ᒨᓯᓯ ᐱᖓᔪᖏᑦ 19:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ “ᐊᖓᒃᑰᓇᓱᐊᕐᑐᓂᒃ ᑕᑎᖃᕐᓂᐊᕋᓯ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᑦ ᑕᑎᒋᓂᐊᕐᓇᒋᑦ, ᑍᒤᓕᐅᕈᑦᓯ ᑖᒃᑯᓄᖓ ᐃᑦᔪᕐᓇᕐᑎᑕᐅᓂᐊᕋᑦᓯ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 19:31 Iomraidhean Croise

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 23:24

ᓱᓕᓗ ᔫᓮᐊᐅᑉ ᑐᖁᖓᔪᑦ ᐊᓂᕐᓂᖏᓐᓂᒃ ᐅᖃᖃᑎᖃᕋᓱᒃᐸᒃᑐᑦ, ᓯᕗᓂᒃᓴᒥᒡᓗ ᓇᓚᐅᑦᑍᔨᐅᓇᓱᒃᐸᒃᑐᑦ ᐊᓯᖏᓪᓗ ᓇᕐᕈᓇᕐᑑᓂᕋᕐᑕᐅᔪᓕᒫᑦ ᔨᕉᓴᓕᒥᐅᓂ ᔫᑕᒥᐅᓂᓗ ᓄᖅᑲᕐᑎᑉᐰᑦ, ᐃᒡᓗᒋᔭᐅᔪᓂᓗ ᒎᑎᓐᖑᐊᑦ, ᓴᓇᓯᒪᔪᓪᓗ ᐱᑦᑍᓕᓂᕐᒨᖓᔪᒃ ᐋᕐᖑᐊᑦ ᐲᔭᕐᑕᐅᑎᑉᐰᑦ ᑐᓂᕐᕈᓯᕐᑎᑦᓯᔩᑦ ᐳᕐᑐᓂᕐᐹᖓᑦᑕ ᕼᐃᓪᑬᐊᐅᑉ ᐊᒡᓔᑦ ᐱᖁᔭᕐᑕᓖᑦ ᑐᒃᓯᐊᕐᕕᒡᔪᐊᒥ ᓇᓂᓚᐅᕐᑕᖏᑦ ᒪᓕᒃᑕᐅᓯᐊᓕᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 10:13

ᑕᕝᕙ ᓴᐅᓕ ᑍᒫᑦ ᑐᖁᓚᐅᕐᐳᖅ ᒪᓕᒍᓐᓃᓚᐅᕐᓂᕐᒥᓄᑦ ᐊᑕᓂᕐᒥᒃ; ᐊᑕᓂᐅᑉ ᐱᖁᔭᖏᓐᓂᒃ ᓈᓚᓚᐅᖏᓐᓇᒥ, ᑐᖁᖓᔪᓄᓪᓗ ᖃᐅᔨᓇᓱᐊᕐᑎᒧᑦ ᖃᐅᔨᓇᓱᐊᓚᐅᕐᒪᑦ ᖃᓄᐃᓕᐅᕆᐊᖃᕐᒪᖔᕐᒥ,

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᒨᓯᓯ ᐂᑉᐸᖏᑦ 22:18

“ᐊᖓᒃᑰᓇᓱᐊᕐᑐᓂᒃ ᐊᕐᓇᓂᒃ ᐃᓅᑎᑦᓯᔪᒃᓴᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 29:4

ᓄᓇᕐᔪᐊᑉ ᐃᓗᐊᓂᑦ ᐃᑎᔪᒥᑦ ᓂᓪᓕᐊᓕᕈᒫᕐᐳᑎᑦ, ᓂᐱᑭᑦᑑᓗᑎᑦ ᐅᖃᐅᓯᕐᑎᑦ ᑐᓴᕐᓴᐅᔪᒫᕐᐳᑦ ᓄᓇᐅᑉ ᐃᓗᐊᓂᑦ ᐊᓂᕐᓂᑐᐃᓐᓇᐅᑉ ᓂᐱᖓᑐᑦ, ᓂᐲᑦ ᐃᓯᑦᔪᒃᑐᑎᑐᑦ ᓴᓂᕐᓂᑦ ᐱᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 47:13

ᐅᖃᐅᑦᔪᕐᑕᐅᓂᕐᒥᒃ ᐃᕿᐊᓐᖑᕐᓯᒪᓕᕐᐳᓯ; ᑍᒃᑯᓄᖓ ᓇᖏᕐᓗᑎᒃ ᓴᐳᑎᔭᐅᓕᕆᑦᓯ, ᐅᓪᓗᕆᐊᑎᒍᑦ ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᑦᓯᓐᓄᑦ, ᐅᓪᓗᕆᐊᓪᓗ ᐋᖅᑭᒃᓯᒪᓂᖏᑎᒍᑦ ᑐᑭᓯᐅᒪᔪᓐᓇᕐᑐᖁᑎᑦᓯᓐᓄᑦ, ᑕᖅᑭᐅᑉ ᓴᖅᑭᔮᕐᓂᖓᒍᑦ ᓇᓚᐅᑦᑍᕙᒃᑐᓄᑦ ᖃᓄᐃᑦᑐᖃᕐᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 8:19

ᐅᖃᐅᑦᔭᐅᒍᕕᓪᓗ, “ᐊᐱᕐᓱᓚᐅᕆᑦ ᓯᕗᓂᒃᓴᒥᒃ ᓇᓚᐅᑦᑍᓲᓂᒃ ᑐᖁᖓᔪᓂᒡᓗ ᐅᖄᑎᑦᑎᓲᓂᒃ, ᖁᐸᓄᐊᑎᑐᑦ ᓂᑦᔭᒃᐸᒃᑐᑦ, ᓂᐱᑭᓗᐊᒧᓪᓗ ᑐᑭᓯᔭᒃᓴᐅᕙᖏᑦᑐᑦ, ᐃᓄᐃᑦ ᒎᑎᒥᖕᓂᒃ ᐊᐱᕐᓱᕆᐊᖃᓐᖏᓛᑦ? ᑐᖁᖓᔪᓂᒃ ᐊᐱᕐᓱᕆᐊᖃᕐᐹᑦ ᐃᓅᔪᑦ ᐱᑦᔪᑎᒋᓗᒋᑦ?

ᒨᓯᓯ ᐱᖓᔪᖏᑦ 19:26

“ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 19:3

ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 20:27

“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:11

ᓈᓚᑦᓯᐊᓚᐅᕐᐹᓪᓗ, ᐊᑯᓂᐅᓕᕐᑐᖅ ᑲᒪᓂᐊᕐᑎᖃᑦᑕᓚᐅᕐᒪᒋᑦ ᐊᖓᒃᑰᑦᔪᓯᕐᒥᓄᑦ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᓴᒧᐃᓕ ᓯᕗᓪᓖᑦ 28:3

ᑍᑦᓱᒪᓂ ᓴᒧᐃᓕ ᑐᖁᖓᓕᓚᐅᕐᒪᑦ, ᐃᓴᕆᐊᓕᒥᐅᓕᒫᓪᓗ ᕿᒃᓵᐅᑎᒋᓚᐅᕐᐹᑦ ᐃᓗᕕᓚᐅᕐᐹᓪᓗ ᓄᓇᖓᓂ ᕌᒪᒥ. ᓴᐅᓕᐅᓪᓗ ᓯᕗᓂᕐᒥᒃ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ ᐊᐅᓪᓚᕐᑎᓚᐅᕐᓯᒪᕔᑦ ᐃᓴᕆᐊᓕᒥᑦ.