ᒨᓯᓯ ᐱᖓᔪᖏᑦ 25:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᕐᕌᒍᑦ 50ᖓᑦ ᓴᓂᕐᕙᒋᐊᖃᕐᐸᓯ ᓄᓇᒥᓗ ᑕᒫᓂ ᓱᓇᑐᐃᓐᓁᑦ ᑭᒃᑯᑐᐃᓐᓁᓪᓗ ᕿᓚᕐᕈᑦᔮᕐᑕᐅᕕᖓ ᓇᓪᓕᐅᑎᕗᖅ. ᐃᓕᑦᓯᓐᓄᑦ ᖁᕕᐊᓇᕐᑐᕐᔪᐊᖑᔭᕆᐊᖃᕐᐳᖅ; ᓄᓁᑦ ᐱᖁᑎᓪᓘᓐᓃᑦ ᐅᑎᕐᑎᑕᐅᔭᕆᐊᖃᓕᕐᐳᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᐃᓄᑐᖃᖏᓐᓄᑦ ᑭᖑᕚᖏᓐᓄᓪᓘᓐᓃᑦ, ᐃᓄᐃᓪᓗ ᓯᐊᓛᖑᓂᕐᒧᑦ ᓂᐅᕕᐊᖑᓯᒪᔪᑦ ᑭᖑᕚᖑᖃᑎᒥᓄᑦ ᐅᑎᕐᑎᑕᐅᔭᕆᐊᖃᕐᓗᑎᒃ.

ᒨᓯᓯ ᐱᖓᔪᖏᑦ 25:10 Iomraidhean Croise

ᐄᓱᕋᐅᑉ ᐊᒡᓚᖏᑦ 1:3

ᒎᑎᐅᑉ ᐃᓚᒋᓕᓯ ᐃᓄᖁᑕᐅᔪᓯ ᑖᑦᓱᒧᖓ. ᔨᕉᓴᓕᒧᐊᕐᑐᒃᓴᐅᕗᓯ ᐋᖅᑭᒋᐊᕐᓗᒍᓗ ᐊᑕᓂᐅᑉ ᑐᒃᓯᐊᕐᕕᖓ, ᐃᓴᕆᐊᓕᒥᐅᑦ ᒎᑎᖓ, ᒎᑎᐅᔪᖅ ᑐᒃᓯᐊᕐᕕᐅᕙᒃᑐᖅ ᔨᕉᓴᓕᒥ.

ᐃᓐᖏᕈᑎᑦ 146:7

ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 49:9

ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 63:4

ᐅᓪᓗᖅ ᐊᑭᓂᐊᕐᕕᒃᓴᕋ ᐆᒻᒪᒻᒥᐅᑕᕆᓕᕋᒃᑯ, ᐊᕐᕌᒍᓗ ᐱᐅᓕᒃᓯᕕᒃᓴᕋ ᑎᑭᓯᒪᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 34:10

ᐊᖓᔪᖅᑳᓕᒫᑦ ᐃᓄᐃᓪᓗ ᐊᖏᖃᑎᒌᒍᑎᓕᐅᓚᐅᕐᐳᑦ ᑎᒍᓯᒪᓪᓗᒋᑦ ᓯᐊᓛᒥᖕᓂᒃ ᐊᖑᑎᓂᒃ ᐊᕐᓇᓂᒡᓗ ᐃᓱᒪᕐᓱᓕᕐᑎᑦᓯᖁᓪᓗᒋᑦ, ᓯᐊᓛᖑᒃᑲᓐᓂᖁᓇᒋᑦ, ᓈᓚᒡᓗᑎᒃ ᓯᐊᓛᑎᒃ ᓴᒃᑯᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 34:8

ᐊᑕᓂᐅᑉ ᔨᕆᒤᐊ ᐅᖃᐅᑎᕚ, ᔨᑎᑬᐊ ᐊᖓᔪᖅᑳᕐᔪᐊᖅ ᐊᖏᖃᑎᒌᒍᑎᓕᐅᕐᓯᒪᓕᕐᑎᓪᓗᒍ ᔨᕉᓴᓕᒥᐅᓄᑦ ᑎᒍᔭᐅᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ,

ᐃᓯᑭᐊᓕᐅᑉ ᐊᒡᓚᖏᑦ 46:17

ᐊᖓᔪᖅᑳᕐᓕ ᐱᔨᒥ ᐃᓚᖓᓐᓄᑦ ᓄᓇᖁᑎᒥᓂᒃ ᑐᓂᕐᕈᑎᖃᕐᐸᑦ, ᑖᑦᓱᒪ ᐱᔨᐅᑉ ᓄᓇᖁᑎᒋᔭᒃᓴᕆᕚ; ᑭᓯᐊᓂᓕ ᐅᑎᕐᑎᑦᓯᕕᒃᓴᖅ ᓇᓪᓕᐅᑎᒃᐸᑦ ᐅᑎᕐᑎᑦᓴᕆᐊᖃᕋᔭᕐᐹ ᐊᖓᔪᖅᑳᒥᓄᑦ; ᐃᕐᓂᖏᓐᓄᑐᐊᖅ ᓄᓇ ᑐᓂᕐᕈᑕᐅᓯᒪᔪᖅ ᑭᖑᕐᖑᑎᔭᐅᔪᒃᓴᐅᖕᒪᑦ.

ᒨᓯᓯ ᐱᖓᔪᖏᑦ 25:11

ᐊᕐᕌᒍᑦ 50ᖓᓂ ᖁᕕᐊᓱᒡᕕᒃᓯᐅᕆᐊᖃᕐᐳᓯ; ᐱᕈᕐᓯᐊᒃᓴᓂᒃ ᐃᓕᐅᖅᑬᔭᕆᐊᖃᓐᖏᓚᓯ ᓄᓇᖁᑎᑦᓯᓐᓄᑦ ᓂᐊᖂᔭᒃᓮᓪᓗ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᐸᐅᕐᖓᓪᓗ ᕔᓂᒃᓮᑦ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᖏᓐᓂᕙᓯ.

ᒨᓯᓯ ᐱᖓᔪᖏᑦ 25:13

“ᑕᕝᕙᓂ ᐊᕐᕌᒍᑦ 50ᖓᓐᓂ ᖁᕕᐊᓱᒡᕕᖕᒥ ᓄᓁᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᓴᑐᕐᑕᐅᔭᕆᐊᖃᕐᐳᑦ ᐃᓄᑐᖃᕕᓂᖏᓐᓄᑦ.

ᒨᓯᓯ ᐱᖓᔪᖏᑦ 25:41

ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ, ᑖᓐᓇ ᕿᑐᕐᖓᖏᓪᓗ ᐃᓚᒥᖕᓄᑦ ᐅᑎᕆᐊᖃᕐᐳᑦ, ᓯᕗᓕᖏᑕᓗ ᓄᓇᖁᑎᖓᓂ ᓴᑐᕐᓯᓗᓂ.

ᒨᓯᓯ ᐱᖓᔪᖏᑦ 25:54

ᓂᐅᕕᐊᖑᓂᒃᑯᑦ ᐅᑎᕐᑎᑕᐅᖏᒃᑲᓗᐊᕐᐸᑦ, ᖃᓄᑐᐃᓐᓇᕐᓘᓐᓃᑦ, ᑖᓐᓇᓗ ᕿᑐᕐᖓᖏᓪᓗ ᕿᓚᕈᑦᔮᕐᑕᐅᔭᕆᐊᖃᕐᐳᑦ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.

ᓘᑲᓯᐅᑉ ᐊᒡᓚᖏᑦ 1:74

ᓴᐳᑎᔪᒪᓪᓗᑕ ᐊᑭᕋᕐᑐᕐᑎᑦᑕ ᐊᒡᒐᖏᓐᓂᑦ, ᓯᕘᕋᒋᔭᖃᖏᓪᓗᑕ ᐱᔨᑦᓯᑦᓯᐊᕈᓐᓇᖁᓪᓗᑕ ᒎᑎᒥᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᒐᓔᑎᐊᒥᐅᓄᑦ 4:25

ᐂᒐᕐ ᖃᖅᑲᒥ ᓮᓁᒥ ᐱᓂᐊᓂᐅᓯᒪᔪᒥᒃ ᑐᑭᖃᕐᐳᖅ ᐊᕅᐱᐊᒥᒃ; ᑖᓐᓇᓗ ᑐᑭᖃᕐᐳᖅ ᔨᕉᓴᓕᐅᑉ ᐃᒡᓗᒐᓴᒡᔪᐊᖏᓐᓂᒃ ᐅᓪᓗᒥ, ᑎᒍᔭᐅᓯᒪᓪᓗᑎᒃ ᓯᐊᓛᕆᔭᐅᔪᓂᒃ.

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᐲᑦᑐᕉᓯ ᓯᕗᓪᓖᑦ 2:16

ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.