ᒨᓯᓯ ᐱᖓᔪᖏᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓂᐊᖂᔭᑦ ᑐᓂᕐᕈᑎᑎᑦ ᒪᒪᕐᓯᑎᑦᓴᕆᐊᖃᕐᐸᑎᑦ ᑕᕆᐅᕐᒧᑦ, ᑕᕆᐅᖃᖏᑦᑐᓕᐅᕐᓂᐊᕐᓇᒃ ᒎᑎᕕᑦ ᐊᖏᖃᑎᒌᒍᑎᖓᓂ ᑐᓂᕐᕈᑎᒃᓴᕐᓂᑦ ᓂᐊᖂᔭᒃᓴᒥᑦ; ᑐᓂᕐᕈᑎᓕᒫᑎᑦ ᑕᕆᐅᓕᕆᐊᖃᕐᐸᑎᑦ.

ᒨᓯᓯ ᐱᖓᔪᖏᑦ 2:13 Iomraidhean Croise

ᑯᕉᓂᑲ ᐂᑉᐸᖏᑦ 13:5

ᖃᐅᔨᒪᓐᖏᓚᓰ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᓴᕆᐊᓕᒥᐅᑦ ᐊᐅᓚᑕᐅᓂᖓ ᑍᕕᑎᒧᑦ ᑐᓂᓚᐅᕐᒪᒍ ᐃᓱᖃᖏᑦᑐᒧᑦ ᐃᓕᖓᖁᓪᓗᒍ, ᑖᑦᓱᒧᖓ ᐃᕐᓂᖏᓐᓄᓪᓗ ᑐᓂᓚᐅᕐᒪᒍ, ᐊᖏᖃᑎᒌᖕᓂᒃᑯᑦ ᑕᕆᐅᒃᑯᑦ?

ᐄᓱᕋᐅᑉ ᐊᒡᓚᖏᑦ 7:22

7,500ᓂᒃ ᐅᖁᒤᓐᓂᓕᖕᓂᒃ ᓯᐅᓪᕕᕆᓂᒃ, 500ᓂᒃ ᖃᑦᑕᓂᒃ ᓂᐊᖂᔭᒃᓴᓂᒃ, 550ᓂᒃ ᖃᓪᓗᑎᓂᒃ ᕔᓂᓂᒃ, 550ᓂᒃ ᖃᓪᓗᑎᓂᒃ ᓇᐹᕐᑑᑉ ᐅᕐᓱᖓᓂᒃ, ᑕᕆᐅᕐᒥᒡᓗ ᐱᔪᒪᔭᓕᒫᒥᓂᒃ ᐃᓱᓕᕝᕕᖃᖏᓪᓗᒍ.

ᒨᓯᓯ ᐂᑉᐸᖏᑦ 30:35

ᑕᒪᒃᑯᐊ ᐊᑐᕐᓗᒋᑦ ᐃᓯᕐᓗᐊᕐᓂᒍᑎᒃᓴᓕᐅᕐᑐᒃᓴᐅᕗᑎᑦ, ᑲᑎᓯᒪᓗᒋᑦ ᑎᐱᑦᓯᐊᕆᒃᓴᐅᑎᑎᑐᑦ. ᑕᕆᐅᓕᕐᓗᒋᓪᓗ ᓴᓗᒪᑦᓯᐊᖏᓐᓇᖁᓪᓗᒋᑦ ᐃᑦᔪᕐᓁᖁᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 43:24

ᑖᒃᑯᐊᒃ ᐊᑕᓂᕐᒧᑦ ᑐᓂᕐᕈᑎᒋᔭᒃᓴᕆᕚᒃᑭᒃ, ᑐᓂᕐᕈᓯᕐᑎᑦᓯᔨᓄᓪᓗ ᑕᕆᐅᓕᕐᑕᐅᔪᒃᓴᐅᕘᒃ ᑐᓂᕐᕈᑕᐅᓗᑎᒡᓗ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 18:19

“ᑭᕕᒡᓗᒋᓪᓗ ᑐᓂᕐᕈᑏᑦ ᐃᑦᔪᕐᓁᑎᑕᐅᔪᓕᒫᑦ, ᐃᓴᕆᐊᓕᒥᐅᑦ ᐊᑕᓂᕐᒧᑦ ᑐᓂᕐᕈᑎᖏᑦ, ᐃᓕᖕᓄᑦ ᐃᕐᓂᕐᓄᓪᓗ ᐸᓂᖕᓄᓪᓗ ᑐᓂᕙᒃᑲ ᒪᓕᒐᐅᖁᓪᓗᒋᑦ ᑍᒪᓐᖓᓕᒫᖅ; ᐊᑕᓂᕐᒧᑦ ᐃᓕᖕᓄᓪᓗ ᑭᖑᕚᕐᓄᓪᓗ ᐊᖏᖃᑎᒌᒍᑕᐅᕗᖅ ᑕᕆᐅᖑᓪᓗᓂ ᐃᓱᖃᖏᑦᑐᒧᑦ.”

ᒫᑎᐅᓯᐅᑉ ᐊᒡᓚᖏᑦ 5:13

“ᓄᓇᕐᔪᐊᑉ ᑕᕆᐅᕆᕚᓯ; ᑕᕆᐅᖅ ᑕᕆᐅᖑᔪᓐᓃᕐᐸᑦ ᖃᓄᖅ ᑕᕆᐅᓐᖑᒃᑲᓐᓂᕐᑎᑕᐅᔪᓐᓇᕐᐸ? ᓱᓇᒧᑦ ᐊᑑᑎᒃᓴᖃᕈᓐᓃᕐᐳᖅ, ᒪᓂᖅᑲᒧᑦ ᓈᕕᑕᐅᓗᓂ ᐃᓄᖕᓄᑦ ᑐᓪᓕᕋᒐᒃᓴᐅᓕᕐᐳᖅ.

ᑯᓘᓯᐊᒥᐅᓄᑦ 4:6

ᐅᖃᐅᓯᕆᔭᓯ ᐱᔪᓐᓇᕐᑎᑦᓯᓂᕐᒥᒃ ᐃᓗᓕᖃᕐᑐᒃᓴᐅᕗᑦ ᑐᓴᕈᒥᓇᕐᓗᑎᒡᓗ ᑕᕆᐅᓕᕐᓯᒪᔪᑎᑐᑦ, ᑕᒤᓐᓄᑦ ᑭᐅᑦᔪᑎᒃᓴᖃᑦᓯᐊᖁᓪᓗᓯ.