ᒨᓯᓯ ᐱᖓᔪᖏᑦ 19:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 19:13 Iomraidhean Croise

ᔫᐱᐅᑉ ᐊᒡᓚᖏᑦ 17:5

ᐊᖑᑦ ᐱᖃᓐᓇᕆᔭᒥᓂᒃ ᐱᔭᐅᒃᑬᒃᐸᑦ ᑮᓇᐅᔭᕐᑖᕈᒪᓂᕐᒧᑦ, ᑕᕝᕙ ᕿᑐᕐᖓᖏᑕ ᑕᒪᓐᓇ ᐅᖁᒤᒃᓴᐅᑎᒋᓕᕐᓂᐊᕐᐹᑦ.

ᔫᐱᐅᑉ ᐊᒡᓚᖏᑦ 31:39

ᑕᕝᕙᓂᓗ ᐱᕈᕐᑐᕕᓃᑦ ᓂᕆᓯᒪᒍᒃᑭᑦ ᐊᑭᓕᕐᓇᒋᑦ, ᐱᖁᑎᓖᓪᓗ ᐱᕈᕐᓰᕕᖕᒥᒃ ᑳᒃᑎᓪᓗᒋᑦ;

ᔫᐱᐅᑉ ᐊᒡᓚᖏᑦ 7:2

ᓯᐊᓛᕆᔭᐅᔪᑐᑦ ᑖᓪᓕᓂᐅᑉ ᓂᒡᓚᑖᕐᓇᕐᑑᑉ ᓴᓂᐊᓃᑦᓱᒪᔪᑎᑐᑦ, ᐱᓇᓱᐊᕐᑎᑕᐅᔪᑎᑐᓪᓗ ᐊᑭᓕᕐᑕᐅᓂᐊᕐᓂᕐᒥᓂᒃ ᐅᑕᖅᑭᔪᑎᑐᑦ,

ᒨᓯᓯ ᐂᑉᐸᖏᑦ 20:15

“ᑎᒡᓕᒃᑐᒃᓴᐅᓐᖏᓚᑎᑦ.

ᒨᓯᓯ ᐂᑉᐸᖏᑦ 22:13

ᐆᒪᔪᒧᓪᓕ ᐅᒋᐊᕐᑕᐅᓐᓂᕐᐸᑦ, ᑕᕝᕙ ᑐᖁᑕᐅᓯᒪᖕᓂᖓᓂᒃ ᓇᓗᓁᕐᓯᔭᕆᐊᖃᕋᔭᕐᐳᖅ; ᐊᖑᓪᓗ ᐱᓯᒪᒃᓯᓚᐅᕐᑐᖅ ᐆᒪᔪᖁᑎᓕᖕᒧᑦ ᐊᑭᓖᔭᕆᐊᖃᕋᔭᓐᖏᓚᖅ.

ᒨᓯᓯ ᐂᑉᐸᖏᑦ 22:15

ᑭᓯᐊᓂᓕ ᐆᒪᔪᖁᑎᓕᒃ ᓇᔫᑎᑎᓪᓗᒍ ᑍᒤᓕᔪᖃᕐᐸᑦ, ᑕᕝᕙ ᐊᖑᑦ ᐊᑦᑕᑐᕐᑐᖅ ᐊᑭᓖᔭᕆᐊᖃᕋᔭᓐᖏᓚᖅ. ᐊᑦᑕᑐᕐᑕᐅᓗᓂ ᑍᒤᓕᒃᐸᑦ ᐊᑦᑕᑐᕐᑕᐅᓂᖓᓄᑦ ᐊᑭᓕᐅᑎᔪᓄᑦ ᑕᒪᓐᓇ ᐃᓚᓕᐅᑎᑐᐃᓐᓇᕋᔭᕐᐳᖅ.”

ᒨᓯᓯ ᐂᑉᐸᖏᑦ 22:21

“ᓂᐅᕐᕈᐊᒥᒃ ᐱᑦᓯᐊᖏᑦᑐᒃᓴᐅᓐᖏᓚᓯ ᐅᑯᒤᒃᓴᕐᑎᑦᓯᓇᓯᓗ; ᐃᓕᑦᓯᑦᑕᐅᖅ ᓂᐅᕐᕈᐊᖑᓚᐅᕐᒥᒐᑦᓯ ᐄᑦᔨᑉᑎᒥ.

ᒨᓯᓯ ᐂᑉᐸᖏᑦ 22:7

“ᐃᓄᒡᓕ ᑮᓇᐅᔭᒥᓂᒃ ᐱᖁᑎᒥᓂᒡᓘᓐᓃᑦ ᐃᓅᖃᑎᒥᓄᑦ ᐱᓯᒪᔭᐅᖁᔨᒃᐸᑦ ᑲᒪᒋᔭᐅᖁᓗᓂᒋᓪᓘᓐᓃᑦ, ᑖᒃᑯᐊᓗ ᑲᒪᒋᔭᐅᖁᔭᖏᖅ ᑎᒡᓕᒐᐅᓐᓂᕐᐸᑕ ᐱᓯᒪᒃᓯᕐᑑᑉ ᐃᒡᓗᖓᓂᑦ, ᑎᒡᓕᒃᑐᕕᓂᕐᓗ ᖃᐅᔨᔭᐅᒃᐸᑦ, ᑖᓐᓇ ᑎᒡᓕᒃᑐᕕᓂᖅ ᐊᑭᓖᔭᕆᐊᖃᓕᕋᔭᕐᐳᖅ ᒪᕐᕈᕕᓪᓗᐊᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:10

ᐅᖁᒤᓐᓂᕐᓯᐅᑏᑦ ᐆᒃᑐᕋᐅᑏᓪᓗ ᓇᓛᒍᑦ ᐊᑐᕐᑕᐅᖏᑦᑐᑦ, ᐊᑕᓂᐅᑉ ᑕᒪᕐᒥᒃ ᓇᕐᕈᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:22

ᐊᒃᓱᔪᑦ ᑎᒡᓕᒐᕐᕕᒋᑦᑍᓕᒃᑭᑦ ᐊᒃᓱᓂᖓ ᐱᑦᔪᑎᒋᓗᒍ, ᐅᖁᒤᒃᓴᕐᑐᓂᒡᓗ ᐊᒃᓱᕈᕐᓇᕐᑐᒦᑎᑦᓯᖃᑦᑕᖏᓪᓗᑎᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:28

ᐃᓅᖃᑏᑦ ᐅᖃᐅᑎᑦᑍᓕᒍᒃ, “ᐊᖏᕐᕋᓕᕆᑦ ᖃᐅᒃᐸᑦ ᕾᓛᕆᕗᑎᑦ, ᖃᐅᒃᐸᑦ ᑐᓂᓯᕕᒋᓛᕐᐸᒋᑦ.” ᑐᓂᓯᑲᐅᑎᒋᔪᓐᓇᕐᑎᓪᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 22:13

“ᑲᑉᐱᐊᓇᕐᑐᒦᑉᐳᖅ ᐃᓱᐊᕐᑐᓕᓂᒃᑰᖏᑦᑐᖅ ᐊᖓᔪᖅᑲᐅᕕᒃᑖᕐᑐᖅ, ᓈᒻᒪᓈᕐᓯᒪᑦᓯᐊᕐᓂᕐᓗ ᐊᑐᕐᓇᒍ, ᐃᒡᓗᓕᐅᕐᑐᕐᓗ ᖁᓕᕇᒥᒃ ᐃᒡᓗᕈᓯᖃᐅᕐᑐᒥᒃ; ᐃᓅᖃᑎᒥᓂᒃ ᓴᓇᑎᑦᓯᓯᒪᔪᖅ ᐊᑭᖃᖏᑦᑐᒥᒃ, ᐊᑭᓖᓚᐅᕋᓂᓗ ᓴᓇᑎᑕᒥᓂᒃ;

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 18:7

ᓇᓪᓕᐊᓐᓂᒡᓗ ᐅᖁᒤᑎᑦᓯᕙᖏᓪᓗᓂ, ᑎᒡᓕᒃᐸᖏᓪᓗᓂᓗ, ᐊᑐᕐᑐᐊᕐᑕᕕᓂᕐᒥᓂᒡᓗ ᐊᑕᖏᕐᓗᒋᑦ ᐊᑭᓖᑦᓯᐊᖃᑦᑕᕐᓗᓂ, ᑳᒃᑐᓂᒃ ᓂᕆᑎᑦᓯᕙᒡᓗᓂ, ᐊᓐᓄᕌᒃᓴᖃᖏᑦᑐᓂᒡᓗ ᐊᓐᓄᕌᕐᑎᑦᓯᕙᒡᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᒨᓯᓯ ᐱᖓᔪᖏᑦ 25:14

ᓄᓇᒥᒃ ᓂᐅᕈᑎᖃᕈᑦᓯ ᓄᓇᖃᑎᑦᓯᓐᓄᑦ ᐅᕝᕙᓘᓐᓃᑦ ᓂᐅᕕᕈᑦᓯ ᓄᓇᖃᑎᑦᓯᓐᓂᑦ, ᓯᓔᕆᒃᓯᕐᓂᐊᕋᓯ.

ᒨᓯᓯ ᐱᖓᔪᖏᑦ 25:17

ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᐱᖓᔪᖏᑦ 6:3

ᐅᕝᕙᓘᓐᓃᑦ ᐊᓯᐅᔨᔭᐅᓯᒪᔪᓂᒃ ᓇᓂᓯᓗᓂ ᓴᒡᓗᑦᔪᑎᒋᒃᐸᒋᑦ, ᐊᖏᕈᑎᖃᕐᐸᓪᓗ ᓱᓕᑦᓯᐊᕈᑎᒥᒃ ᓱᓕᖏᓪᓗᓂ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᔪᕐᑐᓕᒃᐸᑦ ᓇᓪᓕᐊᓐᓂᒃ ᐃᓄᐃᑦ ᐊᔪᕐᑐᓕᓂᕆᕙᒃᑕᖏᓐᓂᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 20:8

“ᐅᓐᓄᖕᒪᑦ ᐱᕈᕐᓰᕕᖁᑎᓕᒃ ᐱᓇᓱᐊᕐᑎᓄᑦ ᐊᖓᔪᖅᑲᐅᑎᑕᒥᓄᑦ ᐅᖃᕐᐳᖅ, ‘ᐱᓇᓱᐊᕐᑏᑦ ᕾᖁᓗᒋᑦ ᐊᑭᓕᓕᒃᑭᑦ ᐊᑭᓕᐅᑕᐅᓲᒥᒃ, ᑭᖑᓪᓕᕐᐸᐅᓪᓗᑎᒃ ᐱᓇᓱᐊᓯᒋᐊᖅᑲᐅᔪᓂᑦ ᐱᒋᐊᖅᑳᕐᓗᑎᑦ ᓯᕗᓪᓕᕐᐸᐅᖅᑲᐅᔪᓄᑦ ᑎᑭᓪᓗᒋᑦ.’

ᒫᑯᓯᐅᑉ ᐊᒡᓚᖏᑦ 10:19

ᐱᖁᔭᓂᒃ ᖃᐅᔨᒪᕗᑎᑦ: ‘ᐃᓄᐊᕐᑐᒃᓴᐅᓐᖏᓚᑎᑦ, ᓄᓕᐊᕆᔭᕐᓂᒃ ᐅᐃᒋᔭᕐᓂᒃᓘᓐᓃᑦ ᐊᓯᓐᓂᐊᕐᑐᒃᓴᐅᓐᖏᓚᑎᑦ, ᑎᒡᓕᒃᑐᒃᓴᐅᓐᖏᓚᑎᑦ, ᐸᓯᔭᒃᓴᕈᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ ᓱᓕᖏᑦᑐᒧᑦ, ᐅᐃᕖᕐᕆᒃᓯᔪᒃᓴᐅᓐᖏᓚᑎᑦ, ᐊᑖᑕᖕᓂᒃ ᐊᓈᓇᖕᓂᒃᓗ ᐅᐱᒍᓱᑦᓯᐊᕐᑐᒃᓴᐅᕗᑎᑦ.’”

ᓘᑲᓯᐅᑉ ᐊᒡᓚᖏᑦ 3:13

ᔪᐊᓇᓯᐅᑉ ᐅᖃᐅᑎᕔᑦ, “ᑮᓇᐅᔧᕐᑎᑦᓯᖁᔭᐅᓂᑦᓯ ᐅᖓᑖᓄᑦ ᐱᖃᑦᑕᕆᐊᖃᓐᖏᓚᓯ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 5:18

ᒎᑎᐅᑉ ᐅᖃᐅᓯᖏᑦ ᐅᖃᕐᒪᑕ, “ᐃᒻᒧᒃᓯᐅᒐᕐᒥᒃ ᐃᑦᔭᕈᓯᕐᓯᓂᐊᕐᓇᒃ ᓂᐊᖂᔭᒃᓴᓂᒃ ᑐᓪᓕᕋᕐᑎᑕᐅᔪᒥᒃ,” ᐊᒻᒪᓗ, “ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ.”

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.