ᒨᓯᓯ ᐱᖓᔪᖏᑦ 23:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᑎᒋᔭᕆᐊᖃᕐᐹ ᐊᑕᓂᕐᒧᑦ, ᐃᓚᓕᐅᕐᑕᐅᖁᓪᓗᒍ ᐱᑦᔪᑎᒋᓪᓗᑎᑦ. ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᑎᒋᔭᒃᓴᕆᕚ ᐅᓪᓗᒥ ᓴᐸᑎᐅᑉ ᑭᖑᓂᑦᓯᐊᖓᓂ.

ᒨᓯᓯ ᐱᖓᔪᖏᑦ 23:11 Iomraidhean Croise

ᒨᓯᓯ ᐂᑉᐸᖏᑦ 28:38

ᐂᕉᓂᐅᑉ ᐊᑐᕆᐊᖃᕐᐹ ᖃᐅᖓᓂ ᐃᓕᓯᒪᓗᒍ, ᑍᒤᑉᐸᑦ ᑕᕝᕙ ᐅᕙᖓ ᐊᑕᓂᐅᔪᖓ, ᑐᓂᕐᕈᑎᒋᔭᓕᒫᖏᑦ ᐃᓚᓕᐅᕐᓂᐊᕐᐸᒃᑲ ᐃᓴᕆᐊᓕᒥᐅᑦ ᐃᑦᔪᕐᓁᑎᓯᒪᔭᖏᑦ ᐅᕙᓐᓄᑦ, ᐊᒡᓛᑦ ᐃᓄᐃᑦ ᑐᓂᕐᕈᓯᕐᓂᕐᒥᒍᑦ ᑕᒻᒪᕋᓗᐊᕐᐸᑕ.

ᒨᓯᓯ ᐂᑉᐸᖏᑦ 29:24

ᑕᒪᒃᑯᐊᓕᒫᓪᓗ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᔭᒃᓴᕆᕙᑎᑦ, ᑖᒃᑯᐊ ᑎᒍᓯᓗᑎᒃ ᑖᒃᑯᓂᖓ ᐃᓴᐅᑎᓗᒋᑦ ᓄᓗᕋᕈᑎᒋᓗᒋᓪᓗ ᑐᓂᓯᖁᓪᓗᒋᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 10:14

ᑭᓯᐊᓂᓕ ᐆᒪᔫᑉ ᓴᑭᐊᖏᓐᓂᒃ ᐃᕝᕕᓪᓗ ᐃᕐᓂᑎᓪᓗ ᐸᓂᒃᑎᓪᓗ ᐊᐅᓪᓚᕐᑎᑕᐅᓪᓗᓂ ᑐᓂᕐᕈᑕᐅᓯᒪᔪᖅ ᒥᒥᖏᒡᓗ ᑐᓂᕐᕈᑕᐅᓯᒪᔪᖅ ᓂᕆᔭᒃᓴᕆᕙᓯ, ᑖᒃᑯᐊ ᓂᕆᓯᐅᒃ ᐅᒃᐱᕐᓂᐅᑉ ᐃᓕᖅᑯᓯᖓᑕ ᐃᑦᔪᕐᓁᓐᓂᕋᕐᑕᖓᓃᓪᓗᓯ ᑖᒃᑯᐊ ᑐᓂᔭᐅᖕᒪᑕ ᐃᓕᖕᓄᑦ ᕿᑐᕐᖓᕐᓄᓪᓗ ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓂᑦ ᐱᔪᑦ.

ᒨᓯᓯ ᐱᖓᔪᖏᑦ 23:10

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ‘ᓄᓇᒧᑦ ᐃᓕᑦᓯᓐᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓯᒪᓕᕈᑦᓯ ᐱᕈᕐᓯᐊᓂᒡᓗ ᓂᕿᒃᓴᓂᒃ ᑲᑎᕐᓱᐃᓕᕌᖓᑦᓯ, ᑲᑎᕐᓱᕐᑕᓯ ᕿᓚᒃᓯᒪᔪᐃᑦ ᓯᕗᓪᓕᕐᐹᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᐱᖓᔪᖏᑦ 23:12

ᐅᓪᓗᒥ ᑕᕝᕙᓂ ᐱᕈᕐᑐᓂᒃ ᑐᓂᕐᕈᑎᖃᕕᑦᓯᓐᓂ, ᑐᓂᕐᕈᓯᕆᐊᖃᕐᐳᓯ ᐆᑕᒃᓴᒥᒃ ᐊᑕᓂᕐᒧᑦ ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 9:21

ᐂᕉᓂᐅᓪᓗ ᐆᒪᔫᑉ ᓴᑭᐊᖏᑦ ᒥᒥᖓᑕᓗ ᑕᓕᕐᐱᐊ ᑐᓂᕐᕈᑎᒋᕔᑦ ᐊᑕᓂᐅᑉ ᓵᖓᓂ, ᑍᒫᒃ ᑐᓂᕐᕈᑎᒋᕔᑦ ᒨᓯᓯᐅᑉ ᐱᖁᔨᓂᖓ ᒪᓕᒡᓗᒍ.

ᕉᑎᐅᑉ ᐅᓂᒃᑲᐅᓯᓂᖓ 1:22

ᑍᒫᒃ ᑕᕝᕙ ᓁᐅᒥ ᐅᑎᓚᐅᕐᐳᖅ, ᐅᑯᐊᓂ ᕉᑎ ᒧᐊᐱᒥᐅᑕᖅ ᐂᑉᐸᕆᓪᓗᒍ, ᓄᓇᒥᑦ ᒧᐊᐱᒥᓐᖔᕐᓗᑎᒃ. ᐱᑦᓕᐊᒧᓪᓕ ᑎᑭᓚᐅᕐᐴᒃ ᐱᕈᕐᑐᓂᒃ ᓂᐊᖂᔭᒃᓴᓂᒃ ᑲᑎᕐᓱᐃᓇᕐᓯᓕᕐᑎᓪᓗᒍ.