ᒨᓯᓯ ᐱᖓᔪᖏᑦ 23:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᑯᐊ ᑕᕝᕙ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᐅᖁᔭᖏᑦ, ᑐᒃᓯᐊᖃᑎᒌᖕᓂᕐᒧᑦ ᑲᑎᒪᕝᕕᐅᖁᓪᓗᒋᑦ ᐅᖃᐅᓯᕆᔭᕆᐊᖃᕐᐸᓯ ᓇᓪᓕᐅᑎᔭᕌᖓᑕ.”

ᒨᓯᓯ ᐱᖓᔪᖏᑦ 23:4 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 8:15

ᑕᒪᓐᓇᓗ ᓇᓗᓁᕐᑕᐅᔭᕆᐊᖃᕐᓗᓂ ᔨᕉᓴᓕᒥᐅᓕᒫᓄᑦ, ᐃᒡᓗᒐᓴᖕᓄᓪᓗ ᓄᓇᓕᖕᓄᓪᓗ ᐊᓯᖏᓐᓃᑦᑐᓄᑦ, ᐅᖃᕐᓗᓂᒃ, “ᖃᖅᑲᓄᑦ ᐂᓕᕆᑦᓯ ᓇᐹᕐᑑᓪᓗ ᐊᕙᓚᖓᔪᖏᓐᓂᒃ ᑎᒍᓯᓗᓯ ᓇᐹᕐᑐᓂᑦ ᐅᕐᓱᒃᓴᓕᖕᓂᑦ, ᓇᐹᕐᑑᓪᓗ ᐅᕐᓱᒃᓴᓖᑦ ᐊᕙᓚᖓᔪᖏᓐᓂᒃ, ᒨᕐᑐᐃᓪᓗ ᐊᕙᓚᖓᔪᖏᓐᓂᒃ, ᐹᓪᒦᓪᓗ ᐊᕙᓚᖓᔪᖏᓐᓂᒃ, ᐊᓯᖏᓐᓂᒡᓗ ᓇᐹᕐᑐᓂᒃ ᐊᕙᓚᖓᔪᖏᓐᓂᒃ ᐅᖃᐅᔭᓕᖕᓂᒃ ᖁᓕᑦᔪᑎᒃᓴᑦᓯᓐᓂᒃ ᐱᖁᔧᑦ ᐱᖁᔨᓯᒪᓂᖏᑦ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᒨᓯᓯ ᐂᑉᐸᖏᑦ 23:14

“ᐊᕐᕌᒍᒥ ᐊᑕᐅᓯᕐᒥ ᐱᖓᓱᐃᕐᑐᕐᓗᓯ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐅᕙᓐᓂᒃ ᐅᐱᒍᓲᑎᒃᓴᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 29:1

ᑕᑯᒋᑦ ᐊᕅᐅᓪ, ᐊᕅᐅᓪ ᐃᒡᓗᒐᓴᒡᔪᐊᑦ ᑍᕕᑎᐅᑉ ᑕᖕᒫᕐᓯᒪᕕᒋᓚᐅᕐᑕᖏᑦ! ᐊᕐᕌᒍ ᐊᕐᕌᒍᒥᒃ ᐃᓚᒃᑲᓐᓂᕐᓕ; ᓇᓪᓕᐅᓐᓂᕐᓯᐅᕐᓂᖏᑦ ᐃᓱᓕᖁᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:24

ᑲᒪᒋᔭᐅᔭᕆᐊᖃᕐᑐᒥᒃ ᐃᓱᐊᖏᑦᔪᑎᒃᓴᖃᕐᑐᖃᓕᕐᐸᑦ ᐃᖅᑲᕐᑐᐃᔪᓐᓇᕐᐳᑦ, ᑲᒪᔪᒃᓴᐅᕗᓪᓗ ᐃᖅᑲᕐᑐᐃᓂᕋ ᒪᓕᒡᓗᒍ. ᐱᖁᔭᒃᑲ ᒪᓕᒃᑕᐅᖁᔭᒃᑲᓗ ᓇᓪᓕᐅᓐᓂᕐᓯᐅᕕᐅᑎᑕᒃᑲᓗ ᒪᓕᑦᓯᐊᕐᑕᒃᓴᕆᕔᑦ, ᓴᐸᑎᖁᑎᒃᑲᓗ ᐃᑦᔪᕐᓁᑎᑕᒃᓴᕆᕔᑦ.

ᒨᓯᓯ ᐱᖓᔪᖏᑦ 23:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ; ᒪᓕᒊᑦ ᐅᑯᐊ ᐊᑐᕐᑕᐅᔭᕆᐊᖃᕐᐳᑦ ᐅᒃᐱᕐᓂᕐᒥ ᓇᓪᓕᐅᓐᓂᕐᓯᐅᕐᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᑲᑎᕝᕕᒋᕙᒃᑕᖏᓐᓂ ᑐᒃᓯᐊᖃᑎᒌᖕᓂᕐᒧᑦ.

ᒨᓯᓯ ᐱᖓᔪᖏᑦ 23:21

ᐅᓪᓗᒥ ᑕᕝᕙᓂ ᑍᒤᓕᐅᕐᕕᒋᔭᑦᓯᓐᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ ᖃᐅᑕᒫᕐᓯᐅᑎᓂᒃ ᐱᓇᓱᐊᒐᕐᓂᑦ ᓄᖅᑲᖓᓗᓯ. ᑕᒪᓐᓇ ᒪᓕᒐᖅ ᐃᓕᖓᓂᐊᕐᒪᑦ ᑍᒪᓐᖓᓕᒫᒧᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.

ᒨᓯᓯ ᐱᖓᔪᖏᑦ 23:37

(“ᑖᒃᑯᐊ ᑕᕝᕙ ᐊᑕᓂᐅᑉ ᓇᓪᓕᐅᓐᓂᕐᓯᐅᕕᐅᖃᑦᑕᖁᔭᖏᑦ, ᑖᒃᑯᓇᓂ ᑲᑎᖃᑕᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ, ᓂᕿᒃᓴᓂᒡᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕆᐊᖃᕐᐳᓯ ᐊᑕᓂᕐᒧᑦ, ᓂᐊᖂᔭᒃᓴᓂᒡᓗ, ᕔᓂᒥᒡᓗ. ᑖᒃᑯᓇᓂ ᖃᐅᑕᒫᑦ ᑐᓂᔭᐅᔭᕆᐊᓕᖕᓂᒃ ᑐᓂᕐᕈᓯᖃᑦᑕᕆᐊᖃᕐᐳᓯ.

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.