚᐅᕐᑕᒃᑯᑦ ᐃᓚᒋᒐᑦᑎᒃᑯᒃ. ᒫᓐᓇ ᐅᓐᓄᒃ ᓂᐊᖂᔭᒃᓴᓂᒃ ᓴᓃᔧᓗᓂ ᐃᕖᔧᓂᐊᕐᒪᑦ ᐃᒫᒃ ᐱᖁᕙᒋᑦ:

ᕉᑎᐅᑉ ᐅᓂᒃᑲᐅᓯᓂᖓ 3:9

ᐊᐱᕆᕚᓗ, “ᑭᓇᐅᕖᑦ?” ᕉᑎᓗ ᓇᓗᖁᑎᓪᓗᓂ ᑭᐅᕗᖅ, “ᕉᑎᐅᕗᖓ ᐅᐃᒋᓚᐅᕐᑕᒃᑯᑦ ᐃᓚᒋᒐᒃᑭᑦ, ᐅᕙᓐᓂᒃ ᐰᕆᒃᓯᒋᐊᖃᕋᕕᑦ, ᐅᐃᒋᓚᐅᕐᑕᕋ ᐱᑦᔪᑎᒋᓪᓗᒍ ᐃᓚᒌᓪᓚᕆᒃᐳᒍᒃ.”

ᕉᑎᐅᑉ ᐅᓂᒃᑲᐅᓯᓂᖓ 4:3

ᐳᐊᓯᐅᑉ ᑭᖑᕚᖑᖃᑎᒥᒍᑦ ᐃᓚᒋᔭᓂ ᐅᖃᐅᑎᕚ, “ᓁᐅᒥ ᐅᑎᕐᓯᒪᓕᕋᒥ ᒧᐊᐱᒥᐅᓂᑦ, ᐃᓚᒋᓚᐅᕐᑕᑦᑕ ᐃᓔᒥᓕᑭᐅᑉ ᐱᕈᕐᓰᕕᖁᑎᖓᓂᒃ ᓂᐅᕐᕈᑎᖃᕈᒪᓕᕐᒪᑦ.