ᒨᓯᓯ ᐱᖓᔪᖏᑦ 19:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐊᑕᓂᕐᒧᑦ ᑐᓂᕐᕈᓯᕈᑦᓯ ᑐᖁᑕᒃᓴᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒥᒃ, ᑐᓂᕐᕈᑎᒋᓯᐅᒃ ᐱᖁᔭᐅᓯᒪᔪᑦ ᒪᓕᑦᓯᐊᕐᓗᒋᑦ ᐃᓚᓕᐅᕐᑕᐅᑦᓯᐊᖁᓪᓗᒍ ᐃᓕᑦᓯ ᐱᓪᓗᓯ.

ᒨᓯᓯ ᐱᖓᔪᖏᑦ 19:5 Iomraidhean Croise

ᑯᕉᓂᑲ ᐂᑉᐸᖏᑦ 31:2

ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᒨᓯᓯ ᐂᑉᐸᖏᑦ 24:5

ᐃᓅᓱᒃᑐᓂᒡᓗ ᐃᓴᕆᐊᓕᒥᐅᓂᒃ ᑎᓕᓯᕗᖅ, ᑖᒃᑯᐊᓗ ᐃᑯᐊᓚᑦᓯᕗᑦ ᑐᓂᕐᕈᑎᓂᒃ ᐊᑕᓂᕐᒧᑦ. ᐃᒻᒧᒃᓯᐅᒐᕐᓂᒡᓗ ᑐᓂᕐᕈᓯᕆᓪᓗᑎᒃ ᒎᑎᒥᒃ ᐃᓚᖃᑦᓯᐊᕐᓂᖅ ᐱᑦᔪᑎᒋᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 46:12

“ᐊᖓᔪᖅᑳᖅ ᐃᓱᒪᕐᓱᕐᓗᓂ ᑐᓂᕐᕈᑎᒋᔪᒪᔭᒥᓂᒃ ᑐᓂᓯᔪᒪᒃᐸᑦ ᐊᑕᓂᕐᒧᑦ, ᐃᑯᐊᓚᑎᑕᒃᓴᒥᒃ ᐃᓅᖃᑎᖃᑦᓯᐊᕐᓂᕐᒧᖔᔪᒥᒡᓘᓐᓃᑦ ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒃᑯᑦ ᐃᑎᕐᑐᒃᓴᐅᕗᖅ; ᑐᓂᕐᕈᓯᕐᑐᒃᓴᐅᕗᕐᓗ ᓴᐸᑎᒥ ᑐᓂᕐᕈᓯᕐᓗᓂ ᐱᐅᓯᕆᕙᒃᑕᒥᑐᑦ. ᐱᔭᕇᕈᓂ ᑕᕝᕙᓐᖓᑦ ᐊᓂᔪᒃᓴᐅᕗᖅ, ᐊᓂᔭᕇᕐᐸᓪᓗ ᐃᑎᕐᑕᕐᕕᒃ ᐅᒃᑯᐊᕐᑕᐅᔪᒃᓴᐅᕗᖅ.”

ᐃᓯᑭᐊᓕᐅᑉ ᐊᒡᓚᖏᑦ 46:2

ᐊᖓᔪᖅᑳᖅ ᐃᑎᕐᑐᒃᓴᐅᕗᖅ ᑐᕐᓲᖑᔭᕐᒥᑦ ᓯᓚᕙᓯᖕᓂᕐᓴᒥᑦ, ᓇᖏᕐᑐᒃᓴᐅᕗᕐᓗ ᐃᑎᕐᑕᕐᕕᐅᑉ ᐊᕙᓗᖏᒃᑕ ᓴᓂᐊᓂ. ᑕᕝᕙ ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕐᑐᒃᓴᐅᕗᖅ ᐃᑯᐊᓚᑦᓯᓗᓂ ᐃᓅᖃᑎᒌᑦᓯᐊᕐᓂᕐᒧᓪᓗ ᑐᓂᕐᕈᓯᕐᓗᓂ, ᑕᕝᕙᓂᓗ ᐃᑎᕐᑕᕐᕕᐅᑉ ᐅᒃᑯᐊᖃᕐᕕᖓᓂ ᑐᒃᓯᐊᕐᑐᒃᓴᐅᕗᖅ. ᑐᒃᓯᐊᕇᕈᓂ ᐊᓂᔪᒃᓴᐅᕗᖅ, ᐃᑎᕐᑕᕐᕕᒡᓕ ᐅᑯᐊᕐᑕᐅᔪᒃᓴᐅᓐᖏᓚᖅ ᐅᓐᓄᖕᒧᑦ ᑎᑭᓪᓗᒍ.

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 19:4

“ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 19:6

ᓂᕆᔭᐅᓗᓂ ᓄᖑᑕᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ ᑐᓂᕐᕈᓯᕐᕕᒋᔭᑦᓯᓐᓂ, ᐅᓪᓘᑉ ᐂᑉᐸᖓᓂᓘᓐᓃᑦ; ᐊᒥᐊᒃᑯᖃᕐᐸᑦ ᐅᓪᓗᐃᑦ ᐱᖓᔪᐊᓐᓂ, ᐃᑯᒪᒧᑦ ᓄᖑᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 22:19

ᑐᓂᕐᕈᑏᑦ ᐃᓚᓕᐅᕐᑕᐅᖁᓪᓗᒍ ᐱᑦᔪᑎᒋᓗᑎᑦ, ᐆᒪᔪᖅ ᓇᓪᓕᐊᑐᐃᓐᓇᐅᓗᓂ ᐊᖑᓴᓪᓘᔭᕆᐊᖃᕐᐳᖅ ᑕᒤᑎᒍᑦ ᖃᓄᐃᑦᔪᑎᖃᖏᑦᓯᐊᕐᓗᓂ.

ᒨᓯᓯ ᐱᖓᔪᖏᑦ 22:21

ᓇᓪᓕᐊᑦ ᓂᕐᔪᑎᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᐸᑦ ᐊᑕᓂᕐᒧᑦ, ᐊᖏᕈᑎᒋᓯᒪᔭᒥᓂᒃ ᐱᑦᔪᑎᖃᕐᓗᓂ ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᑐᓂᕐᕈᑎᖓ ᖃᓄᐃᑦᔪᑎᖃᕆᐊᖃᓐᖏᓚᖅ ᑕᕐᓴᖃᖏᓪᓗᓂᓗ ᐃᓚᓕᐅᕐᑕᐅᑦᓯᐊᖁᓪᓗᒍ.

ᒨᓯᓯ ᐱᖓᔪᖏᑦ 22:23

ᑭᓯᐊᓂᓕ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᓯᕈᓐᓇᕋᓗᐊᕐᐳᓯ ᓂᕐᔪᑎᒥᒃ ᐱᕈᕈᓐᓇᖏᓐᓂᑯᒥᒃ ᐃᓗᓯᕐᓗᒃᑐᒥᒡᓘᓐᓃᑦ, ᑭᓯᐊᓂ ᐃᓚᓕᐅᕐᑕᐅᒐᔭᓐᖏᓚᖅ ᐊᖏᕈᑎᒋᓇᓱᐊᕐᑕᓕᒫᑦᓯᓐᓄᑦ.

ᒨᓯᓯ ᐱᖓᔪᖏᑦ 22:29

ᑐᓂᕐᕈᓯᕈᑦᓯ ᐆᑕᒃᓴᒥ ᖁᔭᓕᑦᔪᑎᒥᒃ ᐊᑕᓂᕐᒧᑦ, ᑐᓂᕐᕈᓯᕐᑐᒃᓴᐅᕗᓯ ᐱᖁᔭᐅᔪᓂᒃ ᒪᓕᑦᓯᐊᕐᓗᓯ ᐃᓚᓕᐅᕐᑕᐅᑦᓯᐊᖁᓪᓗᓯ;

ᒨᓯᓯ ᐱᖓᔪᖏᑦ 7:16

“ᑭᓯᐊᓂᓕ ᑐᓂᕐᕈᑎᖃᕐᑐᖃᕐᐸᑦ ᐊᖏᕐᓯᒪᓂᓂ ᐱᑦᔪᑎᒋᓗᒍ, ᐅᕝᕙᓘᓐᓃᑦ ᑐᓂᕐᕈᓯᕆᐊᖃᕐᓂᕐᒧᑦ ᐃᓱᒪᒥᓂᒃ ᑐᓂᕐᕈᓯᕐᑐᖃᕐᐸᑦ, ᑐᓂᕐᕈᑎᖓ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ, ᐊᒥᐊᒃᑯᖃᕐᐸᓪᓗ ᐅᓪᓘᑉ ᐂᑉᐸᖓᓂ ᓄᖑᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 7:18

ᓂᕿ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᖅ ᐅᓪᓘᑉ ᐱᖓᔪᐊᓐᓂ ᓂᕆᔭᐅᒃᐸᑦ, ᑐᓂᕐᕈᑕᐅᓂᖓ ᐃᓚᓕᐅᕐᑕᐅᓂᐊᓐᖏᓚᖅ. ᑐᓂᕐᕈᓯᕐᑐᕕᓂᐅᓪᓗ ᑐᓂᕐᕈᓯᕐᓂᖓ ᐊᑐᕈᓐᓁᕐᓂᐊᕐᐳᖅ ᑍᒤᑦᑐᖅ ᐃᑦᔪᕐᓇᕐᓯᖕᒪᑦ, ᑍᒤᑦᑐᒥᒡᓗ ᓂᕆᔪᖅ ᐸᓯᔭᒃᓴᕈᕐᓂᐊᕐᐳᖅ ᑐᓂᕐᕈᓯᕐᑐᕕᓂᐅᑉ ᐸᓯᔭᒃᓴᐅᑦᔪᑎᖓᓂᒃ.