ᒨᓯᓯ ᐱᖓᔪᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᑦᓱᒪᓕ ᑐᓂᕐᕈᑎᐅᑉ ᐊᒥᐊᒃᑯᖓ ᐂᕉᓂᐅᑉ ᐃᕐᓂᖏᑕᓗ ᐱᑖᕆᓂᐊᕐᐹᑦ, ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑐᓂᕐᕈᑎ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᖅ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 2:3 Iomraidhean Croise

ᐄᓱᕋᐅᑉ ᐊᒡᓚᖏᑦ 2:63

ᔫᑎᑦ ᐊᐅᓚᑦᓯᔨᖓᑕ ᐅᖃᐅᑎᓚᐅᕐᐰᑦ ᓂᕆᖁᓇᒋᑦ ᓂᕿᓂᒃ ᑐᓂᕐᕈᑕᐅᓯᒪᔪᓂᒃ ᒎᑎᒧᑦ ᐃᑦᔪᕐᓁᑦᑑᓂᕋᕐᑕᐅᔪᓂᒃ ᑐᓂᕐᕈᓯᕐᑎᑦᓯᔨᒥᒃ ᓇᓚᐅᑦᓵᕈᑎᓄ ᔪᕆᒻᒧᑦ ᑐᒥᒥᒧᓪᓗ ᐱᓇᓱᐊᕈᓐᓇᕐᑐᒥᒃ ᐱᑕᖃᓚᐅᕐᑎᓐᓇᒍ.

ᒨᓯᓯ ᐂᑉᐸᖏᑦ 29:37

ᑍᒤᓕᐅᕐᑐᒃᓴᐅᕗᑎᑦ ᖃᐅᑕᒫᑦ ᐅᓪᓗᓂᒃ 7ᓂᒃ, ᑕᕝᕙ ᑕᒪᑐᒪ ᑭᖑᕐᖓᒍᑦ ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᒻᒪᕆᖕᓂᐊᕐᐳᖅ, ᓱᓇᑐᐃᓐᓇᕐᓗ ᑐᓂᕐᕈᓯᕐᕕᖕᒧᑦ ᐊᒃᑑᑎᔪᖅ ᑕᕝᕙ ᐃᑦᔪᕐᓁᓕᕐᓂᐊᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 44:29

ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᑐᒃᓴᐅᕗᑦ ᓂᐊᖂᔭᒃᓴᓂᒃ, ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᕕᓂᕐᓂᒃ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓂᕐᓂᒃ; ᐱᑖᖃᑦᑕᕐᑐᒃᓴᐅᕗᓪᓗ ᐃᓴᕆᐊᓕᒥᐅᓄᑦ ᐅᕙᓐᓄᑦ ᑐᓂᕐᕈᑕᐅᓯᒪᔪᓕᒫᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:20

ᐅᖃᐅᑎᕚᖓᓗ, “ᐅᕙᓂ ᑐᓂᕐᕈᓯᕐᑎᑦᓯᔩᑦ ᐆᑦᓯᔪᒃᓴᐅᕗᑦ ᓂᕿᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑕᐅᔪᕕᓂᕐᓂᒃ ᐊᔪᕐᓂᕐᒧᓪᓗ ᑐᓂᕐᕈᑕᐅᔪᕕᓂᕐᓂᒃ, ᑕᕝᕙᓂᓗ ᓂᐊᖂᔭᒃᓴᓂᒃ ᑐᓂᕐᕈᑕᐅᔪᕕᓂᕐᓂᒃ ᐆᑦᓯᓗᑎᒃ, ᐃᑦᔪᕐᓁᑎᑕᐅᓯᒪᔪᑦ ᐊᓐᓂᑦᔭᐅᖁᓇᒋᑦ ᑐᕐᓲᖑᔭᕐᒧᑦ ᓯᓚᕙᓯᖕᓂᕐᓴᒧᑦ ᐃᓄᐃᑦ ᖃᓄᐃᓐᓇᕐᑐᒧᐊᕐᑎᑕᐅᖁᓇᒋᑦ.”

ᒨᓯᓯ ᐱᖓᔪᖏᑦ 10:15

ᒥᒥᖅ ᑐᓂᕐᕈᑕᐅᓯᒪᔪᖅ ᓴᑭᐊᒡᓗ ᐊᐅᓪᓚᕐᑎᑕᐅᓗᓂ ᑐᓂᕐᕈᑕᐅᓯᒪᔪᖅ ᐃᓚᖃᕐᓗᓂ ᑐᓐᓄᕐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᓂᒃ, ᐊᐅᓪᓚᕐᑎᑕᐅᓗᑎᒃ ᑐᓂᕐᕈᑎᒃᓮᑦ ᐊᑕᓂᕐᒧᑦ. ᑖᒃᑯᐊ ᑕᕝᕙ ᐃᕝᕕᑦ ᐱᑖᕆᔭᕆᐊᖃᕐᑕᑎᑦ ᕿᑐᕐᖓᕐᓄᓪᓗ, ᐊᑕᓂᖅ ᑍᒫᒃ ᐱᖁᔨᓚᐅᕐᒪᑦ.”

ᒨᓯᓯ ᐱᖓᔪᖏᑦ 14:13

ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ.

ᒨᓯᓯ ᐱᖓᔪᖏᑦ 2:10

ᑐᓂᕐᕈᑎᐅᑉ ᐊᒥᐊᒃᑯᖓ ᓂᐊᖂᔭᖅ ᐂᕉᓂᐅᑉ ᐃᕐᓂᖏᑕᓗ ᐱᒋᕚᑦ; ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑖᑦᓱᒪᓂ ᑐᓂᕐᕈᑎᒥ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 21:22

ᑍᒤᑦᑐᑦ ᓂᕆᔪᓐᓇᕐᐳᑦ ᑐᓂᕐᕈᑎᕕᓂᕐᓂᒃ ᒎᑎᒧᑦ, ᐃᑦᔪᕐᓁᑦᑐᓂᒃ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ, ᐊᒻᒪᓗ ᐃᑦᔪᕐᓁᓐᓂᕐᓴᓂᒃ ᓂᕿᒃᓴᓂᒃ;

ᒨᓯᓯ ᐱᖓᔪᖏᑦ 5:13

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᑎᑉᐹ ᐊᔪᕐᓃᑦ ᓇᓪᓕᐊᑐᐃᓐᓁᑦ ᐱᓪᓗᒋᑦ ᐊᔪᕐᑐᓕᓂᕆᔭᖏᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. ᐊᒥᐊᒃᑯᖏᓪᓕ ᑐᓂᕐᕈᓯᕐᑎᑦᓯᔨᐅᑉ ᐱᒋᕚ, ᓂᐊᖂᔭᖅ ᑐᓂᕐᕈᑕᐅᑎᓪᓗᒍ.”

ᒨᓯᓯ ᐱᖓᔪᖏᑦ 6:26

ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᐱᖓᔪᖏᑦ 6:9

“ᐂᕉᓂ ᐃᕐᓂᖏᓪᓗ ᐃᒫᒃ ᐱᖁᒃᑭᑦ: ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ: ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᓂᕐᕈᓯᕐᕕᐅᑉ ᖄᖓᓃᑦᓴᕆᐊᖃᕐᐳᑦ ᐅᓐᓄᐊᖅ ᓈᓗᒍ ᐅᓪᓛᖅ ᑎᑭᓪᓗᒍ, ᑐᓂᕐᕈᓯᕐᕕᒡᓕ ᐃᑯᒪᕾᓐᓇᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 7:7

ᐱᖁᔭᖅ ᑕᒪᓐᓇ ᑐᕌᕐᐳᖅ ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓂᕐᒧᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᓯᕐᓂᕐᒧᑦ: ᑐᓂᕐᕈᑎᕕᓃᑦ ᑐᓂᕐᕈᓯᕐᑎᑦᓯᔨᐅᑉ ᐱᒋᕔᑦ ᑐᓂᕐᕈᓯᕈᑦᔨᔨᐅᑉ ᐃᓄᖕᓂᒃ.

ᒨᓯᓯ ᐱᖓᔪᖏᑦ 7:9

ᓂᐊᖂᔭᒃᓮᑦ ᑐᓂᕐᕈᑕᐅᔪᑦ ᐃᒐᒧᑦ ᐆᓯᒪᔪᑦ, ᐃᒐᐅᑉ ᖄᖓᓂᓘᓐᓃᑦ ᐆᓯᒪᔪᑦ ᓵᑦᑑᔭᐅᑎᒥᓘᓐᓃᑦ ᐆᓯᒪᔪᑦ ᑐᓂᕐᕈᓯᕐᑎᑦᓯᔨᐅᑉ ᑖᑦᓱᒪ ᑐᓂᕐᕈᑎᒃᓴᓕᐅᕐᑑᑉ ᑖᒃᑯᐊ ᐱᒋᕔᑦ.

ᒨᓯᓯ ᓯᑕᒪᖏᑦ 18:9

ᑕᒪᓐᓇ ᐃᓕᑦᓯ ᐱᒋᓂᐊᕐᑕᓯ ᐃᑦᔪᕐᓁᓐᓂᕐᐹᓂᒃ ᐃᑯᒪᒧᑦ ᑐᓂᕐᕈᑕᐅᖏᑦᑐᓂᒃ ᑲᒪᔨᐅᓂᖅ: ᑍᒃᑯᐊᓕᒫᑦ ᑐᓂᕐᕈᑎᖏᓐᓂᒃ, ᓂᐊᖂᔭᒃᓴᓂᒡᓗ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑕᐅᔪᓂᒃ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑕᐅᔪᓂᒃ ᐅᕙᓐᓄᑦ ᑐᓂᔭᖏᓐᓂᒃ. ᑖᒃᑯᐊ ᐃᑦᔪᕐᓁᓐᓂᕐᐹᖑᓂᐊᕐᐳᑦ ᐃᓕᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 2:28

ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ.