ᒨᓯᓯ ᐱᖓᔪᖏᑦ 23:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑕᕝᕙᓂ ᓴᓇᔪᒃᓴᐅᓐᖏᓚᓯ ᓱᓇᒥᒡᓘᓐᓃᑦ. ᑕᒪᓐᓇ ᒪᓕᒐᖅ ᑍᒪᓐᖓᓕᒫᖅ ᐊᑐᕐᓂᐊᕐᐳᖅ ᑭᖑᕚᑦᓯᓐᓄᓪᓗ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.

ᒨᓯᓯ ᐱᖓᔪᖏᑦ 23:31 Iomraidhean Croise

ᒨᓯᓯ ᐱᖓᔪᖏᑦ 16:34

ᑕᒪᓐᓇ ᐱᖁᔭᖅ ᐊᑐᕐᓂᐊᕐᐳᖅ ᐃᓕᑦᓯᓐᓄᑦ ᑍᒪᓐᖓᓕᒫᖅ: ᐃᓱᒪᒋᔭᐅᔪᓐᓁᕐᕕᐅᓂᖅ ᐊᑐᕐᑕᐅᖃᑦᑕᕐᓂᐊᕐᒪᑦ ᐊᕐᕌᒍ ᐊᑕᐅᓯᐊᕐᓗᒍ ᐃᓴᕆᐊᓕᒥᐅᑦ ᐊᔪᕐᑐᓕᓂᖏᑦ ᐱᓪᓗᒋᑦ. ᒨᓯᓯ ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ, ᑍᒤᓕᐅᓚᐅᕐᐳᖅ.

ᒨᓯᓯ ᐱᖓᔪᖏᑦ 23:14

ᓂᐊᖂᔭᒥᒃ ᖃᓄᐃᑦᑐᑐᐃᓐᓇᕐᒥᒃ ᓂᕆᔭᕆᐊᖃᓐᖏᓚᓯ, ᐃᒐᐅᑉ ᐃᓗᐊᒍᑦ ᐆᓯᒪᔪᒥᒡᓘᓐᓃᑦ, ᓄᑖᒥᒡᓘᓐᓃᑦ ᐱᕈᕇᕐᑐᒥᒃ, ᐅᓪᓗᒥ ᑭᓯᐊᓂ ᑕᕝᕙᓂ ᒎᑎᒧᑦ ᑐᓂᕐᕈᓯᕐᕕᒋᔭᑦᓯᓐᓂ ᓂᕆᔪᓐᓇᕐᓯᖃᑦᑕᕐᓂᐊᕐᐳᓯ. ᑖᓐᓇ ᒪᓕᒐᖅ ᐊᑐᕐᑕᐅᖏᓐᓇᖃᑦᑕᕆᐊᓕᒃ ᑍᒪᓐᖓᓕᒫᖅ ᑭᖑᕚᑦᓯᓐᓄᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.’”

ᒨᓯᓯ ᐱᖓᔪᖏᑦ 23:21

ᐅᓪᓗᒥ ᑕᕝᕙᓂ ᑍᒤᓕᐅᕐᕕᒋᔭᑦᓯᓐᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ ᖃᐅᑕᒫᕐᓯᐅᑎᓂᒃ ᐱᓇᓱᐊᒐᕐᓂᑦ ᓄᖅᑲᖓᓗᓯ. ᑕᒪᓐᓇ ᒪᓕᒐᖅ ᐃᓕᖓᓂᐊᕐᒪᑦ ᑍᒪᓐᖓᓕᒫᒧᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.

ᒨᓯᓯ ᐱᖓᔪᖏᑦ 23:30

ᐅᕙᖓᓗ ᐊᓯᕈᐃᓂᐊᕐᐳᖓ ᐃᓅᖃᑎᒌᓂᑦ ᑕᕝᕙᓐᖓᑦ ᓇᓪᓕᐊᓐᓂᒃ ᓴᓇᔪᖃᕐᐸᑦ ᐅᓪᓗᒥ ᑕᕝᕙᓂ.

ᒨᓯᓯ ᐱᖓᔪᖏᑦ 23:32

ᐅᓪᓗᖅ ᑖᓐᓇ ᓴᐸᑎᐅᖕᒪᑦ ᑕᕾᕐᓯᕕᒃ ᐃᓕᑦᓯ ᐱᓪᓗᓯ. ᑕᕝᕙᓂ ᓂᕆᔭᕆᐊᖃᓐᖏᓚᓯ. ᐅᓪᓗᐃᑦ 9ᖓᓂᑦ ᐅᓐᓄᒃᑐᒥᑦ ᐱᒋᐊᕐᓗᒍ ᑖᓐᓇ ᐅᓪᓗᖅ ᐅᓐᓄᖓᓄᑦ ᐃᓱᖃᕐᓗᒍ, ᓴᐸᑎ ᑖᓐᓇ ᑲᒪᒋᓯᐊᕐᑕᒃᓴᕆᕙᓯ.”