ᒨᓯᓯ ᐱᖓᔪᖏᑦ 21:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ, ᑖᓐᓇ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᔭᐅᓯᒪᔪᖅ ᓂᕈᐊᕐᑕᐅᓂᕐᒧᑦ, ᐊᑐᕈᓐᓇᕐᓯᑎᑕᐅᓯᒪᔪᕐᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᖏᓐᓂᒃ, ᓄᔭᕙᓪᓗᓐᖑᕐᑎᓯᒪᔭᕆᐊᖃᓐᖏᓚᖅ ᐊᓐᓄᕌᒥᓂᒡᓘᓐᓃᑦ ᐊᓕᒃᓯᓯᒪᔭᕆᐊᖃᓐᖏᓚᖅ ᕿᒃᓵᖕᓂᕐᒧᑦ ᓇᓗᓁᒃᑯᑕᕆᓇᓱᐊᕐᓗᒋᑦ.

ᒨᓯᓯ ᐱᖓᔪᖏᑦ 21:10 Iomraidhean Croise

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᓴᒧᐃᓕ ᐂᑉᐸᖏᑦ 15:30

ᑍᕕᑎᓕ ᖃᖅᑲᒧᑦ ᐅᕐᓱᒃᓴᕐᑕᓕᖕᒧᑦ ᒪᔪᐊᕐᐳᖅ, ᕿᐊᓪᓗᓂ ᐂᕙᓪᓕᐊᓚᐅᕐᐳᖅ; ᑲᒥᓪᓛᓚᐅᕐᐳᖅ ᓂᐊᖁᐊᓗ ᐅᓕᒃᓯᒪᓪᓗᓂ ᕿᒃᓵᖕᓂᕐᒧᑦ ᓇᓗᓁᒃᑯᑕᐅᓪᓗᓂ; ᒪᓕᒃᑐᓕᒫᓪᓗ ᓂᐊᖁᕐᒥᖕᓂᒃ ᐅᓕᒃᓯᓯᒪᓚᐅᕆᕗᑦ ᒪᔪᕋᕐᓗᑎᒃ ᕿᐊᒋᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 6:12

ᑭᖑᓂᖓᒍᑦ ᒧᐊᑎᑬ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᑕ ᓴᓂᐊᓄᑦ ᐅᑎᓚᐅᕆᕗᖅ. ᕼᐂᒪᓂᓕ ᑐᐊᕕᕐᓗᓂ ᐊᖏᕐᕋᕐᐳᖅ, ᕿᒃᓵᕕᒡᔪᐊᕐᓗᓂ ᑮᓇᓂ ᒪᑐᓯᒪᓪᓗᓂᐅᒃ.

ᔫᐱᐅᑉ ᐊᒡᓚᖏᑦ 1:20

ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᐃᓐᖏᕈᑎᑦ 133:2

ᓇᐹᕐᑑᑉ ᐅᕐᓱᖓᑎᑐᑦ ᐱᔪᒥᓇᕐᑐᑐᑦ ᑍᒤᑉᐳᖅ, ᐂᕉᓂᐅᑉ ᓂᐊᖁᐊᓄᑦ ᑯᕕᔭᐅᔪᑎᑐᑦ ᑰᒐᕐᑐᑐᓪᓗ ᐅᒥᖏᑎᒍᑦ, ᐊᓐᓄᕌᖏᑕ ᑭᒡᓕᖓᓄᑦ ᑯᑐᒡᓗᓂ ᑎᑭᐅᑎᔪᑎᑐᑦ!

ᒨᓯᓯ ᐂᑉᐸᖏᑦ 29:7

ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᐃᓯᑭᐊᓕᐅᑉ ᐊᒡᓚᖏᑦ 24:17

ᐊᓂᕐᓴᐅᒥᒍᕕᑦ ᑐᓵᔭᐅᔭᕆᐊᖃᓐᖏᓚᖅ; ᑐᖁᔪᒧᑦ ᕿᒃᓵᒋᐊᖃᕐᓂᐊᓐᖏᓚᑎᑦ. ᓂᐊᖁᕐᐱᑦ ᓂᒥᕆᕙᒃᑕᖓᓂᒃ ᐊᑐᕆᐊᖃᕐᐳᑎᑦ, ᐃᑎᒐᒍᑏᒃᑭᒡᓗ ᐊᑎᓗᒋᒃ, ᖃᓃᓪᓗ ᒪᑐᓯᒪᑦᑍᓕᒍᒃ, ᕿᒃᓵᒃᑐᓪᓗ ᓂᕆᓲᖏᓐᓂᒃ ᓂᕆᑦᑍᓕᓗᑎᑦ.”

ᒨᓯᓯ ᐱᖓᔪᖏᑦ 13:45

“ᐃᓄᒃ ᑍᒤᑦᑐᒥᒃ ᐸᕐᑎᕐᑐᖅ ᐊᓐᓄᕌᓂᒃ ᐊᓕᒃᑐᕐᓯᒪᔪᓂᒃ ᐊᑐᕐᑐᒃᓴᐅᕗᖅ, ᓄᔭᑉᐱᒋᐊᖃᕐᓗᓂᓗ, ᑮᓇᕐᒥᓗ ᐃᓚᖓ ᐅᓕᒃᓯᒪᔭᕆᐊᖃᕐᐹ, ᓂᓪᓕᐊᕙᒡᓗᓂᓗ, ‘ᓴᓗᒤᑦᑐᖓ! ᓴᓗᒤᑦᑐᖓ!’

ᒨᓯᓯ ᐱᖓᔪᖏᑦ 16:32

ᑐᓂᕐᕈᓯᕐᑎᑦᓯᔨ ᒥᖑᐊᕐᑕᐅᓂᒃᑯᑦ ᐅᕐᓱᒧᑦ ᑐᓂᕐᕈᓯᕐᑎᑦᓯᔨᓐᖑᕐᓯᒪᔪᖅ ᐊᑖᑕᒥᓂᒃ ᑭᖑᕝᕖᓯᒪᔪᖅ, ᑐᓂᕐᕈᓯᕐᑎᑦᓯᔨᕐᔪᐊᓐᖑᕐᑎᑕᐅᓯᒪᔪᖅ ᐃᓱᒪᒋᔪᓐᓁᕐᕕᐅᓂᕐᒥᒃ ᑲᒪᔭᕆᐊᖃᕐᐳᖅ. ᖃᓪᓗᓈᕐᑍᓪᓗ ᐊᓐᓄᕌᓂ ᐃᑦᔪᕐᓁᑦᑐᑦ ᐊᑎᔭᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᐱᖓᔪᖏᑦ 8:12

ᐂᕉᓂᓗ ᓂᐊᖁᐊᒍᑦ ᑯᕕᓯᕕᒋᕚ ᓇᐹᕐᑑᑉ ᐅᕐᓱᖓᓂᒃ ᑎᓕᔭᐅᓂᖓ ᐊᑕᓂᕐᒧᑦ ᓇᓗᓁᕐᓗᒍ.

ᒨᓯᓯ ᓯᑕᒪᖏᑦ 35:25

ᐃᓅᖃᑎᒌᒡᔪᐊᑦ ᓴᐳᑎᔭᕆᐊᖃᕐᐹᑦ ᐃᓄᐊᕐᑐᖅ ᐊᐅᖕᒥᒃ ᐊᑭᓂᐊᕈᒪᔪᒥᑦ, ᐃᓅᖃᑎᒌᒡᔪᐊᑦ ᐅᑎᕐᑎᑦᓴᕆᐊᖃᕐᐹᑦ ᐃᒡᓗᒐᓴᒡᔪᐊᓄᑦ ᕿᒫᕕᒃᓴᓄᑦ ᕿᒫᕕᒋᓯᒪᔭᖓᓄᑦ, ᑕᕝᕙᓂᓗ ᐃᓂᖃᓕᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐅᕐᓱᒧᑦ ᐃᑦᔪᕐᓁᑦᑐᒧᑦ ᒥᖑᐊᕐᑕᐅᓯᒪᔪᖅ ᑐᖁᓚᐅᖏᓐᓂᖓᓂ.

ᒨᓯᓯ ᓯᑕᒪᖏᑦ 6:7

ᑖᓐᓇ ᐃᒻᒥᓂᒃ ᓴᓗᒤᓕᑎᑦᓴᕆᐊᖃᓐᖏᓚᖅ ᓇᖕᒥᓂᖅ ᐊᑖᑕᖓ ᐊᓈᓇᖓᓘᓐᓃᑦ ᖃᑕᓐᖑᑎᖓᓘᓐᓃᑦ ᐊᖑᑦ ᐊᕐᓇᕐᓘᓐᓃᑦ ᓇᓪᓕᐊᑦ ᑐᖁᒐᓗᐊᕐᐸᑦ, ᑖᑦᓱᒪ ᐃᒻᒥᓂᒃ ᒎᑎᒥᑦ ᓴᓂᕐᕙᒃᑎᓯᒪᓂᖓ ᓂᐊᖁᖓᓃᒻᒪᑦ.

ᒫᑎᐅᓯᐅᑉ ᐊᒡᓚᖏᑦ 26:65

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓ ᑕᒪᑐᒥᖓ ᑐᓴᕋᒥ ᐊᓐᓄᕌᓂ ᐊᓕᒃᐰᑦ ᐅᖃᕐᓗᓂ, “ᒎᑎᒥᒃ ᐅᖃᕐᓂᕐᓘᑎᖃᕐᐳᖅ! ᖃᐅᔨᓯᒪᔪᒥᒃ ᑐᓴᒃᑲᓐᓂᕆᐊᖃᕈᓐᓃᕐᐳᒍᑦ, ᑕᕝᕙ ᑐᓵᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ.