ᒨᓯᓯ ᐱᖓᔪᖏᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐂᕉᓂᐅᑉ ᐃᕐᓂᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᒃᓴᕆᕚ. ᑐᓂᕐᕈᓯᕐᑎᑦᓯᔨᐅᑉ ᓂᐊᖂᔭᒃᓴᒥᒃ ᐅᕐᓱᓕᕐᓯᒪᔪᒥᒃ ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓚᓕᖕᒥᒃ ᐊᒡᒐᒥᓄᑦ ᑎᒍᓯᔪᒃᓴᐅᕗᖅ ᐃᑯᒪᔪᒧᓪᓗ ᐃᓕᓗᒍ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᔭᐅᖕᒪᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 2:2 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:14

ᒎᑎᒐ ᐃᖅᑲᐅᒪᓐᖓ, ᑕᒪᒃᑯᐊ ᐱᑦᔪᑎᒋᓗᒋᑦ, ᐱᓇᓱᐊᑦᓯᐊᕐᓂᕆᓚᐅᕐᑕᒃᑲᓗ ᒎᑎᒪ ᐃᒡᓗᖓᓄᑦ ᐳᐃᒍᕐᑍᓕᒃᑭᑦ ᑖᑦᓱᒪᓗ ᐱᓇᓱᐊᕐᑕᐅᖁᓯᒪᔭᖏᓐᓂᒃ ᐱᓇᓱᐊᕐᓯᒪᔭᒃᑲ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᒨᓯᓯ ᐂᑉᐸᖏᑦ 30:16

ᑕᒪᒃᑯᐊ ᑐᓂᕐᕈᑎᐅᔪᑦ ᑮᓇᐅᔭᑦ ᐃᓅᓯᑎᒃ ᐱᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓂᑦ ᑲᑎᕐᓱᕐᑕᒃᓴᕆᕙᑎᑦ ᐊᑭᓕᐅᑎᒋᓗᒋᓪᓗ ᑐᐱᐅᑉ ᓇᔪᒐᕐᒪ ᐱᓇᓱᐊᕐᑕᐅᑦᔪᑎᒃᓴᖓᓄᑦ; ᑕᒪᓐᓇᓗ ᑖᒃᓰᔭᕈᑎᐅᔪᖅ ᐃᓅᓯᖏᓐᓄᑦ ᐊᑭᓕᐅᑎᒃᓴᐅᓂᐊᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖏᓐᓂᒡᓗ ᓴᐳᑦᔨᓯᒪᑦᔪᑎᒃᓴᓐᓄᑦ ᐃᖅᑲᐅᒪᑦᔪᑎᒃᓴᕆᓂᐊᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 2:16

ᑐᓂᕐᕈᓯᕐᑎᑦᓯᔨ ᐃᑯᐊᓚᑎᑦᓯᔪᒃᓴᐅᕗᖅ ᑐᓂᕐᕈᑕᐅᓯᒪᔪᑦ ᐃᓚᖓᓐᓂᒃ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᑖᒃᑯᐊ ᑐᓂᕐᕈᑕᐅᓯᒪᓂᖏᓐᓂᒃ, ᓯᖁᒥᓯᒪᔪᓂᒃ ᓂᐊᖂᔭᒃᓮᑦ ᓂᐊᖁᖏᓐᓂᒃ, ᐅᕐᓱᒥᒃ ᐃᓚᓯᒪᔪᓂᒃ, ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓐᓴᓐᓯᒥᒃ ᐃᓚᓯᒪᔪᓂᒃ, ᓇᓗᓁᒃᑯᑕᐅᖁᓪᓗᒋᑦ ᑖᒃᑯᐊ ᑐᓂᕐᕈᑕᐅᓯᒪᖕᒪᑕ ᐃᑯᒪᒃᑯᑦ ᐊᑕᓂᕐᒧᑦ.’”

ᒨᓯᓯ ᐱᖓᔪᖏᑦ 2:9

ᑐᓂᕐᕈᑕᐅᓂᖏᑕ ᓇᓗᓁᒃᑯᑕᖓᓂᒃ ᐃᖅᑲᐅᒪᑦᔪᑎᒃᓴᒥᒃ ᐲᕐᓯᔭᕆᐊᖃᕐᐳᖅ ᓂᐊᖂᔭᒥᒃ ᐃᑯᐊᓪᓚᒡᓗᒍᓗ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᓂᐅᓗᓂ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 24:7

ᓂᐊᖂᔭᑦ ᑖᒃᑯᐊ ᑐᑭᓕᕇᑦ ᐃᓕᓯᕝᕕᒋᔭᕆᐊᖃᕐᐸᓯ ᐃᓯᕐᓗᐊᕐᓂᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᓇᓗᓁᒃᑯᑕᐅᖁᓪᓗᒍ ᐃᖅᑲᐅᒪᑦᔪᑎᒃᓴᒥᒃ ᑖᒃᑯᐊ ᐃᑯᐊᓪᓔᓂᒃᑯᑦ ᑐᓂᕐᕈᑕᐅᓯᒪᓂᖏᓐᓂᒃ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 5:11

“ᑑᕖᖕᓂᒡᓕ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᓯᕆᐊᒃᓴᖅ ᐊᔪᕐᐸᑦ ᐊᑕᓂᕐᒧᑦ ᑕᕝᕙ ᕾᑦᓯᔭᕆᐊᖃᕐᐳᖅ ᓂᐊᖂᔭᒃᓴᒥᒃ 2ᐸᐅᓐᒥᒃ ᐅᖁᒤᓐᓂᓕᖕᒥᒃ ᓯᖃᓕᑦᓯᐊᕐᓯᒪᔪᒥᒃ ᐊᔪᕐᓂᓂ ᐱᓪᓗᒍ. ᓂᐊᖂᔭᖅ ᐅᕐᓯᕆᐊᖃᓐᖏᓚᖅ ᑎᐱᑦᓯᐊᕆᒃᑐᒥᒡᓘᓐᓃᑦ ᐃᓐᓴᓐᓯᒥᒃ ᐃᓚᔭᕆᐊᖃᓐᖏᓚᖅ, ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 5:12

ᑐᓂᕐᕈᓯᕐᑎᑦᓯᔨᒧᓪᓕ ᑐᓂᔭᒃᓴᕆᕚ, ᑖᓐᓇᓗ ᑕᕝᕙᓐᖓᑦ ᑎᒍᓯᓗᓂ ᑐᓂᕐᕈᑕᐅᓂᖓᓂᒃ ᓇᓗᓁᒃᑯᑦᓯᕋᒃᓴᕆᕚ ᐃᖅᑲᐅᒪᑦᔪᑎᒃᓴᒥᒃ, ᑎᒍᔭᓂ ᐃᑯᐊᓚᑦᓯᕕᖕᒧᑦ ᐃᒋᓪᓗᒍ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ ᐃᑯᐊᓚᔪᑦ ᖄᖏᓐᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 6:15

ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 5:18

ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐊᕐᓇᖅ ᐊᑕᓂᐅᑉ ᓵᖓᓂ ᓂᑯᕕᑎᓪᓗᒍ, ᓂᐊᖁᖓᓗ ᐅᓖᕐᓗᒍ ᐃᖅᑲᐅᒪᓂᕐᒧᓪᓗ ᑐᓂᕐᕈᑎ ᑖᑦᓱᒧᖓ ᑐᓂᓗᒍ, ᓂᐊᖂᔭᒃᓴᖅ ᓯᖕᓇᓂᖅ ᐱᓪᓗᒍ ᑐᓂᕐᕈᑎ ᑐᓂᕐᕈᓯᕐᑎᑦᓯᔨ ᐃᒥᕐᒥᒃ ᑎᒍᒥᐊᕆᐊᖃᕐᐳᖅ ᒪᒤᓕᑎᓯᒪᔪᒥᒃ ᐃᑦᔪᕐᓇᕐᑎᑦᓯᔪᒥᒃ.

ᒨᓯᓯ ᓯᑕᒪᖏᑦ 5:26

ᑐᓂᕐᕈᓯᕐᑎᑦᓯᔨ ᑐᓂᕐᕈᑎᒥᑦ ᐊᒡᒐᖕᒥᓄᑦ ᑎᒍᓯᓗᓂ, ᐊᔪᕐᓂᕐᒥᒃ ᐃᖅᑲᐅᒪᑦᔪᑎᒥᒃ, ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᖕᒥ, ᑭᖑᓂᖓᒍᑦ ᐊᕐᓇᖅ ᐃᒥᕐᒥᒃ ᐃᒥᕐᑎᓕᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.