ᒨᓯᓯ ᐱᖓᔪᖏᑦ 23:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓚᓗᒍ ᓂᐊᖂᔭᒥᒃ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐸᐅᕐᖎᑦ ᐅᕐᓱᖓᓂᒃ ᐃᓚᓗᒍ, ᑖᒃᑯᐊ ᑐᓂᔭᐅᔭᕆᐊᖃᕐᐳᖅ ᐃᑯᐊᓚᑦᓯᓂᒃᑯᑦ, ᑎᐱᖓ ᐊᑕᓂᐅᑉ ᒪᒪᕆᖕᒪᒍ. ᐃᓚᖃᕆᐊᖃᕆᕗᖅ ᐃᒥᒐᒃᓴᒥᒃ ᑐᓂᕐᕈᑎᒥᒃ ᕔᓂᒥᒃ 1ᓖᑕᒥᒃ ᐊᖏᓂᖃᕐᑐᒥᒃ.

ᒨᓯᓯ ᐱᖓᔪᖏᑦ 23:13 Iomraidhean Croise

ᒨᓯᓯ ᐂᑉᐸᖏᑦ 30:24

ᐊᒻᒪᓗ 6ᓂᒃ ᑭᓗᒍᕌᒻᓂᒃ ᐅᖁᒤᓐᓂᖃᕐᑐᓂᒃ ᑬᑦᓯᐊᓂᒃ ᑕᒪᒃᑯᐊᓗ ᐅᖁᒤᓐᓂᕐᓂᐊᕐᑕᒃᓴᕆᕙᓯ ᐅᖁᒤᓐᓂᕐᓯᐅᑎᓪᓚᕆᖕᒧᑦ ᐊᑐᕐᑕᐅᒐᔪᒃᑐᒧᑦ ᐆᒃᑐᕋᕐᑕᐅᓯᒪᔪᓂᒃ ᒪᓕᒡᓗᓯ. ᐃᓚᖃᕐᒥᓗᑎᒃ ᓇᐹᕐᑑᑉ ᐅᕐᓱᖏᓐᓂᒃ 4ᓖᑕᓂᒃ.

ᒨᓯᓯ ᐂᑉᐸᖏᑦ 30:9

ᐃᓯᕐᓗᐊᕐᓂᑎᑕᒃᓴᒥᒃ ᐱᖁᔭᐅᓯᒪᖏᑦᑐᒥᒃ ᑕᕝᕙᓂ ᑐᓂᕐᕈᓯᕐᕕᖕᒥ ᐃᑯᐊᓪᓔᔪᒃᓴᐅᓐᖏᓚᓯ ᐃᑦᔪᕐᓁᓕᑎᓯᒪᖏᑦᑐᓂᒃ, ᑐᓂᕐᕈᑎᒃᓴᒥᒡᓘᓐᓃᑦ ᐆᒪᔪᒥᒃ ᐃᑯᐊᓚᑎᑕᒃᓴᒥᒃ, ᑐᓂᕐᕈᑎᒃᓴᓂᒡᓘᓐᓃᑦ ᓂᐊᖂᔭᓂᒃ, ᑕᕝᕗᖓᓗ ᑯᕕᓯᔪᒃᓴᐅᓐᖏᓚᓯ ᐸᐅᕐᖎᑦ ᐃᑦᑎᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 4:11

ᐅᓪᓗᓕᒫᖅ ᐃᒥᖃᑦᑕᕆᐊᖃᕐᓂᐊᕐᐳᑎᑦ ᑏᑑᑏᖕᓂᒃ ᒪᕐᕈᓪᓗᐊᑐᑦ ᐊᖏᑎᒋᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 45:24

ᓂᐊᖂᔭᒃᓴᒥᒡᓗ ᐊᑐᐃᓐᓇᐅᑎᑦᓯᔪᒃᓴᐅᒋᕗᖅ ᐄᐸᑎᑐᑦ ᐊᖏᓂᖃᕐᓗᑎᒃ ᐊᑐᓂᑦ ᐊᖑᓴᓪᓗᕐᒧᑦ ᐊᑕᐅᓯᕐᒧᑦ, ᓰᐱᐅᓪᓗ ᐊᖑᓴᓪᓗᖓᓄᑦ ᐊᑕᐅᓯᕐᒧᑦ ᐄᐸᒥᒃ ᐊᑕᐅᓯᕐᒥᒃ, ᐸᐅᕐᖎᓪᓗ ᐅᕐᓱᖏᓐᓂᒃ ᕼᐃᓐᒥᒃ ᐊᖏᓂᖃᕐᑐᓂᒃ ᐄᐸᒧᑦ ᐊᑕᐅᓯᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 46:14

ᐅᓪᓛᑕᒫᓪᓗ ᓂᐊᖂᔭᒃᓴᒥᒃ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ ᑐᓂᕐᕈᓯᕐᓃᑦ ᐃᓚᒃᓴᖏᓐᓂᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐊᖏᑎᒋᔪᒥᒃ ᐃᓚᓕᐅᑎᔪᒃᓴᒥᒃ ᓂᐊᖂᔭᒃᓴᒧᑦ ᑐᓂᕐᕈᓯᕈᑕᐅᓗᑎᒃ ᐊᑕᓂᕐᒧᑦ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ; ᑕᒪᑦᔭ ᑐᓂᕐᕈᓯᕐᓂᕐᒧᑦ ᐃᑯᐊᓚᑎᑕᒃᓴᒧᑦ ᒪᓕᒐᒃᓮᑦ ᐊᑐᕐᑕᐅᔪᒃᓴᐅᔪᑦ ᑍᒪᓐᖓᓕᒫᖅ.

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᔪᐃᓕᐅᑉ ᐊᒡᓚᖏᑦ 1:9

ᓂᐊᖂᔭᒃᓴᒥᒃ ᕔᓂᒥᒡᓘᓐᓃᑦ ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᐊᑕᓂᐅᑉ ᐃᒡᓗᖓᓂ; ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᕿᒃᓵᓕᕐᐳᑦ ᑐᓂᕐᕈᑎᒃᓴᕐᑕᖃᕈᓐᓁᕐᒪᑦ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᐱᖓᔪᖏᑦ 14:10

“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 23:12

ᐅᓪᓗᒥ ᑕᕝᕙᓂ ᐱᕈᕐᑐᓂᒃ ᑐᓂᕐᕈᑎᖃᕕᑦᓯᓐᓂ, ᑐᓂᕐᕈᓯᕆᐊᖃᕐᐳᓯ ᐆᑕᒃᓴᒥᒃ ᐊᑕᓂᕐᒧᑦ ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 6:20

“ᐃᒤᑦᑐᒥᒃ ᐂᕉᓂ ᐃᕐᓂᖏᓪᓗ ᑐᓂᕐᕈᓯᕆᐊᖃᕐᐳᑦ ᐅᓪᓗᒥ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᕕᖕᒥᖕᓂ: ᐅᖁᒤᓐᓂᐅᑉ ᓇᑉᐹᓂᒃ ᐅᖁᒤᑎᒋᔪᒥᒃ ᓂᐊᖂᔭᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᑉ ᑐᓂᕐᕈᑕᐅᓂᖓᓂᒃ, ᑖᑦᓱᒪ ᓇᑉᐹ ᐅᓪᓛᒃᑯᑦ ᑐᓂᕐᕈᑎᒋᓗᒍ ᓇᑉᐹᓗ ᐅᓐᓄᒃᐸᑦ ᑐᓂᕐᕈᑎᒋᓗᒍ.

ᒨᓯᓯ ᓯᑕᒪᖏᑦ 28:10

ᑍᒫᒃ ᐃᑯᐊᓚᑎᑕᒃᓴᖅ ᓴᐸᑎ ᑕᒫᑦ, ᖃᐅᑕᒫᑦ ᑐᓂᕐᕈᑎᑦ ᐃᓚᒋᒃᑲᓐᓂᕆᐊᖃᕐᑕᖓ.”