ᒨᓯᓯ ᐱᖓᔪᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᕐᒧᑦ ᑐᓂᕐᕈᑎᓄᑦ ᐃᓚᐅᔪᓐᓇᕋᓗᐊᕐᐳᑦ ᑐᓂᕐᕈᓯᕈᕕᑦ ᐱᕈᕐᑎᑕᕕᑦ ᓯᕗᓪᓖᕐᐹᖏᓐᓄᑦ ᐃᓚᓕᐅᑎᓗᒋᑦ, ᑭᓯᐊᓂ ᑐᓂᕐᕈᑎᓄᑦ ᐃᑯᐊᓚᑎᑕᒃᓴᓄᑦ ᑐᓂᕐᕈᑎᒃᓴᐅᓐᖏᓚᑦ ᑐᓂᕐᕈᓯᕐᕕᖕᒥ, ᖁᕕᐊᒋᔭᐅᓗᑎᒃ ᑎᐱᑦᓯᐊᕆᒃᑑᖏᒻᒪᑕ.

ᒨᓯᓯ ᐱᖓᔪᖏᑦ 2:12 Iomraidhean Croise

ᒨᓯᓯ ᓯᕗᓪᓖᑦ 23:17

ᑍᒫᒃ ᑕᕝᕙ ᐃᐸᕋᓂᐅᑉ ᓄᓇᖁᑎᒋᓚᐅᕐᑕᖓ ᒪᒃ-ᐲᓚᒥᒃ ᐊᑎᓕᒃ ᒪᒻᕆᐅᑉ ᑕᓕᕐᐱᐊᓃᑦᑐᖅ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ, ᐱᕈᕐᓰᕕᒃ ᕾᕈᓱᒡᓗ ᑕᕝᕙᓃᑦᑐᖅ ᐱᖃᓯᐅᑎᒋᓪᓗᒍ, ᓇᐹᕐᑐᐃᓪᓗ ᑕᒪᕐᒥᒃ ᐱᕈᕐᓰᕕᖕᒦᑦᑐᑦ, ᖃᓂᒋᔭᓕᒫᖓᓗ ᑐᓂᔭᐅᕗᖅ.

ᑯᕉᓂᑲ ᐂᑉᐸᖏᑦ 31:5

ᐱᖁᔭᕐᓗ ᑕᒪᓐᓇ ᑐᓂᔭᐅᖕᒪᑦ, ᐃᓴᕆᐊᓕᒥᐅᑦ ᑐᓂᓯᕗᑦ ᐅᓄᕐᑐᕐᔪᐊᓂᒃ ᓂᐊᖂᔭᒃᓴᓂᒃ ᐱᕈᕆᐊᕐᖓᕐᑐᕕᓂᕐᓂᒃ, ᕔᓂᓂᒡᓗ, ᐅᕐᓱᓂᒃ, ᐃᒍᑦᓴᐅᔮᕐᑐᓪᓗ ᓰᕐᓇᐅᑎᖏᓐᓂᒃ, ᐱᕈᕐᓰᕕᖕᓂᓗ ᐱᕈᕐᑐᕕᓂᓕᒫᓂᒃ; ᑐᓂᓯᕗᓪᓗ ᐅᓄᕐᑐᕐᔪᐊᓂᒃ ᑕᓪᓕᒪᐅᔪᐃᕈᑎᒥᖕᓂᒃ.

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 34:22

“ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᓂᐊᖂᔭᒃᓴᓂᒃ ᐱᕈᕐᓰᕕᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑎᑕᕕᓂᑦᓯᓐᓂᒃ ᑲᑎᕐᓱᐃᕕᒃᓯ ᓇᓪᓕᐅᓐᓂᖓ ᓇᓪᓕᐅᑎᓯᒪᑎᓪᓗᒍ, ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᕕᒃ ᑐᐱᑐᐃᓐᓇᖃᕐᑎᓪᓗᓯ ᐱᕈᕐᑐᓂᒃ ᑲᑎᕐᓱᐃᕕᓯ ᓇᓪᓕᐅᑎᕕᖓᓂ.

ᒨᓯᓯ ᐱᖓᔪᖏᑦ 23:10

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ‘ᓄᓇᒧᑦ ᐃᓕᑦᓯᓐᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓯᒪᓕᕈᑦᓯ ᐱᕈᕐᓯᐊᓂᒡᓗ ᓂᕿᒃᓴᓂᒃ ᑲᑎᕐᓱᐃᓕᕌᖓᑦᓯ, ᑲᑎᕐᓱᕐᑕᓯ ᕿᓚᒃᓯᒪᔪᐃᑦ ᓯᕗᓪᓕᕐᐹᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᐱᖓᔪᖏᑦ 23:17

ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᒪᕐᕉᖕᓂᒃ ᓂᐊᖂᔭᖕᓂᒃ ᐆᓯᒪᔫᖕᓂᒃ ᑐᓂᕐᕈᓯᕆᐊᖃᕐᐳᓯ ᐊᑕᓂᕐᒧᑦ ᑐᓂᕐᕈᓯᕐᓂᐅᑉ ᓴᓂᐊᒍᑦ. ᐆᓯᒪᔫᒃ ᑖᒃᑯᐊᒃ ᓴᓇᓯᒪᔭᕆᐊᖃᕐᐴᒃ ᓂᐊᖂᔭᒥᑦ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐳᕙᓪᓚᕐᓴᐅᑎᖃᕐᓗᓂᓗ ᑐᓂᕐᕈᑎᒋᔭᐅᔭᕆᐊᖃᕐᐴᒃ ᐱᕈᕐᑐᑦ ᓂᕿᒃᓮᑦ ᓯᕘᓪᓕᕐᐹᑦ ᑐᓂᕐᕈᑕᐅᓂᖏᓐᓂ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 7:13

ᐃᓚᒋᔭᐅᑦᓯᐊᕈᒪᓂᕐᒧᑦ ᖁᔭᓕᓂᖃᕐᓗᓂ ᑐᓂᕐᕈᓯᕐᑐᖃᕐᐸᑦ ᑐᓂᕐᕈᓯᒃᑲᓐᓂᕐᑐᒃᓴᐅᕗᖅ ᐆᓯᒪᔪᓂᒃ ᐳᕙᓪᓚᕐᓴᐅᑎᖃᕐᑐᓂᒃ.

ᒨᓯᓯ ᓯᑕᒪᖏᑦ 15:20

ᓂᐊᖂᔭᒥᒃ ᐆᓯᒪᔪᒥᒃ ᓯᖃᓪᓕᔭᕕᑦ ᓯᕗᓪᓕᕐᐹᖓᓂᒃ ᑐᓂᕐᕈᓯᕆᐊᖃᕐᐳᓯ ᐃᓵᒃᑕᕈᑎᒋᓗᒍ; ᓂᐊᖂᔭᒃᓴᓂᒃ ᐃᕖᔧᕕᖕᒥᑦ ᐱᔪᒥᒃ ᐃᓵᒃᑕᕈᑎᒋᓗᒍ, ᑍᒫᒃ ᖁᒻᒧᑦ ᑐᓂᕐᕈᑎᒋᔭᕆᐊᖃᕐᐸᑦ.

ᒨᓯᓯ ᓯᑕᒪᖏᑦ 18:12

“ᐅᕐᓱᐃᑦ ᐱᐅᓂᕐᐹᑦ ᑕᒪᕐᒥᒃ, ᕔᓃᓪᓗ ᐱᐅᓂᕐᐹᑦ ᓂᐊᖂᔭᒃᓮᓪᓗ ᑕᒪᕐᒥᒃ, ᐱᕈᕐᑎᑕᐅᔪᑦ ᓯᕗᓪᓕᕐᐹᑦ ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᓕᖕᓄᑦ ᑐᓂᕙᒃᑲ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:20

ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 26:10

ᑕᑯᒋᓪᓗ, ᒫᓐᓇ ᐊᑕᓂᕐᒧᑦ ᕾᑦᓯᕗᖓ ᐅᕙᓐᓄᑦ ᑐᓂᓯᒪᔭᖓᑕ ᓄᓇᐅᑉ ᓯᕗᓪᓕᕐᐹᒥᒃ ᐱᕈᕐᑐᕕᓂᖏᓐᓂᒃ.’ “ᑕᕝᕙ ᐃᕕᐅᔭᖅ ᐴᕆᔧᑦ ᐃᓕᓗᒍ ᐊᑕᓂᐅᑉ ᒎᑎᕕᑦ ᓵᖓᓄᑦ, ᑕᕝᕙᓂ ᐅᐱᒋᓗᒍ ᑐᒃᓯᐊᕐᕕᒋᔭᒃᓴᕆᕙᑦ ᐊᑕᓂᖅ ᒎᑏᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,