ᒨᓯᓯ ᐱᖓᔪᖏᑦ 21:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᑦᔪᕐᓁᑎᓯᒋᒃ, ᒎᑎᑦᓯ ᓂᕿᒃᓴᖏᓐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕐᒪᑕ. ᐃᑦᔪᕐᓁᓐᓂᖏᑦ ᐃᓱᒪᒋᑦᓯᐊᕐᓯᐅᒃ, ᐅᕙᖓ ᐊᑕᓂᖅ ᐃᑦᔪᕐᓁᓐᓇᒪ, ᐃᓄᖁᑎᒃᑲᑦᑕᐅᖅ ᐃᑦᔪᕐᓁᑎᓐᓂᐊᕆᕙᒃᑲ.

ᒨᓯᓯ ᐱᖓᔪᖏᑦ 21:8 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:29

ᒎᑎᒐ ᐃᖅᑲᐅᒪᒃᑭᑦ, ᑐᓂᕐᕈᓯᕐᑎᑦᓯᔨᓂᒃ ᓇᕐᕈᓇᕐᓯᑎᑦᓯᖕᒪᑕ; ᐊᖏᖃᑎᒌᒍᑎᒋᓯᒪᔭᓕᒫᖏᓐᓂᒡᓗ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ.

ᒨᓯᓯ ᐂᑉᐸᖏᑦ 19:10

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᒨᓯᓯ ᐂᑉᐸᖏᑦ 19:14

ᑕᕝᕙ ᒨᓯᓯ ᖃᖅᑲᒥᑦ ᐊᑎᕐᐳᖅ ᐃᓄᖕᓄᐊᕐᓗᓂᓗ, ᐅᖃᐅᑎᕔᑦ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖁᓪᓗᒋᑦ ᐊᓐᓄᕌᒥᖕᓂᒡᓗ ᐅᐊᓴᓕᕐᐳᑦ,

ᒨᓯᓯ ᐂᑉᐸᖏᑦ 28:41

ᐂᕉᓂ ᐊᖓᔪᐃᑦ ᐊᓐᓄᕌᕐᑕᒃᓴᕆᕙᑦ ᐃᕐᓂᖏᓪᓗ ᐃᓚᒋᓗᒋᑦ, ᓇᐹᕐᑑᓪᓗ ᐅᕐᓱᖓᓄᑦ ᒥᖑᐊᕐᓗᒋᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᐃᑦᔪᕐᓁᑎᑕᒃᓴᕆᕙᑎᑦ ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ.

ᒨᓯᓯ ᐂᑉᐸᖏᑦ 29:1

“ᐃᒫᒃ ᑕᕝᕙ ᐱᔪᒃᓴᐅᕗᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒋᑦ ᑐᓂᔭᐅᖁᓪᓗᒋᓪᓗ ᐅᕙᓐᓄᑦ, ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ ᖃᓄᐃᑦᔪᑎᖃᖏᑦᓯᐊᕐᑐᓂᒃ ᓇᒃᓴᕐᑐᒃᓴᐅᕗᑎᑦ.

ᒨᓯᓯ ᐱᖓᔪᖏᑦ 19:2

“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 21:6

ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ.

ᒨᓯᓯ ᐱᖓᔪᖏᑦ 22:16

ᐱᑎᑕᐅᔭᕆᐊᖃᖏᑦᑐᓂᒃ ᓂᕆᑎᑦᓯᖃᑦᑕᕐᐸᑕ ᑍᒤᑦᑐᓂᒡᓗ ᐸᓯᔭᒃᓴᐅᓕᕐᑎᓯᖁᓇᒋᑦ ᓱᒋᐊᕐᑕᐅᔭᕆᐊᖃᓕᕐᓗᑎᒃ. ᐅᕙᖓ ᐊᑕᓂᐅᒐᒪ ᐃᑦᔪᕐᓁᑎᑦᓯᔪᖅ.”

ᒨᓯᓯ ᐱᖓᔪᖏᑦ 3:11

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᕆᕔᑦ ᓂᕿᒃᓴᐅᖁᓪᓗᒋᑦ, ᑐᓂᕐᕈᑕᐅᓪᓗᑎᒃ ᐃᑯᒪᒃᑯᑦ ᐊᑕᓂᕐᒧᑦ.

ᒪᓚᑬᑉ ᐊᒡᓚᖏᑦ 1:7

ᓇᕐᕈᓇᕐᑐᓂᒃ ᓂᕿᓂᒃ ᑐᓂᕐᕈᓯᕐᐳᓯ ᑐᓂᕐᕈᓯᕐᕕᓐᓂ, ᐅᖃᕐᐳᓯᓗ, ‘ᖃᓄᖅ ᓇᕐᕈᓇᕐᓯᑎᑦᓯᓚᐅᕐᐱᑖ?’ ᐃᓱᒪᓚᐅᕋᑦᓯ ᐊᑕᓂᐅᑉ ᑐᓂᕐᕈᓯᕐᕕᖁᑎᖓ ᐱᓪᓚᕆᐅᓗᐊᓐᖏᓚᖅ.

ᒨᓯᓯ ᓯᑕᒪᖏᑦ 28:2

“ᐱᖁᔭᒥᒃ ᐆᒥᖓ ᐃᓴᕆᐊᓕᒥᐅᑦ ᑐᓂᓯᕕᒋᒃᑭᑦ, ᐅᖃᐅᑎᓗᒋᑦ, ‘ᑐᓂᕐᕈᓯᐊᒃᓴᕋ, ᓂᕿᒃᓴᖅ ᑐᓂᕐᕈᓯᐊᒃᓴᕋ ᐃᑯᐊᓚᑎᑕᒃᓴᖅ ᑎᐱᑦᓯᐊᕆᒃᑑᓗᓂ ᐅᕙᓐᓄᑦ, ᑲᒪᑦᓯᐊᕐᓗᓯ ᐱᕕᒃᓴᖓᓂ ᐅᕙᓐᓄᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ.’

ᔪᐊᓇᓯᐅᑉ ᐊᒡᓚᖏᑦ 10:36

ᒎᑎᐅᑉ ᐃᑦᔪᕐᓁᑎᓚᐅᕐᑕᖓᓄᑦ ᑎᓕᓚᐅᕐᑕᖓᓄᓪᓗ ᓄᓇᕐᔪᐊᕐᒧᑦ ᐅᖃᕈᓐᓇᕐᐱᓰ ‘ᒎᑎᒥᒃ ᐅᖃᕐᓂᕐᓘᑎᖃᕐᐳᑎᑦ,’ ᐅᖃᓚᐅᕐᓂᕋ ᐱᓪᓗᒍ, ‘ᒎᑎᐅᑉ ᐃᕐᓂᕆᕚᖓ’?

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.