ᒨᓯᓯ ᐱᖓᔪᖏᑦ 19:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ.

ᒨᓯᓯ ᐱᖓᔪᖏᑦ 19:11 Iomraidhean Croise

ᓴᒧᐃᓕ ᐂᑉᐸᖏᑦ 17:20

ᐋᑉᓴᓚᐅᑉ ᐊᖓᔪᖅᑳᖁᑎᖏᑦ ᑎᑭᓐᓇᒥᒃ ᐃᒡᓗᒧᑦ ᐊᕐᓇᒧᑦ ᐊᐱᕆᕗᑦ, “ᓇᐅᒡᓕ ᐊᕼᐂᒫᔅᑯᒃ ᔫᓇᑕᓂᒃᑯᒃ?” ᐊᕐᓇᐅᑉ ᑭᐅᕔᑦ, “ᑰᖕᒥᒃ ᐃᑳᓚᐅᕐᐴᒃ.” ᐊᖑᑏᑦ ᕿᓂᓚᐅᕐᐳᑦ ᓇᓂᓯᓇᑎᒡᓗ, ᑕᕝᕙ ᐅᑎᓚᐅᕐᐳᑦ ᔨᕉᓴᓕᒧᑦ.

ᐊᑕᓃᑦ ᓯᕗᓪᓖᑦ 13:18

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓ ᐱᑦᑎᓕᒥᐅᑕᖅ ᐅᖃᓕᕐᐳᖅ ᑖᑦᓱᒧᖓ, “ᐅᕙᖓᑦᑕᐅᖅ ᒎᑎᒧᑦ ᐅᖃᕐᑎᒋᔭᐅᕗᖓ ᐃᕝᕕᑎᑐᑦ, ᐊᑕᓂᖅ ᑎᓕᓯᓯᒪᕗᖅ ᐂᖏᓕᒥᒃ ᐅᖃᐅᑎᔭᐅᖁᓪᓗᑎᑦ ᐊᖏᕐᕋᐅᖃᑎᒋᔭᕆᐊᖃᕋᒃᑭᑦ ᓂᕆᓗᑎᑦ ᐃᒥᕈᓐᓇᖁᓪᓗᑎᑦ.” ᑭᓯᐊᓂ ᑖᓐᓇ ᓴᒡᓗᓪᓗᓂ ᑍᒫᒃ ᐅᖃᕐᐳᖅ.

ᐃᓐᖏᕈᑎᑦ 101:7

ᓴᒡᓗᕿᑦᓯᓯᒪᓗᓂ ᐃᓅᔪᒥᒃ ᐃᒡᓗᓐᓃᖁᔨᓐᖏᓚᖓ; ᓴᒡᓗᖃᑦᑕᕐᑐᓂᒃ ᓇᔪᒐᓐᓃᖁᔨᓂᐊᓐᖏᓚᖓ.

ᐃᓐᖏᕈᑎᑦ 116:11

ᐅᐸᓗᐃᓪᓗᖓ ᐅᖃᓚᐅᕐᐳᖓ, “ᐃᓄᓕᒫᑦ ᓴᒡᓗᑐᔪᐊᓗᐃᑦ.”

ᒨᓯᓯ ᐂᑉᐸᖏᑦ 20:15

“ᑎᒡᓕᒃᑐᒃᓴᐅᓐᖏᓚᑎᑦ.

ᒨᓯᓯ ᐂᑉᐸᖏᑦ 20:16

“ᐃᓅᖃᑎᖕᓂᒃ ᓱᓕᖏᑦᑐᒧᑦ ᐅᖃᐅᓯᖃᕐᑐᒃᓴᐅᓐᖏᓚᑎᑦ.

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 22:1

“ᐃᓄᒃ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᓰᐱᒥᒡᓘᓐᓃᑦ ᑎᒡᓕᒃᐸᑦ, ᑎᒡᓕᒑᓂᓗ ᑐᖁᑉᐸᒍ ᐅᕝᕙᓗ ᓂᐅᕐᕈᑎᒋᒃᐸᒍ, ᑕᕝᕙ ᐊᑭᓖᔭᕆᐊᖃᕋᔭᕐᐳᖅ ᐊᖑᓴᓪᓗᕐᓂᒃ ᑕᓪᓕᒪᓂᒃ ᐊᖑᓴᓪᓗᕐᒧᑦ ᐊᑕᐅᓯᕐᒧᑦ, ᓰᐱᓂᒡᓗ ᓯᑕᒪᓂᒃ ᓰᐱᒧᑦ ᐊᑕᐅᓯᕐᒧᑦ. ᑎᒡᓕᒑᕕᓂᕐᒥᓂᒃ ᐊᑭᓖᔭᕆᐊᖃᕐᐳᖅ; ᐊᑭᓕᐅᑎᒃᓴᖃᖏᑉᐸᓪᓕ, ᑕᕝᕙ ᓂᐅᕐᕈᑎᒋᔭᐅᒐᔭᕐᐳᖅ ᓯᐊᓛᕐᑕᕆᔭᐅᓗᓂ ᑎᒡᓕᖕᓂᕕᓂᕐᒥᓄᑦ.

ᒨᓯᓯ ᐂᑉᐸᖏᑦ 22:7

“ᐃᓄᒡᓕ ᑮᓇᐅᔭᒥᓂᒃ ᐱᖁᑎᒥᓂᒡᓘᓐᓃᑦ ᐃᓅᖃᑎᒥᓄᑦ ᐱᓯᒪᔭᐅᖁᔨᒃᐸᑦ ᑲᒪᒋᔭᐅᖁᓗᓂᒋᓪᓘᓐᓃᑦ, ᑖᒃᑯᐊᓗ ᑲᒪᒋᔭᐅᖁᔭᖏᖅ ᑎᒡᓕᒐᐅᓐᓂᕐᐸᑕ ᐱᓯᒪᒃᓯᕐᑑᑉ ᐃᒡᓗᖓᓂᑦ, ᑎᒡᓕᒃᑐᕕᓂᕐᓗ ᖃᐅᔨᔭᐅᒃᐸᑦ, ᑖᓐᓇ ᑎᒡᓕᒃᑐᕕᓂᖅ ᐊᑭᓖᔭᕆᐊᖃᓕᕋᔭᕐᐳᖅ ᒪᕐᕈᕕᓪᓗᐊᕐᑐᓂᒃ.

ᒨᓯᓯ ᐂᑉᐸᖏᑦ 23:1

“ᓱᓕᖏᑦᑐᒥᒃ ᐅᖃᐅᓯᖃᕐᓗᓯ ᐃᓅᖃᑎᑦᓯᓐᓄᑦ ᓯᐊᒻᒪᕐᑎᑦᓯᔪᒃᓴᐅᓐᖏᓚᓯ, ᐸᓯᔭᒃᓴᐅᔪᒥᒡᓗ ᐃᑲᔪᕐᑐᕐᑐᒃᓴᐅᓐᖏᓚᓯ, ᓱᓕᖏᑦᑐᒥᒃ ᖃᐅᔨᓯᒪᓂᕋᕐᓂᑦᓯᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:28

ᐃᖅᑲᕐᑐᐃᕕᖕᒥ ᖃᐅᔨᓚᐅᕐᑐᑐᑦ ᐃᓚᐅᓂᐊᕐᓇᒃ ᐃᓅᖃᑎᖕᓄᑦ ᐱᑦᔪᑎᖃᖏᑦᑐᒧᑦ, ᐅᐃᕕᕆᒃᓯᒐᔭᕋᕕᑦ ᓱᓕᖏᑦᑐᒥᒃ ᐅᖃᕈᕕᑦ.

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᒨᓯᓯ ᐱᖓᔪᖏᑦ 19:10

ᐱᕈᕐᓰᕖᑦ ᐸᐅᕐᖓᓕᒃ ᑲᑎᕐᓱᐃᕕᒋᒍᕕᐅᒃ, ᕿᒪᒃᑕᑎᑦ ᐸᐅᕐᖎᑦ ᐅᑎᕐᕕᒋᔭᕆᐊᖃᓐᖏᓚᑎᑦ. ᐊᒥᐊᒃᑯᒋᓕᒃᑭᑦ ᐊᔪᕐᓴᕐᑐᓄᑦ, ᑕᒫᓂᓗ ᓄᓇᖃᖏᑦᑐᓄᑦ. ᐅᕙᖓ ᐊᑕᓂᐅᒐᒪ ᒎᑎᓯ.

ᕉᒪᒥᐅᓄᑦ 3:4

ᑍᒤᒐᔭᓐᖏᓚᖅ! ᒎᑎ ᓱᓕᔫᕗᖅ ᐃᓄᐃᑦ ᓴᒡᓗᑐᔫᑎᓪᓗᒋᑦ, ᐃᒫᒃ ᑎᑎᕋᕐᓯᒪᖕᒪᑦ, “ᓱᓕᓃᑦ ᓇᓗᓁᕐᑕᐅᓕ ᐅᖃᐅᓯᒃᑯᑦ, ᐃᖅᑲᕐᑐᕐᑕᐅᓕᕈᕕᑦ ᓵᓚᖃᖁᓪᓗᑎᑦ.”

ᐃᐱᓯᒥᐅᓄᑦ 4:25

ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᒨᓯᓯ ᑕᓪᓕᒪᖏᑦ 5:19

“‘ᑎᒡᓕᒃᑐᒃᓴᐅᓐᖏᓚᑎᑦ.

ᑯᓘᓯᐊᒥᐅᓄᑦ 3:9

ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᕐᓯᒪᓕᕋᑦᓯᐅᒃ,

ᑎᒧᑎᒧᑦ ᓯᕗᓪᓖᑦ 1:10

ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”