ᒨᓯᓯ ᐱᖓᔪᖏᑦ 19:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᖃᐅᓯᕐᓗᖕᒥᒃ ᐃᓅᖃᑎᖕᓂᒃ ᐱᐅᓐᖏᑎᑦᓯᔪᒥᒃ ᓯᐊᒻᒪᕐᑎᑦᓯᔭᕆᐊᖃᓐᖏᓚᑎᑦ ᐃᓅᖃᑎᖕᓄᑦ. ᐃᓅᖃᑎᕕᓪᓗ ᐃᓅᓯᖓᓂᒃ ᑲᑉᐱᐊᓇᕐᑐᒦᑎᑦᓯᔭᕆᐊᖃᓐᖏᓚᑎᑦ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 19:16 Iomraidhean Croise

ᔫᐱᐅᑉ ᐊᒡᓚᖏᑦ 17:5

ᐊᖑᑦ ᐱᖃᓐᓇᕆᔭᒥᓂᒃ ᐱᔭᐅᒃᑬᒃᐸᑦ ᑮᓇᐅᔭᕐᑖᕈᒪᓂᕐᒧᑦ, ᑕᕝᕙ ᕿᑐᕐᖓᖏᑕ ᑕᒪᓐᓇ ᐅᖁᒤᒃᓴᐅᑎᒋᓕᕐᓂᐊᕐᐹᑦ.

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓐᖏᕈᑎᑦ 15:3

ᐅᖃᕐᒥᓄᓪᓗ ᐅᖃᕐᓂᕐᓘᑎᖅᑲᖏᑦᑐᖅ, ᐱᐅᖏᑦᑐᒥᒡᓗ ᐱᓂᐊᕐᓂᖃᖏᑦᑐᖅ ᐃᓅᖃᑎᒥᓄᑦ, ᐃᓅᖃᑎᒥᓄᓪᓗ ᐅᖃᐅᓯᕐᓗᖕᒥᒃ ᓂᓪᓕᐊᖏᑦᑐᖅ,

ᐃᓐᖏᕈᑎᑦ 50:20

ᖃᑕᓐᖑᑎᑦᓯᓐᓂᒃ ᐊᑭᕋᕐᑐᕐᓗᒍ ᓂᓪᓕᐊᕗᓯ ᐃᒃᓯᕚᕐᕕᖕᒥ; ᐊᓈᓇᑦᓯ ᐃᕐᓂᖓ ᐊᒡᓚᑦ ᐅᖃᕐᓂᕐᓘᑎᒋᕙᓯ.

ᒨᓯᓯ ᐂᑉᐸᖏᑦ 20:16

“ᐃᓅᖃᑎᖕᓂᒃ ᓱᓕᖏᑦᑐᒧᑦ ᐅᖃᐅᓯᖃᕐᑐᒃᓴᐅᓐᖏᓚᑎᑦ.

ᒨᓯᓯ ᐂᑉᐸᖏᑦ 23:1

“ᓱᓕᖏᑦᑐᒥᒃ ᐅᖃᐅᓯᖃᕐᓗᓯ ᐃᓅᖃᑎᑦᓯᓐᓄᑦ ᓯᐊᒻᒪᕐᑎᑦᓯᔪᒃᓴᐅᓐᖏᓚᓯ, ᐸᓯᔭᒃᓴᐅᔪᒥᒡᓗ ᐃᑲᔪᕐᑐᕐᑐᒃᓴᐅᓐᖏᓚᓯ, ᓱᓕᖏᑦᑐᒥᒃ ᖃᐅᔨᓯᒪᓂᕋᕐᓂᑦᓯᓐᓄᑦ.

ᒨᓯᓯ ᐂᑉᐸᖏᑦ 23:7

“ᓱᓕᖏᑦᑐᒥᒃ ᐸᓯᔭᒃᓴᓐᖑᕐᑎᑦᓯᓇᓱᐊᕐᓂᖅ ᐃᓕᑦᓯᓐᓂᑦ ᐅᖓᓯᒡᓕ, ᐸᓯᔭᒃᓴᐅᖏᑦᑐᒥᒃ ᓈᒻᒪᓈᕐᓯᒪᔪᒥᒡᓗ ᑐᖁᑕᐅᑎᑦᓯᔪᒃᓴᐅᓐᖏᓚᓯ, ᓇᓪᓕᐊᓐᓂᑐᐃᓐᓇᖅ ᓯᕗᓂᕐᓗᓕᕐᑎᑦᓯᓂᐊᕐᐳᖓ ᑍᒫᒃ ᐱᐅᖏᑦᑐᒥᒃ ᐱᔪᖃᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:18

ᐆᒥᓱᖕᓂᕐᒥᒃ ᐃᔨᕐᑐᐊᓕᒃ ᓴᒡᓗᖃᑦᑕᕐᐳᖅ ᐅᖃᐅᓯᕐᒥᒍᑦ, ᐊᓯᒥᓂᒡᓗ ᐅᖃᐅᓯᒃᑯᑦ ᓇᕐᕈᓇᕐᑎᑦᓯᕙᒃᑐᖅ ᓯᓔᑦᑑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:13

ᐅᖃᐅᓯᕐᓂᒃ ᒥᓇᕋᕐᑎ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ, ᐅᒃᐱᕆᔭᒃᓴᐅᔪᕐᓕ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᑦᓯᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:19

ᑎᕝᕕᐊᕐᑍᓂᕐᓂᒃ ᐅᖃᐅᓯᖃᕐᐸᒃᑐᑦ ᖃᐅᔨᔭᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ; ᑍᒤᒻᒪᑦ ᓯᓔᑦᑐᓂᒃ ᐅᖃᐅᑎᒃᓴᕋᔪᒃᑐᑦ ᐃᓚᒋᑦᑍᓕᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 6:28

ᐃᓄᖁᑎᒃᑲ ᓯᑎᒃᑎᓐᓂᑰᓕᕐᐳᑦ, ᐃᓕᖅᑯᓯᖃᓕᕐᒪᑕ ᐃᓅᖃᑎᒥᖕᓂᒃ ᑲᑕᒃᑎᑦᓯᓇᓱᖕᓃᓐᓇᕐᒥᒃ, ᖃᑯᕐᓕᒃᑎᑐᑦ ᓴᕕᕋᔭᒃᑎᑐᓪᓗ ᑍᒤᑦᑑᔮᓕᕐᐳᑦ, ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:4

ᐃᓚᓐᓇᕆᔭᑎᑦ ᐅᑦᔨᕆᑦᓯᐊᒃᑭᑦ; ᖃᑕᓐᖑᑏᑦ ᐅᒃᐱᕆᑦᑍᓕᒍᒃ, ᖃᑕᓐᖑᑎᒌᑦ ᓴᒡᓗᕿᖃᑦᑕᐅᑎᔪᐃᓐᓇᐅᓕᕐᒪᑕ, ᐃᓚᓐᓈᕇᓪᓗ ᓱᓕᓂᖃᕈᓐᓃᕐᓗᑎᒃ ᐅᖃᐅᓯᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 22:9

ᐃᓅᖃᑎᑦᓯ ᐃᓚᖏᑦ ᓴᒡᓗᑦᔪᑎᖃᕐᓗᑎᒃ ᑐᖁᑕᐅᑎᑦᓯᕙᒃᐳᑦ, ᐃᓚᖏᓪᓗ ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᐳᑦ; ᐃᓚᖏᓪᓗ ᐃᒃᓕᒎᕐᓂᕐᒥᖕᓄᑦ ᐱᓕᕆᕙᒃᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᒨᓯᓯ ᑕᓪᓕᒪᖏᑦ 27:25

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᑮᓇᐅᔭᓂᒃ ᐊᑭᓕᕐᑕᐅᔪᒪᓂᕐᒧᑦ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑎᑕᐅᔪᖅ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᑎᒧᑎᒧᑦ ᓯᕗᓪᓖᑦ 3:11

ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.

ᑎᒧᑎᒧᑦ ᐂᑉᐸᖏᑦ 3:3

ᑐᓐᖓᓇᖏᑦᑐᓂᒃ, ᐃᓱᒪᒋᔪᓐᓁᕐᕕᖃᕈᓐᓇᖏᑦᑐᓂᒃ, ᐅᖃᐅᑎᒃᓴᕐᑎᓂᒃ, ᐱᔪᒪᔭᓕᒫᒥᖕᓂᒃ ᐊᑐᑐᐃᓐᓇᕐᑐᓂᒃ, ᑲᑉᐱᐊᓵᕆᔨᓂᒃ, ᐱᐅᔪᒥᒃ ᐆᒥᓱᒃᑎᓂᒃ;

ᑍᑑᓯᒧᑦ 2:3

ᑍᒫᒃᑕᐅᖅ ᐊᕐᓁᑦ ᐃᓐᓇᐅᓂᕐᓮᑦ ᐊᔪᕆᕐᑐᒃᑭᑦ ᐃᑦᔪᕐᓁᑦᑐᒥᒃ ᐃᓅᓯᖃᖁᓗᒋᑦ, ᓱᓕᖏᑦᑐᒥᒃ ᐃᓅᖃᑎᒥᖕᓂᒃ ᐅᖃᐅᓯᖃᖃᑦᑕᖁᓇᒋᑦ ᐃᒥᐊᓗᐃᓐᓇᖁᓇᒋᓪᓗ; ᐱᐅᔪᒥᒡᓕ ᐊᔪᕆᕐᑐᐃᖁᓗᒋᑦ.

ᐲᑦᑐᕉᓯ ᓯᕗᓪᓖᑦ 2:1

ᑍᒤᒻᒪᑦ, ᐊᔪᕐᑐᓕᑦᔪᑕᐅᔪᓐᓇᕐᑐᓕᒫᑦ ᓄᖅᑲᐅᑎᓕᕐᓯᒋᒃ ᓴᒡᓗᖃᑦᑕᕐᓃᑦ, ᑕᒃᑯᕐᒨᕐᓃᑦ, ᐱᔪᒪᕕᒡᔪᐊᕐᓃᑦ, ᒥᑕᐅᑎᖃᕐᓃᓪᓗ ᖃᓄᑐᐃᓐᓇᖅ.

ᓴᒧᐃᓕ ᓯᕗᓪᓖᑦ 24:10

ᑕᑯᒋᑦ, ᐅᓪᓗᒥ ᐃᔨᖕᓄᑦ ᑕᑯᕗᑎᑦ ᐊᑕᓂᐅᑉ ᑐᓂᓚᐅᕐᐹᑎᑦ ᐊᒡᒐᓐᓄᑦ ᕾᕈᓲᑉ ᐃᓗᐊᓂ, ᐅᖃᐅᑦᔭᐅᓚᐅᕐᐳᖓ ᑐᖁᑕᐅᖁᔭᐅᓪᓗᑎᑦ, ᐅᕙᖓᓕ ᓴᐳᑎᓚᐅᕐᐸᒋᑦ, ᐅᖃᓚᐅᕋᒪ, ‘ᐊᒡᒐᓐᓄᑦ ᐱᓇᓱᐊᕐᓂᐊᓐᖏᓚᖓ ᐊᑕᓂᓐᓄᑦ; ᑖᓐᓇ ᐊᑕᓂᐅᑉ ᐅᕐᓱᕐᑎᕐᓯᒪᖕᒪᒍ.’