ᒨᓯᓯ ᐱᖓᔪᖏᑦ 24:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓇᓂᕈᐊᑦ ᒎᓗᑦᓯᐊᕙᖕᒥᒃ ᓴᓇᓯᒪᔪᒥᒃ ᐃᓂᖃᕐᑐᑦ ᐊᑕᓂᐅᑉ ᓵᖓᓂ ᑍᒪᓐᖓᓕᒫᖅ ᑲᒪᒋᔭᐅᔭᕆᐊᖃᕐᐳᑦ.”

ᒨᓯᓯ ᐱᖓᔪᖏᑦ 24:4 Iomraidhean Croise

ᐊᑕᓃᑦ ᓯᕗᓪᓖᑦ 7:49

ᓇᓂᕈᐊᓪᓗ ᑐᓐᖓᕕᖏᑦ ᖁᓖᑦ ᐃᓕᔭᐅᓯᒪᔪᑦ ᐃᑦᔪᕐᓁᓐᓂᕐᐹᒧᑦ, ᑕᓪᓕᒪᑦ ᐅᓪᓗᓪᓗᐊᑉ ᓇᓛᓃᑦᑐᑦ ᑕᓪᓕᒪᓪᓗ ᐅᓐᓄᐊᓪᓗᐊᑉ ᓇᓛᓃᑦᑐᑦ; ᐃᑦᔪᕐᓁᓐᓂᕐᐹᑉ ᓯᕗᓂᖓᓂ; ᓄᓇᕅᓪᓗ, ᓇᓂᕈᐊᓪᓗ ᑎᒍᓯᑦᔪᑏᓪᓗ ᒎᓗᐃᓐᓇᐅᕗᑦ;

ᑯᕉᓂᑲ ᓯᕗᓪᓖᑦ 28:15

ᒎᓗᐃᓪᓗ ᐅᖁᒤᓐᓂᖏᑦ ᓇᓂᕈᐊᖃᕐᕕᖕᓄᑦ ᐊᑐᕐᑕᐅᔪᒃᓴᑦ, ᒎᓗᐃᓪᓗ ᓇᓂᕈᐊᑉ ᐃᓂᒃᓴᖏᓐᓄᑦ ᐊᑐᕐᑕᐅᔪᒃᓴᑦ, ᓯᐅᓪᕕᕇᓪᓗ ᓇᓂᕈᐊᑉ ᐃᓂᒃᓴᖏᓐᓄᑦ ᐊᑐᕐᑕᐅᔪᒃᓴᑦ, ᓇᓂᕈᐊᑉ ᐃᓂᒃᓴᖏᑕ ᐊᖏᓂᖏᑦ ᒪᓕᓪᓗᒋᑦ.

ᑯᕉᓂᑲ ᐂᑉᐸᖏᑦ 29:7

ᐅᒃᑯᐊᖏᓪᓗ ᒪᑐᓚᐅᕐᒪᒋᑦ ᓱᓪᓗᑯᑖᖓᓃᑦᑐᑦ, ᓇᓂᕈᐊᖏᓪᓗ ᖃᒥᓪᓗᒋᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᖃᑦᑕᕈᓐᓃᕐᓗᑎᒃ ᑐᓂᕐᕈᓯᖃᑦᑕᕈᓐᓃᕐᓗᑎᒡᓗ ᐃᑯᐊᓚᑎᑕᒃᓴᓂᒃ ᐃᑦᔪᕐᓁᑦᑐᕕᖕᒥ ᐃᓴᕆᐊᓕᒥᐅᑦ ᒎᑎᖓᓄᑦ.

ᒨᓯᓯ ᐂᑉᐸᖏᑦ 31:8

ᓵᒃᓴᒥᒃ ᓱᓇᑐᐃᓐᓇᒃᓴᖏᓐᓂᒡᓗ, ᓇᓂᕈᐊᑦ ᓇᐸᕕᒃᓴᖏᑦ ᒎᓗᓪᓚᕇᑦ ᐃᓚᓯᒪᖏᑦᑐᑦ ᓱᓇᑐᐃᓐᓇᒃᓴᓕᒫᖏᓪᓗ, ᑐᓂᕐᕈᓯᕐᕕᒃᓴᖅ ᐃᓯᕐᓗᐊᕐᓂᑎᑦᓯᕕᒃᓴᕐᓗ,

ᒨᓯᓯ ᐂᑉᐸᖏᑦ 39:37

ᓇᓂᕈᐊᓪᓗ ᑐᓐᖓᕕᒃᓴᖏᑦ ᒎᓗᐃᓐᓁᑦ, ᖃᐅᒻᒪᖅᑯᑎᒃᓮᓪᓗ, ᓱᓇᑐᐃᓐᓇᒃᓴᓕᒫᖏᓪᓗ ᑕᒪᕐᒥᒃ; ᓇᓂᕈᐊᒃᓮᓪᓗ, ᓇᓂᕈᐊᓪᓗ ᐅᕐᓱᒃᓴᖏᑦ;

ᔨᕆᒤᐊᐅᑉ ᐊᒡᓚᖏᑦ 52:19

ᐊᒻᒪᑦᑕᐅᖅ ᐅᓇᑕᕐᑏᑦ ᐊᖓᔪᖅᑳᒻᒪᕆᖓᑦᑕ ᑎᒍᓚᓚᐅᕆᕔᑦ, ᐅᐊᓴᕐᕖᑦ, ᐊᓪᓕᕅ, ᒪᒃᑲᐅᔧᑦ, ᖃᑦᑍᑦ, ᓇᓂᕈᐊᖃᕐᕖᑦ, ᖃᔪᓕᕆᑦᔪᑏᑦ, ᐃᒥᐅᑏᑦ, ᓱᓇᑐᐃᓐᓁᓪᓗ ᒎᓗᒥᑦ ᓯᐅᓪᕕᕆᒥᓪᓘᓐᓃᑦ ᓴᓇᔭᐅᓯᒪᔪᑦ.

ᒨᓯᓯ ᐱᖓᔪᖏᑦ 24:3

ᑖᓗᑕᕐᔪᐊᑉ ᐊᖏᕈᑎᑕᓕᐅᑉ ᓯᓚᑖᓂᑦᑐᑉ ᓵᖓᓂ, ᑐᐱᐅᑉ ᐃᑦᔪᕐᓁᑦᑐᕕᐅᑉ ᐃᓗᐊᓃᑦᑐᖅ, ᑖᒃᑯᐊ ᓇᓂᕈᐊᕐᕖᑦ ᑕᒫᓂᑦᑐᑦ ᐂᕉᓂᐅᑉ ᑲᒪᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ, ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑍᒪᓐᖓᓕᒫᖅ. ᑕᒪᓐᓇ ᒪᓕᒐᖅ ᑲᔪᓰᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.

ᒨᓯᓯ ᓯᑕᒪᖏᑦ 3:31

ᑖᒃᑯᐊ ᐱᔭᒃᓴᖏᑕ ᐃᓚᖏᑦ ᐃᒃᓯᕐᕕᒃ ᐊᖏᕈᑎᑕᓕᒃ ᑲᒪᒋᓗᒍ, ᐊᒻᒪᓗ ᓵ, ᓇᓂᕈᐊᓪᓗ ᐃᓂᖓ, ᑐᓂᕐᕈᓯᕐᕖᓪᓗ, ᑐᓂᕐᕈᓯᕐᑎᑦᓯᔨᐅᓪᓗ ᐱᓕᕆᑦᔪᑎᖏᓐᓂᒃ ᐃᑦᔪᕐᓁᑦᑐᕕᖕᒦᑎᓪᓗᒍ, ᑕᓗᕐᔪᐊᕐᓗ ᐃᑦᔪᕐᓁᑦᑐᕕᒧᑦ ᑖᓗᑕᖅ, ᐱᔭᒃᓮᓪᓗ ᑕᒪᑐᒧᖓ ᑐᕌᖓᔪᓕᒫᑦ.

ᒨᓯᓯ ᓯᑕᒪᖏᑦ 4:9

“ᖃᓪᓗᓈᕐᑕᒥᒃ ᑐᖑᔪᕐᑐᒥᒃ ᐱᔭᕆᐊᖃᕐᐳᑦ ᓇᓂᕈᐊᒃᑯᕖᓪᓗ ᖃᐅᒻᒪᖅᑯᑎᖃᕐᕖᑦ ᐅᓕᒡᓗᒋᑦ, ᖃᐅᒻᒪᖅᑯᑏᑦ ᐊᑕᓗᑎᒃ, ᒪᓂᖓᑕᓗ ᐋᖅᑭᒋᐊᕈᑎᖏᑦ ᐱᖃᓯᐅᑎᓗᒋᑦ, ᐊᓪᓕᕋᖏᓪᓗ, ᐅᕐᓱᖃᕐᕕᓕᒫᖏᓪᓗ, ᐅᕐᓴᒃᓴᕆᐊᖃᖃᑦᑕᕐᑕᑎᒃ.

ᒨᓯᓯ ᓯᑕᒪᖏᑦ 8:2

“ᐂᕉᓂ ᐅᖃᐅᑎᓚᐅᕈᒃ ᐃᒤᓕᓗᒍ, ‘ᓇᓂᕈᐊᑦ ᐋᖅᑭᒃᓱᓕᕈᕕᒋᑦ, ᓇᓂᕈᐊᑦ 7 ᖃᐅᒪᑎᑦᓯᔭᕆᐊᖃᕐᐳᑦ ᓇᓂᕈᐊᖃᕐᕕᐅᑉ ᓯᕗᓂᖓᓂᒃ.’”

ᐄᑉᕈᐃᓄᑦ 9:2

ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:20

ᑕᑯᖅᑲᐅᔭᑎᑦ ᐅᓪᓗᕆᐊᑦ 7 ᑕᓕᕐᐱᓐᓄᑦ ᑎᒍᒥᐊᕐᑕᒃᑲ ᓇᓗᓇᕐᑐᑦ, ᒎᓗᐃᓪᓗ ᖃᐅᒻᒪᖁᑎᐅᑉ ᐃᓂᖏᑦ 7; ᐅᓪᓗᕆᐊᓪᓗ 7 ᐂᖏᓕᒋᔭᐅᕗᑦ ᐅᒃᐱᕐᑑᖃᑎᒌᓄᑦ 7ᓄᑦ ᐊᒻᒪᓗ 7 ᖃᐅᒻᒪᖅᑯᑎᐅᑉ ᐃᓂᖏᑦ ᐅᒃᐱᕐᑑᖃᑎᒌᖑᕗᑦ 7.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:4

ᑖᒃᑯᐊᒡᓗ ᒪᕐᕉᒃ ᓇᓗᓁᕐᓯᔩᒃ ᓇᐹᕐᑑᕘᒃ ᐅᕐᓱᒃᓴᓕᖕᓂᒃ ᐸᐅᕐᖓᓖᒃ ᓇᓂᕈᐊᓪᓗ ᑐᓐᖓᕕᖏᒃ ᒪᕐᕉᒃ ᓄᓇᕐᔪᐊᓕᒫᑉ ᐊᑕᓂᖓᑕ ᓵᖓᓃᑦᑑᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:5

ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ.