ᒨᓯᓯ ᐱᖓᔪᖏᑦ 20:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”

ᒨᓯᓯ ᐱᖓᔪᖏᑦ 20:27 Iomraidhean Croise

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᒨᓯᓯ ᐂᑉᐸᖏᑦ 22:18

“ᐊᖓᒃᑰᓇᓱᐊᕐᑐᓂᒃ ᐊᕐᓇᓂᒃ ᐃᓅᑎᑦᓯᔪᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 19:31

“ᐊᖓᒃᑰᓇᓱᐊᕐᑐᓂᒃ ᑕᑎᖃᕐᓂᐊᕋᓯ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᑦ ᑕᑎᒋᓂᐊᕐᓇᒋᑦ, ᑍᒤᓕᐅᕈᑦᓯ ᑖᒃᑯᓄᖓ ᐃᑦᔪᕐᓇᕐᑎᑕᐅᓂᐊᕋᑦᓯ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 20:6

“ᓇᓪᓕᐊᓐᓂᒃ ᑕᑎᖃᕐᑐᖃᕐᐸᑦ ᑐᖁᖓᔪᓂᒃ ᐅᖃᖃᑎᖃᕐᐸᒃᑐᓂᒃ ᓇᓗᓇᕐᑐᓂᒡᓗ ᖃᐅᔨᒪᓇᓱᐊᕐᑎᒥᒃ ᑕᒪᒃᑯᓄᖓᓗ ᐊᓯᓐᓂᐊᕐᑎᑕᐅᓕᕐᐸᑕ, ᑍᒤᓕᐅᕐᑐᖅ ᐊᓚᕐᓂᐊᕐᐸᕋ ᐃᓄᖁᑎᒋᔪᓐᓃᕐᓗᒍᓗ.

ᒨᓯᓯ ᐱᖓᔪᖏᑦ 24:14

“ᐅᖃᕐᓂᕐᓗᒃᓯᒪᔪᖅ ᓄᓇᓖᑦ ᓯᓚᑖᓄᐊᓯᐅᒃ. ᑐᓵᓚᐅᕐᑐᓕᒫᑦ ᓱᐊᒃᑎᓪᓗᒍ ᐅᖃᕐᓂᕐᓗᒃᑎᓪᓗᒍᓗ ᒎᑎᒥᒃ, ᓂᐊᖁᐊᒍᑦ ᐸᑎᒻᒥᔭᒃᓴᕆᕙᑦ ᐸᓯᔭᒃᓴᐅᓂᖓ ᓇᓗᓁᕐᓗᒍ, ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.”

ᒨᓯᓯ ᓯᑕᒪᖏᑦ 15:35

ᐊᑕᓂᐅᓪᓕ ᒨᓯᓯ ᐅᖃᐅᑎᕚ, “ᐊᖑᑦ ᑖᓐᓇ ᑐᖁᑕᐅᔭᕆᐊᖃᓪᓚᕆᒃᐳᖅ; ᐃᓅᖃᑎᒌᒡᔪᐊᑦ ᑕᖕᒫᕐᓯᒪᕕᐅᑉ ᓯᓚᑖᓂ ᐅᔭᕋᖕᓄᑦ ᒥᓪᓗᕐᑕᒃᓴᕆᕚᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:16

ᑐᒃᓯᐊᕆᐊᕐᕕᐅᕙᒃᑐᒧᑦ ᐂᓕᕐᑎᓪᓗᑕ, ᑲᑎᓯᕗᒍᑦ ᐊᕐᓇᒥᒃ ᓂᐅᕕᐊᖑᓯᒪᓪᓗᓂ ᐱᔨᐅᔪᒥᒃ, ᑖᓐᓇ ᓵᑖᓇᓯᐅᑉ ᐊᓂᕐᓂᖓᓄᑦ ᓇᓚᐅᑦᑍᔪᓐᓇᕐᑎᑕᐅᔪᖅ ᓯᕗᓂᒃᓴᒥᒃ, ᐊᖓᔪᖅᑳᒥᓂᒃ ᑮᓇᐅᔭᓕᐅᕐᑎᑦᓯᓪᓚᕆᒃᑐᖅ ᓇᓚᐅᑦᑍᖃᑦᑕᕐᓂᕐᒥᓄᑦ.

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᓴᒧᐃᓕ ᓯᕗᓪᓖᑦ 28:3

ᑍᑦᓱᒪᓂ ᓴᒧᐃᓕ ᑐᖁᖓᓕᓚᐅᕐᒪᑦ, ᐃᓴᕆᐊᓕᒥᐅᓕᒫᓪᓗ ᕿᒃᓵᐅᑎᒋᓚᐅᕐᐹᑦ ᐃᓗᕕᓚᐅᕐᐹᓪᓗ ᓄᓇᖓᓂ ᕌᒪᒥ. ᓴᐅᓕᐅᓪᓗ ᓯᕗᓂᕐᒥᒃ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ ᐊᐅᓪᓚᕐᑎᓚᐅᕐᓯᒪᕔᑦ ᐃᓴᕆᐊᓕᒥᑦ.