ᒨᓯᓯ ᐱᖓᔪᖏᑦ 22:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓂᕆᔭᕆᐊᖃᓐᖏᓚᕐᓕ ᓂᕐᔪᑎᒥᒃ ᐃᒻᒥᓂᒃ ᑐᖁᔪᕕᓂᕐᒥᒃ, ᓂᕐᔪᑎᐅᖃᑎᒥᓂᓪᓘᓐᓃᑦ ᑐᖁᑕᐅᔪᕕᓂᕐᒥᒃ; ᑍᒤᑦᑐᒥᒃ ᓂᕆᒃᐸᑦ ᑕᕝᕙ ᓴᓗᒤᓕᓂᐊᕐᐳᖅ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 22:8 Iomraidhean Croise

ᒨᓯᓯ ᐂᑉᐸᖏᑦ 22:30

ᑍᒫᑦᓮᓐᓇᕐᑕᐅᖅ ᐱᔪᒃᓴᐅᕗᓯ ᐃᒻᒧᒃᓯᐅᒐᐅᑉ ᐊᖑᓴᓪᓗᖏᓐᓂᒃ ᓰᐱᖁᑎᑦᓯᓐᓂᒡᓗ: ᐊᖑᑎᑦ ᐃᕐᓂᐊᖑᖅᑳᕐᑐᑦ ᐅᓪᓗᓂᒃ 7ᓂᒃ ᐊᓈᓇᒥᓂᑦ ᐊᒫᒪᒃᑐᒃᓴᐅᕗᑦ; ᐅᓪᓗᓪᓕ 8ᖓᓐᓂ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 22:31

“ᐅᕙᖓ ᐃᓄᖁᑎᒋᒐᑦᓯ ᐃᑦᔪᕐᓁᑦᑐᒃᓴᐅᕗᓯ, ᑍᒤᒻᒪᑦ ᐱᕈᕐᓰᕕᖕᒥ ᐆᒪᔪᓄᑦ ᓄᔪᐊᕐᑐᓄᑦ ᐅᒋᐊᕐᑕᐅᔪᕕᓂᕐᓂᒃ ᐆᒪᔪᓂᒃ ᓂᕆᔪᒃᓴᐅᓐᖏᓚᓯ; ᑍᒤᑦᑐᓪᓕ ᕿᒻᒥᓄᑦ ᑐᓂᔭᒃᓴᕆᕙᓯ.”

ᐃᓯᑭᐊᓕᐅᑉ ᐊᒡᓚᖏᑦ 4:14

ᑕᕝᕙ ᑭᐅᕙᕋ, “ᐊᑕᓃᖅ ᒎᑏ! ᑕᑯᒋᑦ, ᓇᖕᒥᓂᖅ ᓇᕐᕈᓇᕐᓯᑎᓚᐅᕐᓯᒪᓐᖏᓚᖓ; ᓄᑕᕋᐅᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐆᒪᔪᕕᓂᕐᒥᒃ ᐃᒻᒥᓃᓐᓇᖅ ᑐᖁᔪᕕᓂᕐᒥᒃ ᓂᕆᓚᐅᕐᓯᒪᓐᖏᓚᖓ ᐆᒪᔪᓄᓪᓗ ᑐᖁᑕᕕᓂᕐᒥᒃ, ᓂᕿᒥᒡᓗ ᒪᒪᖏᑦᑐᒥᒃ ᐅᖁᒻᒦᓚᐅᕐᓯᒪᓇᖓ.”

ᐃᓯᑭᐊᓕᐅᑉ ᐊᒡᓚᖏᑦ 44:31

ᑐᓂᕐᕈᓯᕐᑎᑦᓯᔩᑦ ᓂᕆᔪᒃᓴᐅᓐᖏᓚᑦ ᖃᓄᐃᑦᑐᑐᐃᓐᓇᓂᒃ, ᑎᖕᒥᐊᕕᓂᕐᒥᒃ ᐆᒪᔪᕕᓂᕐᒥᒡᓘᓐᓃᑦ ᓇᖕᒥᓂᖅ ᑐᖁᑐᐃᓐᓇᕐᑐᕕᓂᕐᒥᒃ, ᐅᕝᕙᓗ ᐆᒪᔫᖃᑎᖓᓄᑦ ᑐᖁᑕᕕᓂᕐᒥᒃ.”

ᒨᓯᓯ ᐱᖓᔪᖏᑦ 17:15

“ᓇᓪᓕᐊᑦ ᐃᓴᕆᐊᓕᒥᐅᖅ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᓄᓇᖃᖃᑕᐅᔪᖅ ᓂᕆᒃᐸᑦ ᐆᒪᔪᕕᓂᕐᒥᒃ ᑐᖁᖓᔪᕐᓯᐊᕕᓂᕐᒥᓂᒃ ᐆᒪᔪᒧᑦ ᑐᖁᑕᐅᔪᕕᓂᕐᒥᒡᓘᓐᓃᑦ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐃᒥᕐᒧᓪᓗ ᑎᒥᓕᒫᓂ ᐅᐊᓴᕐᓗᒍ, ᐃᓕᖅᑯᓯᖅ ᒪᓕᒡᓗᒍ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ, ᑭᖑᕐᖓᓂ ᓴᓗᒻᒪᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 7:24

ᐆᒪᔪᐃᑦ ᐃᒻᒥᖕᓂᒃ ᑐᖁᔪᕕᓃᑦ, ᐆᒪᔪᓄᓪᓘᓐᓃᑦ ᑐᖁᑕᐅᔪᕕᓃᑦ ᑐᓐᓄᖏᑦ ᓱᓇᑐᐃᓐᓇᕐᒧᑦ ᐊᑐᕐᑕᐅᔪᓐᓇᕐᐳᑦ, ᑭᓯᐊᓂᓕ ᓂᕆᔭᐅᔭᕆᐊᖃᓐᖏᓚᑦ.

ᒨᓯᓯ ᑕᓪᓕᒪᖏᑦ 14:21

“ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”