ᒨᓯᓯ ᐱᖓᔪᖏᑦ 23:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᐅᓪᓗᐃᑦ ᖁᓕᖓᓂ ᑕᕝᕙᓂ ᑕᖅᑮᑦ 7ᖓᓐᓂ ᐊᕐᕌᒍᑕᒫᕐᓯᐅᑦ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᕗᖅ, ᑲᑎᒪᓗᓯ ᑐᒃᓯᐊᖃᑎᒌᒋᑦᓯ ᓂᕆᑦᑍᓕᓗᓯᓗ, ᐊᑕᓂᕐᒧᓪᓗ ᑐᓂᕐᕈᓯᕐᓗᓯ ᐃᑯᐊᓚᑦᓯᓂᒃᑯᑦ.

ᒨᓯᓯ ᐱᖓᔪᖏᑦ 23:27 Iomraidhean Croise

ᐄᓱᕋᐅᑉ ᐊᒡᓚᖏᑦ 8:21

ᑰᖕᒥ ᓴᓇᔭᐅᓯᒪᔪᒥ ᐊᕼᐋᕙᒥ ᐱᖁᔨᓚᐅᕐᐳᖓ ᓂᕆᑦᑍᓕᖁᓪᓗᑕ ᒥᑭᓕᑎᕐᓗᑕᓗ ᓇᖕᒥᓂᑦᑎᓐᓂᒃ ᒎᑎᑦᑕ ᓵᖓᓂ, ᑕᓯᐅᕐᑕᐅᔪᒪᓪᓗᑕ ᐃᖏᕐᕋᓂᑦᑎᓐᓂ ᓴᐳᑎᔭᐅᓯᒪᖁᓪᓗᑕᓗ ᕿᑐᕐᖓᕗᑦ ᐱᖁᑎᕗᓪᓗ ᑖᑦᓱᒧᖓ.

ᐃᓐᖏᕈᑎᑦ 35:13

ᐅᕙᖓᓕ ᖃᓂᒪᓕᕌᖓᑕ ᐊᓐᓄᕌᒥᒃ ᓂᕈᒥᖏᑦᑐᒥᒃ ᐊᑎᕙᒃᐳᖓ, ᒥᑭᓕᑎᕐᓗᖓᓗ ᓂᕆᑦᑍᓕᓪᓗᖓ; ᑐᒃᓯᐊᕐᓂᕋᓕ ᐅᑎᓚᐅᕐᐳᖅ ᐅᕙᓐᓄᑦ.

ᒨᓯᓯ ᐂᑉᐸᖏᑦ 30:10

ᐊᕐᕌᒍᑕᒫᓪᓗ ᐂᕉᓂ ᑐᓂᕐᕈᓯᕐᑐᒃᓴᐅᕗᖅ ᑐᓂᕐᕈᓯᕐᕕᐅᑉ ᓴᓗᒻᒪᕐᓴᕐᑕᐅᑦᔪᑎᒃᓴᖓᓂᒃ ᑐᒃᓯᐊᕐᓂᒃᑯᑦ ᑐᓂᕐᕈᓯᕐᕕᐅᑉ ᓇᒃᔪᓐᖑᐊᖏᑦ ᐊᐅᒥᑎᕐᓗᒋᑦ ᐆᒪᔫᑉ ᐊᔪᕐᓃᑦ ᐱᑦᔪᑎᒋᓪᓗᒋᑦ ᑐᓂᕐᕈᑕᐅᔫᑉ ᐊᐅᖓᓄᑦ ᐊᕐᕌᒍᒥ ᐊᑕᐅᓯᐊᖃᑦᑕᕐᓗᓂ ᐊᕐᕌᒍᑕᒫᑦ ᑕᒪᓐᓇ ᑲᔪᓯᑎᑕᐅᔪᒃᓴᐅᕗᖅ ᑍᒪᓐᖓᑦ ᑭᖑᕚᕆᔪᒫᕐᑕᓯ ᑎᑭᓪᓗᒋᑦ, ᑖᓐᓇ ᑐᓂᕐᕈᓯᕐᕕᒃ ᐃᑦᔪᕐᓁᒻᒪᕆᒃᑐᒃᓴᐅᖕᒪᑦ ᐊᑕᓂᕐᒧᑦ ᑐᓂᔭᐅᓯᒪᓗᓂ.”

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᒨᓯᓯ ᐱᖓᔪᖏᑦ 16:11

ᐂᕉᓂᐅᓪᓗ ᐃᒻᒧᒃᓯᐅᒐᐅᑉ ᐸᖕᓂᖓ ᕾᑎᑕᒃᓴᕆᕚ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᐃᒡᓗᒥᐅᖃᑎᓂᓗ ᐱᓪᓗᒋᑦ, ᑐᖁᑕᒃᓴᕆᕚ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 16:15

ᑕᕝᕙ ᑐᖁᑦᓴᕆᐊᖃᕐᐹ ᒎᑦᓯ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐃᓄᐃᑦ ᑐᓂᕐᕈᓯᕈᑎᓗᒋᑦ ᐊᐅᖓ ᑖᓗᑕᐅᑉ ᐅᖓᑖᓄᐊᕈᑎᔭᕆᐊᖃᕐᐹ ᑍᒫᒃᑕᐅᖅ ᐃᒻᒧᒃᓯᐅᒐᐅᑉ ᐸᖕᓂᐅᑉ ᐊᐅᖓᑐᑦ ᐱᔭᕆᐊᖃᕐᐹ ᓯᕐᐸᕐᓴᕈᑎᒋᔭᕆᐊᖃᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓᓄᑦ ᓵᖓᓄᓪᓗ.

ᒨᓯᓯ ᐱᖓᔪᖏᑦ 16:16

ᑍᒫᒃ ᑕᕝᕙ ᓴᓗᒻᒪᕐᑎᓐᓂᐊᕐᐹ ᐃᑦᔪᕐᓁᑦᑑᑉ ᐃᑦᔪᕐᓁᓐᓂᕐᐹᖓᑦ ᓴᓗᒤᓐᓂᕐᒥᑦ ᐃᓴᕆᐊᓕᒥᐅᓪᓗ ᓈᓚᖏᓐᓂᖏᓐᓂᑦ ᓱᓇᑐᐃᓐᓇᕐᒥᒃ ᐊᔪᕐᑐᓕᓯᒪᒐᓗᐊᕐᐸᑕ, ᑍᒤᓕᐅᕆᐊᖃᕆᕗᖅ ᓱᓕ ᑐᐱᕐᒥ ᑲᑎᒪᕕᖕᒥ, ᑖᓐᓇ ᐃᓄᐃᑦ ᓇᔪᒐᕆᖕᒪᑦᔪᒃ ᓴᓗᒤᑦᑑᓪᓗᑎᒡᓗ.

ᒨᓯᓯ ᐱᖓᔪᖏᑦ 16:24

ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ.

ᒨᓯᓯ ᐱᖓᔪᖏᑦ 23:26

ᐊᑕᓂᐅᑉ ᒨᓯᓯ ᐅᖃᐅᑎᕚ,

ᒨᓯᓯ ᐱᖓᔪᖏᑦ 23:28

ᐅᓪᓗᒥ ᑕᕝᕙᓂ ᐱᓇᓱᐊᕆᐊᖃᓐᖏᓚᓯ ᖃᐅᑕᒫᑦ ᐱᓇᓱᐊᕐᐸᒃᑕᑦᓯᓐᓂᒃ, ᑖᓐᓇ ᐅᓪᓗᖅ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᕕᐅᖕᒪᑦ, ᐊᔪᕐᓂᓯ ᐃᓱᒪᒋᔪᓐᓁᕐᑕᐅᖕᒪᑕ ᐊᑕᓂᐅᑉ ᒎᑎᓯ ᓵᖓᓂ.

ᒨᓯᓯ ᐱᖓᔪᖏᑦ 25:9

ᑖᒃᑯᐊ ᑭᖑᓂᖓᓐᓂ ᑕᖅᑮᑦ 7ᖓᑕ ᐅᓪᓗᖏᑕ 10ᖓᓂ, ᐅᓪᓗᖅ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᓯᒪᑎᓪᓗᒍ, ᑎᓕᓯᔪᒃᓴᐅᕗᓯ ᐊᖑᒻᒥᒃ ᓄᓇᒥ ᑕᒫᓂ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᖁᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 27:9

ᐊᑯᓂ ᑕᕝᕙᓃᓕᕐᐳᒍᑦ, ᐅᒥᐊᕐᑐᒃᑲᓐᓂᕆᐊᒃᓴᖅ ᐊᒡᓛᑦ ᓇᖏᐊᕐᓇᕐᓯᖕᒪᑦ, ᓂᕆᑦᑍᓕᕕᒃ ᔫᑎᑦ ᓇᓪᓕᐅᓐᓂᕐᓯᐅᕐᕕᖓᑦ ᖄᖏᕐᓯᒪᓕᕐᒪᑦ, ᐸᐅᓗᓯᐅᑉ ᐅᖃᐅᑎᓕᕐᐰᑦ:

ᔧᒥᓯᐅᑉ ᐊᒡᓚᖏᑦ 4:9

ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ.