1 ᐊᑕᓂᐅᑉ ᒨᓯᓯ ᐅᖃᐅᑎᕚ,
ᑕᒪᒃᑯᓂᖓ ᒨᓯᓯᐅᑉ ᐂᕉᓂ ᐃᕐᓂᖏᓪᓗ ᐃᓴᕆᐊᓕᒥᐅᓕᒫᓪᓗ ᐅᖃᐅᑎᕔᑦ.
“ᐂᕉᓂ ᐃᕐᓂᖏᓪᓗ ᐅᖃᐅᑎᒃᑭᑦ, ᑲᒪᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑦᔪᕐᓁᑦᑐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᑕᐅᔪᓂᒃ ᐅᕙᓐᓄᑦ, ᐊᑎᕋ ᓇᕐᕈᓇᕐᓯᑎᑕᐅᖁᓇᒍ. ᐅᕙᖓ ᐊᑕᓂᐅᒐᒪ.
“ᐃᓄᐃᑦ ᓇᓪᓕᐊᑦ ᐱᖁᔭᒥᒃ ᓱᕅᒃᐸᑦ ᐊᔪᕐᑐᓕᒃᐸᓪᓗ ᐱᔮᕆᖏᓪᓗᓂ ᐊᑕᓂᐅᑉ ᐃᑦᔪᕐᓁᑎᑕᖏᓐᓂᒃ ᓇᓪᓕᐊᓐᓂᑐᐃᓐᓇᖅ, ᑖᓐᓇ ᑍᒤᓕᐅᕐᑐᖅ ᐊᑕᓂᕐᒧᑦ ᕾᑦᓯᔪᒃᓴᐅᕗᖅ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᓂᒃ ᓰᐲᑦ ᐊᖑᓴᓪᓗᖓᓂᒃ, ᐆᒪᔪᕐᓗ ᑖᓐᓇ ᖃᓄᐃᓐᓂᖃᖏᑦᓯᐊᕐᓗᓂ ᐊᑭᖃᓪᓗᐊᕐᓗᓂᓗ ᑐᒃᓯᐊᕐᕕᖕᒧᑦ ᐊᑭᒋᔭᐅᕙᒃᑐᑎᑐᑦ. ᐸᓯᔭᒃᓴᐅᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ.
“ᐅᕝᕙᑦᑕᐅᖅ ᐃᓕᑦᓯ ᐱᒋᓂᐊᕐᒥᔭᓯ: ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓃᑦ ᐃᓄᐃᑦ ᑐᓂᕐᕈᑎᕕᓂᖏᑦ, ᐃᓚᖃᕐᓗᑎᒃ ᐃᓴᕆᐊᓕᒥᐅᓂᑦ ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓂᖏᓐᓂᒃ; ᐃᓕᖕᓄᑦ ᑖᒃᑯᐊ ᑐᓂᓯᒪᕙᒃᑲ ᐃᕐᓂᑎᑦ ᐸᓂᑎᓪᓗ ᑐᓂᖃᓯᐅᑎᓪᓗᒋ ᑕᒪᒃᑯᓂᖓ, ᑍᒪᓐᖓᓕᒫᖅ ᑕᒪᓐᓇ ᒪᓕᒐᐅᖁᓪᓗᒍ. ᑐᒃᓯᐊᕐᓂᑯᑦ ᓴᓗᒻᒪᕐᓯᒪᔪᓕᒫᑦ ᐃᓚᒌᖕᓂᑦᓯᓐᓂ ᐱᔪᑦ ᓂᕆᖃᑕᐅᔪᓐᓇᕐᐳᑦ.
