ᒨᓯᓯ ᐱᖓᔪᖏᑦ 23:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᓪᓗᐃᑦ 15ᖓᓂ ᑕᖅᑭᒥ ᑕᕝᕙᓂ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᐅᑎᑕᖓ ᐳᕙᓪᓚᕐᓴᐅᑎᖃᖏᑦᑐᒥ ᓂᐊᖂᔭᕐᑐᕐᕕᒃ ᐱᒋᐊᕐᓂᖃᕐᐳᖅ; ᐅᓪᓗᓂᒃ 7ᓂᒃ ᓂᐊᖂᔭᕐᑐᖃᑦᑕᕆᐊᖃᕐᐳᓯ ᐳᕙᓪᓚᕐᓴᐅᑎᖃᖏᑦᑐᓂᒃ.

ᒨᓯᓯ ᐱᖓᔪᖏᑦ 23:6 Iomraidhean Croise

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᒨᓯᓯ ᐂᑉᐸᖏᑦ 23:15

ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ; ᑍᒤᖃᑦᑕᖁᓚᐅᕋᑦᓯ, ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᔪᒃᓴᐅᕗᓯ ᐅᓪᓗᓂᒃ 7ᓂᒃ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ ᑕᖅᑭᒥ ᐊᐱᑎᒥ, ᑕᕝᕙᓂ ᓇᓪᓕᐅᓐᓂᕐᒥ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ. ᓇᓪᓕᐊᓐᓂᒡᓘᓐᓃᑦ ᐅᕙᓐᓄᑦ ᑐᒃᓯᐊᕆᐊᕐᑐᖃᕐᑐᒃᓴᐅᓐᖏᓚᖅ ᑐᓂᕐᕈᑎᒃᓴᖃᖏᓪᓗᓂ.

ᒨᓯᓯ ᐂᑉᐸᖏᑦ 34:18

“ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᕕᒃ ᑲᒪᒋᓯᐊᖏᓐᓇᕋᒃᓴᕆᕙᓯ, ᑕᒪᓐᓇ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᒐᒃᑯ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ ᐅᓪᓗᓂᒃ 7ᓂᒃ ᑕᖅᑭᖅ ᐊᐱᑉᒥᒃ ᐊᑎᓕᒃ ᐊᑐᕐᑎᓪᓗᒍ; ᑕᕝᕙᓂ ᑕᖅᑭᒥ ᐊᐱᑉᒥ ᐄᑦᔨᑉᑎᒥᑦ ᐊᐅᓪᓚᓚᐅᕋᑦᓯ.

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᒨᓯᓯ ᑕᓪᓕᒪᖏᑦ 16:8

ᐅᓪᓗᓂᒡᓕ ᓱᓕ ᐱᖓᓲᔪᕐᑐᓂᒃ ᓂᐊᖂᔭᓂᒃ ᓂᕿᖃᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᓂᒃ; ᐅᓪᓗᓪᓕ 7ᖓᓐᓂ ᑲᑎᔪᒃᓴᐅᕗᓯ ᑐᒃᓯᐊᕆᐊᕐᑐᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑕᕝᕙᓂᓗ ᐅᓪᓗᒥ ᐱᓇᓱᐊᕐᑐᒃᓴᐅᓐᖏᓚᓯ.”