23 ᐊᑕᓂᐅᑉ ᒨᓯᓯ ᐅᖃᐅᑎᕚ,
“ᐱᕈᕐᑐᓂᒃ ᓂᕿᒃᓴᓂᒃ ᑲᑎᕐᓱᐃᓕᕌᖓᑦᓯ, ᐱᕈᕐᓰᕕᑦᓯ ᓯᓈᓃᑦᑐᑦ ᑲᑎᕐᓱᕐᓂᐊᕋᓯᒋᑦ, ᑲᑎᕐᓱᐃᓗᓯᓗ ᓇᑲᓐᖏᑕᓯ ᐅᑎᕐᕕᒋᓂᐊᕋᓯᒋᒃ. ᑕᒪᒃᑯᐊ ᐊᔪᕐᓴᕐᑐᓄᑦ ᓄᓇᑐᖃᖃᖏᑦᑐᓄᓪᓗ ᐊᒥᐊᒃᑯᒋᔭᕆᐊᖃᕐᐸᓯ. ᐅᕙᖓ ᐊᑕᓂᐅᒐᒪ ᐃᓕᑦᓯ ᒎᑎᓯ.”
“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: ᐅᓪᓗᐃᑦ ᓯᕗᓕᕐᐸᖓᓂ ᑕᖅᑮᑦ 7ᖓᓐᓂ ᑕᕾᕐᓯᕕᖃᕆᐊᖃᕐᐳᓯ, ᑲᑎᒪᔭᕆᐊᖃᕐᐳᓯᓗ ᑐᒃᓯᐊᖃᑎᒌᖕᓂᕐᒧᑦ, ᑎᑦᑐᓚᐅᑏᑦ ᓂᓪᓕᕐᐸᑕ.
ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.
“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ.
