ᒨᓯᓯ ᐱᖓᔪᖏᑦ 19:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ “ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 19:26 Iomraidhean Croise

ᒨᓯᓯ ᓯᕗᓪᓖᑦ 44:5

ᑖᓐᓇ ᐊᖓᔪᖅᑳᒪ ᐃᒥᕈᑎᒋᖃᑦᑕᕐᒪᒍ, ᓇᓗᓇᕐᑐᓂᒡᓗ ᖃᐅᔨᓇᓱᐊᕈᑎᒋᓪᓗᒍ, ᑍᒤᓕᐅᕐᑎᓪᓗᓯ ᐱᐅᖏᑦᑐᓪᓚᕆᐊᓗᖕᒥᒃ ᐱᓇᓱᐊᕐᓯᒪᕗᓯ.’”

ᒨᓯᓯ ᓯᕗᓪᓖᑦ 9:4

ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᕐᑐᒥᒃ, ᑕᕝᕙ ᐊᐅᖓᓂᒃ.

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᒨᓯᓯ ᐂᑉᐸᖏᑦ 7:11

ᑕᕝᕙ ᐰᕉ ᐃᓕᓯᒪᔪᖁᑎᒥᓂᒃ ᐊᖓᒃᑯᖁᑎᒥᓂᒡᓗ ᐄᑦᔨᑉᑎᒥᐅᓂᒃ ᕾᖁᔨᓚᐅᕐᐳᖅ; ᑖᒃᑯᐊᑦᑕᐅᖅ ᑍᒤᓕᐅᓚᐅᕆᕗᑦ.

ᒨᓯᓯ ᐂᑉᐸᖏᑦ 8:7

ᑭᓯᐊᓂᓕ ᐊᖓᒃᑯᐃᑦᑕᐅᖅ ᐊᖓᒃᑰᓂᕐᒥᖕᓄᑦ ᑍᒤᓕᐅᓚᐅᕆᕗᑦ, ᓴᖅᑭᑎᑦᓯᓪᓗᑎᒃ ᓈᕌᔨᓂᒃ ᐄᑦᔨᑉᑎᐅᑉ ᓄᓇᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 10:2

ᐊᑕᓂᖅ ᐃᒫᒃ ᐅᖃᕐᐳᖅ: “ᐊᓯᑦᓯ ᐃᓕᖅᑯᓯᖏᓐᓂᒃ ᒪᓕᒐᓱᐊᕐᑍᓕᒋᑦᓯ ᑲᑉᐱᐊᓱᒃᑍᓕᒋᑦᓯᓗ ᓇᓗᓁᒃᑯᑕᕐᓂᒃ ᕿᓚᖕᒥ ᓴᖅᑭᑦᑐᖃᕐᐸᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᑲᑉᐱᐊᒋᔭᐅᒐᓗᐊᕐᐸᑕ.

ᑖᓂᐊᓕᐅᑉ ᐊᒡᓚᖏᑦ 2:10

ᓯᓚᑐᔪᓪᓕ ᐊᖓᔪᖅᑳᕐᔪᐊᒥᒃ ᑭᐅᕗᑦ, “ᓄᓇᒥ ᐃᓄᒃᑕᖃᓐᖏᓚᖅ ᐊᖓᔪᖅᑳᕐᔪᐊᑉ ᐱᔪᒪᔭᖓᓂᒃ ᐅᖃᕈᓐᓇᕐᑐᒥᒃ! ᐊᖓᔪᖅᑳᕐᔪᐊᒥᒃ ᐳᕐᑐᓛᖑᓗᓂ ᐊᔪᖏᓐᓂᕐᐹᖑᓗᓂᓗ, ᑍᒫᒃ ᐱᖁᔨᔪᖃᓚᐅᕐᓯᒪᖏᒻᒪᑦ ᐊᖓᒃᑯᓂᒃ ᓇᓚᐅᑦᑍᔨᓂᒡᓗ ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ.

ᒨᓯᓯ ᐱᖓᔪᖏᑦ 19:25

ᐊᕐᕌᒍᓪᓕ ᑕᓪᓕᒪᖓᓐᓂ ᑕᕝᕙ ᓇᐹᕐᑑᑉ ᐸᐅᕐᖓᖏᑦ ᓂᕿᒃᓴᐅᕗᑦ, ᑍᒤᓕᐅᕈᑦᓯ ᐱᕈᕐᑎᑕᓯ ᐅᓄᕐᓂᕐᓴᐅᓂᐊᕐᐳᑦ, ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 3:17

ᑕᒪᓐᓇ ᑕᕝᕙ ᐱᖁᔭᖅ ᑭᖑᕚᕇᓄᑦ ᑭᖑᓪᓕᒃᓴᑦᑎᓐᓄᓪᓗ ᑐᕌᕐᑐᖅ, ᓇᓂ ᓄᓇᖃᕋᓗᐊᕈᕕᑦ ᓂᕆᔪᒃᓴᐅᓐᖏᓪᓚᑎᑦ ᑐᓐᓄᕐᒥᒃ ᐊᐅᖕᒥᒡᓘᓐᓃᑦ.’”

ᒨᓯᓯ ᐱᖓᔪᖏᑦ 7:26

ᓇᓂᓗ ᓄᓇᖃᕋᓗᐊᕈᕕᑦ, ᑎᖕᒥᐊᑉ ᐆᒪᔫᓪᓘᓐᓃᑦ ᐊᐅᖓᓂᒃ ᐊᐅᒃᑐᕐᑐᒃᓴᐅᓐᖏᓚᑎᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᒨᓯᓯ ᑕᓪᓕᒪᖏᑦ 12:16

ᐊᐅᖏᑦ ᓂᕆᔭᕆᐊᖃᕋᔭᓐᖏᑕᑐᐊᕆᕙᓯ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.

ᒨᓯᓯ ᑕᓪᓕᒪᖏᑦ 12:23

ᓂᕿᒥᒃ ᐊᐅᖃᕐᑐᒥᒃ ᓱᓕ ᓂᕆᔪᒃᓴᐅᓐᖏᓚᓯ, ᐃᓅᓯᖓ ᐊᐅᖓᓃᒻᒪᑦ, ᑍᒤᒻᒪᑦ ᐃᓅᔪᒥᒃ ᓂᕿᖓᓃᑦᑐᒥᒃ ᓂᕆᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 15:23

ᐊᐅᖏᓪᓕ ᓂᕆᔭᐅᔪᒃᓴᐅᓐᖏᓚᑦ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.”

ᓴᒧᐃᓕ ᓯᕗᓪᓖᑦ 14:32

ᑍᒤᒻᒪᑦ ᑐᐊᕕᕐᓗᑎᒃ ᐂᓚᐅᕐᐳᑦ ᑎᒍᓚᐅᕐᑕᒥᖕᓄᑦ ᐊᑭᕋᒥᖕᓂᑦ, ᓰᐲᑦ ᐃᒻᒧᒃᓯᐅᒊᓪᓗ ᑐᖁᕋᕐᐰᑦ ᑕᕝᕙᓂ ᐃᓂᖏᓐᓂ, ᓂᕆᓚᐅᕐᐳᓪᓗ ᓂᕿᒥᒃ ᐊᐅᓕᖕᒥᒃ.

ᓴᒧᐃᓕ ᓯᕗᓪᓖᑦ 14:33

ᑕᕝᕙ ᓴᐅᓕ ᐅᖃᐅᑦᔭᐅᕗᖅ ᐅᖃᕐᓗᑎᒃ, “ᑕᑯᒋᑦ, ᐃᓄᐃᑦ ᐊᔪᕐᑐᓕᕗᑦ ᐊᑕᓂᕐᒧᑦ ᓂᕆᖕᒪᑕ ᓂᕿᒥᒃ ᐊᐅᓕᖕᒥᒃ.” ᓴᐅᓕᓗ ᐅᖃᕐᐳᖅ, “ᐃᓕᑦᓯ ᐊᑭᕋᕐᑐᕐᑐᓯ, ᐅᔭᕋᒃᔪᐊᖅ ᒪᐅᖓ ᐅᕙᓐᓄᑦ ᐊᒃᓴᑳᑎᓚᐅᕐᓯᐅᒃ.”

ᓴᒧᐃᓕ ᓯᕗᓪᓖᑦ 15:23

ᐊᑭᕋᕐᑐᕐᓂᖅ ᐊᔪᕐᓂᐅᕗᖅ ᐊᖓᒃᑰᓇᓱᐊᕐᑐᑎᑐᑦ, ᓯᑎᔫᓂᕐᓗ ᐱᐅᖏᑦᑐᓕᓂᐅᕗᖅ ᒎᑎᓐᖑᐊᖃᕐᑐᑎᑐᑦ. ᓇᕐᕈᓚᐅᕋᕕᑦ ᐊᑕᓂᐅᑉ ᐅᖃᐅᓯᖓᓂᒃ, ᑍᒫᒃᑕᐅᖅ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᑦ.”